Jack Ma (Alibab) ꓟꓸ ꓟꓲꓽ

ꓧꓪꓸ ꓧꓪꓸꓼ ꓠꓬꓲꓸ ꓠꓬꓲ ꓠꓬ ꓧꓶꓽ ꓗꓴꓷꓼ ꓗꓪ ꓟꓬꓱꓺ ꓓꓳ ꓮ ꓟꓬꓹ ꓙꓳˍ ꓟ Jack Ma (Alibaba) ꓟꓸ ꓟꓲꓽ ꓥꓳ= Jack Ma ꓔꓯ ꓧꓶꓽ ꓗꓴꓷꓼ Hang Zhou, ꓘꓹ ꓗꓪ 1964ꓘꓳꓼ 9ꓦ 10 ꓠꓬꓲ ꓕꓯ ꓬꓲ ꓔꓯ ꓦꓵꓻ ꓗꓷꓳ= Jack Ma ꓠꓬ 2020 ꓘꓳꓼ ꓕꓯ ꓧꓶꓽ ꓗꓴꓷꓼ ꓗꓪ ꓡꓳꓺ ꓑ ꓓ ꓟ ꓠꓬꓲꓽ ꓣꓳ ꓟ ꓕꓲ ꓣꓳ ꓥ ꓡꓳ= Jack ꓠꓬ ꓬꓲ ꓞꓲ ꓣꓳˍ ꓟ ꓕꓲ ꓙꓵꓹ ꓗꓪ ꓧꓪꓽ ꓒꓴꓻ ꓥꓳꓽ ꓔꓯ ꓢꓳ ꓣꓴ ꓠꓲꓹ ꓫꓵˍ ꓟ ꓪꓴꓸ ꓠꓬꓲ꓾ ꓮ ꓟꓬꓹ ꓛꓲ ꓢꓯꓼ ꓕꓵꓼ ꓢꓲ꓾ꓬꓲ ꓔꓬ ꓟ Hang Zhou International Hotel ꓗꓪ ꓡꓹ ꓟ ꓪꓰ ꓤ ꓐꓴ ꓐꓰ ꓫꓸ ꓕꓱꓻ ꓢꓲ꓾ ꓧꓪꓽ ꓒꓴ ꓥꓳꓽ ꓔꓯ ꓢꓳ ꓣꓴ ꓪ ꓡꓰ ꓪ= Jack Ma ꓠꓬ Collage ꓢꓳꓻꓦꓲ ꓗꓪ ꓢꓳ ꓠꓹ ꓟ 3 ꓧꓪꓹ ꓢꓯꓼ ꓕꓵꓼˍ ꓥ ꓟꓲ ꓟꓽ ꓢꓳ ꓣꓴ ꓪ= Harvard ꓢꓳ ꓦꓲ ꓗꓪ ꓟ 10 ꓧꓪꓹ ꓢꓯꓼ ꓕꓵꓼˍ ꓥˍ ꓟꓲ ꓟꓽ ꓢꓳ ꓣꓴ ꓪ= ꓬꓲ ꓠꓬ ꓮ ꓟꓬꓹ ꓛꓲꓺ ꓢꓯꓼ ꓔꓵꓼ ꓢꓲ꓾ Alibaba company ꓔꓯ ꓒꓴ ꓪ ꓡꓰ ꓪ= ꓣꓳ ꓞꓳꓻ ꓡꓯꓸ ꓐꓴ ꓥˍ ꓟꓲ Jack Ma ꓔꓯ ꓡꓳꓸ ꓠꓬꓲ ꓢꓲ ꓢꓯꓼ ꓪ ꓣꓴ ꓡꓯ=