Portugal ꓗꓴꓷꓼ ꓗꓪ ꓐꓰ ꓙꓲꓻ ꓫꓬ ꓢꓴ Elizabeth ꓑꓮꓲ꓿ (St.Elizabeth of Potugal )

#rvalisu #St.Elizabeth of Potugal #creditphoto

Tuesday, July 04, 2023

Portugal ꓗꓴꓷꓼ ꓗꓪ ꓐꓰ ꓙꓲꓻ ꓫꓬ ꓢꓴ Elizabeth ꓑꓮꓲ꓿

ꓙꓲꓻ ꓫꓬ ꓢꓴ ꓰꓡꓲꓜꓮꓐꓰꓔꓧ ꓠꓬ ꓢꓑꓮꓲꓠ ꓗꓴꓷꓼ Aragon ꓡꓳ ꓒꓱ ꓗꓪ ꓐꓰ ꓪ ꓔꓲ ꓤ ꓠꓱ ꓕꓲ ꓣꓳ ꓥ ꓡꓳ꓿ ꓬꓲ. ꓔꓯ Spain ꓗꓴꓷꓼ Saragossa ꓡꓳ ꓒꓱ ꓗꓪ ꓮꓓ 1271 ꓘꓳꓼ ꓕꓯ ꓬꓲ ꓔꓯ ꓦꓵꓻ ꓗꓷꓳ꓿ ꓞꓲꓼ ꓪꓴꓽ ꓡ ꓟ ꓙꓵ, ꓕꓯ Portugal ꓗꓴꓷꓼ ꓪ ꓔꓲ ꓐꓰ ꓡꓯ ꓒꓯ ꓝ ꓟꓶ ꓡꓰꓳ꓿ ꓗ. ꓠꓯ ꓕꓯ Constance ꓟꓬꓱꓺ ꓔ ꓟ ꓤ ꓑ ꓤ ꓠꓬꓲꓽ ꓣꓳ ꓔꓯ ꓘꓳ ꓣꓴ ꓪ ꓡꓰꓳ꓿

ꓙꓲꓻ ꓫꓬ ꓢꓴ ꓰꓡꓲꓜꓮꓐꓰꓔꓧ ꓮ ꓟꓬ, ꓙꓵꓻ ꓠꓲ, ꓙꓳˍ ꓟ ꓐꓰ ꓪꓽ ꓘꓴ ꓟ ꓗꓪ ꓢꓯꓼ ꓕꓵꓼ ꓟ ꓐꓰ ꓝꓴꓲ ꓬꓰ ꓔꓬ ꓟ ꓬꓲ ꓦꓲꓻ ꓢꓲꓽ ꓒꓽ ꓠꓬ ꓪꓴ‐ꓢ ꓦꓻ ꓡꓱ ꓡ ꓢꓲ ꓠꓬꓲ ꓝꓴꓲ ꓝꓮꓲ ꓟꓽ ꓬꓰ ꓠ, ꓟ ꓢꓯꓼ ꓕꓵꓼ ꓗꓷ ꓟ ꓥ ꓡꓳ꓿ ꓙꓲꓻ ꓫꓬ ꓢꓴ Elizabeth ꓠꓬ ꓐꓵ ꓞꓶꓽ ꓖꓪ ꓟ ꓮ ꓙꓵꓽ ꓠꓬ ꓮ ꓟꓬ, ꓛꓲ ꓡꓳ ꓐꓲˍ ꓟ ꓐꓰ ꓒꓵꓽ ꓗ ꓬꓰ ꓠꓯ, ꓗꓪ ꓛꓲ ꓖꓪ ꓟ ꓥ ꓡꓳ꓿ ꓑ ꓫꓬ ꓐꓴ ꓔꓯ ꓥ ꓟꓲ ꓮ ꓟꓬ, ꓠꓲ, ꓠꓵ ꓢꓲ ꓠꓬꓲ ꓑ ꓫꓬ ꓐꓴ ꓥ ꓟꓲ ꓬꓲ ꓔꓯ ꓠꓲ, ꓠꓵ ꓟ ꓥ ꓡꓳ꓿ ꓙꓲꓻ ꓫꓬ ꓢꓴ Elizabeth ꓠꓬ ꓗꓴꓷꓼ ꓗꓪ ꓔꓬ ꓟ ꓫ. ꓢꓴ ꓟꓷꓼ ꓔꓬ ꓟ ꓑ ꓫꓬ ꓐꓴ ꓔꓯ ꓬꓰ ꓙ ꓔꓳ, ꓙ ꓢꓲ ꓠꓬꓲ ꓪꓴꓽ ꓟꓴ ꓡ ꓚꓱ, ꓮ ꓟꓬ, ꓫꓵꓽ ꓗꓪ ꓟꓬꓱꓽ ꓬꓰ ꓖꓶ ꓟ ꓥ ꓡꓳ꓿

ꓙꓲꓻ ꓫꓬ ꓢꓴ Elizabeth ꓠꓬ ꓗꓴꓷꓼ ꓘꓴꓽ ꓗꓪ ꓫꓵꓽ ꓪꓴ ꓮ ꓟꓬ, ꓔꓯ ꓠꓽ ꓗꓷ ꓠ, ꓟ ꓢꓯꓼ ꓕꓵꓼ ꓖꓶ ꓟ ꓪꓴ. ꓠꓬꓲ ꓬꓲ. ꓔꓯ ꓢꓲ ꓡꓲ ꓟꓶ ꓠ, ꓟ ꓢꓯꓼ ꓕꓵꓼ ꓢꓴ ꓐꓰ ꓟꓬꓱꓺ ꓓꓳꓽ ꓖꓶ ꓟ ꓥ ꓡꓳ꓿ ꓬꓲ. ꓡꓰ ꓬꓰ ꓗꓷ ꓟ ꓪꓴꓽ ꓡꓳ ꓬꓰ ꓕꓲ ꓫꓵꓽ ꓬꓲ. ꓦꓲꓻ ꓢꓲꓽ ꓒꓽ ꓪ ꓔꓲ Dines ꓐꓰ ꓬꓲ ꓤ ꓐꓴ ꓠꓬꓲꓽ ꓣꓳ ꓢꓰꓼ ꓡꓯ ꓘꓳ, ꓟ ꓙꓵ, ꓕꓯ ꓫꓵꓽ ꓪꓴ ꓔꓯ ꓠꓽ ꓡꓰ ꓝꓲ ꓐ ꓡ ꓟ ꓥ ꓡꓳ꓿ ꓕꓱ ꓟ ꓠꓬ ꓙꓲꓻ ꓫꓬ ꓢꓴ Elizabeth ꓡꓰ ꓬꓰ ꓗꓷ ꓟ ꓪꓴꓽ ꓡꓺ ꓳ ꓬꓰ ꓟ ꓫꓵꓽ ꓪꓴ ꓗꓪ ꓐꓰ ꓕꓲ ꓫꓵꓽ ꓥ ꓡꓳ꓿

ꓮꓓ 1325 ꓘꓳꓼ ꓕꓯ ꓪ ꓔꓲ Dines ꓠꓬ ꓧꓪ ꓖꓳꓽ ꓓꓱ ꓡꓳ ꓬꓰ ꓟ ꓙꓵ, ꓕꓯ ꓙꓲꓻ ꓫꓬ ꓢꓴ Elizabeth ꓠꓬ ꓙꓵꓻ ꓠꓲ, ꓚꓱ, ꓗꓪ ꓢꓯꓼ ꓕꓵꓼ ꓪ ꓡꓰꓳ꓿ ꓕꓱ ꓡꓱ ꓐꓰ ꓙꓲꓻ ꓫꓬ ꓢꓴ Elizabeth ꓠꓬ ꓙꓵꓻ ꓠꓲ, ꓚꓱ, ꓗꓪ ꓡꓰ ꓢꓯꓼ ꓕꓵꓼ ꓢꓲ ꓠꓬꓲ ꓬꓲ. ꓞꓲꓼ 65 ꓘꓳꓼ ꓕꓯ ꓢꓲꓺ ꓒ ꓠꓯ ꓗꓪ ꓬꓯꓼ ꓟꓶ ꓡꓰꓳ꓿