ꓥꓳꓽ ꓫꓵꓽ (12) ꓫꓵꓽ ꓫ. ꓕꓱ ꓗꓷ ꓟ Cambodia ꓗꓴꓷꓼ ꓗꓪ ꓤ ꓠꓱ ꓤ ꓕꓲ ꓣꓳ ꓚꓱ, (The kid who speaks 12 languages in Cambodia)

#creditphoto #Salik #Cambodian boy #credit photo to owner #Salik who speaks 12 languages #inspire

Saturday, April 20, 2024

ꓥꓳꓽ ꓫꓵꓽ (12) ꓫꓵꓽ ꓫ. ꓕꓱ ꓗꓷ ꓟ Cambodia ꓗꓴꓷꓼ ꓗꓪ ꓤ ꓠꓱ ꓤ ꓕꓲ ꓣꓳ ꓚꓱ, (The kid who speaks 12 languages in Cambodia)

ꓥꓳꓽ ꓫꓵꓽ (12) ꓫ. ꓕꓱ ꓗꓷ ꓟ ꓚꓮꓟꓐꓳꓓꓲꓮ ꓗꓴꓷꓼ ꓗꓪ ꓤ ꓠꓱ ꓤ ꓕꓲ ꓣꓳ ꓔꓬ ꓟ ꓥ ꓡꓳ꓿ ꓬꓲ ꓠꓬ ꓟꓬꓱꓺ ꓠꓬ ꓔꓧꓴ ꓢꓮꓡꓲꓗ ꓥ ꓡꓳ꓿ ꓢꓮꓡꓲꓗ ꓠꓬ ꓢꓑꓮꓠꓲꓢꓧ ꓥꓳꓽ ꓫꓵꓽ ꓣꓴꓢꓢꓲꓮ꓾ ꓗꓳꓣꓰꓮꓠ꓾ ꓧꓶꓽ ꓥꓳꓽ ꓧꓪꓽ ꓒꓴ ꓥꓳꓽ ꓕꓱ ꓡꓰ ꓐꓰ ꓥꓳꓽ ꓫꓵꓽ (12) ꓫꓵꓽ ꓔꓯ ꓫ. ꓕꓱ ꓗꓴ ꓢꓴ ꓤ ꓠꓱ ꓤ ꓕꓲ ꓣꓳ ꓥ ꓡꓳ꓿

ꓬꓲ ꓠꓬ ꓮ ꓡꓰ ꓐꓰ ꓕꓱ ꓥꓳꓽ ꓫꓵꓽ ꓔꓯ ꓫ. ꓕꓱ ꓗꓴ ꓡ ꓥ ꓐꓯ ꓠꓬ ꓟ ꓔꓯ ꓮ ꓘꓶ. ꓛꓲ ꓓꓴ ꓙ ꓟꓶ ꓓꓴ ꓙꓳˍ ꓟ ꓥ ꓡꓳ꓿ ꓬꓲ ꓠꓬ ꓚꓮꓟꓐꓳꓓꓲꓮ ꓗꓴꓷꓼ ꓡꓳ ꓒꓱ ꓗꓪ ꓐꓰ ꓬꓲ ꓤ ꓗꓪ ꓙꓳˍ ꓟ ꓮ ꓘꓶ. ꓛꓲ ꓫ. ꓟ ꓞꓳ ꓘ, ꓗꓪ ꓔꓬ ꓟ ꓤ ꓠꓱ ꓤ ꓕꓲ ꓣꓳ ꓥ ꓡꓳ꓿ ꓬꓲ ꓟꓬꓱꓺ ꓠꓬ ꓢꓮꓡꓲꓗ ꓥ ꓢꓲ ꓠꓬꓲ ꓬꓲ ꓞꓲꓼ ꓠꓬ (17) ꓘꓳꓼ ꓙꓳˍ ꓟ ꓤ ꓠꓱ ꓤ ꓕꓲ ꓣꓳ ꓥ ꓡꓳ꓿ ꓝꓮꓲ ꓬꓲ ꓠꓬ ꓥꓳꓽ ꓫꓵꓽ ꓔꓯ (12) ꓫꓵꓽ ꓫ. ꓕꓱ ꓗꓴ ꓟ ꓮ ꓘꓶ. ꓓꓽ ꓟ ꓤ ꓠꓱ ꓤ ꓕꓲ ꓣꓳ ꓥ ꓡꓳ꓿

ꓢꓮꓡꓲꓗ ꓐꓴ ꓕꓲ ꓦꓲꓻ ꓠꓬ ꓮ ꓘꓶ. ꓛꓲ ꓫ. ꓟ ꓕꓲ ꓦꓲꓻ ꓟꓲ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓢꓮꓡꓲꓗ ꓠꓬ ꓕꓲ ꓦꓲꓻ ꓡꓱ ꓶꓻ ꓜꓼ ꓔꓯ ꓟꓵꓽ ꓗꓳ. ꓓꓵ ꓓꓵ ꓗꓪ ꓐꓰ ꓛꓳꓽ ꓡ ꓢꓴ ꓐꓴ ꓔꓯ ꓶꓻ ꓤ ꓪꓴꓽ ꓔꓬ ꓟ ꓥ ꓡꓳ꓿ ꓬꓲ ꓡꓰ ꓪꓴꓽ ꓟ ꓶꓻ ꓤ ꓗꓪ ꓡꓯꓽ ꓒꓯ, ꓡꓰ ꓫꓬ, ꓔ ꓟ ꓮ ꓟꓬ, ꓐ ꓟ ꓥ ꓡꓳ꓿ ꓙꓼ ꓡꓴ꓾ ꓝꓮꓲ ꓠꓱ. ꓐꓯꓼ ꓮ ꓟꓬ, ꓫꓵꓽ ꓐ ꓟ ꓥ ꓡꓳ꓿ ꓬꓲ ꓠꓬ ꓠꓱ. ꓐꓯꓼ ꓤ ꓠꓱ ꓤ ꓐꓴ ꓡꓰ ꓟꓲ ꓠꓯ ꓢꓷ. ꓠꓲ, ꓢꓳꓻ ꓠ, ꓟ ꓢꓳꓻ ꓦꓲꓻ ꓗꓪ ꓙꓰ ꓠ, ꓟ ꓙꓳˍ ꓥ ꓟꓲ ꓬꓲ ꓪ ꓕꓲ ꓦꓲꓻ ꓠꓬ ꓮ ꓘꓶ. ꓛꓲ ꓫ. ꓔ ꓟ ꓦꓲꓻ ꓘꓴꓽ ꓥ ꓟ ꓪꓴ. ꓠꓬꓲ ꓬꓲ ꓐ, ꓐ ꓐꓰ ꓟ, ꓟ ꓔꓯ ꓶꓻ ꓤ ꓪꓴꓽ ꓙ ꓟ ꓟꓬꓱꓽ ꓔ ꓡꓰ ꓬꓰ ꓢꓲ ꓠꓬꓲ ꓕꓲ ꓫꓵꓽ ꓡꓰ ꓕꓲ ꓠꓬꓲ ꓜꓽ ꓓꓴ ꓓꓳ ꓓꓴ ꓐꓱ ꓶ ꓟꓬꓱꓽ ꓬꓰ ꓗꓷꓳ꓿

ꓢꓮꓡꓲꓗ ꓡꓰ ꓫ. ꓕꓱ ꓟ ꓖꓶ ꓡ ꓟ ꓠꓬ ꓬꓲ ꓪ ꓦꓲꓻ ꓘꓴꓽ ꓠꓬ ꓮ ꓘꓶ. ꓛꓲ ꓫ. ꓟ ꓦꓲꓻ ꓘꓴꓽ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓬꓲ ꓠꓬ ꓬꓲ ꓪ ꓦꓲꓻ ꓔꓯ ꓟꓬꓱꓽ ꓬꓰ ꓙ ꓠ, ꓟ ꓓꓵ ꓙ ꓗꓷ ꓟ ꓥ ꓡꓳ꓿ ꓕꓱ ꓡꓱ ꓐꓰ ꓶꓻ ꓤ ꓔꓯ ꓟꓵ ꓗꓳ ꓓꓵ ꓓꓵ ꓗꓪ ꓐꓰ ꓬꓲ ꓪ ꓞꓳ ꓘ, ꓗꓪ ꓛꓳꓽ ꓡ ꓢꓴ ꓐꓴ ꓔꓯ ꓪꓴꓽ ꓗꓷ ꓟ ꓥ ꓡꓳ꓿ ꓬꓲ ꓠꓬ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓠꓯꓼ ꓠꓯꓼ ꓓꓵ ꓢꓲ ꓠꓬꓲ ꓬꓲ ꓪ ꓪꓽ ꓘꓴ ꓦꓲꓻ ꓒ ꓕꓲ ꓗꓪ ꓙꓰ ꓢꓲ ꓠꓬꓲ ꓶꓻ ꓤ ꓔꓯ ꓟꓵ ꓗꓳ ꓓꓵ ꓓꓵ ꓗꓪ ꓐꓰ ꓛꓳꓽ ꓡ ꓢꓴ ꓐꓴ ꓔꓯ ꓪꓴꓽ ꓟ ꓥ ꓡꓳ꓿

ꓕꓱ ꓡꓰ ꓐꓰ ꓕꓲ ꓠꓬꓲ ꓙꓳˍ ꓕꓯ ꓬꓲ ꓠꓬ ꓕꓲ ꓫꓵꓽ ꓔꓯ ꓢꓷ. ꓡꓰ ꓟ ꓥ ꓡꓳ꓿ ꓕꓱ ꓟ ꓠꓬ ꓬꓲ ꓠꓬ ꓟꓲ ꓠꓯ ꓗꓪ ꓫ. ꓕꓱ ꓥꓳꓽ ꓫꓵꓽ ꓔꓯ ꓬꓲ ꓠꓬ ꓮ ꓘꓶ. ꓛꓲ ꓫ. ꓕꓱ ꓐ ꓡ ꓢꓴ ꓢꓷ. ꓢꓴ ꓕꓲ ꓣꓳ ꓥ ꓟ ꓔꓯ ꓬꓲ ꓚꓲ. ꓛꓬ ꓢꓷ. ꓡꓰ ꓟ ꓥ ꓡꓳ꓿ ꓬꓲ ꓠꓬ ꓧꓶꓽ ꓥꓳꓽ ꓝꓮꓲ ꓚꓮꓠꓔꓳꓠꓰꓢꓰ ꓥꓳꓽ ꓙꓮꓑꓮꓠ ꓥꓳꓽ ꓝꓣꓰꓠꓚꓧ ꓔꓧꓮꓲ ꓥꓳꓽ ꓕꓱ ꓡꓱ ꓐꓰ ꓢꓮꓡꓲꓗ ꓠꓬ ꓥꓳꓽ ꓫꓵꓽ ꓔꓯ ꓮ ꓘꓶ. ꓛꓲ ꓫ. ꓕꓱ ꓐ ꓡ ꓟ ꓤ ꓠꓱ ꓤ ꓕꓲ ꓣꓳ ꓥ ꓡꓳ꓿

ꓬꓲ ꓢꓷ. ꓔ ꓟ ꓥꓳꓽ ꓫꓵꓽ ꓔꓯ ꓬꓲ ꓠꓬ ꓬꓲ ꓞꓲꓼ ꓣꓳ ꓟ ꓙꓵ, ꓕꓯ ꓫ. ꓕꓱ ꓗꓴ ꓟ ꓥꓳꓽ ꓫꓵꓽ ꓡꓰ ꓐꓰ ꓫ. ꓕꓱ ꓐ ꓡ ꓟ ꓥ ꓡꓳ꓿ ꓬꓲ ꓡꓰ ꓫ. ꓕꓱ ꓔ ꓟ ꓠꓬ ꓬꓲ ꓠꓬ ꓕꓱ ꓥꓳꓽ ꓫꓵꓽ (12) ꓫꓵꓽ ꓔꓯ ꓮ ꓘꓶ. ꓛꓲ ꓫ. ꓕꓱ ꓒ ꓡ ꓠ, ꓟ ꓢꓯꓼ ꓕꓵꓼ ꓗꓷꓳ꓿ ꓮ ꓫꓵꓽ ꓑꓶ. ꓓꓴ ꓥ ꓐꓯ ꓠꓬ ꓬꓲ ꓪ ꓔꓬ ꓟ ꓞꓳ ꓘ, ꓗꓪ ꓕꓱ ꓥꓳꓽ ꓫꓵꓽ ꓫ. ꓕꓱ ꓢꓴ ꓐꓴ ꓛꓳꓽ ꓗ ꓡ ꓟ ꓪꓴ. ꓠꓬꓲ ꓬꓲ ꓠꓬ ꓶꓻ ꓤ ꓪꓴꓽ ꓠ, ꓟ ꓢꓯꓼ ꓕꓵꓼ ꓗꓷ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓝꓮꓲ ꓬꓲ ꓡꓰ ꓬꓲ ꓪ ꓥꓳꓽ ꓫꓵꓽ ꓔꓯ ꓫ. ꓕꓱ ꓢꓲ ꓠꓬꓲ ꓶꓻ ꓤ ꓪꓴꓽ ꓠꓬ ꓬꓲ ꓶꓻ ꓤ ꓠꓬ ꓮ ꓟꓬ, ꓪꓴꓽ ꓪ ꓡ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓢꓮꓡꓲꓗ ꓠꓬ ꓛꓳꓽ ꓗ ꓡ ꓢꓴ ꓕꓲ ꓣꓳ ꓡꓰ ꓕꓲ ꓣꓳ ꓔꓯ ꓬꓲ ꓪ ꓥꓳꓽ ꓫꓵꓽ ꓕꓲ ꓘꓶꓽ ꓔꓯ ꓟ. ꓖꓶ ꓡ ꓠ, ꓟ ꓓꓰꓽ ꓗꓷ ꓟ ꓥ ꓡꓳ꓿ ꓕꓱ ꓡꓰ ꓐꓰ ꓬꓲ ꓠꓬ ꓥꓳꓽ ꓫꓵꓽ ꓬꓲ ꓫꓵꓼ ꓔꓯ ꓢꓷ. ꓡ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓛꓳꓽ ꓗ ꓡ ꓢꓴ ꓮ ꓟꓬ, ꓠꓬ ꓬꓲ ꓔꓯ ꓬꓲ ꓪ ꓥꓳꓽ ꓫꓵꓽ ꓟ. ꓖꓶ ꓟ ꓥ ꓡꓳ꓿ ꓬꓲ ꓫ. ꓕꓱ ꓗꓴ ꓟ ꓥꓳꓽ ꓫꓵꓽ ꓮ ꓙꓵꓽ ꓠꓬ ꓢꓳꓻ ꓦꓲꓻ ꓗꓪ ꓐꓰ ꓢꓳꓻ ꓔ ꓟ ꓟꓽ ꓥ ꓟꓵꓽ ꓗꓳ ꓓꓵ ꓓꓵ ꓗꓪ ꓐꓰ ꓛꓳꓽ ꓗ ꓡ ꓢꓴ ꓐꓴ ꓡꓰ ꓫ. ꓕꓱ ꓟ ꓔꓯ ꓠ ꓠ, ꓢꓲ ꓠꓬꓲ ꓫ. ꓕꓱ ꓢꓳꓻ ꓗꓷ ꓟ ꓗꓪ ꓐꓰ ꓫ. ꓕꓱ ꓗꓴ ꓟ ꓥ ꓡꓳ꓿ ꓬꓲ ꓠꓬ ꓕꓲ ꓦꓲꓻ ꓘꓴꓽ ꓗꓪ ꓟꓳ ꓡꓳ ꓠꓯꓼ ꓠꓯꓼ ꓗꓪ ꓐꓰ 12 ꓙꓵ, ꓗꓪ ꓐꓰ ꓟꓲ ꓠꓯ ꓢꓷ. ꓠꓲ, ꓢꓳꓻ ꓢꓲ ꓠꓬꓲ ꓟꓳ ꓡꓳ ꓗꓪ ꓐꓰ ꓬꓲ ꓐ, ꓐ ꓐꓰ ꓟ, ꓟ ꓔꓯ ꓟꓬꓱꓽ ꓬꓰ ꓙ ꓗꓷꓳ꓿ ꓬꓲ ꓠꓬ ꓠꓱ. ꓐꓯꓼ ꓤ ꓠꓱ ꓤ ꓐꓴ ꓡꓰ ꓐꓰ ꓗꓽ ꓠꓲ, ꓫꓵˍ ꓥ ꓟꓲ ꓢꓮꓡꓲꓗ ꓠꓯ, ꓗꓪ ꓗꓽ ꓠ, ꓟ ꓬꓲ ꓙꓵ, ꓟꓽ ꓪ ꓗꓷ ꓡꓰ ꓟ ꓥ ꓡꓳ ꓐꓰ ꓫ. ꓕꓱ ꓔ ꓡꓳ꓿

ꓬꓲ ꓠꓬ ꓠꓱ. ꓐꓯꓼ ꓤ ꓠꓱ ꓤ ꓐꓴ ꓗꓽ ꓠꓬꓲ ꓟ ꓙꓵ, ꓕꓯ ꓬꓲ ꓪ ꓞꓳ ꓘ, ꓗꓪ ꓗꓽ ꓡ ꓢꓴ ꓐꓴ ꓔꓯ ꓶꓻ ꓤ ꓪꓴꓽ ꓔꓬ ꓟ ꓥ ꓡꓳ꓿ ꓕꓲ ꓠꓬꓲ ꓙꓳˍ ꓕꓯ ꓛꓳꓽ ꓗꓽ ꓡ ꓢꓴ ꓕꓲ ꓣꓳ ꓡꓰ ꓢꓮꓡꓲꓗ ꓔꓯ ꓶꓻ ꓤ ꓪꓴꓽ ꓔꓬ ꓟ ꓙꓵ, ꓔꓯ ꓢꓮꓡꓲꓗ ꓫ. ꓕꓱ ꓟ ꓔꓯ ꓢꓯ. ꓐꓬꓱ ꓓꓱ ꓢꓲ ꓠꓬꓲ ꓳꓠꓡꓲꓠꓰ ꓗꓪ ꓚꓰ. ꓗꓷ ꓟ ꓙꓵ, ꓕꓯ ꓕꓲ ꓐ ꓤ ꓟꓶ ꓫꓵˍ ꓡꓰ ꓟ ꓙꓵ, ꓕꓯ ꓕꓱ ꓢꓯ. ꓐꓬꓱ ꓔꓯ ꓡꓳ. ꓟꓳ ꓢꓴ ꓮ ꓟꓬ, ꓙꓳˍ ꓡꓰ ꓟ ꓥ ꓡꓳ꓿

ꓕꓱ ꓡꓰ ꓐꓰ ꓕꓲ ꓫꓵꓽ ꓡꓰ ꓕꓲ ꓟꓵꓽ ꓗꓪ ꓐꓰ ꓛꓳꓽ ꓗꓽ ꓡ ꓢꓴ ꓐꓴ ꓔꓯ ꓶꓻ ꓤ ꓪꓴꓽ ꓔꓬ ꓢꓴ ꓚꓮꓟꓐꓳꓓꓲꓮ ꓗꓴꓷꓼ ꓗꓪ ꓐꓰ ꓤ ꓠꓱ ꓤ ꓕꓲ ꓣꓳ ꓠꓬ ꓠꓱ. ꓐꓯꓼ ꓤ ꓠꓱ ꓤ ꓐꓴ ꓔꓯ ꓢꓲ ꓮ ꓟꓬ, ꓛꓲ ꓫ. ꓕꓱ ꓗꓴ ꓟ ꓕꓯ ꓡꓳ. ꓟꓳ ꓪ ꓗꓷ ꓟ ꓪꓴ. ꓠꓬꓲ ꓮ ꓘꓶ. ꓛꓲ ꓟꓬꓱꓺ ꓓꓳꓽ ꓙꓳˍ ꓡꓰ ꓟ ꓥ ꓡꓳ꓿ ꓖꓳ ꓗ. ꓠꓯ ꓬꓲ ꓔꓯ ꓫꓱ ꓤ ꓢꓴ ꓐꓴ ꓡꓰ ꓬꓲ ꓔꓯ ꓬꓰ ꓙ ꓒꓴ ꓮ ꓟꓬ, ꓘꓳ, ꓣꓴ ꓪ ꓡꓰ ꓢꓲ ꓠꓬꓲ ꓝꓮꓲ ꓬꓲ ꓠꓬ ꓟꓲ ꓠꓯ ꓢꓷ. ꓠꓲ, ꓕꓳ ꓶ ꓢꓳꓻ ꓠ, ꓟ ꓢꓚꓧꓳꓡꓮꓣꓢꓧꓲꓑ ꓔꓯ ꓥ ꓟꓲ ꓘꓳ, ꓣꓴ ꓪ ꓡꓰꓳ꓿ ꓬꓲ ꓔꓯ ꓧꓶꓽ ꓗꓴꓷꓼ ꓗꓪ ꓟꓴ ꓕꓲ ꓢꓳꓻ ꓦꓲꓻ ꓗꓪ ꓢꓳꓻ ꓠ, ꓟ ꓘꓳ, ꓣꓴ ꓗꓷꓳ꓿

ꓢꓮꓡꓲꓗ ꓡꓰ ꓧꓶꓽ ꓗꓴꓷꓼ ꓗꓪ ꓐꓰ ꓟꓴ ꓕꓲ ꓢꓳꓻ ꓦꓲꓻ ꓗꓪ ꓐꓰ ꓟ. ꓒꓽ ꓓꓽ ꓐꓴ ꓡꓰ ꓬꓲ ꓢꓯ. ꓐꓬꓱ ꓔꓯ ꓝꓮꓚꓰꓐꓳꓳꓗ ꓗꓪ ꓐꓰ ꓡꓳ. ꓟꓳ ꓗꓷ ꓗ. ꓠꓯ ꓢꓳꓻ ꓦꓲꓻ ꓗꓪ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓬꓲ ꓔꓯ ꓜꓲꓼ ꓠ, ꓟ ꓝꓲ ꓩꓴ ꓡ ꓡꓳ ꓐꓰ ꓫ. ꓕꓱ ꓔ ꓡꓳ꓿ ꓝꓮꓲ ꓕꓱ ꓢꓳꓻ ꓦꓲꓻ ꓗꓪ ꓢꓮꓡꓲꓗ ꓐꓰ ꓬꓲ ꓪ ꓕꓲ ꓦꓲꓻ ꓡꓱ ꓔꓯ ꓛꓳꓽ ꓗꓽ ꓡ ꓠ, ꓟ (5) ꓠꓬꓲ ꓟꓶ ꓫꓵˍ ꓔꓬ ꓠ, ꓟ ꓘꓳ, ꓣꓴ ꓪ ꓡꓰꓳ꓿ ꓖꓳ ꓗ. ꓠꓯ ꓬꓲ ꓠꓬ ꓧꓶꓽ ꓗꓴꓷꓼ ꓗꓪ ꓐꓬꓱ ꓦꓲꓻ ꓗꓪ ꓐꓰ ꓧꓶꓽ ꓗꓴꓷꓼ ꓗꓪ ꓙꓰ ꓗꓷꓳ꓿

ꓮ ꓟꓶ ꓟ ꓙꓵ, ꓗꓪ ꓬꓲ ꓠꓬ ꓢꓳꓻ ꓤ ꓕꓲ ꓣꓳ ꓒꓬꓱꓼ ꓡ ꓢꓲ ꓠꓬꓲ ꓮ ꓘꓶ. ꓛꓲ ꓓꓽ ꓟ ꓙꓳ ꓟ ꓕꓲ ꓣꓳ ꓒꓬꓱꓼ ꓡ ꓪ꓿ ꓝꓮꓲ ꓠꓬꓲ ꓠꓬ ꓬꓲ ꓪ ꓦꓲꓻ ꓘꓴꓽ ꓐꓱ ꓶ ꓥ ꓟꓲ ꓒꓴꓽ ꓮ ꓟꓬ, ꓕꓯ ꓧꓪ, ꓖꓶ ꓢꓴ ꓒꓬꓱ ꓡ ꓗꓷꓳ ꓐꓰ ꓐꓯ ꓔ ꓡꓳ꓿

ꓬꓲ ꓡꓰ ꓫ. ꓕꓱ ꓔ ꓟ ꓠꓬ ꓥꓪ ꓔꓯ ꓢꓯ. ꓐꓬꓱ ꓓꓱ ꓖꓶ ꓡ ꓢꓴ ꓤ ꓠꓱ ꓤ ꓟꓽ ꓔꓬ ꓠꓬ ꓥꓪ ꓠꓬ ꓕꓱ ꓡꓱ ꓫꓵꓽ ꓤꓶꓻ ꓗꓪ ꓢꓯ. ꓔꓬ ꓠ, ꓟ ꓮ ꓡꓰ ꓥ ꓟꓲ ꓒꓬꓱꓼ ꓡ ꓟꓽ ꓓꓽ ꓐꓰ ꓬꓲ ꓡꓰ ꓫ. ꓕꓱ ꓔ ꓡꓳ꓿ ꓖꓳ ꓡꓱ ꓥ ꓟꓲ ꓪꓴ. ꓠꓬꓲ ꓬꓲ ꓔꓯ ꓢꓯ. ꓐꓬꓱ ꓓꓱ ꓖꓶ ꓡ ꓢꓴ ꓢꓲꓠꓖꓮꓑꓳꓣꓰ ꓗꓴꓷꓼ ꓗꓪ ꓐꓰ ꓤ ꓠꓱ ꓤ ꓔꓯ ꓥ ꓟꓲ ꓮ ꓘꓶ. ꓛꓲ ꓫ. ꓟꓳ ꓡꓳ ꓐꓰ ꓫ. ꓕꓱ ꓗꓷ ꓟ ꓥ ꓡꓳ꓿

ꓬꓲ ꓤ ꓠꓱ ꓬꓲ ꓐꓰ ꓮ ꓐ ꓮ ꓟ ꓣꓱ ꓢꓴ ꓐꓴꓽ ꓳ ꓣꓳ ꓥ ꓟꓲ ꓣꓳ ꓤ ꓠꓱ ꓤ ꓐꓴ ꓔꓯ ꓣꓳ ꓥꓳꓽ ꓫꓵꓽ ꓫ. ꓕꓱ ꓪ ꓝꓲ ꓡꓯ꓿ ꓣꓳ ꓥꓳꓽ ꓫꓵꓽ ꓔꓯ ꓫ. ꓕꓱ ꓗꓴ ꓡꓰ ꓠꓬ ꓠꓱ. ꓐꓯꓼ ꓢꓴ ꓥꓳꓽ ꓫꓵˍ ꓔꓯ ꓮ ꓟꓬ, ꓫ. ꓕꓱ ꓠ, ꓢꓳꓻ ꓣꓴ ꓠ, ꓟ ꓢꓯꓼ ꓖꓶ ꓓꓴ ꓬꓰ ꓡꓯ꓿ ꓠꓬꓲ. ꓠꓬꓲ ꓡꓳ. ꓟꓳ ꓗꓷ ꓟ ꓢꓯ. ꓐꓬꓱ ꓗꓪ ꓥꓳꓽ ꓫꓵꓽ ꓠꓬ ꓮ ꓟꓬ, ꓛꓲ ꓣꓳ. ꓚꓵ ꓟ ꓔꓯ ꓣꓳ ꓡꓳ. ꓟꓳ ꓗꓷꓳ꓿ ꓕꓱ ꓡꓱ ꓫꓵꓽ ꓢꓯ. ꓐꓬꓱ ꓮ ꓟꓬ, ꓬꓰ ꓐ ꓡ ꓠ, ꓟ ꓡꓲꓗꓰ ꓢꓧꓮꓣꓰ ꓚꓳꓟꓟꓰꓠꓔ ꓮ ꓟꓬ, ꓬꓰ ꓖꓶ ꓡꓯ ꓐꓰ ꓓꓰꓽ ꓩꓴ ꓡ ꓥꓳꓽ ꓫ. ꓟꓳ ꓪ꓿