AD ꓮ552 ꓘꓳꓼ ꓕꓯ ꓪꓴ-ꓢ ꓟꓬꓱꓽ ꓬꓰˍ ꓟ ꓚꓱꓹ

AD ꓮ552 ꓘꓳꓼ ꓕꓯ ꓪꓴ-ꓢ ꓟꓬꓱꓽ ꓬꓰˍ ꓟ ꓚꓱꓹ

AD ꓮ552 ꓘꓳꓼ ꓕꓯ ꓪꓴ-ꓢ ꓟꓬꓱꓽ ꓬꓰˍ ꓟ ꓚꓱꓹ ꓗꓪ ꓮ ꓟꓬ ꓪꓴꓽ ꓡ ꓟꓴ ꓡꓹ ꓟ ꓔꓯ ꓡꓳꓸ ꓟꓳ ꓪ ꓡꓳ= ꓪꓴ-ꓢ ꓶꓼ ꓓꓳ ꓫꓱꓹ ꓓꓳ ꓚꓺˍ ꓟ ꓟꓵꓽ ꓠꓬ A-ꓢꓲꓮ ꓐꓰ ꓮ-ꓟꓲ-ꓣ-ꓗ ꓗꓪ ꓥ ꓡꓳ=  ꓮ-ꓢꓲꓮ ꓟꓵꓽ ꓗꓪ ꓪꓴ-ꓢ ꓔꓯ ꓦꓺ ꓡꓱ ꓡ ꓢꓴ ꓙꓲ-ꓢꓴ ꓢꓲ ꓤ ꓮ ꓟꓬꓹ ꓟꓬꓽ ꓡ ꓪ= ꓮ ꓢꓲꓮ ꓟꓵꓽ ꓗꓪ ꓪꓴ-ꓢ ꓐꓯ ꓘꓶꓽ ꓚꓺ ꓢꓴ ꓠꓬ ꓙꓲꓻ ꓫꓬ ꓢꓴ Francis Xavier ꓥ ꓡꓳ= ꓙꓲꓻ ꓫꓬ ꓢꓴ Francis Xavier ꓠꓬ ꓡ ꓞꓳ ꓮ ꓟꓬꓹ ꓔꓯ ꓪꓴ-ꓢ ꓐꓯ ꓘꓶꓽ ꓚꓺ ꓖꓶ ꓢꓲ ꓫꓸ ꓢꓴ ꓟꓶ ꓢꓴ ꓔꓯ ꓮ ꓟꓬꓹ ꓬꓰ ꓙ ꓗꓷꓳ=ꓬꓲ ꓠꓬ ꓠꓻ ꓔꓬ ꓢꓴ ꓡ ꓞꓳ ꓐꓴ ꓔꓯ ꓪꓽ ꓘꓴ ꓖꓶˍ ꓕꓯ ꓢꓷꓸ ꓡꓰ ꓓꓴ ꓮ ꓟꓬꓹ ꓬꓰ ꓖꓶ ꓗꓷꓳ= ꓙꓲꓻ ꓫꓬ ꓢꓴ Francis Xavier ꓠꓬ India ꓗꓴꓷꓼ꓾ Malaysia ꓗꓴꓷꓼ꓾ Japan ꓗꓴꓷꓼ ꓐꓰ ꓧꓶ ꓗꓴꓷꓼ꓾ Sancian ꓟꓵꓽ ꓗꓪ ꓛꓲ ꓪꓴ-ꓢ ꓶꓼ ꓓꓳ ꓫꓱꓹ ꓓꓳꓽ ꓚꓺ ꓛꓲ ꓪ=

ꓙꓲꓻ ꓫꓬ ꓢꓴ Francis Xavier ꓡꓰ ꓮ ꓟꓬꓹ ꓢꓯ; ꓕꓵ;ˍ ꓟ ꓪꓴꓸ ꓠꓬꓲ India ꓗꓴꓷꓼ ꓗꓪ ꓙꓲ-ꓢꓴ ꓢꓲ ꓤ (30000) ꓣꓳ ꓐꓰ Malaysia ꓗꓴꓷ; ꓗꓪ ꓐꓰ (50000) ꓣꓳ ꓪꓴ-ꓢ ꓦ ꓡꓱ ꓡ ꓢꓴ ꓒꓬꓱ; ꓡ ꓪ=ꓙꓲꓻ ꓫꓬ ꓢꓴ Francis Xavier ꓠꓬ ꓙꓲ-ꓢꓴ ꓢꓲ ꓤ ꓐꓴ ꓐꓱ ꓶ ꓕꓳꓽ ꓶ ꓮ ꓟꓬꓹ ꓐꓳ ꓢꓴˍ ꓟꓲ ꓥ ꓡꓳ= Asia ꓟꓵꓽ ꓗꓪ ꓪꓴ-ꓢ ꓦ ꓡꓱ ꓡ ꓢꓴ ꓮ ꓟꓬꓹ ꓟꓬꓽ ꓡꓹ ꓟ ꓪꓴꓸ ꓠꓬꓲ ꓖꓳ ꓓꓱꓽ ꓔꓲꓹ ꓖꓶˍ ꓕꓯ ꓬꓲꓻ ꓙꓬ ꓧꓳꓽ ꓖꓶˍ ꓟ ꓡꓯꓽ ꓒꓯꓹ ꓠꓬ ꓪꓴꓽ ꓧꓶˍ ꓡꓳ꓾ ꓐꓰ ꓕꓳ ꓶ ꓗꓪ ꓐꓳ ꓔ ꓡꓳ=ꓙꓲꓻ ꓫꓬ ꓢꓴ Francis Xavier ꓮ ꓟꓬꓹ ꓪꓽ ꓘꓴ ꓢꓴˍ ꓟꓲ ꓥ ꓡꓳ= ꓪꓴ-ꓢ ꓟꓬꓱꓽ ꓬꓰ ꓕꓯ ꓮ ꓟꓬꓹ ꓫꓸ ꓓꓴ ꓔꓳꓹ ꓜꓳꓽˍ ꓟꓲ ꓮ ꓟꓬꓹ ꓢꓯꓼ ꓕꓵꓼˍ ꓟ ꓥ ꓡꓳ= ꓧꓶꓽ ꓟꓵꓽ ꓗꓪ ꓛꓲ ꓪꓴ-ꓢ ꓟꓬꓱꓽ ꓬꓰ ꓗꓷ ꓢꓲ ꓬꓲ ꓞꓲꓼ 46 ꓘꓳꓼ AD(1552) ꓘꓳꓼ ꓕꓯ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳꓹ ꓬꓰ ꓪ=ꓙꓲꓻ ꓫꓬ ꓢꓴ Francis Xavier ꓦꓬ; ꓠꓬꓲ ꓡꓳ, ꓬꓰ ꓗ. ꓠꓯ. ꓬꓲ ꓧꓪ: ꓖꓳ ꓓꓱꓽ ꓔꓯ ꓠꓬ ꓮ ꓒꓬ ꓡꓲ ꓙꓳˍ ꓟ ꓪꓴꓸ ꓠꓬꓲ ꓙꓲꓻ ꓫꓬ ꓢꓴ ꓐꓰ ꓟꓬꓱ ꓓꓳꓽ ꓖꓶ ꓗꓷ ꓪ= ꓙꓲꓻ ꓫꓬ ꓢꓴ Fransic Xavier ꓧꓪ ꓖꓳ ꓓꓱꓽ ꓠꓬ (400) ꓘꓳ ꓠꓬꓲ ꓠꓬꓲ ꓗꓪ ꓛꓲ ꓙꓳˍ ꓟ ꓥ ꓡꓳ=

Add new comment

17 + 2 =