ꓪꓽ ꓘꓴ ꓚꓱ (Question and Answer)

ꓪꓽ ꓘꓴˍ ꓟ ꓠꓬ ꓪꓴ-ꓢ ꓐꓰ ꓫꓸ ꓕꓱꓹ ꓟ ꓥˍ ꓡꓳ= ꓖꓳ ꓟ ꓡꓰ ꓟꓽ ꓞꓲ ꓪꓽ ꓘꓴˍ ꓟ ꓠꓬ ꓪꓴ-ꓢ ꓐꓰ ꓕꓲꓽ ꓪꓼ ꓗꓷ ꓡꓰ ꓠ ꓢꓯꓼ ꓕꓵꓼˍ ꓟ ꓚꓱꓹ ꓥ ꓡꓳ= ꓪꓽ ꓘꓴꓹ ꓟ ꓠꓬ ꓙꓵ ꓠꓲꓹ ꓕꓲꓽ ꓟ ꓠꓯꓸꓼ ꓗꓪ ꓟ ꓬꓰ ꓟꓽ ꓓꓹ ꓟ ꓟꓬꓱꓽ ꓕꓲꓽ ꓟ ꓥ ꓐꓶ= ꓪꓽ ꓘꓴꓹ ꓟ ꓠꓬ ꓪꓴ-ꓢ ꓠꓬ ꓟꓽ ꓓ ꓟꓴ ꓖꓴ ꓡꓰꓹ ꓟ ꓟꓽ ꓓ ꓢꓯꓼ ꓙꓳ ꓪꓽ ꓠꓬꓲꓹ ꓟ ꓔꓯ ꓢꓷꓸ ꓡꓰ ꓓꓴ ꓥ ꓢꓲ ꓬꓲ ꓠꓯꓸꓼ ꓗꓪ ꓣꓳꓽ ꓮ ꓕꓯꓽ ꓥˍ ꓟꓲ ꓥꓳ ꓡꓳꓸ ꓠꓬꓲ ꓔ ꓟ ꓬꓲ ꓢꓷꓸ ꓡꓰ ꓓꓴ ꓕꓲꓽ ꓟ ꓥ ꓐꓶ= ꓖꓳ ꓟ ꓡꓰ ꓟꓽ ꓞꓲ ꓬꓲ ꓠꓬ ꓙꓲꓹ ꓟ ꓥ ꓕ ꓑꓳꓸ ꓔꓯ ꓖꓶ ꓢꓴ ꓥˍ ꓟ ꓪꓴꓸ ꓠꓬꓲ ꓣꓳꓽ ꓐꓱ ꓶ ꓪꓴ-ꓢ ꓠꓬ ꓟꓽ ꓙꓳ ꓟꓽ ꓓꓹ ꓟ ꓬꓳꓸ ꓚꓵꓹ ꓟ ꓥˍ ꓡꓳ ꓐꓯˍ ꓟ ꓬꓲ ꓢꓷꓸ ꓡꓰ ꓓꓴ ꓥ ꓐꓶ= ꓪꓽ ꓘꓴꓹꓟ ꓠꓯꓸꓼ ꓗꓪ ꓟꓽ ꓓ ꓪꓴꓸ ꓖꓴ ꓡꓰꓹ ꓟ ꓪꓽ ꓘꓴꓹ ꓟ ꓠꓬ ꓛꓴ ꓔꓬꓹ ꓟ ꓥ ꓐꓶ= ꓘꓶꓽ ꓫꓵꓼ ꓡꓵ ꓗꓪ ꓙꓶꓽ ꓤꓽ ꓟ ꓞꓲ ꓛꓴ ꓔꓬꓹ ꓟ ꓗꓪ ꓐꓰ ꓪꓴ-ꓢ ꓔꓯ ꓪꓽ ꓘꓴꓹ ꓟ ꓫꓱꓸ ꓖꓶꓹ ꓟ ꓥˍ ꓡꓳ= ꓖꓳ ꓟ ꓡꓰ ꓐꓰ ꓕꓲꓽ ꓡꓰꓻ ꓘꓶꓽ ꓫꓵꓼ ꓫꓵꓼ ꓗꓪ ꓑꓸ ꓑꓸ ꓐꓰ ꓛꓱꓼ ꓡꓱꓼ ꓙꓵ ꓔꓯ ꓢꓲ ꓒꓽ ꓬꓰ-ꓢꓴ ꓬꓲꓸ ꓫꓵꓽ ꓬꓲ ꓧꓪꓽ ꓒꓬꓱꓼ ꓡ ꓠ ꓛꓵ ꓔꓬꓹ ꓟ ꓠꓬ ꓟꓽ ꓓ ꓪꓴꓽ ꓖꓴ ꓡꓰꓹ ꓟ ꓥˍ ꓡꓳ ꓐꓰ ꓐꓯˍ ꓡꓳ= ꓮ ꓡꓰꓳ ꓐꓯ ꓠꓬ ꓢꓲ ꓒꓽꓡꓯꓼ ꓐꓳ ꓔꓶꓸ ꓓꓴ ꓕꓯꓽ ꓢꓲ ꓗꓪ ꓕꓯꓼ ꓔꓶꓸ ꓫꓵ ꓗꓷꓹ ꓟ ꓠꓬ ꓐꓹ ꓐꓽ ꓪꓴ-ꓢ ꓔꓯ ꓛꓴ ꓔꓲꓹ ꓟ ꓥ ꓢꓲ ꓠꓬꓲ ꓕꓱ ꓟ ꓛꓴ ꓔꓲꓹ ꓟ ꓔꓯ ꓬꓲ ꓠꓹ ꓟ ꓐꓱ ꓶ ꓢꓲ ꓒꓽ ꓬꓰ-ꓢꓴ ꓠꓬ ꓢꓲꓽ ꓫꓬꓹ ꓟ ꓠꓽ 4 ꓠꓬꓲ ꓟꓽ ꓘꓶꓼ ꓗꓪ ꓝꓲ ꓓꓴ ꓐꓴꓹ ꓐꓰ ꓟꓶꓽ ꓘꓶꓼ ꓜ ꓜꓽ ꓑꓮꓲꓽ ꓬꓰ ꓕꓯꓽ ꓛꓱꓼ ꓡꓱꓼ ꓐꓰ ꓑꓸ ꓑꓸ ꓔꓯ ꓣꓴ ꓢꓲ ꓕꓱ ꓟ ꓠꓬ ꓥꓪ ꓧꓪꓽ ꓥꓪ ꓫꓵꓽ ꓥˍꓡꓳ ꓐꓯ ꓢꓲ ꓠꓬ ꓘꓶꓽ ꓫꓵꓼ ꓫꓵꓼ ꓛˍ ꓔ ꓟ ꓔꓯ ꓟꓳꓸ ꓡꓳꓸ ꓟꓳ ꓪ ꓓˍ ꓡꓳ= ꓖꓳ ꓡꓱ ꓠꓬꓲ ꓛꓱꓼ ꓡꓱꓼ ꓐꓰ ꓑꓸ ꓑꓸ ꓔꓯ ꓬꓲ ꓫꓵꓽ ꓬꓲ ꓧꓪꓽ ꓒꓬꓱꓼ ꓡ ꓠ ꓛꓴ ꓔꓲꓹ ꓟ ꓠꓬ ꓘꓶꓽ ꓫꓵꓼ ꓫꓵꓼ ꓗꓪ ꓟ ꓛꓴ ꓔꓲꓹ ꓟ ꓥˍ ꓡꓳ= ꓕꓱ ꓟ ꓔꓯ ꓢꓲ ꓒꓽ ꓬꓰ-ꓢꓴ ꓮ ꓕꓯ ꓮ ꓟꓲ ꓬꓰ ꓠꓹ ꓟ ꓐꓱ ꓶ ꓐꓯ ꓔ ꓟ ꓙꓳ ꓐꓶ=

ꓪꓽ ꓘꓴꓹ ꓟ ꓚꓱꓹ ꓔꓯ ꓟꓳꓸ ꓫꓲꓽ ꓫꓬ ꓕꓳꓽ ꓶ ꓗꓪ ꓐꓯ ꓔ ꓟ ꓮ ꓟꓬ ꓧꓪꓹ ꓙꓳˍꓡꓳ= ꓟ-ꓕꓲ 7ꓽ 11 ꓗꓪ ꓠꓴ ꓪꓽ ꓠꓬ ꓥꓹ ꓟ ꓡ ꓞꓳ ꓥ ꓢꓲ ꓠꓴ ꓪꓽ ꓤꓼ ꓠꓱ ꓐꓴ ꓔꓯ ꓙꓲꓹ ꓟ ꓡꓯꓽ ꓫꓵ ꓶꓽ ꓠꓹ ꓟ ꓢꓷꓸ ꓠꓬ ꓟꓴ ꓗꓪ ꓗꓪ ꓔꓬꓹꓟ ꓠꓴ ꓪꓽ ꓐꓹ ꓐꓽ ꓠꓽ ꓬꓲ ꓔꓯ ꓓꓰꓽ ꓢꓴ ꓔꓯ ꓙꓲꓹ ꓟ ꓖꓴꓽ ꓙꓴꓽ ꓠꓴ ꓪꓽ ꓖꓶꓹ ꓟ ꓢꓲꓸ ꓟꓽ ꓞꓲ ꓬꓲ ꓖꓶꓹ ꓡ ꓥꓳꓻ ꓟꓽ ꓥˍ ꓡ? ꓐꓰ ꓕꓱ ꓡꓰ ꓐꓯ ꓔ ꓡꓳ= ꓖꓳ ꓟ ꓪꓴꓸ ꓠꓬꓲ ꓠꓲ ꓪꓴ-ꓢ ꓠꓬ ꓣꓳ ꓓꓰꓹ ꓕꓯꓽ ꓚꓵ ꓚꓵ ꓖꓶꓽ ꓡ ꓓꓴ ꓥꓳ ꓐꓯꓹ ꓟ ꓬꓲ ꓢꓲ ꓡꓰ ꓓꓴ ꓥˍ ꓡꓳ= ꓖꓳ ꓟ ꓡꓰ ꓐꓰ ꓕꓲꓽ ꓡꓰ ꓬꓳ-ꓦ 16ꓽ 23- 24 ꓝꓲ ꓗꓪ ꓢꓲ ꓒꓽ ꓬꓰ-ꓢꓴ ꓬꓲ ꓟꓬꓱ ꓗꓪ ꓐꓰ ꓓꓰꓹ ꓟ ꓮꓽ ꓙꓵꓽ ꓔꓯ ꓐꓹ ꓐꓽ ꓪꓴ-ꓢ ꓡꓰ ꓖꓶꓽ ꓡ ꓥꓳ ꓐꓯꓹ ꓟ ꓔꓯ ꓐꓳ ꓔ ꓡꓳ= ꓖꓳ ꓡꓱ ꓠꓬꓲ ꓣꓳꓽ ꓪꓽ ꓘꓴꓹ ꓟ ꓠꓬ ꓪꓴ-ꓢ ꓠꓯꓸꓼ ꓗꓪ ꓣꓳꓽ ꓣꓱꓽ ꓬꓯꓼ ꓟ ꓔꓯꓓꓰꓹ ꓟ ꓪꓴ-ꓢ ꓐꓰ ꓕꓲꓽ ꓪꓼ ꓗꓷ ꓡꓰ ꓠꓹ ꓟ ꓬꓰꓹ ꓟ ꓟꓬꓱꓽ ꓥˍ ꓡꓳ=

ꓪꓽ ꓘꓴꓹ ꓟ 10 ꓫꓵꓽ ꓙꓳˍ ꓡꓳ ꓐꓰ ꓕꓱ ꓡꓰ ꓐꓯˍ ꓡꓳ=

1ꓸꓟꓰꓠꓔꓮꓡ ꓑꓣꓮꓬꓰꓣ ꓐꓯꓹ ꓟ ꓠꓲꓹ ꓗꓴꓽ ꓗꓪ ꓐꓰꓪꓽ ꓘꓴꓹ ꓟ

2ꓸ ꓟꓰꓓꓲꓔꓮꓔꓲꓳꓠ ꓐꓯꓹ ꓟ ꓢꓲꓺ ꓡꓲꓹ ꓐꓰ ꓔꓬ ꓢꓲ ꓪꓴ-ꓢ ꓐꓯ ꓘꓶꓽ ꓔꓯ ꓕꓱꓹ ꓕꓽ ꓠꓬꓲꓹ ꓟ

3ꓸ ꓚꓳꓟꓔꓰꓟꓑꓡꓮꓔꓲꓳꓠ ꓐꓯꓹ ꓟ ꓠꓬ ꓠꓵ ꓠꓲꓹ ꓥ ꓠꓬ ꓔꓳꓹ ꓜꓳꓹ ꓟ ꓡꓰ ꓐꓰ ꓠꓲꓹ ꓟ ꓠꓯꓸꓼ ꓗꓪ ꓐꓰ ꓚꓵ ꓚꓵ ꓪꓴ-ꓢ ꓔꓯ ꓟꓸ ꓖꓶꓹ ꓟ ꓚꓱꓹ

4ꓸ ꓦꓳꓚꓮꓡ ꓑꓣꓮꓬꓰꓣ ꓐꓯꓹ ꓟ ꓠꓬ ꓟꓶꓽ ꓠꓶꓹ ꓘꓶꓽ ꓗꓪ ꓐꓰ ꓬꓲ ꓢꓯꓼ ꓓꓳ ꓡꓰ ꓠ ꓪꓽ ꓘꓴꓹ ꓟ

5ꓸ ꓢꓑꓳꓠꓔꓮꓠꓰꓳꓴꓢ ꓑꓣꓮꓬꓰꓣ ꓐꓯꓹ ꓟ ꓠꓲꓹ ꓟ ꓘꓴꓽ ꓗꓪ ꓓꓵꓽ ꓙꓹ ꓟ ꓮ ꓙꓵꓽ ꓔꓯ ꓚꓵꓸ ꓛꓬ ꓠꓲꓹ ꓫꓵꓹ ꓟ ꓡꓰ ꓐꓰ ꓢꓯꓼ ꓓꓳ ꓡꓰ ꓠ ꓪꓽ ꓘꓴꓹ ꓟ

6ꓸ ꓑꓣꓮꓬꓰꓣ ꓝꓳꓟꓴꓡꓮꓢ ꓐꓯꓹ ꓟ ꓠꓬ ꓐꓳ ꓦꓹ ꓔ ꓟ ꓔꓯ ꓪꓽ ꓘꓴ ꓓꓴ ꓫꓸ ꓪ ꓘꓶꓽ

7ꓸ ꓡꓲꓔꓴꓣꓖꓲꓚꓮꓡ ꓑꓣꓮꓬꓰꓣ ꓐꓯꓹ ꓟ ꓪꓽ ꓘꓴ ꓦꓲ ꓗꓪ ꓮ ꓙꓵꓽ ꓕꓲꓽ ꓠꓲꓹ ꓕꓲꓽ ꓪꓼ ꓪꓽ ꓘꓴ ꓠꓹ ꓟ ꓐꓱ ꓶ ꓙꓽ ꓖꓶꓽ ꓔ ꓟ=

8ꓸ ꓑꓴꓐꓡꓲꓚ ꓑꓣꓮꓬꓰꓣ ꓐꓯꓹ ꓟ ꓞꓳ ꓜꓴ ꓪꓽ ꓘꓴꓹ ꓟ

9ꓸ ꓑꓣꓲꓦꓮꓔꓰ ꓑꓣꓮꓬꓰꓣ ꓚꓵꓸ ꓛꓬꓽ ꓪꓽ ꓘꓴꓹ ꓟ

10ꓸ ꓑꓳꓑꓴꓡꓮꓣ ꓓꓰꓦꓳꓔꓲꓳꓠ ꓐꓯꓹ ꓟ ꓠꓬ ꓬꓲ ꓙꓵꓹ ꓔꓶ ꓢꓲ ꓪꓽ ꓘꓴꓹ ꓟ