ꓴꓢꓮ 3 ꓒꓯ ꓡꓰ ꓣꓴ ꓢꓲ ꓠꓬꓲ ꓟꓬ, ꓢꓶ ꓟꓽ ꓟꓳ ꓢꓴ ꓐꓴ ꓔꓯ ꓟꓬ ꓢꓶ ꓘꓶꓽ ꓖꓶ ꓢꓴ ꓠꓰꓑꓮꓡ ꓗꓴꓷꓼ ꓗꓪ ꓐꓰ ꓠꓯꓼ ꓞꓲꓼ ꓟ. ꓒ Dr. Ruit ꓚꓱ, (Dr. Sanduk Ruit)

#creditphoto #Dr. Sanduk Ruit saved sight of almost 120000 people Isa Award https://www.isaaward.org › dr-sanduk-ruit-saved-sight-of... Jan 17, 2023 — By not charging his low-income patients, he was able to save the sight of almost 120,000 people who wou

Monday, April 08, 2024

ꓴꓢꓮ 3 ꓒꓯ ꓡꓰ ꓣꓴ ꓢꓲ ꓠꓬꓲ ꓟꓬ, ꓢꓶ ꓟꓽ ꓟꓳ ꓢꓴ ꓐꓴ ꓔꓯ ꓟꓬ ꓢꓶ ꓘꓶꓽ ꓖꓶ ꓢꓴ ꓠꓰꓑꓮꓡ ꓗꓴꓷꓼ ꓗꓪ ꓐꓰ ꓠꓯꓼ ꓞꓲꓼ ꓟ. ꓒ Dr. Ruit ꓚꓱ,(Dr.Ruit)

ꓬꓲ ꓠꓬ ꓟꓬꓱꓽ ꓠꓬ ꓓꓣ. ꓓꓮꓠꓓꓴꓗ ꓣꓴꓲꓔ ꓥ ꓢꓲ ꓠꓬꓲ ꓬꓲ ꓠꓬ ꓟꓬ ꓢꓶ ꓟꓽ ꓟꓳ ꓢꓴ ꓐꓴ ꓔꓯ ꓟꓬ ꓢꓶ ꓗꓶ ꓖꓶ ꓟ (100000) ꓧꓪ ꓖꓶ ꓬꓰ ꓖꓶ ꓢꓴ ꓠꓯꓼ ꓞꓲꓲꓼ ꓟ. ꓒ ꓓꓽ ꓕꓲ ꓣꓳ ꓥ ꓡꓳ꓿ ꓓꓣ. ꓣꓴꓲꓔ ꓠꓬ ꓠꓰꓑꓮꓡ ꓗꓴꓷꓼ ꓗꓪ ꓐꓰ ꓟꓬ ꓢꓶ ꓟꓽ ꓟꓳ ꓢꓴ ꓐꓴ ꓔꓯ ꓟꓬ, ꓢꓶ ꓘꓶ ꓖꓶ ꓢꓴ ꓠꓯꓼ ꓞꓲꓼ ꓟ. ꓒ ꓓꓽ ꓕꓲ ꓣꓳ ꓥ ꓡꓳ꓿ ꓝꓮꓲ ꓬꓲ ꓡꓰ ꓟꓲ ꓠꓯ ꓕꓯ ꓢꓲ ꓠꓬꓲ ꓗꓪ ꓮ ꓟꓬ, ꓛꓲ ꓠꓲ, ꓫ ꓟꓬ, ꓫ ꓠ, ꓔ ꓟ ꓟꓬꓱꓽ ꓓꓽ ꓕꓲ ꓟ ꓔꓯ ꓬꓲ ꓡꓰ ꓬꓰ ꓗꓷ ꓢꓴ ꓥ ꓡꓳ꓿

ꓕꓱ ꓟ ꓟꓬ ꓟꓬ ꓢꓶ ꓟꓽ ꓟꓳ ꓟ ꓠꓻ ꓫꓵꓽ ꓥ ꓡꓳ꓿ ꓞꓳ ꓤ ꓟꓬ ꓢꓶ ꓠꓬ ꓞꓳ ꓟꓳ ꓡ ꓟ ꓙꓵ, ꓕꓯ ꓟꓽ ꓟꓳ ꓗꓷ ꓡꓰ ꓟ ꓥ ꓡꓳ꓿ ꓝꓮꓲ ꓞꓲ ꓪꓴꓽ ꓡ ꓠꓬ ꓡꓳ. ꓟꓽ ꓟꓳ ꓗꓷ ꓡꓰ ꓟ ꓠꓬ ꓟꓲ ꓠꓯ ꓡ ꓞꓳ ꓮ ꓙꓵꓽ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓞꓳ ꓤ ꓞꓲ (60) ꓘꓳꓼ ꓗꓪ ꓐꓰ (65) ꓙꓳ ꓡꓰ ꓢꓴ ꓟꓬ ꓢꓶ ꓠꓬ ꓮ ꓘꓶ. ꓡꓳ. ꓟꓳ ꓗꓷ ꓡꓰ ꓟ ꓥ ꓡꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓡꓳ. ꓟꓳ ꓟ ꓮ ꓙꓵꓽ ꓠꓬ ꓠꓯꓻ ꓞꓲꓻ ꓗꓷ ꓡꓰ ꓟ ꓥ ꓡꓳ꓿ ꓕꓱ ꓡꓰ ꓐꓰ ꓣꓳ ꓟꓬ ꓢꓶ ꓠꓬ ꓕꓲ ꓞꓲꓼ ꓕꓲ ꓒ ꓡꓳ. ꓟꓽ ꓟꓳ ꓗꓷ ꓡꓰ ꓗꓴ ꓟ ꓥ ꓡꓳ꓿ ꓟꓲ ꓠꓯ ꓡ ꓞꓳ ꓮ ꓟꓬ, ꓠꓬ ꓬꓲꓻ ꓙꓬ ꓔꓯ ꓮ ꓟꓬ, ꓟꓽ ꓓꓳ ꓝꓮꓲ ꓙ ꓖꓴ ꓫꓱ, ꓟꓽ ꓡꓳ ꓟ ꓮ ꓟꓬ, ꓙꓳ ꓡꓰ ꓟ ꓥ ꓡꓳ꓿ ꓮ ꓫꓵꓽ ꓑꓶ. ꓓꓴ ꓥ ꓐꓯ ꓠꓬ ꓟꓬ ꓢꓶ ꓡꓳ. ꓟꓽ ꓟꓳ ꓗꓷ ꓡꓰ ꓟ ꓪꓴ. .ꓠꓬꓲ ꓥ ꓡꓳ꓿ ꓡ ꓞꓳ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓬꓲ ꓠꓬ ꓟꓬ ꓢꓶ ꓟꓽ ꓟꓳ ꓗꓷ ꓡꓰ ꓟ ꓬꓲ ꓙꓵ, ꓠꓬ (10) ꓘꓳꓼ ꓙꓳ ꓡꓰ ꓐꓰ ꓐꓯ ꓔ ꓡꓳ꓿ ꓠꓰꓑꓮꓡ ꓗꓴꓷꓼ ꓗꓪ ꓔꓬ ꓟ ꓑ ꓫꓬ ꓮ ꓟꓬ, ꓠꓬ ꓕꓱ ꓡꓱ ꓟꓬ ꓢꓶ ꓟꓽ ꓟꓳ ꓢꓴ ꓮ ꓟꓬ, ꓔꓬ ꓟ ꓔꓯ ꓬꓲ ꓡꓳ. ꓟꓳ ꓗꓷ ꓟ ꓪꓴ. ꓠꓬꓲ ꓓꓣ. ꓡꓴꓲꓔ ꓠꓬ ꓟꓬ ꓢꓶ ꓘꓶ ꓖꓶ ꓟ ꓟꓬꓱꓽ ꓔꓯ ꓬꓰ ꓔꓴ ꓠ, ꓟ ꓬꓰ ꓗꓷꓳ꓿

ꓕꓱ ꓡꓰ ꓟꓬ ꓢꓶ ꓘꓶꓽ ꓕꓯ ꓠꓯꓼ ꓞꓲꓼ ꓦꓲꓻ ꓗꓪ ꓙꓰ ꓠꓬ ꓴꓢꓮ ꓒꓴ (200) ꓒꓯ ꓡꓳ‐ꓟꓲ ꓒꓴ ꓐꓯ ꓠꓬ 6 ꓫꓬ, ꓒꓯ ꓛꓲ ꓙꓳˍ ꓟ ꓥ ꓡꓳ꓿ꓖꓳ ꓡꓱ ꓥ ꓟ ꓪꓴ. ꓠꓬꓲ ꓞꓲꓼ ꓪꓴꓽ ꓡꓰ ꓟꓬ ꓢꓶ ꓟꓽ ꓟꓳ ꓖꓶ ꓡꓰ ꓢꓴ ꓟꓬ ꓢꓶ ꓔꓯ ꓘꓶꓽ ꓖꓶ ꓠ, ꓟ ꓬꓲ ꓡꓰ ꓟꓬꓱꓽ ꓬꓰ ꓢꓲ ꓠꓬꓲ ꓕꓱ ꓗꓪ ꓠꓬ ꓴꓢꓮ ꓒꓴ (3) ꓒꓯ ꓡꓰ ꓖꓴ ꓡꓰ ꓟ ꓥ ꓡꓳ꓿ ꓴꓢꓮ ꓒꓴ (3) ꓒꓯ ꓡꓰ ꓬꓲ ꓠꓬ ꓠꓻ ꓫꓬ, ꓖꓶ ꓟ ꓟꓴ ꓗꓪ ꓓꓵ ꓓꓵ ꓗꓪ ꓙꓰ ꓢꓲ ꓠꓬꓲ ꓟꓬ, ꓢꓶ ꓘꓶꓽ ꓖꓶ ꓟ ꓔꓯ ꓬꓰ ꓖꓶ ꓗꓷꓳ꓿ ꓫ. ꓢꓴ ꓟꓷꓽ ꓢꓴ ꓖꓴ ꓔꓯ ꓠꓬ ꓒꓴ ꓟꓽ ꓣꓴ ꓮ ꓔꓳ, ꓟꓬ, ꓢꓶꓽ ꓘꓶꓽ ꓖꓶ ꓟ ꓥ ꓡꓳ꓿

ꓓꓣ. ꓡꓴꓲꓔ ꓡꓰ ꓫ. ꓕꓱ ꓔ ꓟ ꓠꓬ ꓬꓲ ꓙꓵꓻ ꓟ ꓠꓬ ꓠꓰꓑꓮꓡ ꓗꓴꓷꓼ ꓕꓱ ꓡꓰ ꓫꓵꓽ ꓟꓬꓱꓽ ꓔꓯ ꓬꓰ ꓐ ꓡ ꓠꓬ ꓣꓳ ꓠꓬ ꓕꓲ ꓟꓲ ꓠꓯ ꓡꓱ ꓗꓪ ꓮ ꓡꓰ ꓫꓵꓽ ꓟꓵꓽ ꓗꓪ ꓥ ꓟꓲ ꓬꓰ ꓐ ꓡ ꓡꓳ ꓐꓰ ꓫ. ꓕꓱ ꓔ ꓡꓳ꓿ ꓬꓲ ꓠꓬ ꓡꓳ ꓒꓱ ꓗꓪ ꓐꓰ ꓶꓻ ꓤ ꓗꓪ ꓙꓳˍ ꓟ ꓞꓳ ꓘ, ꓗꓪ ꓙꓰ ꓢꓲ ꓠꓬꓲ ꓬꓲ ꓡꓰ ꓦꓲꓻ ꓒ ꓕꓲ ꓦꓲꓻ ꓔꓯ ꓥꓪ. ꓢꓲ ꓠꓬꓲ ꓟꓬ, ꓢꓶ ꓘꓶꓽ ꓖꓶ ꓠ, ꓟ ꓠꓯꓼ ꓞꓲꓼ ꓦꓲꓻ ꓫꓬ, ꓖꓶ ꓟ ꓥ ꓡꓳ꓿ ꓠꓻ ꓫꓬ, ꓡ ꓢꓴ ꓡ ꓞꓳ ꓔꓴ ꓔꓴ ꓟꓶ ꓟꓶ ꓠꓬ ꓡ ꓢꓲ ꓠꓬꓲ ꓠꓻ ꓫꓬ, ꓡ ꓟ ꓥ ꓡꓳ꓿ ꓕꓱ ꓗꓪ ꓡ ꓢꓴ ꓡ ꓞꓳ ꓮ ꓟꓬ, ꓠꓬ ꓞꓳ ꓫ. ꓥ ꓢꓲ ꓠꓬꓲ ꓟꓬ ꓢꓶ ꓟꓽ ꓟꓳ ꓢꓴ ꓐꓴ ꓥ ꓡꓳ꓿

ꓕꓱ ꓡ ꓞꓳ ꓮ ꓟꓬ, ꓠꓬ ꓗꓳ. ꓗꓷ ꓟ ꓙꓵ, ꓕꓯ ꓠꓯꓼ ꓞꓲꓼ ꓟ. ꓒꓽ ꓓꓽ ꓐꓴ ꓐꓰ ꓠꓻ ꓟꓽ ꓫꓬ, ꓪ ꓡꓰ ꓢꓴ ꓐꓴ ꓥ ꓡꓳ꓿ ꓕꓱ ꓟꓬ ꓢꓶ ꓘꓶꓽ ꓖꓶ ꓟ ꓬꓲ ꓙꓵ, ꓟꓶ ꓫꓵˍ ꓟ ꓠꓬ (5) ꓟꓲꓠꓴꓔꓰꓢ ꓡꓰ ꓟꓶ ꓫꓵˍ ꓟ ꓥ ꓡꓳ꓿ ꓬꓲ ꓡꓰ ꓞꓳ ꓫ. ꓐꓴ ꓟꓬ ꓢꓶ ꓔꓯ ꓘꓶꓽ ꓖꓶ ꓢꓲ ꓠꓬꓲ ꓬꓲ ꓪ ꓥꓳꓽ ꓡꓳ ꓓꓴ ꓔꓶꓻ ꓙꓱ ꓔꓯ ꓝꓮꓲ ꓪ ꓡꓰ ꓝꓲ ꓟ ꓥ ꓡꓳ꓿ ꓠꓻ ꓫꓬ ꓡ ꓢꓴ ꓞꓳ ꓠꓻ ꓕꓲ ꓣꓳ ꓡꓰ ꓫ. ꓕꓱ ꓔ ꓟ ꓠꓬ ꓬꓲ ꓠꓬ ꓟꓬ ꓢꓶ ꓔꓯ ꓝꓮꓲ ꓡꓳ. ꓟꓳ ꓪ ꓟ ꓪꓴ. ꓠꓬꓲ ꓮ ꓘꓶ. ꓗ, ꓛꓲ ꓡꓳ ꓐꓰ ꓫ. ꓕꓱ ꓔ ꓡꓳ꓿

ꓓꓣ. ꓡꓴꓲꓔ ꓡꓰ ꓫ. ꓕꓱ ꓔ ꓟ ꓠꓬ ꓠꓻ ꓫꓬ ꓖꓶ ꓟ ꓪꓴ. ꓠꓬ ꓬꓲ ꓠꓬꓲˍ ꓖꓴ ꓗꓪ ꓠꓬꓲ ꓠ ꓢꓲ ꓠꓬꓲ ꓓꓵ ꓙ ꓗꓷ ꓕꓯ ꓟꓬ ꓢꓶ ꓟꓽ ꓟꓳ ꓢꓴ ꓝꓮꓲ ꓟꓬ ꓢꓶ ꓡꓳ. ꓟꓳ ꓪ ꓟ ꓪꓴ. ꓠꓬꓲ ꓮ ꓘꓶ. ꓛꓲ ꓙꓲˍ ꓖꓴ ꓙꓳ ꓟ ꓐꓰ ꓬꓲ ꓤꓶꓻ ꓔꓯ ꓝꓮꓲ ꓕꓲ ꓧꓪ ꓙ ꓫꓱ, ꓠ, ꓟ ꓢꓯꓼ ꓪ ꓟꓶ ꓡꓰ ꓡꓳ ꓐꓰ ꓫ. ꓕꓱ ꓔ ꓡꓳ꓿ ꓠꓻ ꓫꓬ ꓖꓶ ꓟ ꓬꓲ ꓙꓵ, ꓠꓬ (5) ꓟꓢ ꓡꓰ ꓟꓶ ꓫꓵˍ ꓟ ꓥ ꓡꓳ꓿ ꓕꓱ ꓡꓰ ꓐꓰ ꓟꓶ ꓫꓵˍ ꓫꓵˍ ꓟꓽ ꓡꓳ ꓗꓷ ꓡꓰ ꓟ ꓟꓬ ꓢꓶ ꓔꓯ ꓴꓢꓮ ꓒꓴ (3) ꓗꓪ ꓐꓰ ꓠꓻ ꓫꓬ, ꓖꓶ ꓗꓷ ꓟ ꓥ ꓡꓳ꓿

ꓓꓣ. ꓡꓴꓲꓔ ꓡꓰ ꓠꓴ ꓪ ꓠꓬ ꓬꓲ ꓪ ꓗ, ꓛꓲ ꓟ ꓔꓯ ꓒꓴ ꓟꓬ ꓗꓪ ꓡꓳ. ꓟꓳ ꓓ ꓡꓳ ꓢꓲ ꓠꓬꓲ ꓬꓲ ꓪ ꓔꓯ ꓡ ꓠ, ꓟ ꓤꓶꓻ ꓗꓪ ꓙꓰ ꓠ, ꓟ ꓢꓯꓼ ꓪ ꓪ ꓓꓴ ꓒꓬꓱꓼ ꓡ ꓗꓷ ꓟ ꓥ ꓡꓳ꓿ꓓꓣ. ꓡꓴꓲꓔ ꓠꓬ ꓟꓵꓽ ꓗꓳ ꓓꓵ ꓓꓵ ꓗꓪ ꓙꓰ ꓢꓲ ꓠꓬꓲ ꓧꓶꓽ ꓗꓴꓷꓼ ꓠꓰꓑꓮꓡ ꓗꓴꓷꓼ ꓲꓠꓓꓲꓮ ꓗꓴꓷꓼ ꓖꓴ ꓟꓶ ꓗꓳꓣꓰꓮꓠ ꓗꓴꓷꓼ ꓠꓻ ꓫꓬ ꓖꓶ ꓗꓷ ꓟ ꓥ ꓡꓳ꓿ ꓓꓣ. ꓡꓴꓲꓔ ꓬꓲ ꓕꓲ ꓣꓳ ꓔꓵ ꓡꓰ ꓟꓬ ꓢꓶ ꓘꓶꓽ ꓖꓶ ꓟ ꓠꓬ ꓡ ꓞꓳ (10000) ꓣꓳ ꓙꓳ ꓡꓰ ꓟ ꓥ ꓡꓳ꓿ ꓬꓲ ꓠꓬ ꓟꓲ ꓠꓯ ꓗꓪ ꓓꓽ ꓪꓴ. ꓕꓲ ꓣꓳ ꓟ ꓫ. ꓓꓴ ꓟꓷꓽ ꓢꓴ ꓐꓴ ꓔꓯ ꓟꓬ ꓢꓶ ꓘꓶꓽ ꓠꓻ ꓫꓬ ꓖꓶ ꓟ ꓙꓵ, ꓕꓯ ꓬꓲ ꓒꓵꓽ ꓟꓽ ꓣꓴ ꓢꓴ ꓟ. ꓒꓽ ꓓꓽ ꓕꓲ ꓣꓳ ꓥ ꓡꓳ꓿

ꓓꓣ. ꓡꓴꓲꓔ ꓡꓰ ꓫ. ꓕꓱ ꓔ ꓟ ꓠꓬ ꓬꓲ ꓠꓬꓲˍ ꓟ ꓬꓮꓠꓖꓡꓮ ꓟꓬꓱꓺ ꓔ ꓢꓴ ꓠꓬ ꓬꓲ ꓞꓲꓼ (15) ꓘꓳꓼ ꓙꓳˍ ꓡꓰ ꓟ ꓙꓵ, ꓕꓯ ꓫꓵꓻ ꓡꓰ ꓟ ꓥ ꓡꓳ꓿ ꓬꓲ ꓓꓵ ꓙ ꓗꓷ ꓟ ꓠꓬ ꓠꓯꓼ ꓞꓲꓼ ꓫꓬ, ꓖꓶ ꓟꓽ ꓡꓳ ꓟ ꓪꓴ. .ꓠꓬꓲ ꓥ ꓡꓳ ꓐꓰ ꓓꓵ ꓙ ꓗꓷ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓬꓲ ꓠꓬꓲˍ ꓟ ꓡꓰ ꓐꓰ ꓟꓽ ꓗꓷ ꓡꓰ ꓠ, ꓟ ꓫ. ꓢꓴ ꓟꓷ ꓢꓴ ꓐꓴ ꓔꓯ ꓬꓲ ꓡꓰ ꓫ. ꓕꓱ ꓠꓻ ꓖꓶ ꓢꓲ ꓠꓬꓲ ꓬꓰ ꓐ ꓡ ꓟ ꓕꓲ ꓒꓳ, ꓗꓪ ꓐꓰ ꓬꓰ ꓙ ꓗꓷ ꓟ ꓥ ꓡꓳ ꓐꓰ ꓫ. ꓕꓱ ꓔ ꓡꓳ꓿

ꓓꓣ. ꓡꓴꓲꓔ ꓔꓯ ꓠꓬ ꓟꓲ ꓠꓯ ꓡ ꓞꓳ ꓔꓯ ꓮ ꓘꓶ. ꓛꓲ ꓠꓲ, ꓠꓵ ꓢꓴ ꓝꓮꓲ ꓫ. ꓢꓴ ꓟꓷ ꓢꓴ ꓐꓴ ꓔꓯ ꓫꓱ ꓤ ꓢꓴ ꓙ ꓖꓳ ꓠꓲ, ꓐꓲ ꓞꓼ ꓢꓴ ꓐꓰ ꓟꓬꓱꓺ ꓓꓳꓽ ꓖꓶ ꓟ ꓥ ꓡꓳ꓿ ꓕꓱ ꓡꓰ ꓫꓵꓽ ꓢꓯ. ꓐꓬꓱ ꓮ ꓟꓬ, ꓬꓰ ꓐ ꓡ ꓠ, ꓟ ꓡꓲꓗꓰ ꓮꓠꓓ ꓢꓧꓮꓣꓰ ꓚꓳꓟꓟꓰꓠꓔ ꓮ ꓟꓬ, ꓖꓶ ꓓꓴ ꓬꓰ ꓡꓯ ꓫ. ꓟꓳ ꓪ꓿