ꓢꓲꓽ ꓫꓬ ꓟ ꓟꓸ ꓟ ꓟ-ꓡꓲ-ꓬ ꓦꓵꓻ ꓑꓮꓲ=

ꓢꓲꓽ ꓫꓬ ꓟ ꓟꓸ ꓟ ꓟ-ꓡꓲ-ꓬ ꓦꓵꓻ ꓑꓮꓲ =

ꓢꓲꓽ ꓫꓬ ꓟ ꓟꓸ ꓟ ꓟ-ꓡꓲ-ꓬ ꓠꓬ ꓢꓲꓺ ꓒ ꓬꓰ-ꓢꓴ ꓙꓲ-ꓢꓴ ꓔꓯ ꓟꓽ ꓦꓵꓻ ꓢꓰꓽ ꓕꓯ BC 16 ꓘꓳꓼ ꓗꓪ ꓖ-ꓡꓲ-ꓡꓲ ꓟꓵꓽ ꓠ-ꓢ-ꓡꓱ ꓗꓪ ꓢꓲꓽ ꓫꓬ ꓟ ꓟꓸ ꓟ ꓟ-ꓡꓲ-ꓬ ꓬꓲ ꓐꓹ ꓐꓽ Joakim ꓐꓰ Anna ꓗꓪ ꓐꓰ ꓦꓵꓻ ꓡ ꓗꓷꓳ= ꓢꓲꓽ ꓫꓬ ꓟ ꓟꓸ ꓟ ꓟ-ꓡꓲ-ꓬ ꓬꓲ ꓐꓹ ꓐꓽ ꓐꓰ ꓟꓸ ꓟ ꓠꓬ ꓮ ꓟꓬꓹ ꓙꓲꓻ ꓫꓬꓻ ꓢꓴ ꓐꓴ ꓥ ꓡꓳ= ꓪꓴ-ꓢ ꓦꓻ ꓡꓱ ꓚꓱꓹ ꓗꓪ ꓥ ꓟꓲˍ ꓮ ꓟꓬꓹ ꓢꓯꓼ ꓕꓵꓼ ꓢꓴ ꓐꓴ ꓥ ꓡꓳ= ꓢꓲꓽ ꓫꓬ ꓟ ꓟꓸ ꓟ ꓟ-ꓡꓲ-ꓬ ꓬꓲ ꓐꓹ ꓐꓽ ꓐꓰ ꓟꓸ ꓟ ꓠꓬ ꓞꓲꓼ ꓪꓴꓽˍ ꓟ ꓙꓵꓹ  ꓗꓪ ꓛꓲ ꓤ ꓠꓱ ꓟꓽ ꓙꓳ= ꓖꓳ ꓡꓱ ꓥ ꓟ ꓪꓴꓸ ꓠꓬꓲ ꓬꓲ ꓪ ꓠꓬꓲꓽ ꓣꓳ ꓠꓬ ꓪꓴ-ꓢ ꓔꓯ ꓮ ꓟꓬꓹ ꓪꓽ ꓘꓴˍ ꓟ ꓪꓴ ꓠꓬꓲ꓾ ꓤ ꓟꓶꓼ ꓕꓲ ꓪ ꓪꓴ-ꓢ ꓡꓰ ꓖꓶꓽ ꓗꓷꓳ= ꓬꓲ ꓟꓬꓱꓺ ꓠꓬꓲ ꓟ-ꓡꓲ ꓥ ꓡꓳ= ꓢꓲꓽ ꓫꓬ ꓟ ꓟꓸ ꓟ ꓟ-ꓡꓲ-ꓬ ꓠꓬ ꓟꓲ ꓠꓯ ꓡ ꓞꓳ ꓔꓯ ꓚꓬꓴꓸ ꓢꓴ ꓢꓲꓺ ꓒ  ꓬꓰ-ꓢꓴ ꓙꓲ-ꓢꓴ ꓬꓲ ꓟꓸ ꓟ ꓥ ꓡꓳ=

ꓢꓲꓽ ꓫꓬ ꓟ ꓟꓸ ꓟ ꓟ-ꓡꓲ-ꓬ ꓦꓵꓻ ꓦꓬꓼ ꓠꓬꓲ ꓥ ꓟ 9ꓦ 8 ꓠꓬꓲ ꓗꓪ ꓟꓹ ꓟ ꓟ-ꓡꓲ ꓦꓵꓻ ꓑꓮꓲꓽ ꓬꓰˍ ꓟ ꓥ ꓢꓲ꓾ꓢꓲꓽ ꓫꓬ ꓟ ꓟꓸ ꓟ ꓟ-ꓡꓲ-ꓬ ꓔꓯ ꓟꓬꓱꓺ ꓓꓳꓽ ꓖꓶˍ ꓟ ꓑꓮꓲꓽ ꓔꓯ ꓠꓬ 12ꓦ ꓟ 8 ꓗꓪ ꓬꓰˍ ꓟ ꓥ ꓡꓳ= ꓪꓴ-ꓢ ꓟꓬꓱꓽ ꓟꓯꓻ ꓔꓬ ꓢꓴ ꓮ ꓟꓬꓹ ꓥˍ ꓟꓲ ꓢꓲꓽ ꓫꓬ ꓟ ꓟꓸ ꓟ ꓟ-ꓡꓲ-ꓬ ꓦꓵꓻ ꓠꓬꓲ ꓑꓮꓲ ꓔꓯ ꓬꓰ ꓔꓬ ꓟ ꓥ ꓡꓳ= ꓢꓲꓽ ꓫꓬ ꓟ ꓟꓸ ꓟ ꓟ-ꓡꓲ-ꓬ ꓦꓵꓻ ꓡ ꓟ ꓠꓬ ꓟꓲ ꓠꓯ ꓡ ꓞꓳ ꓐꓴ ꓐꓱ ꓶ ꓝꓴꓲꓸ ꓗꓪ ꓐꓰ ꓚꓬꓴꓸ ꓙ ꓠꓹ ꓟ ꓚꓺ ꓟꓲ ꓬꓲꓸ ꓪꓴꓸ ꓥ ꓡꓳ= ꓢꓲꓽ ꓫꓬ ꓟ ꓟꓸ ꓟ ꓟ-ꓡꓲ-ꓬ ꓦꓵꓻ ꓠꓬꓲ ꓑꓮꓲ ꓔꓯ AD  687 ꓕꓯ ꓙꓱ-ꓣꓴ-ꓢ-ꓡꓱ ꓗꓪ ꓘꓴ ꓜꓲꓼ ꓞꓳ ꓗꓪ ꓧꓳꓽ ꓪꓴꓸ ꓟꓴ ꓢꓴ ꓔꓲꓺ ꓒ ꓪ ꓔꓲ Sergius ꓡꓰ ꓐꓯ ꓑꓶ ꓗꓷ ꓢꓲ ꓠꓬꓲ꓾ ꓢꓲꓽ ꓫꓬ ꓟ ꓟꓸ ꓟ ꓟ-ꓡꓲ-ꓬ ꓦꓵꓻ ꓦꓬꓼ ꓠꓬꓲ ꓬꓰ ꓔꓬ ꓟ ꓥ ꓡꓳ=