Hungary ꓗꓴꓷꓼ ꓗꓪ ꓐꓰ ꓙꓬꓻ ꓫꓬꓻ ꓢꓴ Stephen ꓑꓮꓲ=

Hungary ꓗꓴꓷꓼ ꓗꓪ ꓐꓰ ꓙꓬꓻ ꓫꓬꓻ ꓢꓴ Stephen ꓑꓮꓲ=

Hungary ꓗꓴꓷꓼ ꓗꓪ ꓐꓰ ꓙꓬꓻ ꓫꓬ ꓢꓴ Stephen ꓔꓯ AD 977 ꓘꓳꓼ ꓕꓯ Hungary ꓗꓴꓷꓼ ꓡꓳ ꓒꓱ ꓓꓽ ꓗꓪ ꓬꓲ ꓔꓯ ꓦꓵꓻ ꓗꓷꓳ= Hungary ꓗꓴꓷꓼ ꓗꓪ ꓐꓰ ꓙꓬꓻ ꓫꓬꓻ ꓢꓴ Stephen ꓬꓲ ꓐꓹ ꓐꓽ ꓠꓬ꓾ Hungary ꓗꓪ ꓪ ꓔꓲ ꓕꓲ ꓪ ꓥˍ ꓡꓳ= ꓙꓲꓻ ꓫꓬꓻ ꓢꓴ Stephen ꓔꓯ ꓟꓲ ꓠꓯ ꓢꓷꓸ ꓠꓲꓸ ꓕꓳ ꓶ ꓢꓳˍ ꓠꓹ ꓟ ꓐꓱ ꓶ  ꓔꓲꓺ ꓒ ꓓꓽ Adalbert ꓔꓬ ꓗꓪ ꓧꓳꓽ ꓙꓰꓳ= ꓔꓲꓺ ꓒ ꓓꓽ Adalbert ꓠꓬ꓾ ꓙꓲꓻ ꓫꓬꓻ ꓢꓴ Stephen ꓔꓯ ꓪꓴ-ꓢ ꓐꓯ ꓘꓶꓽ  ꓟꓸ ꓖꓶˍ ꓗꓷꓳ=

AD 997 ꓘꓳꓼ ꓕꓯ ꓙꓲꓻ ꓫꓬꓻ ꓢꓴ Stephen ꓬꓲ ꓐꓹ ꓐꓼ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳꓼ ꓓꓱ ꓡꓳꓸ ꓬꓰ ꓗ ꓠꓯꓸ ꓙꓲꓻ ꓫꓬꓻ ꓢꓴ Stephen ꓠꓬ ꓪ ꓔꓲ ꓕꓲ ꓪ ꓒꓬꓱꓼ ꓡˍ ꓪ= Hungary ꓗꓴꓷꓼ ꓗꓪ ꓐꓰ ꓙꓬꓻ ꓫꓬ ꓢꓴ ꓪ ꓔꓲ Stephen ꓠꓬ꓾ ꓮ ꓟꓬꓹ ꓙꓵ ꓠꓲꓸ ꓙꓳ ꓢꓴ ꓪ ꓔꓲ ꓕꓲ ꓪ ꓥˍ ꓟ ꓪꓴꓸ ꓠꓬ꓾ ꓗꓴꓷꓼ ꓔꓯꓸ ꓧꓳꓽ ꓪꓴꓸ ꓟꓴ ꓠꓹ ꓟ ꓢꓷꓸ ꓠꓲꓸ ꓖꓶ ꓡ ꓠꓹ ꓟ ꓪꓴ-ꓢ ꓠꓯꓹ ꓗꓪ ꓮ ꓕꓯˍ ꓟꓲ꓾ ꓪꓽ ꓘꓴˍ ꓗꓷꓳ= ꓙꓲꓻ ꓫꓬꓻ ꓫꓬ ꓪ ꓔꓲ Stephen ꓠꓬ꓾ ꓪ ꓔꓲ ꓕꓲ ꓪ ꓒꓬꓱꓼ ꓡ ꓗ ꓠꓯꓸ Hungary ꓗꓴꓷꓼ ꓗꓪ ꓔꓬ ꓟ ꓑ ꓫꓬ ꓐꓴ ꓔꓯ ꓠꓵ ꓠꓲꓸ ꓗꓪ ꓐꓰ ꓧꓳꓽ ꓪꓴꓸ ꓟꓴ ꓢꓲ ꓠꓬ꓾ ꓫꓸ ꓢꓴ ꓟꓷꓽ ꓢꓴ ꓔꓯ ꓮ ꓟꓬꓹ ꓬꓰ ꓙˍ ꓗꓷꓳ= ꓗꓴꓷꓼ ꓗꓪ ꓔꓬ ꓟ ꓟꓽ ꓙꓲ ꓟ ꓟꓬꓱꓽ ꓬꓰ ꓢꓴ ꓐꓴ ꓔꓯ ꓝꓴꓲ ꓖꓶˍ ꓢꓲ ꓠꓬꓲ꓾ ꓙꓲ ꓟ ꓟꓬꓱꓽ ꓔꓯ ꓢꓯꓼ ꓕꓵ ꓠꓹ ꓟ ꓟꓸ ꓖꓶˍ ꓗꓷꓳ=

Hungary ꓗꓴꓷꓼ ꓗꓪ ꓐꓰ ꓙꓬꓻ ꓫꓬꓻ ꓢꓴ ꓪ ꓔꓲ Stephen ꓠꓬ꓾ ꓙꓵ ꓠꓲꓸ ꓮ ꓟꓬꓹ ꓙꓳˍ ꓟ ꓪ ꓔꓲ ꓕꓲ ꓪ ꓟꓲ ꓥˍ ꓡꓳ= ꓪ ꓔꓲ Stephen ꓠꓬ꓾ꓗꓴꓷꓼ ꓘꓴ ꓗꓪ ꓫꓵꓽ ꓪꓴ ꓒꓬꓱꓼ ꓡ ꓟꓹ ꓐꓰ ꓢꓰꓼ ꓡꓯꓼ ꓘꓳꓹ ꓟ ꓟꓽ ꓠꓲꓸ ꓫꓵꓽ ꓢꓴ ꓪ ꓔꓲ ꓥˍ ꓡꓳ= ꓙꓲꓻ ꓫꓬꓻ ꓢꓴ ꓪ ꓔꓲ Stephen ꓔꓯ ꓔꓲꓺ ꓒ ꓪ ꓔꓲ Sylvester (2) ꓠꓬ꓾ AD 100 ꓘꓳꓼ ꓕꓯ ꓪꓽ ꓘꓴ ꓔꓲ ꓖꓶˍ ꓗꓷꓳ=AD 1038 ꓘꓳꓼ ꓕꓯ Hungary ꓗꓴꓷꓼ ꓗꓪ ꓐꓰ ꓙꓬꓻ ꓫꓬ ꓢꓴ ꓪ ꓔꓲ ꓠꓬ꓾ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓰꓳ=