Kenya ꓗꓴꓷꓼ ꓗꓪ ꓐꓰ ꓬꓲꓻ ꓙꓬ ꓪ ꓔꓲ ꓑꓮꓔꓣꓲꓚꓗ ꓚꓱ, (Patrick Kenya who brings water thirsty animal in the jungles Water Man )

Kenya ꓗꓴꓷꓼ ꓗꓪ ꓐꓰ ꓬꓲꓻ ꓙꓬ ꓪ ꓔꓲ ꓑꓮꓔꓣꓲꓚꓗ ꓚꓱ,

ꓗꓰꓠꓬꓮ ꓗꓴꓷꓼ ꓗꓪ ꓡ ꓞꓳ ꓕꓲ ꓣꓳ ꓠꓬ ꓟꓳ‐ꓓꓳ ꓒꓽ ꓕꓲ ꓢꓷ ꓘꓴꓽ ꓗꓪ ꓬꓲꓻ ꓙꓬ ꓑ ꓑꓲ ꓘꓶꓽ ꓔ ꓢꓲ ꓠꓬꓲ ꓡꓲ ꓛꓲ ꓟꓵꓽ ꓙꓱ (ꓟꓵꓽ) ꓗꓪ ꓬꓲꓻ ꓙꓬ ꓢꓰꓼ ꓔꓬ ꓟ ꓙꓱ ꓤ ꓐꓴ ꓔꓯ ꓬꓲꓻ ꓙꓬ ꓖꓶ ꓓꓳꓻ ꓢꓴ ꓕꓲ ꓣꓳ ꓔꓬ ꓟ ꓥ ꓡꓳ꓿ ꓕꓱ ꓡꓰ ꓐꓰ ꓡ ꓞꓳ ꓮ ꓟꓽ ꓟꓲ ꓟꓽ ꓓꓵ ꓙ ꓟ ꓟꓬꓱꓽ ꓔꓯ ꓬꓰ ꓔꓬ ꓢꓴ ꓠꓬ ꓬꓲ ꓧꓪꓽ ꓖꓳ ꓓꓱ ꓗꓪ ꓠꓻ ꓓꓴ ꓔꓳ, ꓜꓳ ꓔꓬ ꓢꓴ ꓐꓴ ꓥ ꓡꓳ꓿ ꓕꓱ ꓡꓰ ꓐꓰ ꓬꓲ ꓠꓬ ꓟꓵꓽ ꓗꓪ ꓔꓬ ꓟ ꓙꓱ ꓤ ꓐꓴ ꓔꓯ ꓬꓲꓻ ꓙꓬ ꓖꓶ ꓓꓳ ꓔꓬ ꓟ ꓠꓬ (5) ꓘꓳꓼ ꓐꓲ ꓡꓰ ꓟ ꓥ ꓡꓳ꓿

ꓬꓲ ꓟꓬꓱꓽ ꓔꓯ ꓬꓰ ꓔꓬ ꓟ  ꓮ ꓙꓵꓽ ꓠꓬ ꓬꓲ ꓒꓴ ꓗꓪ ꓐꓰ ꓣꓱ ꓢꓲ ꓠꓬꓲ ꓬꓰ ꓔꓬ ꓟ ꓥ ꓡꓳ꓿ ꓬꓲ ꓠꓬ ꓟꓵꓽ ꓘꓳꓼ ꓒꓳ, ꓔꓬ ꓟ ꓔꓯ ꓗꓽ ꓔꓬ ꓢꓴ ꓥ ꓡ ? ꓕꓱ ꓡꓰ ꓫꓵꓽ ꓟꓬꓱꓽ ꓔꓯ ꓬꓰ ꓔꓬ ꓢꓴ ꓤ ꓑ ꓤ ꓬꓲ ꓟꓬꓱꓽ ꓠꓬ ꓑꓮꓔꓣꓲꓚꓗ ꓟꓬꓱꓽ ꓔ ꓢꓴ ꓥ ꓡꓳ꓿[

ꓞꓳ ꓘ, ꓤ ꓗꓪ ꓔꓬ ꓢꓴ ꓑꓮꓔꓣꓲꓚꓗ ꓠꓬ ꓕꓲ ꓠꓬꓲ ꓙꓳˍ ꓕꓯ ꓬꓲ ꓟꓬꓱꓽ ꓬꓰ ꓠ, ꓟ ꓐꓱ ꓶ ꓙꓰ ꓔꓬ ꓟ ꓙꓵ, ꓕꓯ ꓟꓵꓽ ꓗꓪ ꓮ‐ꓡꓳ ꓕꓲ ꓘꓽ ꓠꓬ ꓬꓲꓻ ꓙꓬ ꓢꓰꓼ ꓔꓬ ꓢꓲ ꓠꓬꓲ ꓫꓵꓻ ꓡ ꓫꓵꓻ ꓡ ꓔꓬ ꓟ ꓔꓯ ꓡꓳ. ꓟꓳ ꓟ ꓥ ꓡꓳ꓿ ꓗꓰꓠꓬꓮ ꓗꓴꓷꓼ ꓗꓪ ꓟꓶꓽ ꓞꓽ ꓮ ꓘꓶ. ꓞꓽ ꓟ ꓗꓴꓷꓼ ꓥ ꓢꓲ ꓠꓬꓲ ꓟꓶꓽ ꓦꓻ ꓮ ꓘꓶ. ꓟꓽ ꓦꓻ ꓟ ꓗꓴꓷꓼ ꓥ ꓡꓳ꓿ ꓕꓱ ꓡꓰ ꓬꓲ ꓠꓬ ꓬꓲ ꓡꓳ. ꓟꓳ ꓠꓬ ꓮ‐ꓡꓳ ꓔꓯ ꓫꓵꓻ ꓝꓲ ꓠꓲˍ ꓟꓽ ꓫꓵˍ ꓟ ꓪꓴ. ꓠꓬꓲ ꓬꓲ ꓠꓬ ꓟꓬꓱꓽ ꓬꓰ ꓖꓴ ꓗꓪ ꓐꓰ ꓡ ꓙꓰ ꓢꓲ ꓠꓬꓲ ꓙꓱ ꓤ ꓐꓴ ꓔꓯ ꓚꓬꓴ ꓠ, ꓟ ꓟꓬꓱꓽ ꓬꓰ ꓠ, ꓟ ꓓꓵꓽ ꓙ ꓗꓷꓳ꓿

ꓟꓵꓽ ꓘꓳꓼ ꓒꓳ, ꓡ ꓟ ꓪꓴ. ꓠꓬꓲ ꓗꓰꓠꓬꓮ ꓗꓴꓷꓼ ꓗꓪ ꓠꓬ ꓟꓶ ꓞꓽ ꓞꓽ ꓝꓲ ꓔꓯ ꓟꓵꓽ ꓗꓪ ꓬꓲꓻ ꓙꓬ ꓟꓽ ꓙꓳ ꓮ ꓘꓶ. ꓛꓲ ꓞꓼ ꓔꓬ ꓟ ꓪꓴ. ꓠꓬꓲ ꓟꓵꓽ ꓗꓪ ꓔꓬ ꓟ ꓙꓱ ꓤ ꓮ ꓟꓬ, ꓫꓵꓻ ꓡꓰ ꓟ ꓥ ꓡꓳ꓿ ꓖꓳ ꓡꓰ ꓥ  ꓟ ꓪꓴ. ꓠꓬꓲ ꓓꓵ ꓓꓵ ꓟꓶꓽ ꓟꓶꓽ ꓟ ꓟꓵꓽ ꓗꓪ ꓔꓬ ꓟ ꓙꓱ ꓤ (ꓧꓪ ꓫꓵꓽ ꓧꓪ ꓙꓵꓽ) ꓐꓴ ꓠꓬ ꓫꓵꓻ ꓖꓴ ꓟ ꓥ ꓡꓳ꓿ ꓑꓮꓔꓣꓲꓚꓗ ꓡꓰ ꓐꓯ ꓔ ꓟ ꓠꓬ ꓗꓰꓠꓬꓮ ꓗꓴꓷꓼ ꓗꓪ ꓬꓲ ꓞꓲꓼ ꓣꓳ ꓟ ꓙꓵ, ꓕꓯ ꓟꓲ ꓦꓻ ꓦ ꓡ ꓟ ꓔꓯ ꓮ ꓘꓶ. ꓛꓲ ꓡꓳ. ꓟꓳ ꓗꓷ ꓥ ꓟꓲ ꓮ ꓟꓶꓽ ꓟ ꓙꓵ, ꓗꓪ ꓠꓬ ꓟꓵꓽ ꓘꓳꓼ ꓒꓳ, ꓡ ꓟ ꓪꓴ. ꓠꓬꓲ ꓟꓲ ꓦ ꓟꓽ ꓦ ꓡ ꓗꓷ ꓡꓰ ꓐꓰ ꓐꓯ ꓔ ꓡꓳ꓿

ꓖꓳ ꓡꓰ ꓥ ꓟ ꓪꓴ. ꓠꓬꓲ ꓑꓮꓔꓣꓲꓚꓗ ꓠꓬ ꓬꓲ ꓟꓬꓱꓽ ꓕꓲ ꓫꓵꓽ ꓫꓵꓽ ꓬꓰ ꓠ, ꓟ ꓟꓵꓽ ꓗꓪ ꓔꓬ ꓟ (ꓧꓪ ꓫꓵꓽ ꓧꓪ ꓙꓵꓽ) ꓚꓬꓴ ꓠ, ꓟ ꓟꓬꓱꓽ ꓬꓰ ꓠ, ꓟ ꓓꓵ ꓙ ꓗꓷꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓬꓲ ꓠꓯ, ꓗꓪ ꓙꓳˍ ꓟ ꓒꓴ ꓔꓯ ꓣꓴ ꓔ ꓢꓲ ꓠꓬꓲ ꓟꓳ‐ꓓꓳ ꓒ ꓕꓲ ꓢꓷ ꓔꓯ ꓥꓪ. ꓗꓷ ꓢꓲ ꓠꓬꓲ ꓬꓲꓻ ꓙꓬ ꓑ ꓑꓲ ꓗꓶ ꓔ ꓢꓲ ꓠꓬꓲ ꓟꓵꓽ ꓗꓪ ꓔꓬ ꓟ ꓧꓪ ꓫꓵꓽ ꓧꓪ ꓙꓵꓽ) ꓐꓴ ꓔꓯ ꓖꓶ ꓓꓳ ꓠ, ꓟ ꓬꓰ ꓗꓷꓳ꓿

ꓕꓱ ꓡꓰ ꓬꓲ ꓠꓬ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓬꓰ ꓗꓷ ꓠꓬꓲ ꓦ‐ꓐ ꓕꓲ ꓟ ꓕꓱ ꓡꓰ ꓬꓰ ꓗꓷꓳ꓿ ꓬꓲ ꓔꓬ ꓟ ꓔꓲ ꓗꓪ ꓐꓰ ꓟꓵꓽ ꓗꓪ ꓟꓳ‐ꓓꓳ ꓗꓪ ꓐꓰ ꓡꓳ ꓔ (62) ꓔꓷ ꓕꓯ ꓢꓲ ꓶꓻ ꓟ ꓗꓪ ꓬꓲꓻ ꓙꓬ ꓦ ꓖꓶ ꓗꓷꓳ꓿

ꓕꓲ ꓧꓪ ꓬꓲꓻ ꓙꓬ ꓦꓻ ꓙꓰ ꓕꓯ ꓖꓴ ꓡꓰ ꓟ ꓒꓴ ꓠꓬ ꓴꓢꓮ ꓒꓴ (100) ꓓꓳ ꓡ ꓥ ꓡꓳ꓿  ꓬꓲ ꓡꓰ ꓐꓯ ꓔ ꓟ ꓠꓬ ꓥꓪ ꓠꓬ ꓕꓱ ꓟꓵꓽ ꓗꓪ ꓔꓬ ꓟ ꓧꓪꓽ ꓫꓵꓽ ꓧꓪ ꓙꓵꓽ ꓔꓯ ꓬꓰ ꓙ ꓚꓬꓴ ꓙ ꓠ, ꓟ ꓟꓬꓱꓽ ꓬꓰ ꓠ, ꓟ ꓓꓵ ꓙ ꓞꓰ ꓗꓷ ꓟ ꓥ ꓡꓳ꓿ ꓬꓲ ꓪ ꓮ ꓙꓵꓽ ꓥ ꓟꓲ ꓪꓴ‐ꓢ ꓡꓰ ꓚꓰꓼ ꓔ ꓟ ꓥ ꓟ ꓪꓴ. ꓠꓬꓲ ꓬꓲ ꓪ ꓥ ꓟꓲ ꓟꓲ ꓠꓯ ꓕꓯ ꓢꓲ ꓠꓬꓲ ꓗꓪ ꓢꓯ. ꓔꓬ ꓠ, ꓟ ꓙꓵꓽ ꓪ ꓙꓳˍ ꓡꓳ ꓐꓰ ꓬꓲ ꓡꓰ ꓐꓯ ꓔ ꓡꓳ꓿

ꓬꓲ ꓪꓴ. ꓕꓯ ꓕꓱ ꓟꓵꓽ ꓗꓪ ꓙꓳˍ ꓟ ꓧꓪ ꓫꓵꓽ ꓧꓪ ꓙꓵꓽ ꓠꓬ ꓬꓲ ꓔꓯ ꓟꓽ ꓙꓵꓻ ꓟ ꓥ ꓡꓳ꓿ ꓖꓳ ꓡꓱ ꓥ ꓟꓲ ꓬꓲ ꓠꓬ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓬꓲ ꓪ ꓓꓳꓻ ꓠ, ꓟ ꓬꓲꓻ ꓙꓬ ꓔꓯ ꓕꓲ ꓠꓬꓲ ꓡꓰ ꓕꓲ ꓠꓬꓲ  ꓦꓻ ꓖꓶ ꓗꓷ ꓟ ꓙꓵ, ꓕꓯ ꓙꓱ ꓤ ꓐꓴ ꓠꓬ ꓕꓲ ꓘꓽ ꓟ ꓐꓰ ꓕꓲ ꓘꓽ ꓕꓲ ꓟ ꓑꓶ ꓤ ꓕꓲ ꓟ ꓡ ꓟ  ꓥ ꓡꓳ꓿  ꓕꓱ ꓡꓰ ꓐꓰ ꓟꓶ‐ꓖꓶ (ꓦ‐ꓟ) ꓮ‐ꓡꓳ꓾ ꓠꓱ. ꓐꓯꓼ ꓧꓪ ꓫꓵꓽ ꓧꓪ ꓙꓵꓽ ꓮ ꓟꓬ, ꓐꓰ ꓡ ꓞꓳ ꓔꓯ ꓚꓴ. ꓙꓳˍ ꓗꓴ ꓟ ꓧꓪ ꓫꓵꓽ ꓧꓪ ꓙꓵꓽ ꓐꓴ ꓥ ꓟꓲ ꓬꓲꓻ ꓙꓬ ꓔꓯ ꓓꓳ ꓠ, ꓟ ꓡ ꓟ ꓥ ꓡꓳ꓿

ꓓꓽ ꓪꓴ. ꓕꓯ ꓑꓮꓔꓣꓲꓚꓗ ꓠꓬ ꓙꓳꓺ ꓟ ꓥ ꓡꓳ ꓐꓰ ꓐꓯ ꓔ ꓡꓳ ꓮ ꓫꓵꓽ ꓑꓶ. ꓓꓴ ꓥ ꓐꓯ ꓠꓬ ꓧꓪꓽ ꓫꓵꓽ ꓧꓪꓽ ꓙꓵꓽ ꓮ ꓟꓬ, ꓠꓬ ꓬꓲ ꓑ ꓕꓲ ꓗꓪ ꓔꓬ ꓟ ꓪꓴ. ꓠꓬꓲ ꓥ ꓡꓳ꓿ ꓖꓳ ꓡꓰ ꓥ ꓟꓲ ꓟꓽ ꓟꓶ ꓫꓵˍ ꓟ ꓙꓵ, ꓔꓯ ꓬꓲ ꓪ ꓮ ꓙꓵꓽ ꓠꓬ ꓑꓮꓔꓣꓲꓚꓗ ꓔꓯ ꓬꓲ ꓪ ꓚꓬꓴ ꓢꓴ ꓬꓰ ꓙ ꓢꓴ ꓢꓲ‐ꓒ ꓐꓰ ꓢꓷ. ꓡꓰ ꓟ ꓥ ꓡꓳ꓿ ꓕꓱ ꓡꓰ ꓐꓰ ꓑꓮꓔꓣꓲꓚꓗ ꓠꓬ ꓞꓼ ꓝꓲ ꓛꓲ ꓡ ꓕꓯ ꓕꓲ ꓘꓳꓼ ꓡꓰ ꓕꓲ ꓘꓳꓼ ꓕꓲ ꓡꓰ ꓐꓰ ꓬꓲꓻ ꓙꓬ ꓖꓶ ꓓꓳ ꓟ (5) ꓘꓳꓼ ꓙꓳˍ ꓡꓰ ꓟ ꓥ ꓡꓳ꓿

ꓬꓲ ꓠꓯ, ꓗꓪ ꓧꓪꓽ ꓖꓳ ꓓꓱ ꓗꓪ ꓠꓻ ꓓꓴ ꓙꓳˍ ꓥ ꓟꓲ ꓬꓲ ꓠꓬ ꓠꓻ ꓓꓴ ꓔꓯ ꓟꓽ ꓓꓵ ꓙ ꓕꓱ ꓟꓬꓱꓽ ꓔꓯ ꓢꓯꓼ ꓕꓵꓼ ꓢꓲ ꓠꓬꓲ ꓬꓰ ꓔꓬ ꓟ ꓥ ꓡꓳ꓿ ꓬꓲ ꓠꓬ ꓬꓲꓻ ꓙꓬ ꓑ ꓑꓲ  ꓟꓳ‐ꓓꓳ ꓒ ꓕꓲ ꓢꓷ ꓗꓪ ꓐꓰ ꓬꓲꓻ ꓙꓬ ꓮ ꓘꓶ. ꓞꓲꓼ ꓔꓬ ꓟ ꓟꓵꓽ ꓗꓪ ꓔꓬ ꓟ ꓧꓪꓽ ꓫꓵꓽ ꓧꓪ ꓙꓵꓽ ꓐꓴ ꓔꓯ ꓬꓲꓻ ꓙꓬ ꓖꓶ ꓓꓳ ꓢꓴ ꓥ ꓡꓳ꓿ ꓬꓲꓕꓱ ꓟ ꓠꓬ ꓟꓵꓽ ꓘꓳꓼ ꓒꓳ, ꓡ ꓟ ꓠꓬ ꓡ ꓞꓳ ꓐꓰ ꓟꓵꓽ ꓗꓪ ꓔꓬ ꓟ ꓧꓪꓽ ꓫꓵꓽ ꓧꓪ ꓙꓵꓽ ꓔꓯ ꓮ ꓡꓰ ꓐꓬ ꓡꓰ ꓝꓲ ꓟ ꓔꓯ ꓣꓳ ꓡꓳ. ꓟꓳ ꓪ ꓟ ꓥ ꓡꓳ꓿

ꓬꓲ ꓠꓬ ꓟꓵꓽ ꓘꓳꓼ ꓒꓳ, ꓡ ꓟ ꓔꓯ ꓬꓰ ꓐ ꓡ ꓟ ꓕꓲ ꓒꓳ, ꓗꓪ ꓐꓰ ꓬꓰ ꓔꓬ ꓟ ꓥ ꓡꓳ꓿ ꓠꓴ ꓥꓪ ꓔꓯ ꓥ ꓟꓲ ꓠꓬꓲ. ꓠꓬꓲ ꓣꓳ ꓔꓬ ꓟ ꓟꓵꓽ ꓔꓯ ꓐꓬ ꓝꓲ ꓟ ꓟꓵꓽ ꓗꓪ ꓔꓬ ꓟ ꓧꓪꓽ ꓫꓵꓽ ꓧꓪ ꓙꓵꓽ ꓬꓲꓻ ꓙꓬ ꓗꓪ ꓔꓬ ꓟ ꓢꓯ. ꓫꓵꓽ ꓢꓯ. ꓙꓵꓽ ꓔꓯ ꓫꓵꓻ ꓡꓰ ꓝꓲ ꓟ ꓟꓶ ꓡꓰ ꓝꓲ ꓟ ꓟꓬꓱꓽ ꓣꓳ ꓬꓰ ꓔꓬ ꓡ ꓐꓰ ꓣꓳ ꓓꓵ ꓙ ꓠ, ꓟ ꓟ. ꓖꓶ ꓡ ꓟ ꓥ ꓡꓳ꓿ ꓣꓳ ꓔꓬ ꓟ ꓗꓴꓷꓼ ꓔꓬ ꓠꓵꓻ ꓠꓲ, ꓡꓯ꓿ ꓣꓳ ꓓꓳꓻ ꓔꓬ ꓟ ꓬꓲꓻ ꓙꓬ ꓔꓯ ꓒꓵꓽ ꓓꓴ ꓬꓰ ꓡꓯ꓿ ꓙꓵꓽ ꓖꓶ ꓙꓳˍ ꓟ ꓢꓯ. ꓐꓬꓱ ꓮ ꓟꓬ, ꓬꓰ ꓐ ꓡ ꓠ, ꓟ ꓡꓲꓗꓰ ꓮꓠꓓ ꓢꓧꓮꓣꓰ ꓚꓳꓟꓟꓰꓠꓔ ꓮ ꓟꓬ, ꓖꓶ ꓓꓴ ꓬꓰ ꓡꓯ꓿ ꓮ ꓘꓶ. ꓫ. ꓟꓳ ꓪ꓿

Add new comment

2 + 11 =