ꓬꓯꓺꓒꓲ. ꓬꓯ꓾ ꓟꓶꓽ ꓘꓴꓽ ꓛꓵˍ ꓟ

ꓢꓲ ꓫꓬ ꓕꓳꓽ ꓶ ꓗꓪ ꓬꓯꓺ ꓒꓲꓸ ꓬꓯꓺ ꓟꓶꓽ ꓘꓴꓽ ꓛꓵꓼˍ ꓟ ꓬꓯꓺ ꓛꓵꓽˍ ꓟ ꓕꓱ ꓟ ꓚꓱꓹ ꓔꓯ ꓟꓳꓸ ꓚꓵ ꓚꓵ ꓐꓳ ꓔ ꓟ ꓟꓽ ꓙꓳ ꓐꓷ= ꓖꓳ ꓡꓰ ꓥˍ ꓟꓲ ꓠꓲꓹ ꓟ ꓔꓯ ꓟꓽ ꓢꓲꓽ ꓗꓷ ꓡꓰ ꓝꓲˍ ꓟ꓾ ꓓꓵꓽ ꓩꓽ ꓗꓴꓸ ꓔ ꓟ ꓠꓲꓹ ꓟ ꓔꓯ ꓐꓬ ꓡꓰ ꓝꓲˍ ꓟ ꓕꓱ ꓡꓲꓳ ꓫꓵꓽ ꓔꓯ ꓤ ꓟꓳ ꓐꓯˍ ꓟ ꓠꓬ ꓙꓳˍ ꓐꓷ= ꓖꓳ ꓟ ꓡꓰ ꓟꓽ ꓞꓲ 1 ꓘꓳ-ꓡꓱˍꓕꓴ 6ꓽ 19ꓹ 20 ꓗꓪ ꓛꓳꓽ ꓠꓬꓲ ꓠꓬ “ꓠꓴ ꓪꓽ ꓗꓳ ꓓꓱꓽ ꓠꓬ ꓪꓴ-ꓢ ꓗꓪ ꓐꓰ ꓘꓳꓹ ꓣꓴ ꓟꓶꓹ ꓟ ꓢꓲ-ꓫꓬ-ꓟ-ꓦ ꓬꓲ ꓦꓲ ꓥˍ ꓟ ꓠꓴ ꓪꓽ ꓟꓽ ꓢꓶꓸ ꓡ? ꓠꓴ ꓪꓽ ꓠꓬ ꓚꓵ ꓛꓬ ꓶꓽ ꓟ ꓥ=ꓮ ꓡꓲꓳꓸꓼ ꓐꓯ ꓠꓬ ꓠꓴ ꓪꓽ ꓔꓯ ꓠꓹ ꓒꓵꓽ ꓡꓰ ꓪꓴ ꓔ ꓟ ꓥˍ ꓡꓳ= ꓖꓳ ꓡꓰ ꓠꓬꓲ ꓠꓴ ꓪꓽ ꓗꓳ ꓓꓱ ꓗꓪ ꓪꓴ-ꓢ ꓟꓬꓱ ꓓꓳꓽ ꓓꓳ ꓡ ꓝꓲ ꓐꓰ ꓕꓱ ꓡꓰ ꓐꓯ ꓔ ꓟ ꓙꓳˍ ꓡꓳ=

ꓖꓳ ꓡꓰ ꓠꓬꓲ ꓣꓳ ꓕꓲꓽ ꓣꓳ ꓡꓰ ꓕꓲ ꓣꓳ ꓠꓬ ꓢꓲ-ꓒ ꓬꓰ-ꓢꓴ ꓡꓯꓼ ꓐꓳ ꓔꓶꓸ ꓓꓴ ꓕꓯ ꓢꓲ ꓗꓪ ꓫꓵ ꓙ ꓗꓷ ꓢꓲ ꓒꓵꓽ ꓖꓶꓽ ꓢꓲ ꓪꓴ ꓔ ꓟ ꓢꓲ-ꓫꓬ-ꓟ-ꓦ ꓬꓲ ꓦꓲ ꓥ_ ꓡꓳ= ꓖꓳ ꓡꓰ ꓠꓬꓲ ꓕꓱ ꓟ ꓔꓯ ꓮ ꓕꓯ ꓥ_ ꓟꓲ ꓟꓽ ꓢꓲ ꓟꓽ ꓫꓬ ꓕꓽ ꓗꓷ ꓡꓰ ꓝꓲ= ꓤ ꓟꓳ ꓐꓰ ꓕꓱ ꓡꓰ ꓐꓯ ꓔ ꓟ ꓙꓳˍ ꓡꓳ= ꓧꓪꓽ ꓒꓵ ꓫꓵꓼ ꓥꓳ ꓗꓪ ꓚꓳ ꓬꓯꓺ ꓒꓲꓸ ꓬꓯꓺ ꓟꓶꓽ ꓘꓴ ꓮꓽ ꓙꓵ ꓔꓯ ꓓꓣꓴꓖ ꓐꓰ ꓕꓱ ꓡꓰ ꓐꓯˍ ꓟ ꓥˍ ꓡꓳ= ꓢꓲ-ꓫꓬ ꓕꓳꓽ ꓶ ꓗꓪ ꓛꓱꓽ ꓡꓱꓼ ꓙꓵ ꓠꓬ ꓪꓴ-ꓢ ꓡꓰ ꓖꓶꓽ ꓡˍ ꓟ ꓡꓯꓽ ꓫꓵ ꓥˍ ꓡꓳ ꓐꓰ ꓐꓯ ꓔ ꓟ ꓙꓳˍ ꓡꓳ=

ꓖꓳ ꓟ ꓡꓰ ꓐꓰ ꓕꓲꓽ ꓡꓰꓹ ꓢꓲ-ꓒ ꓬꓰ-ꓢꓴ ꓔꓯ ꓥˍ ꓟꓲ  ꓜꓽ ꓒꓽ ꓓꓳ ꓒꓽ ꓐꓰ ꓕꓱ ꓡꓰ ꓐꓯ ꓔ ꓟꓹ ꓟꓲ ꓙꓳˍ ꓡꓳ= ꓢꓲ ꓫꓬ ꓕꓳꓽ ꓶ ꓗꓪ ꓜꓽ ꓟ ꓓ ꓓꓳ ꓟ ꓓ ꓚꓵ ꓚꓵ ꓐꓯ ꓔ ꓟ ꓮ ꓙꓳꓹ ꓥˍ ꓟꓲ ꓓꓳ ꓕꓯ ꓠꓬ ꓐꓬ ꓡꓰ ꓡ ꓓꓴ ꓥꓳ= ꓓꓳ ꓕꓯꓽ ꓠꓬ ꓥꓳꓽꓬꓰ ꓡ ꓓꓴ ꓥꓳ= ꓓꓳꓹ ꓟ ꓠꓬ ꓖꓳꓼ ꓧꓶꓸ ꓡꓰ ꓝꓲˍ ꓟ ꓟꓽ ꓙꓵꓹ ꓟ ꓠꓯꓸꓼ ꓗꓪ ꓛꓲ ꓡꓰ ꓝꓲˍ ꓟ ꓕꓱ ꓡꓰ ꓐꓰ ꓐꓳ ꓔ ꓟ ꓠꓬ ꓮꓽ ꓟꓬ ꓙꓳˍ ꓡꓳ=   

Add new comment

10 + 0 =