ꓣꓰꓡꓮꓠꓓ ꓮꓠꓓ ꓢꓚꓳꓔꓡꓮꓠꓓ ꓗꓴꓷꓼ ꓔꓯ ꓙꓲ‐ꓢꓴ ꓢꓲꓺ ꓤ ꓒꓬꓱꓼ ꓡ ꓠ, ꓟ ꓪꓴ‐ꓢ ꓟꓬꓱꓽ ꓟꓯ ꓢꓴ ꓢꓲꓽ ꓫꓬ ꓢꓴ (St.Patrick)

  ꓣꓰꓡꓮꓠꓓ ꓮꓠꓓ ꓢꓚꓳꓔꓡꓮꓠꓓ ꓗꓴꓷꓼ ꓔꓯ ꓙꓲ‐ꓢꓴ ꓢꓲꓺ ꓤ ꓒꓬꓱꓼ ꓡ ꓠ, ꓟ ꓪꓴ‐ꓢ ꓟꓬꓱꓽ ꓟꓯ ꓢꓴ ꓢꓲꓽ ꓫꓬ ꓢꓴ (St.Patrick)

ꓢꓲꓽ ꓫꓬ ꓢꓴ Patrick  ꓔꓯ ꓮꓓ (389) ꓘꓳꓼ ꓕꓯ ꓬꓲ ꓔꓯ ꓦꓵꓻ ꓗꓷꓳ꓿ ꓬꓲ ꓞꓲꓼ (19) ꓙꓳ ꓟ ꓘꓳꓼ ꓕꓯ Ireland ꓗꓴꓷꓼ ꓗꓪ ꓟꓽ ꓙꓲ ꓢꓴ ꓐꓴ ꓡꓰ ꓪꓴꓽ ꓤ ꓗꓷ ꓟ ꓔꓯ ꓔꓳ ꓜꓳ, ꓡꓰꓳ꓿ ꓬꓲ ꓠꓬ ꓞꓲ ꓣꓳ ꓟ ꓙꓵ, ꓕꓯ ꓙꓲ‐ꓢꓴ ꓢꓲꓺ ꓤ ꓕꓲ ꓣꓳ ꓡꓰ ꓢꓯ. ꓔꓬ ꓗꓷ ꓥ ꓟꓲ ꓬꓲ ꓞꓳ ꓡꓯ. ꓙꓵ, ꓕꓯ ꓙꓲ‐ꓢꓴ ꓢꓲꓺ ꓤ ꓔꓲ ꓣꓳ ꓥ ꓟꓲ ꓦꓻ ꓕꓲ ꓒꓳ, ꓗꓪ ꓮ ꓘꓶ. ꓛꓲ ꓢꓯꓼ ꓕꓵꓼ ꓗꓷ ꓟ ꓟꓽ ꓙꓳ ꓟ ꓥ ꓡꓳ꓿ ꓬꓲ ꓔꓯ ꓟꓽ ꓙꓲ ꓢꓴ ꓐꓴ ꓡꓰ ꓪꓴꓽ ꓜꓽ ꓗꓷ ꓗ. ꓠꓯ ꓬꓲ ꓠꓬ ꓙꓲ‐ꓢꓴ ꓢꓲꓺ ꓤ ꓐꓴ ꓐꓴ ꓦꓻ ꓡꓱ ꓔꓬ ꓟ ꓔꓯ ꓮ ꓘꓶ. ꓛꓲ ꓢꓷ. ꓡ ꓟ ꓡꓰ ꓟꓽ ꓞꓲ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓪꓽ ꓘꓴ ꓟ ꓟꓲ ꓙꓳ ꓟ ꓥ ꓡꓳ꓿ ꓬꓲ ꓟꓶ ꓕꓯ ꓬꓲ ꓔꓯ ꓪꓴꓽ ꓜꓽ ꓗꓷ ꓢꓴ ꓗꓪ ꓐꓰ ꓬꓲ ꓠꓬ ꓡꓲ ꓙꓰ ꓟ ꓥ ꓡꓳ꓿

ꓬꓲ ꓠꓬ ꓦꓲꓻ ꓘꓴꓽ ꓗꓪ ꓡ ꓛꓲ ꓟ ꓙꓵ, ꓕꓯ Ireland ꓗꓴꓷꓼ ꓠꓬ ꓓꓵ ꓙ ꓒꓳ, ꓡꓶꓽ ꓠ, ꓟ ꓣꓱ ꓬꓯꓼ ꓡꓳ ꓐꓰ ꓓꓵ ꓗꓷ ꓟ ꓥ ꓡꓳ꓿ Ireland ꓗꓴꓷꓼ ꓗꓪ ꓠꓬ ꓙꓲ‐ꓢꓴ ꓢꓲꓺ ꓤ ꓒꓬꓱꓼ ꓡ ꓢꓴ ꓐꓴ ꓮ ꓟꓬ, ꓟꓽ ꓔꓬ ꓟ ꓥ ꓡꓳ꓿ ꓙꓲ‐ꓢꓴ ꓢꓲꓺ ꓤ ꓒꓬꓱꓼ ꓡ ꓢꓴ ꓐꓴ ꓥ ꓟꓲ Britain ꓶꓻ ꓡꓯꓽ ꓬꓰ ꓢꓴ ꓐꓴ ꓗꓪ ꓕꓲ ꓪ ꓪꓴ‐ꓢ ꓟꓬꓱꓽ ꓟꓯ ꓢꓴ ꓐꓴ ꓡ ꓗ. ꓠꓯ ꓢꓲ ꓪꓴ‐ꓢ ꓦꓻ ꓡꓱ ꓡ ꓢꓴ ꓒꓬꓱꓼ ꓡ ꓟ ꓥ ꓡꓳ꓿

ꓲꓣꓰꓡꓮꓠꓓ ꓗꓴꓷꓼ ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓘꓴ ꓜꓲꓼ ꓞꓳ ꓟꓽ ꓙꓳ ꓟ ꓔꓯ ꓙꓲꓻ ꓫꓬ ꓢꓴ ꓑꓮꓔꓣꓲꓚꓗ ꓡꓳ. ꓟꓳ ꓡꓰ ꓟ ꓥ ꓡꓳ꓿ ꓣꓳ‐ꓟ ꓗꓴꓷꓼ ꓗꓪ ꓐꓰ ꓔꓲꓺ ꓒ ꓪ ꓔꓲ ꓠꓬ Deacon Palladius ꓔꓯ Ireland ꓟꓵꓽ ꓗꓪ ꓪꓴ‐ꓢ ꓟꓬꓱꓽ ꓬꓰ ꓠ, ꓟ ꓙꓵ, ꓗꓪ ꓖꓶ ꓗꓷ ꓥ ꓟꓲ ꓫ. ꓓꓴ ꓟꓶ ꓓꓴ ꓮ ꓟꓬ, ꓛꓲ ꓔꓳ ꓜꓳ, ꓟ ꓪꓴ. ꓠꓬꓲ ꓡ ꓙꓰ ꓪ꓿

ꓙꓲꓽ ꓫꓬ ꓢꓴ Patrick ꓠꓬ ꓐꓲ‐ꓔꓲ ꓗꓴꓷꓼ ꓗꓪ ꓙꓰ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓬꓰ ꓠ, ꓟ ꓔꓲꓺ ꓒ ꓢꓳꓻ ꓦꓲꓻ ꓗꓪ ꓓꓵ ꓡꓰꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ Gaul ꓟꓵꓽ ꓗꓪ Deacon ꓙꓵꓽ ꓪ ꓗꓪ ꓐꓰ (15) ꓘꓳꓼ ꓪꓴ‐ꓢ ꓟꓬꓱꓽ ꓟꓯ ꓗꓷꓳ꓿ꓗ. ꓠꓯ ꓔꓲꓺ ꓒ ꓕꓲ ꓪ ꓒꓬꓱꓼ ꓡ ꓪ꓿

AD (432) ꓘꓳꓼ ꓕꓯ ꓙꓲꓻ ꓫꓬ ꓢ ꓴ Patrick ꓠꓬ ꓔꓲꓺ ꓒ ꓓꓽ ꓕꓲ ꓪ ꓒꓬꓱꓼ ꓡ ꓪ꓿ ꓖꓳ ꓗ. ꓠꓯ ꓬꓲ ꓠꓬ ꓲꓣꓰꓢ ꓞꓳ ꓫꓵꓽ ꓔꓯ ꓪꓴ‐ꓢ ꓐꓯ ꓘꓶꓽ ꓚꓺ ꓟ. ꓖꓶ ꓓꓴ ꓕꓲ ꓪ ꓒꓬꓱꓼ ꓡꓳ꓿ ꓮ ꓫꓵꓽ ꓑꓶ. ꓓꓴ ꓬꓲ  ꓠꓬ ꓟꓬꓱꓽ ꓓꓳꓽ ꓙꓳ ꓟ ꓪꓴ‐ꓢ ꓟꓬꓱꓽ ꓟꓯ ꓢꓴ ꓒꓬꓱꓼ ꓡ ꓥ ꓐꓯ ꓠꓬ ꓬꓲ ꓠꓬ ꓲꓣꓰꓡꓮꓠꓓ ꓗꓪ ꓔꓬ ꓡꓲꓼ ꓒꓲꓼ ꓚꓱ, ꓐꓰ ꓗꓴꓷꓼ ꓙꓵꓽ ꓚꓱ, ꓮ ꓟꓬ, ꓫꓵꓽ ꓔꓯ ꓢꓷ. ꓟ ꓪꓴ. ꓠꓬꓲ ꓪꓴ‐ꓢ ꓟꓬꓱꓽ ꓟꓯ ꓟ ꓙꓵ, ꓕꓯ ꓟꓬꓱꓽ ꓓꓳꓽ ꓙꓳ ꓟ ꓥ ꓡꓳ꓿

ꓝꓮꓲ ꓬꓲ ꓡꓰ ꓡ ꓞꓳ ꓮ ꓟꓬ, ꓔꓯ ꓧꓳꓽ ꓪꓴ. ꓟꓴ ꓢꓴ ꓠꓲꓽ ꓒꓽ ꓓꓽ ꓔꓯ ꓪꓴ‐ꓢ ꓦꓻ ꓡꓱ ꓡ ꓢꓴ ꓙꓲ‐ꓢꓴ ꓢꓲꓺ ꓤ ꓒꓬꓱꓼ ꓡ ꓗꓪ ꓛꓲ ꓢꓯꓼ ꓕꓵꓼ ꓗꓷꓳ꓿ ꓗ. ꓠꓯ ꓕꓯ ꓬꓲ ꓡꓰ ꓲꓣꓰꓡꓮꓠꓓ ꓗꓴꓷꓼ ꓗꓪ ꓐꓰ ꓔꓲꓺ ꓒ ꓮ ꓟꓬ, ꓓꓳ ꓡ ꓠ, ꓟ ꓖꓮꓴꓡ ꓟꓵꓽ ꓗꓪ ꓙꓳ ꓟ ꓔꓲꓺ  ꓒ ꓢꓳꓻ ꓦꓲꓻ ꓗꓪ ꓮ ꓟꓬ,  ꓝꓲ ꓩꓴ ꓗꓷ ꓟ ꓥ ꓡꓳ꓿

ꓕꓱ ꓡꓰ ꓐꓰ ꓪꓴ‐ꓢ ꓟꓬꓱꓽ ꓢꓴ ꓤ ꓑ ꓤ ꓐꓰ ꓤ ꓟꓶ ꓤ ꓐꓴ ꓮ ꓟꓬ, ꓓꓳ ꓡ ꓟ ꓥ ꓡꓳ꓿ ꓲꓣꓰꓡꓮꓠꓓ  ꓗꓴꓷꓼ ꓠꓬ ꓟꓲ ꓠꓯ ꓗꓪ ꓪꓴ‐ꓢ ꓟꓬꓱꓽ ꓬꓰ ꓢꓴ ꓐꓴ ꓮ ꓟꓬ, ꓔꓬ ꓟ ꓗꓴꓷꓼ ꓟꓲ ꓥ ꓡꓳ꓿ ꓙꓲꓻ ꓫꓬ ꓢꓴ ꓑꓮꓔꓣꓲꓚꓗ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳ ꓬꓰ ꓗ. ꓠꓯ ꓔꓲꓺ ꓒ ꓔꓲꓺ ꓟ ꓐꓴ ꓡꓰ ꓮ ꓘꓶ. ꓢꓯꓼ ꓕꓵꓼ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓬꓰ ꓝ. ꓡꓰ ꓟ ꓥ ꓡꓳ꓿

ꓝꓮꓲ ꓲꓣꓰꓡꓮꓠꓓ ꓗꓴꓷꓼ ꓗꓪ ꓒꓴ ꓔ ꓟ ꓟꓲ ꓠꓯ ꓢꓷ. ꓠꓲ, ꓢꓳꓻ ꓦꓲꓻ ꓥ ꓟꓲ ꓮ ꓘꓶ. ꓛꓲ ꓟꓬꓱꓽ ꓓꓳ ꓙꓳ ꓟ ꓥ ꓡꓳ꓿ ꓕꓱ ꓡꓰ ꓐꓰ ꓟꓲ ꓠꓯ ꓢꓷ. ꓠꓲ, ꓢꓷ. ꓢꓴ ꓐꓴ ꓐꓰ ꓪꓴ‐ꓢ ꓟꓬꓱꓽ ꓟꓯ ꓢꓴ ꓮ ꓟꓬ, ꓓꓳ ꓡ ꓢꓲ ꓠꓬꓲ ꓟꓬ‐ꓟ ꓗꓴꓷꓼ ꓗ‐ꓛꓲ ꓗꓴꓷꓼ ꓫꓴꓻ ꓗꓪ ꓥ ꓟꓲ ꓲꓣꓰꓢ ꓞꓳ ꓫꓵꓽ ꓢꓴ ꓡꓰ ꓪꓴ‐ꓢ ꓐꓯ ꓘꓶꓽ ꓚꓺ ꓟ. ꓖꓶ ꓢꓲ ꓠꓬꓲ ꓙꓲ‐ꓢꓴ ꓢꓲꓺ ꓤ ꓒꓬꓱꓼ ꓡ ꓟ ꓥ ꓡꓳ꓿