ꓢꓲ ꓫꓬ ꓕꓳꓽ ꓶ ꓠꓬ ꓘꓴ ꓜꓲ ꓞꓳ ꓐꓱ ꓶ ꓬꓳꓸ ꓚꓵꓹ ꓖꓴ ꓡꓰ ꓟ ꓥ ꓡ? (Q & A)

ꓘꓴ ꓜꓲ ꓞꓳ ꓕꓲꓽ ꓟ ꓐꓱ ꓶ ꓢꓲ ꓫꓬ ꓕꓳꓽ ꓶ ꓠꓬ ꓬꓳꓸ ꓚꓵˍ ꓡꓳ= ꓖꓳ ꓡꓰ ꓥˍ ꓟꓲ ꓠꓱꓸ ꓐꓯꓼ ꓥˍ ꓟꓲ ꓙꓳ ꓢꓰꓽ ꓡꓳ=

1ꓸ ꓢꓲ ꓫꓬ ꓕꓳꓽ ꓶ  ꓠꓬ ꓘꓴ ꓜꓲ ꓞꓳ ꓬꓳꓸ ꓚꓵˍ ꓡꓳ= ꓖꓳ ꓡꓰ ꓥˍ ꓟꓲ ꓢꓲ ꓫꓬ ꓕꓳꓽ ꓶ ꓕꓲꓽ ꓟ ꓡꓰ ꓠꓽ ꓟ ꓥ= ꓢꓲꓺ ꓒꓽ ꓬꓰ-ꓢꓴ ꓡꓰ ꓢꓲ ꓫꓬ ꓔꓯ ꓡꓰ ꓢꓲ ꓣꓱ ꓠ ꓡꓳꓹ ꓥ ꓐꓯ ꓔ ꓟꓽ ꓙꓳ= ꓐꓳ ꓠꓹ ꓟ ꓥˍ ꓟꓲ ꓐꓯ ꓔ ꓟ ꓟꓽ ꓙꓳ= ꓢꓲ ꓫꓬ ꓕꓳꓽ ꓶ ꓠꓬ ꓚꓽ ꓥ꓾ ꓕꓱꓹ ꓚꓵˍ ꓥ ꓐꓯꓹ ꓟ ꓔꓯ ꓢꓷꓸ ꓡꓰ ꓓꓴ ꓓꓽ ꓟ ꓕꓲꓽ ꓟ ꓥ ꓪ= ꓘꓶꓽ ꓫꓵꓼ ꓫꓵꓼ ꓟ ꓙꓳ ꓢꓰꓽ ꓕꓯ ꓡꓰ ꓘꓴ ꓜꓲ ꓞꓳ ꓙꓳˍ ꓡꓳ=

2ꓸ ꓟꓮꓖꓲꓢꓔꓰꓣꓲꓴꓟ ꓐꓯꓹ ꓟ ꓟꓸ ꓠꓹ ꓟ ꓙꓵꓽ ꓪ ꓙꓳˍ ꓡꓳ= ꓝꓲ ꓓꓴ ꓒꓲ-ꓕꓱ ꓔꓯ ꓙꓵꓽ ꓪꓽ ꓖꓶꓽ ꓔ ꓡꓳ= ꓮꓓ- 390 ꓘꓳꓼ ꓖꓽ ꓡꓯꓼ ꓖꓼ ꓙꓵ ꓕꓯ ꓢꓲ ꓘꓴ ꓜꓲ ꓞꓳ ꓙꓵꓽ ꓢꓴ ꓐꓴ ꓙꓵꓼ ꓪꓽ ꓡꓰ ꓢꓲ ꓫꓬ ꓕꓳꓽ ꓶ 27 ꓑꓶ ꓔꓯꓹ ꓡꓰ ꓣꓴ ꓠꓹ ꓟ ꓖꓪ ꓙꓱ ꓡꓳꓹ ꓬꓰ ꓟ ꓥ ꓪ= ꓖꓳ ꓟ ꓑꓶ ꓓꓴ ꓢꓲ ꓫꓬ ꓕꓳꓽ ꓶ ꓠꓬ ꓟꓽ ꓓ ꓬꓳꓸ ꓚꓵ ꓐꓯꓹ ꓠꓬ ꓟꓸ ꓙꓵꓽ ꓪꓽ ꓙꓳꓹ ꓟ ꓔꓯ ꓘꓳ ꓣꓴꓹ ꓟ ꓥˍ ꓡꓳ= 

3ꓸ ꓔꓣꓮꓓꓲꓔꓲꓳꓠ ꓐꓯꓹ ꓟ ꓕꓲꓽ ꓤꓶ ꓡꓰ ꓕꓲꓽ ꓤꓶ ꓣꓱꓽ ꓫꓶꓸ ꓡꓹ ꓟ ꓡꓲ ꓒꓲꓼ ꓥˍ ꓟꓲ ꓬꓳꓸ ꓚꓵꓹ ꓡꓳ=

4ꓸ ꓘꓴ ꓜꓲ ꓞꓳ ꓗꓪ ꓟ ꓪꓴꓸ ꓓꓵ ꓣꓱꓽ ꓢꓴ ꓐꓴ꓾ ꓦ ꓗꓪ ꓟ ꓢꓷꓸ ꓠꓲꓹ ꓙꓳ ꓒꓽ ꓐꓴ꓾ ꓪꓴ-ꓢ ꓚꓱꓹ ꓔꓯ ꓟꓳꓸ ꓢꓷꓸ ꓠꓲꓹ ꓙꓳ ꓒꓽ ꓐꓴ ꓟꓸ ꓖꓶꓽ ꓡꓹ ꓟ꓾ ꓬꓲ ꓟꓸ ꓟꓲ ꓒꓶ ꓟꓸ ꓖꓶ ꓡꓹ ꓟꓹ ꓟꓲ ꓬꓳꓸ ꓚꓵˍ ꓡꓳ=

5ꓸ ꓗꓴꓷ ꓙꓵꓽ ꓗ ꓔꓯ ꓥˍ ꓟꓲ ꓣꓳꓽ ꓛꓳ ꓠ ꓗꓹ ꓡꓳ= 

Add new comment

5 + 6 =