LO. TY M MU KW FI DU PAI

LO. TY M MU KW FI DU  PAI

Greek ꓥꓳꓽ ꓗꓪ ꓐꓰ ꓟꓴ ꓗꓪ ꓝꓲ ꓓꓴ ꓔꓯ “Angelos” ꓐꓯˍ ꓟ ꓥꓳ ꓬꓲꓸ ꓟꓹ ꓟꓲ ꓠꓬ ꓜꓲꓽ ꓟꓴꓽ ꓝꓲ ꓓꓴ ꓐꓯꓹ ꓟ ꓥ ꓡꓳ= ꓟꓴ ꓕꓲ꓾ꓸ ꓗꓪ ꓟ ꓟꓴ ꓗꓪ ꓝꓲ ꓓꓴ ꓐꓴ ꓠꓬ ꓪꓴ-ꓢ

ꓡꓰ ꓬꓲ ꓪ ꓔꓯꓹ ꓢꓷꓸ ꓠꓲꓹ ꓐꓰ ꓙꓵꓻ ꓠꓲꓹ ꓧꓳꓽ ꓖꓶ ꓔ ꓟ ꓦ ꓜꓴꓻ ꓥ ꓡꓳ=

ꓬꓲꓸ ꓪ ꓬꓰˍ ꓟ ꓟꓬꓱꓽ ꓠꓬ ꓪꓴ-ꓢ ꓠꓲꓹ ꓡꓶꓽ ꓕꓯ ꓙꓳꓹ ꓐꓲꓸ ꓡꓰ ꓝꓲˍ ꓟ ꓐꓰ ꓟꓲꓸ ꓠꓯ ꓡ ꓞꓳ ꓐꓴ ꓔꓯ ꓡꓳꓸ ꓙ ꓔ ꓙ ꓠꓹ ꓟ ꓐꓱ ꓶ ꓥ ꓡꓳ= ꓟꓴꓽ ꓗꓪ ꓝꓲ ꓓꓴ ꓐꓴ ꓔꓯ ꓟꓳꓸ ꓐꓯˍ ꓠꓬ ꓦ ꓖꓳ ꓓꓱ ꓡꓰ ꓥ ꓢꓲ꓾ ꓧꓪꓽ ꓖꓳ ꓓꓱ ꓟꓽ ꓙꓳ= ꓟꓲꓸ ꓠꓯ ꓡ ꓞꓳ ꓡꓰ ꓐꓰ ꓤ-ꓑ-ꓤ ꓐꓰ ꓤ-ꓟꓶ-ꓤ ꓥ ꓟꓲ ꓟꓬꓱꓸꓸꓟꓽ ꓖꓶ=

ꓟꓴꓽ ꓖꓪ ꓕꓳ ꓶ 91ꓽ 11 ꓝꓲꓸ ꓗꓪ ꓮ ꓡꓲꓳ ꓐꓯ ꓠꓬ ꓬꓲ ꓡꓰ  ꓠꓴ ꓚꓱꓹ ꓮ ꓙꓵꓽ ꓗꓪ ꓠꓴ ꓔꓯ ꓔ ꓙ ꓠꓹ ꓟ꓾ ꓬꓲ ꓟꓴ ꓗꓪ ꓝꓲ ꓓꓴ ꓔꓯ ꓕꓵꓼ ꓪ ꓖꓶˍ ꓥꓳ= ꓝꓮꓲ ꓟ-ꓕꓲ ꓕꓳ ꓶ 18ꓽ 10 ꓝꓲꓸ ꓗꓪ ꓤ ꓟꓳ꓾ ꓤ ꓠꓱ ꓤ ꓕꓱ ꓟꓬ ꓗꓪ ꓟ ꓕꓲ ꓣꓳ ꓔꓯˍ ꓟꓲ ꓠꓴ ꓟ ꓟꓳꓻ ꓟꓽ ꓟꓵ ꓕꓽ ꓬꓰ= ꓠꓴ ꓪ ꓔꓯ ꓥꓪ ꓐꓯ ꓖꓶˍ ꓠꓬꓲ꓾ ꓟꓴ ꓗꓪ ꓕꓯꓼ ꓢꓲ ꓗꓪ ꓔꓬ ꓟ ꓬꓲ ꓪ ꓝꓲ ꓓꓴ ꓠꓬ꓾ ꓮ ꓕꓯꓽ- ꓟꓲ ꓟꓴ ꓗꓪ ꓗꓪ ꓔꓬ ꓟ ꓥꓪ ꓐꓹ ꓐꓽ ꓬꓲ ꓒꓬꓱꓽ ꓔꓯ ꓟꓳꓻ- ꓡꓳ= ꓐꓰ ꓐꓯ ꓔ ꓡꓳ= ꓕꓱ ꓡꓳꓸ ꓔꓬ ꓟ ꓟꓴ ꓗꓪ ꓝꓲ ꓓꓴ ꓐꓴ ꓔꓯ ꓢꓲ-ꓒ ꓬꓰ-ꓢꓴ ꓠꓬ ꓐꓯ ꓖꓶ ꓔꓯ ꓟ ꓥ ꓡꓳ=

ꓟꓴ ꓗꓪ ꓝꓲ ꓓꓴ ꓐꓴ ꓠꓬ ꓟꓲ ꓠꓯ ꓡ ꓞꓳ ꓐꓴ ꓓꓵꓽ ꓙ ꓔꓬ ꓟ ꓕꓱ ꓡꓱ ꓐꓰ ꓬꓰ ꓟ ꓟꓬꓱꓽ ꓗꓪ ꓟꓽ ꓥꓳꓽ ꓡꓰ ꓠꓹ ꓟ ꓮ ꓕꓯ ꓥ ꓟꓲ ꓬꓰ ꓙ ꓔ ꓙ ꓢꓴ ꓥ ꓡꓳ= ꓖꓳ ꓡꓱ ꓥ ꓟ ꓪꓴꓽ ꓠꓬꓲ ꓟꓲ ꓠꓯ ꓡ ꓞꓳ ꓐꓴ  ꓮ ꓙꓵꓽ ꓟꓶ ꓟ ꓙꓵꓽ ꓪ ꓔꓯ ꓣꓱ ꓙꓲˍ ꓟ ꓥ ꓡꓳ=

ꓟꓴ ꓗꓪ ꓝꓲ ꓓꓴ ꓐꓴ ꓠꓬ ꓟꓲ ꓠꓯ ꓡ ꓞꓳ ꓐꓴ ꓔꓯ ꓙꓳꓸꓸ ꓡꓰ ꓠꓹ ꓟ ꓟꓽ ꓬꓰ= ꓮ ꓟꓬ ꓛꓲ ꓙꓲˍ ꓟ ꓕꓲꓽ ꓒꓳꓹ ꓗꓪ ꓐꓰ ꓬꓰ ꓙ ꓢꓴ ꓐꓴ ꓥ ꓡꓳ= ꓡꓳꓸ ꓙ ꓔꓬ ꓢꓴ ꓐꓴ ꓥꓳ=

ꓡꓳꓸ ꓔꓬ ꓟ ꓟꓴ ꓗꓪ ꓝꓲ ꓓꓴ ꓪ ꓘꓴ ꓘꓶ ꓠꓬ ꓥꓪ ꓔꓯ ꓡꓳꓸ ꓔꓬ ꓟ ꓟꓴ ꓗꓪ ꓝꓲ ꓓꓴꓽꓳ꓾ ꓐꓹ ꓐꓼ ꓡꓰ ꓥꓪ ꓔꓯ ꓠꓴ ꓪ ꓠꓯꓹꓼ ꓗꓪ ꓡꓯ ꓙꓱ ꓔ ꓠꓬꓲ꓾ ꓥꓪ ꓠꓴ ꓔꓯ ꓙꓵꓻ ꓠꓲꓹ ꓐꓰ꓾ ꓔꓱꓹ ꓟ ꓙ ꓖꓴ ꓗꓪ ꓧꓳꓽ ꓟꓳꓸ ꓖꓶ ꓢꓲ꓾ ꓡꓳꓸ ꓙ ꓐꓳꓽ ꓙ ꓖꓶ ꓡꓯ= ꓮ ꓟꓰꓠ=