Alexandria ꓡꓳ ꓒꓱ ꓗꓪ ꓐꓰ ꓙꓲꓻ ꓫꓬ ꓢꓴ Cyril ꓑꓮꓲ꓿ (St.Cyril of Alexandria )

Alexandria ꓡꓳ ꓒꓱ ꓗꓪ ꓐꓰ ꓙꓲꓻ ꓫꓬ ꓢꓴ Cyril ꓑꓮꓲ꓿

Alexandria ꓡꓳ ꓒꓱ ꓗꓪ ꓐꓰ ꓙꓲꓻ ꓫꓬ ꓢꓴ Cyril ꓔꓯ ꓰꓖꓬꓑꓔ ꓗꓴꓷꓼ ꓗꓪ ꓮꓓ 370 ꓘꓳꓼ ꓕꓯ ꓦꓵꓻ ꓗꓷ ꓟ ꓥ ꓡꓳ꓿ ꓪꓴ‐ꓢ ꓐꓯ ꓘꓶꓽ ꓢꓳꓻ ꓣꓴ ꓪ ꓡꓰ ꓗ. ꓠꓯ Alexandria ꓡꓳ ꓒꓱ ꓗꓪ ꓔꓲꓺ ꓒ ꓓ ꓔꓯ ꓬꓰ ꓙ ꓗꓷ ꓟ ꓥ ꓡꓳ꓿ ꓔꓲꓺ ꓒ ꓓ ꓟꓲ ꓠꓯ ꓗꓪ ꓐꓰ ꓧꓪ ꓖꓳꓽ ꓓꓱ ꓡꓳ,  ꓬꓰ ꓗ. ꓠꓯ ꓙꓲꓻ ꓫꓬ ꓢꓴ ꓚꓬꓣꓲꓡ ꓠꓬ ꓔꓲꓺ ꓒ ꓓ ꓒꓬꓱꓼ ꓡ ꓪ꓿

ꓢꓲꓺ ꓒ ꓬꓰ‐ꓢꓴ ꓟ, ꓟ ꓟ‐ꓡꓲ ꓐꓰ ꓪꓴ‐ꓢ ꓔꓯ ꓟꓽ ꓔꓱ, ꓟꓽ ꓜꓳꓻ ꓟ ꓚꓱ, ꓗꓪ ꓐꓰ ꓟ. ꓟꓲꓽ ꓚꓺ ꓟ (Nestorius ) ꓟꓬꓱꓺ ꓔ ꓢꓴ ꓔꓯ ꓥꓳꓽ ꓡꓰ ꓟ ꓟ. ꓟꓲꓽ ꓚꓱ, ꓔꓯ ꓕꓽ ꓚꓺ ꓠ, ꓟ ꓐꓯ ꓟ. ꓗꓷ ꓟ ꓥ ꓡꓳ꓿ ꓖꓳ ꓗ. ꓠꓯ ꓙꓲꓻ ꓫꓬ ꓢꓴ ꓚꓬꓣꓲꓡ ꓔꓯ ꓚꓬꓴ ꓢꓲꓺ ꓒ ꓬꓰ‐ꓢꓴ ꓙꓲ‐ꓢꓴ ꓟꓲ ꓠꓯ ꓗꓪ ꓬꓯꓼ ꓡ ꓟ ꓦꓵꓻ ꓡ ꓟ ꓚꓱ, ꓔꓯ ꓮ ꓟꓬ, ꓓꓻ ꓢꓴ ꓐꓰ Doctor of Incarnation ꓔꓯ ꓢꓷ. ꓢꓴ ꓐꓰ ꓟꓬꓱꓺ ꓓꓳꓽ ꓖꓶ ꓟ ꓥ ꓡꓳ꓿

ꓔꓲꓺ ꓒ ꓓ ꓙꓲꓻ ꓫꓬ ꓢꓴ Cyril ꓠꓬ Constantinople ꓡꓳ ꓒꓱ ꓗꓪ ꓔꓲꓺ ꓒ ꓓ ꓙꓵꓽ ꓪ ꓔꓯ ꓮꓓ 428 ꓘꓳꓼ ꓕꓯ ꓘꓳ ꓣꓴ ꓪ ꓡꓰꓳ꓿ ꓖꓳ ꓕꓲ ꓙꓵ, ꓗꓪ ꓥꓳꓽ ꓡꓰ ꓟ ꓟꓽ ꓔꓱ, ꓟ ꓟ. ꓟꓲꓽ ꓚꓺ ꓢꓴ (Nestorius) ꓚꓺ ꓟ ꓥꓳꓽ ꓡꓰ ꓟ ꓔꓯ ꓫꓬ, ꓐꓱ ꓗꓷ ꓥ ꓡꓳ꓿ ꓕꓱ ꓟ ꓠꓬ ꓢꓲꓺ ꓒ ꓬꓰ‐ꓢꓴ ꓠꓬ ꓟꓲ ꓠꓯ ꓗꓪ ꓬꓯꓼ ꓡ ꓟ ꓚꓱ, ꓐꓰ ꓟ, ꓟ ꓟ‐ꓡꓲ ꓠꓬ ꓢꓲꓺ ꓒ ꓬꓰ‐ꓢꓴ ꓔꓯ ꓦꓵꓻ ꓗꓷ ꓟ ꓚꓱ, ꓔꓯ Nestorius ꓠꓬ ꓟꓽ ꓢꓷ. ꓔ ꓐꓰ ꓐꓯ ꓗꓷ ꓟ ꓥ ꓡꓳ꓿

ꓕꓱ ꓥꓳꓽ ꓡꓰ ꓟ ꓟꓽ ꓔꓱ, ꓟ ꓟ. ꓟꓲ ꓔꓯ ꓖꓴ. ꓙꓲꓻ ꓙꓳ ꓢꓲ ꓠꓬꓲ ꓔꓲꓺ ꓒ ꓓ Cyril ꓐ, ꓟ ꓖꓪ ꓙꓱ ꓜꓲꓼ ꓓꓴ ꓔꓯ  ꓮꓓ 431 ꓘꓳꓼ ꓕꓯ ꓬꓲ‐ꓩꓴ‐ꓢꓳ ꓡꓳ ꓒꓱ ꓗꓪ ꓬꓰ ꓗꓷ ꓟ ꓥ ꓡꓳ꓿ ꓕꓱ ꓖꓪ ꓙꓱ ꓜꓲꓼ ꓓꓴ ꓗꓪ ꓐꓰ ꓥꓳꓽ ꓡꓰ ꓟ ꓟ. ꓟꓲꓽ ꓔꓯ ꓚꓺ ꓢꓴ Nestorius ꓔꓯ ꓔꓲꓺ ꓒ ꓪ ꓔꓲ  celestine (1) ꓡꓰ ꓘꓴ ꓜꓲꓼ ꓞꓳ ꓗꓪ ꓐꓰ ꓗꓼ ꓓꓳꓻ ꓗꓷꓳ꓿ ꓙꓲꓻ ꓫꓬ ꓢꓴ ꓔꓲꓺ ꓒ ꓓ Cyril ꓠꓬ ꓬꓲ. ꓠꓯ ꓗꓪ ꓬꓲ. ꓙꓵ, ꓙꓳˍ ꓟ ꓙꓵ, ꓕꓯ ꓢꓲꓺ ꓒ ꓬꓰ‐ꓢꓴ ꓚꓱ, ꓔꓯ ꓟ. ꓟꓲꓽ ꓚꓺ ꓢꓲ ꓠꓬꓲ ꓟꓽ ꓥꓳꓽ ꓡꓰ ꓟꓽ ꓛꓬ ꓠ, ꓟ ꓙꓲ‐ꓢꓴ ꓢꓲꓺ ꓤ ꓐꓴ ꓐꓱ ꓶ ꓕꓳ ꓶ ꓮ ꓟꓬ, ꓑꓷꓠ ꓐꓳ ꓖꓶ ꓗꓷꓳ꓿

ꓟ, ꓟ ꓟ‐ꓡꓲ ꓠꓬ ꓢꓲꓺ ꓒ ꓬꓰ‐ꓢꓴ ꓪꓴ‐ꓢ ꓬꓲ. ꓟ, ꓟ  ꓥ ꓡꓳ ꓐꓰ ꓓꓽ ꓪꓴ. ꓐꓯ ꓢꓴ ꓠꓬ ꓙꓲꓻ ꓫꓬ ꓢꓴ Cyril ꓥ ꓡꓳ꓿ Alexandria ꓡꓳ ꓒꓱ ꓗꓪ ꓐꓰ ꓙꓲꓻ ꓫꓬ ꓢꓴ Cyril ꓠꓬ ꓮꓓ 444 ꓘꓳꓼ ꓬꓲ. ꓞꓲꓼ 74 ꓘꓳꓼ ꓕꓯ ꓢꓲꓺ ꓒ ꓠꓯ ꓗꓪ ꓬꓲꓼ ꓟꓶ ꓡꓰꓳ꓿ ꓬꓲ. ꓔꓯ Doctor of the Church ꓟꓬꓱꓺ ꓔꓯ 1882 ꓘꓳꓼ ꓕꓯ ꓖꓶ ꓗꓷ ꓟ ꓥ ꓡꓳ꓿