Cambodia ꓗꓴꓷꓼ ꓗꓪ ꓐꓰ ꓮ ꓘꓶ. ꓛꓲ ꓟꓬꓱꓺ ꓓꓳꓽ ꓙꓳˍ ꓢꓴ ꓦꓲꓻ ꓫꓬ, ꓒꓽ ꓐꓴ ꓚꓱ, (awesome Indonisia builders)

#creditphoto #Indonesia builder #awesome

Monday, May 20, 2024

Cambodia ꓗꓴꓷꓼ ꓗꓪ ꓐꓰ ꓮ ꓘꓶ. ꓛꓲ ꓟꓬꓱꓺ ꓓꓳꓽ ꓙꓳˍ ꓢꓴ ꓦꓲꓻ ꓫꓬ, ꓒꓽ ꓐꓴ ꓚꓱ,

ꓠꓬꓲ. ꓠꓬꓲ ꓟꓬꓱꓺ ꓓꓳꓽ ꓙꓳˍ ꓢꓴ ꓐꓴ ꓚꓺ ꓟꓲꓽ ꓚꓱ, ꓗꓪ ꓐꓰ Cambodia ꓗꓪ ꓐꓰ ꓟꓬꓱꓺ ꓓꓳꓽ ꓮ ꓟꓬ, ꓙꓳˍ ꓢꓴ ꓦꓲꓻ ꓫꓬ, ꓒꓽ ꓐꓴ ꓜꓴꓻ ꓚꓱ, ꓥ ꓡꓳ꓿ ꓬꓲ ꓪ ꓜꓴꓻ ꓔꓯ Cambodia ꓗꓴꓷꓼ ꓡꓲ ꓛꓲ ꓟꓵꓽ ꓗꓪ ꓫꓬ, ꓢꓲ ꓫꓬ ꓠꓬ ꓟꓲ ꓠꓯ ꓡ ꓞꓳ ꓐꓴ ꓔꓯ ꓟꓳ. ꓖꓶ ꓢꓴ ꓬꓳꓴꓔꓴꓓꓰ ꓗꓪ ꓮ ꓘꓶ. ꓛꓲ ꓟꓬꓱꓺ ꓓꓳꓽ ꓙꓳ ꓢꓴ ꓐꓴ ꓜꓴꓻ ꓥ ꓡꓳ꓿ ꓬꓲ ꓪ ꓜꓴꓻ ꓠꓬ ꓟꓽ ꓫ. ꓕꓱ ꓝꓮꓲ ꓖꓳ ꓡꓱ ꓥ ꓟꓲ ꓟꓲ ꓠꓯ ꓗꓪ ꓮ ꓘꓶ. ꓛꓲ ꓟꓬꓱꓺ ꓓꓳꓽ ꓙꓳˍ ꓢꓴ ꓐꓴ ꓥ ꓡꓳ꓿

ꓮ ꓫꓵꓽ ꓑꓶ. ꓓꓴ ꓥ ꓐꓯ ꓠꓬ ꓬꓲ ꓪ ꓜꓴꓻ ꓠꓬ ꓟꓲ ꓠꓯ ꓗꓪ ꓟꓲ ꓠꓯ ꓚꓴ. ꓢꓲ ꓠꓬꓲ ꓠꓱ. ꓦꓱ ꓡꓰ ꓦꓲꓻ ꓫꓬ, ꓟ ꓗꓪ ꓮ ꓘꓶ. ꓛꓲ ꓓꓽ ꓡꓳ ꓬꓰ ꓢꓴ ꓐꓴ ꓥ ꓡꓳ꓿ ꓬꓲ ꓪ ꓠꓬ ꓜꓴꓻ ꓦꓲꓻ ꓔꓯ ꓮ ꓘꓶ. ꓡꓳ. ꓐꓲˍ ꓟ ꓔꓯ ꓫꓬ ꓢꓴ ꓐꓴ ꓥ ꓡꓳ꓿ ꓬꓲ ꓪ ꓜꓴꓻ ꓮ ꓡꓰ ꓟ ꓐꓴ ꓠꓬ ꓮ ꓫꓵꓽ ꓑꓶ. ꓓꓴ ꓟꓬꓱꓺ ꓓꓳ ꓙꓳˍ ꓡ ꓡ?

ꓚꓮꓟꓐꓳꓓꓲꓮ ꓗꓴꓷꓼ ꓢꓲꓰꓟ ꓣꓰꓮꓑ ꓟꓬꓱꓺ ꓔ ꓟ ꓔꓲ. ꓗꓪ ꓟꓳꓡꓡꓬ ꓟꓬꓱꓺ ꓔ ꓢꓴ ꓔꓬ ꓟ ꓥ ꓡꓳ꓿ ꓟꓳꓡꓡꓬ ꓡꓰ ꓫ. ꓕꓱ ꓔ ꓟ ꓠꓬ ꓬꓲ ꓠꓬ ꓡꓲ ꓛꓲ ꓟꓵꓽ ꓗꓪ ꓦꓲꓻ ꓫꓬ ꓝꓮꓲ ꓠꓱ. ꓦꓱ ꓚꓵ. ꓢꓲ ꓠꓬꓲ ꓦꓲꓻ ꓫꓬ, ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓗꓳ. ꓗꓷ ꓟ ꓢ ꓘꓳꓼ ꓕꓯ ꓟꓳꓡꓡꓬ ꓠꓬ ꓓꓰꓢꓲꓖꓠꓰꓪꓰꓣ ꓐꓳ ꓢꓴ ꓕꓲ ꓣꓳ ꓥ ꓡꓳ꓿ ꓬꓲ ꓠꓬ ꓡꓳ ꓒꓱ ꓗꓪ ꓔꓬ ꓢꓲ ꓠꓬꓲ ꓓꓰꓢꓲꓖꓠꓰꓣ ꓟꓬꓱꓽ ꓬꓰ ꓢꓴ ꓕꓲ ꓣꓳ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓕꓲ ꓠꓬꓲ ꓙꓳˍ ꓕꓯ ꓬꓲ ꓢꓷ. ꓡꓲ ꓟ ꓥ ꓡꓳ꓿ ꓬꓲ ꓪ ꓜꓴꓻ ꓝꓮꓲ ꓬꓲ ꓪ ꓘꓳꓼ ꓗꓪ ꓐꓰ ꓡ ꓞꓳ ꓐꓴ ꓠꓬ ꓦꓲꓻ ꓫꓬ, ꓟ ꓐꓰ ꓡꓯ ꓒꓯ, ꓡꓰ ꓬꓰ ꓟ ꓟꓬꓱꓽ ꓮ ꓟꓬ, ꓫꓵꓽ ꓗꓪ ꓮ ꓘꓶ. ꓛꓲ ꓓꓽ ꓟ ꓔꓯ ꓬꓰ ꓢꓷ. ꓡꓰ ꓟ ꓥ ꓡꓳ꓿ ꓚꓮꓟꓐꓳꓓꓲꓮ ꓗꓴꓷꓼ ꓗꓪ ꓔꓬ ꓟ ꓑ ꓫꓬ ꓮ ꓟꓬ, ꓠꓬ ꓗꓶ ꓛꓲ ꓭ ꓟ ꓐꓰ ꓝꓮꓲ ꓡꓯ ꓒꓯ ꓟꓬꓱꓽ ꓗꓪ ꓮ ꓘꓶ. ꓛꓲ ꓓꓽ ꓢꓴ ꓐꓴ ꓥ ꓡꓳ꓿ ꓗꓳ. ꓗꓷ ꓟ ꓙꓵ, ꓗꓪ ꓐꓰ ꓬꓲ ꓙꓵ, ꓟꓶ ꓫꓵˍ ꓫꓵˍ ꓑ ꓫꓬ ꓐꓴ ꓠꓬ ꓚꓲ. ꓛꓬ ꓦꓲꓻ ꓕꓯ ꓫꓬ, ꓝꓮꓲ ꓠꓱ. ꓦꓱ ꓡꓰ ꓦꓲꓻ ꓫꓬ, ꓢꓲ ꓠꓬꓲ ꓔꓬ ꓢꓴ ꓐꓴ ꓥ ꓡꓳ꓿ ꓬꓲ ꓠꓬ ꓪꓽ ꓚꓴ. ꓐꓰ ꓠꓱ. ꓦꓰ ꓣꓱ ꓢꓲ ꓠꓬꓲ ꓦꓲꓻ ꓫꓬ ꓔ ꓟ ꓥ ꓡꓳ꓿

ꓖꓳ ꓡꓱ ꓥ ꓟꓲ ꓕꓱ ꓡꓱ ꓫꓵꓽ ꓟꓬꓱꓽ ꓔꓯ ꓬꓰ ꓢꓴ ꓐꓴ ꓠꓬ . ꓐꓐ (ꓟꓵꓽ) ꓗꓪ ꓔꓬ ꓢꓴ ꓐꓴ ꓥ ꓡꓳ꓿ ꓬꓲ ꓪ ꓠꓬ ꓫ. ꓢꓴ ꓐꓴ ꓥ ꓢꓲ ꓠꓬꓲ ꓬꓲ ꓪ ꓮ ꓘꓶ. ꓛꓲ ꓓꓽ ꓟ ꓔꓯ ꓮ ꓡꓰ ꓟ ꓥ ꓟꓲ ꓟꓽ ꓢꓷ. ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓟꓳꓡꓡꓬ ꓓꓴ ꓙ ꓗꓷ ꓟ ꓠꓬ ꓚꓮꓟꓐꓳꓓꓲꓮ ꓗꓪ ꓐꓰ ꓮ ꓘꓶ. ꓛꓲ ꓓꓽ ꓟ ꓡ ꓞꓳ ꓟꓽ ꓢꓷ. ꓔ ꓢꓴ ꓐꓴ ꓔꓯ ꓟꓲ ꓠꓯ ꓡ ꓞꓳ ꓮ ꓙꓵꓽ ꓢꓷ. ꓡꓰ ꓠ ꓡꓳ. ꓟꓳ ꓡꓰ ꓠ, ꓟ ꓟ. ꓖꓶ ꓠ, ꓟ ꓥ ꓡꓳ꓿

ꓬꓲ ꓠꓬ ꓡꓳ ꓒꓱ ꓗꓪ ꓟꓬꓱꓽ ꓬꓰ ꓟ ꓔꓯ ꓡꓳ ꓔ ꓢꓲ ꓠꓬꓲ ꓟꓬꓱꓽ ꓬꓰ ꓔꓴ ꓠ, ꓟ ꓥ ꓡꓳ꓿ ꓝꓮꓲ ꓬꓲ ꓒꓴ ꓔꓯ ꓣꓱ ꓢꓲ ꓠꓬꓲ ꓞꓳ ꓘ, ꓗꓪ ꓔꓬ ꓗꓷꓳ꓿ ꓕꓱ ꓗꓪ ꓠꓬ ꓢ ꓠꓯ ꓗꓪ ꓥ ꓡꓳ꓿ ꓕꓱ ꓗꓪ ꓬꓲ ꓠꓬ ꓬꓳꓴꓔꓴꓓꓰ ꓚꓧꓮꓠꓠꓰꓡ ꓬꓲ ꓫꓵꓼ ꓕꓲ ꓟ ꓒꓴ ꓗꓷꓳ꓿ ꓬꓲ ꓡꓰ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓟꓬꓱꓽ ꓐꓰ ꓒꓵꓽ ꓖꓶ ꓟ ꓥ ꓡꓳ꓿ ꓝꓮꓲ ꓬꓲ ꓡꓰ ꓬꓲ ꓪ ꓔꓯ ꓬꓲ ꓡꓰ ꓓꓰꓢꓲꓖꓠꓰꓣ ꓢꓱ. ꓔ ꓟ ꓔꓯ ꓫꓬ, ꓠ, ꓟ ꓟ. ꓖꓶ ꓟ ꓥ ꓡꓳ꓿

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓟꓬꓱꓽ ꓬꓰ ꓢꓴ ꓐꓴ ꓠꓬ ꓕꓲ ꓪ ꓟꓬꓱꓽ ꓬꓰ ꓠꓱ. ꓦꓰ ꓔꓯ ꓚꓴ. ꓢꓲ ꓦꓲꓻ ꓫꓬ, ꓗꓷ ꓟ ꓥ ꓡꓳ꓿ ꓬꓲ ꓪ ꓠꓬ ꓡ ꓞꓳ ꓐꓴ ꓣꓱ ꓟ ꓦꓲꓻ ꓫꓬ, ꓓꓴ ꓔꓯ ꓡꓰ ꓣꓱ ꓟ ꓥ ꓡꓳ꓿ ꓙꓼ ꓔꓯ ꓟꓽ ꓣꓱ ꓢꓴ ꓐꓴ ꓥ ꓡꓳ꓿ ꓬꓲ ꓪ ꓜꓴꓻ ꓠꓬ ꓚꓲ. ꓛꓬ ꓡꓯ ꓒꓯ ꓡꓰ ꓟꓬꓱꓽ ꓬꓰ ꓟ ꓠꓬ ꓕꓲ ꓠꓬꓲ ꓗ. ꓠꓯ ꓕꓲ ꓠꓬꓲ ꓟꓬꓱꓽ ꓔꓯ ꓬꓰ ꓗꓷ ꓟ ꓥ ꓡꓳ꓿ ꓬꓲ ꓪ ꓜꓴꓻ ꓠꓬ ꓬꓲ ꓐꓬꓱꓽ ꓢꓱ. ꓟ ꓝꓮꓲ ꓬꓲ ꓔ ꓖꓴ ꓫꓬ, ꓔ ꓟ ꓝꓮꓲ ꓦꓲꓻ ꓗꓽ ꓘꓶꓽ ꓫꓬ, ꓔ ꓟ ꓢꓳꓝꓮ ꓠꓬ ꓓꓴ ꓫꓬ, ꓔ ꓟ ꓥ ꓡꓳ꓿ ꓝꓮꓲ ꓟ ꓮ ꓙꓵꓽ ꓔꓯ ꓠꓬ ꓠꓱ. ꓦꓰ ꓡꓰ ꓣꓱ ꓢꓲ ꓠꓬꓲ ꓮ ꓘꓶ. ꓡꓳ. ꓐꓲ ꓠ, ꓫꓬ, ꓟ ꓥ ꓡꓳ꓿

ꓕꓱ ꓦꓲꓓꓰꓳ ꓔꓯ ꓲꓠꓔꓰꓣꓠꓰꓔ ꓗꓪ ꓓꓽ ꓪꓴ ꓗꓶ ꓟ ꓙꓵ, ꓕꓯ ꓟꓲ ꓠꓯ ꓡ ꓞꓳ ꓐꓴ ꓮ ꓙꓵꓽ ꓠꓬ ꓮ ꓘꓶ. ꓛꓲ ꓠꓲ, ꓠꓵꓻ ꓟ ꓥ ꓡꓳ꓿ ꓟꓳꓡꓡꓬ ꓡꓰ ꓐꓯ ꓔ ꓟ ꓠꓬ ꓬꓰ ꓥꓪ ꓠꓯ ꓗꓪ ꓫꓬ, ꓔ ꓠ, ꓟ ꓓꓰꓢꓲꓖꓠꓰꓣ ꓮ ꓟꓬ, ꓥꓪ ꓕꓳ ꓶ ꓗꓪ ꓐꓳ ꓔ ꓟ ꓥ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓕꓱ ꓓꓰꓢꓲꓖꓠꓰꓣ ꓔꓯ ꓦꓲꓻ ꓫꓬ ꓠ, ꓟ ꓬꓲ ꓪ ꓜꓴꓻ ꓠꓬ ꓬꓰ ꓙ ꓗꓷ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓬꓲ ꓪ ꓜꓴꓻ ꓡꓰ ꓫꓬ ꓔ ꓟ ꓦꓲꓻ ꓮ ꓟꓬ, ꓠꓬ ꓮ ꓘꓶ. ꓛꓲ ꓡꓳ. ꓐꓲˍ ꓟ ꓥ ꓢꓲ ꓠꓬꓲ ꓦꓲꓻ ꓮ ꓟꓬ, ꓔꓯ ꓟꓵꓽ ꓢꓲ ꓠꓯ, ꓗꓪ ꓫꓬ, ꓔ ꓟ ꓥ ꓡꓳ꓿

ꓬꓲ ꓪ ꓜꓴꓻ ꓠꓬ ꓕꓱ ꓗꓪ ꓡꓰ ꓟꓽ ꓠꓽ ꓟ ꓥ ꓡꓳ꓿ ꓬꓲ ꓪ ꓜꓴꓻ ꓠꓬ ꓮ ꓘꓶ. ꓪꓴꓽ ꓟ ꓦꓲꓻ ꓝꓮꓲ ꓬꓲꓻ ꓙꓬ ꓞꓲ ꓓꓴ ꓐꓱ ꓕꓱ ꓡꓰ ꓫꓵꓽ ꓮ ꓟꓬ, ꓫꓵꓽ ꓔꓯ ꓫꓬ ꓔ ꓟ ꓥ ꓡꓳ꓿ ꓬꓲ ꓪ ꓡꓰ ꓫꓬ, ꓔ ꓦꓲꓻ ꓗꓪ ꓢꓲ ꓠꓯ ꓗꓪ ꓔꓬ ꓟ ꓧꓪ ꓫꓵꓽ ꓧꓪ ꓙꓰ ꓐꓴ ꓔꓬ ꓡ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓝꓮꓲ ꓮ. ꓠ ꓐꓴ ꓥ ꓟꓲ ꓬꓲ ꓪ ꓜꓴꓻ ꓡꓰ ꓫꓬ, ꓔ ꓟ ꓦꓲꓻ ꓗꓪ ꓡ ꓢꓲ ꓠꓬꓲ ꓔꓬ ꓡ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓬꓲ ꓪ ꓜꓴꓻ ꓡꓰ ꓫꓬ ꓔ ꓟ ꓠꓬ ꓦ‐ꓐ ꓕꓲ ꓟ ꓘꓴꓽ ꓗꓪ ꓮ ꓟꓬ, ꓫꓵꓽ ꓔꓯ ꓟꓬꓱꓽ ꓓꓳ ꓡꓰ ꓟ ꓐꓰ ꓟꓬꓱꓽ ꓬꓰ ꓒꓵꓽ ꓥ ꓟꓲ ꓮ ꓟꓬ, ꓟꓽ ꓖꓴ ꓡꓰ ꓟ ꓥ ꓡꓳ꓿

ꓝꓮꓲ ꓬꓲ ꓪ ꓜꓴꓻ ꓡꓰ ꓫꓬ, ꓔ ꓟ ꓮ ꓙꓵꓽ ꓠꓬ ꓕꓲ ꓘꓳꓼ ꓟꓶ ꓫꓵˍ ꓗꓪ ꓛꓲ ꓞꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓟꓳꓡꓡꓬ ꓡꓰ ꓫ. ꓕꓱ ꓔ ꓟ ꓠꓬ ꓬꓲ ꓪ ꓜꓴꓻ ꓡꓰ ꓫꓬ, ꓔ ꓟ ꓠꓬ ꓗꓽ ꓕꓽ ꓠ, ꓟ ꓟꓲ ꓦ ꓦ ꓡ ꓟ ꓗꓪ ꓐꓰ ꓗꓽ ꓕꓽ ꓠ, ꓟ ꓟꓬꓱꓽ ꓔꓯ ꓬꓰ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓮ ꓟꓶ ꓟ ꓙꓵ, ꓗꓪ ꓠꓬ ꓟꓵ ꓗꓳ ꓓꓵ ꓓꓵ ꓗꓪ ꓐꓰ ꓚꓳ ꓗꓽ ꓡ ꓢꓴ ꓮ ꓟꓬ, ꓠꓬ ꓚꓮꓟꓐꓳꓓꓲꓮ ꓗꓴꓷꓼ ꓗꓪ ꓚꓳ ꓗ ꓡ ꓢꓲ ꓠꓬꓲ ꓬꓲ ꓪ ꓜꓴꓻ ꓔꓬ ꓟ ꓡ ꓛꓲ ꓢꓲ ꓠꓯ ꓗꓪ ꓬꓲ ꓪ ꓜꓴꓻ ꓡꓰ ꓫꓬ,ꓔ ꓟ ꓔꓯ ꓡꓳ. ꓟꓳ ꓠꓲ, ꓢꓴ ꓮ ꓟꓬ, ꓡ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓝꓮꓲ ꓡꓯ ꓒꓯꓽꓡꓰ ꓫꓬ, ꓔ ꓟ ꓦꓲꓻ ꓔꓯ ꓡꓳ. ꓟꓳ ꓢꓴ ꓐꓴ ꓮ ꓙꓵꓽ ꓠꓬ ꓮ ꓘꓶ. ꓛꓲ ꓟꓬꓱꓽ ꓓꓳꓽ ꓖꓶ ꓟ ꓐꓰ ꓑ ꓫꓬ ꓮ ꓟꓬ, ꓠꓬ ꓡꓯ ꓒꓯ ꓟꓬꓱꓽ ꓗꓪ ꓮ ꓘꓶ. ꓛꓲ ꓓꓽ ꓟ ꓔꓯ ꓡꓳ. ꓟꓳ ꓡꓰ ꓟ ꓥ ꓡꓳ꓿ ꓬꓲ ꓡꓰ ꓫ. ꓕꓱ ꓔ ꓟ ꓠꓬ ꓞꓳ ꓘ, ꓗꓪ ꓔꓬ ꓢꓴ ꓐꓴ ꓔꓯ ꓬꓰ ꓙ ꓔꓳ ꓙ ꓠꓲ, ꓫꓵˍ ꓟ ꓪꓴ. ꓠꓬꓲ ꓕꓱ ꓟꓬꓱꓽ ꓬꓰ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓦꓲꓻ ꓫꓬ, ꓜꓴꓻ ꓗꓪ ꓟꓬꓱꓽ ꓬꓰ ꓢꓴ ꓐꓴ ꓮ ꓙꓵꓽ ꓠꓬ ꓟꓬꓱꓽ ꓔꓯ ꓗ, ꓛꓲ ꓛꓲ ꓡꓰ ꓬꓰ ꓢꓲ ꓠꓬꓲ ꓬꓲ ꓪ ꓢꓷ. ꓟ ꓔꓯ ꓮ ꓘꓶ. ꓡꓳ. ꓐꓲ ꓠ, ꓟ ꓟꓬꓱꓽ ꓔꓯ ꓢꓯꓼ ꓕꓵꓽ ꓢꓴ ꓐꓴ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓕꓱ ꓡꓰ ꓫꓵꓽ ꓓꓽ ꓢꓴ ꓟꓲ ꓠꓯ ꓗꓪ ꓮ ꓟꓬ ꓔꓬ ꓟ ꓥ ꓡꓳ꓿ ꓚꓮꓟꓐꓳꓓꓲꓮ ꓗꓪ ꓐꓰ ꓡꓳ ꓒꓱ ꓗꓪ ꓐꓰ ꓶꓻ ꓤ ꓗꓪ ꓔꓬ ꓢꓴ ꓐꓴ ꓠꓬ ꓬꓲ ꓪ ꓮ ꓟꓬ, ꓛꓲ ꓓꓽ ꓟ ꓠꓬ ꓟꓲ ꓠꓯ ꓔꓯ ꓟ. ꓖꓶ ꓗꓷ ꓟ ꓥ ꓡꓳ꓿ ꓠꓴ ꓥꓪ ꓥ ꓟꓲ ꓣꓳ ꓢꓷ. ꓟ ꓖꓴ ꓔ ꓟ ꓟꓬꓱꓽ ꓔꓯ ꓟꓲ ꓠꓯ ꓡ ꓞꓳ ꓔꓯ ꓟ. ꓖꓶ ꓠ, ꓟ ꓢꓯꓼ ꓕꓵꓼ ꓓꓴ ꓬꓰ ꓡꓯ꓿ ꓢꓯ. ꓐꓬꓱꓽ ꓮ ꓟꓬ, ꓬꓰ ꓐ ꓡ ꓠ, ꓟ ꓡꓲꓗꓰ ꓢꓧꓮꓣꓰ ꓚꓳꓟꓟꓰꓠꓔ ꓮ ꓟꓬ, ꓬꓰ ꓖꓶ ꓓꓴ ꓬꓰ ꓡꓯ꓿ ꓫ. ꓟꓳ ꓪ꓿