ꓠꓵ ꓠꓲꓹ (ꓠ ꓠꓬꓲˍ ꓟ ꓔꓯ ꓒꓳꓹ ꓟꓸ ꓖꓶˍ ꓟ (Q & A))

ꓠꓬꓲꓹ ꓠꓬꓲ ꓟꓲ ꓠꓯ ꓗꓪ ꓠꓵ ꓠꓲꓹ ꓮ ꓟꓬ ꓫꓵꓽ ꓙꓳ ꓟ ꓔꓯ ꓞꓳ ꓫꓵꓽ ꓕꓲꓽ ꓫꓵꓽ ꓡꓰ ꓕꓲꓽ ꓫꓵꓽ ꓾ ꓩꓵ ꓠꓲꓹ ꓕꓲꓽ ꓟ ꓐꓰ ꓕꓲꓽ ꓟ꓾ ꓐꓯ ꓔ ꓟ ꓕꓲꓽ ꓟ ꓐꓰ ꓕꓲꓽ ꓟ ꓟꓽ ꓪꓽ ꓡꓯꓽ ꓘꓳ ꓟꓽ ꓫꓱ ꓡꓯꓽ ꓘꓳ ꓐꓶ= ꓢꓲ ꓫꓬ ꓕꓳ ꓶꓽ ꓗꓪ ꓟ ꓠꓵ ꓠꓲ ꓕꓯ ꓛꓳꓽ ꓠꓬꓲ ꓠꓬ 4 ꓫꓵꓽ ꓙꓳˍ ꓐꓶ= 

  1ꓸ ꓢꓔꓳꓣꓖꓰ 

      ꓫꓱꓸ ꓤꓼˍ ꓟ ꓠꓲꓹ ꓟ ꓗꓪ ꓐꓰ ꓓꓳ ꓡꓹ ꓟ꓾ ꓪꓽ ꓡꓯꓽ ꓘꓳ ꓢꓷꓸ ꓡꓯꓽ ꓘꓳˍ ꓟ ꓗꓪ ꓐꓰ ꓓꓳ ꓡꓹ ꓟ ꓠꓵ ꓠꓲꓹ ꓥˍ ꓡꓳ= ꓐꓹ ꓐꓽ ꓟꓹ ꓟ ꓠꓬ ꓤꓼ ꓠꓱ ꓐꓴ ꓔꓯ ꓠꓵꓹ ꓟ ꓕꓲꓽ ꓦꓲ ꓡꓽ ꓞꓳ ꓠꓯꓢ ꓗꓪ ꓠꓵ ꓡꓯꓽ ꓘꓳꓹ ꓟ ꓕꓱ ꓡꓰꓳ ꓫꓵꓽ ꓔꓯ ꓐꓯ ꓠꓲꓹ ꓫꓵꓹ ꓟ ꓥ ꓐꓶ= 

2ꓸ ꓑꓧꓲꓡꓲꓮ

    ꓕꓲꓽ ꓦꓲ ꓡꓽ ꓞꓳ ꓘꓴ ꓗꓪ ꓠꓵ ꓡꓯꓽ ꓘꓳꓹ ꓟ ꓐꓯ ꓟꓵ ꓫꓱꓹ ꓟ ꓠꓬ ꓬꓲ ꓢꓷꓼ ꓡꓲ ꓡꓽ ꓞꓳ ꓠꓯꓸꓼ ꓗꓪ ꓪꓽ ꓡꓯꓽ ꓘꓳ ꓫꓱꓹ ꓡꓯꓽ ꓘꓳˍ ꓟ ꓕꓽ ꓡꓯ ꓘꓳꓹ ꓟ ꓕꓱ ꓡꓰꓳ ꓫꓵꓽ ꓠꓬ ꓕꓲ ꓦꓲ ꓡꓽ ꓞꓳ ꓐꓰ ꓠꓱꓸ ꓐꓯꓼˍ ꓐꓰ ꓟꓽ ꓪꓽ ꓡꓯꓽ ꓘꓳ ꓟꓽ ꓫꓱꓹ ꓡꓯꓽ ꓘꓳ ꓕꓲꓽ ꓦꓲ ꓘꓴ ꓗꓪ ꓠꓬꓲ ꓫꓵꓸ ꓠꓬꓲ ꓗꓴꓸ ꓚꓸ ꓗꓪ ꓠꓵ ꓡꓯꓽ ꓘꓳ ꓪꓽ ꓡꓯꓽ ꓘꓳꓹ ꓟ ꓠꓬ ꓠꓱꓸ ꓐꓯꓼ ꓢꓴ ꓔꓯ ꓠꓵꓹ ꓟ ꓡꓰ ꓐꓰ ꓟꓽ ꓪꓽ ꓡꓯꓽ ꓘꓳ ꓟꓽ ꓫꓱꓹ ꓡꓯꓽ ꓘꓳ= ꓮ ꓬꓲꓼ ꓠꓬꓲ ꓤꓽ ꓠꓵ ꓡꓯꓽ ꓘꓳꓹ ꓟ ꓠꓬ ꓠꓱꓸ ꓐꓯꓼ ꓗꓪ ꓛꓳ ꓐꓰ ꓠꓵ ꓡꓯꓽ ꓘꓳꓹ ꓟ ꓟꓽ ꓪꓽ ꓡꓯꓽ ꓘꓳ ꓖꓳ ꓡꓰ ꓥˍ ꓟꓲ ꓤꓽ ꓑꓸ ꓤꓼ ꓐꓰ ꓤꓽ ꓑꓸ ꓤꓼ ꓠꓬꓲ ꓫꓵꓹ ꓡꓰ ꓐꓰ ꓠꓵ ꓡꓯꓽ ꓘꓳꓹ ꓟ ꓕꓯ ꓥˍ ꓟꓲ ꓕꓱ ꓟ ꓠꓵ ꓠꓲꓹ ꓐꓰ ꓪꓽ ꓡꓯꓽ ꓘꓳ ꓫꓱꓹ ꓶꓯꓽ ꓘꓳˍ ꓡꓳ ꓐꓰ ꓕꓱ ꓡꓰ ꓐꓯˍ ꓡꓳ= ꓢꓲ ꓫꓬ ꓕꓳ ꓶꓽ ꓗꓪ ꓓ-ꓪꓴ ꓐꓰ ꓬꓳ-ꓠ-ꓓ ꓠꓵ ꓡꓯꓽ ꓘꓳꓹ ꓟ ꓥˍ ꓟꓲ ꓕꓱ ꓟ ꓡꓰ ꓐꓰ ꓕꓲꓽ ꓡꓲꓹ ꓥˍ ꓡꓳ ꓐꓰ ꓐꓯˍ ꓐꓶ= 

3ꓸ ꓰꓣꓳꓢ 

    ꓧꓪꓽ ꓗꓳ ꓓꓱꓽ ꓑꓶ ꓓꓴ ꓠꓲ ꓠꓵ ꓡꓯꓽ ꓘꓳꓹ ꓟ꓾ ꓤꓽ ꓑꓸ ꓤꓼ ꓐꓰ ꓤꓽ ꓑꓸ ꓤꓼ ꓠꓵ ꓡꓯꓽ ꓘꓳꓹ ꓟ ꓕꓱ ꓡꓰꓳ ꓫꓵꓽ ꓔꓯ ꓐꓯ ꓠꓲꓹ ꓫꓵꓹ ꓓꓴ ꓟ ꓥ ꓐꓶ= ꓤꓽ ꓟꓶꓼ ꓤꓽ ꓕꓲ ꓤꓳ ꓪ ꓠꓲꓹ ꓫꓵꓹ ꓟ ꓕꓱ ꓡꓰꓳ ꓫꓵꓽ ꓕꓯ ꓰꓣꓳꓢ ꓐꓰ ꓕꓱ ꓡꓰ ꓐꓯˍ ꓐꓶ=

4ꓸ ꓮꓖꓮꓑꓰ

   ꓪꓴ-ꓢ ꓠꓵ ꓠꓲꓹ ꓐꓯꓹ ꓟ ꓥ ꓐꓶ= ꓪꓴ-ꓢ ꓠꓵ ꓠꓲꓹ ꓠꓯꓸꓼ ꓗꓪ ꓠꓬ ꓒꓳꓹ ꓡꓰꓹ ꓟ ꓟ ꓙꓳ꓾ ꓡꓶꓸ ꓡꓰꓹ ꓟ ꓟꓽ ꓙꓳ ꓮ ꓕꓯꓽ ꓥˍ ꓟꓲ ꓪꓴ-ꓢ ꓠꓬ ꓕꓲꓽ ꓡꓲꓹꓽ ꓠꓵ ꓔꓬ ꓡꓳ= ꓟꓶꓽ ꓘꓳ ꓒꓳꓹ ꓡꓰ ꓥˍ ꓟꓲ ꓪꓴ-ꓢ ꓠꓵ ꓠꓲꓹ ꓠꓬ ꓟꓽ ꓒꓳꓹ ꓡꓰ ꓬꓲ ꓔꓯ ꓠꓲꓹ ꓜꓳ ꓥˍ ꓟꓲ ꓬꓲ ꓠꓵ ꓠꓲꓹ ꓠꓬ ꓟꓽ ꓒꓳꓹ ꓡꓰ+ ꓫꓵꓽ ꓪꓴ ꓑꓶꓸ ꓓꓴ ꓠꓲ ꓢꓲ ꓛꓲꓽ ꓑꓶꓸ ꓓꓴ ꓠꓲ ꓥꓹ ꓠꓬ ꓕꓲꓽ ꓫꓵꓽ ꓡꓰ ꓕꓲꓽ ꓫꓵꓽ ꓑꓶꓸ ꓓꓴ ꓠꓲ ꓪꓴ-ꓢ ꓠꓵ ꓠꓲꓹ ꓠꓬ ꓟꓹ ꓒꓳꓹ ꓡꓰ= ꓮ ꓕꓯꓽ ꓥˍ ꓟꓲ ꓕꓲꓽ ꓡꓰꓹꓼ ꓕꓲꓽ ꓫꓵꓽ ꓠꓲꓹ ꓠꓵ ꓔꓬ ꓟ ꓔꓯ ꓪꓴ-ꓢ ꓠꓵ ꓠꓲꓹ ꓐꓰ ꓐꓯˍ ꓡꓳ=                           

 

        

Add new comment

4 + 9 =