Sergey Brin ꓟꓸ ꓟꓲꓽ

ꓠꓬꓲꓸ ꓠꓬꓲ ꓠꓬ ꓖꓳꓳꓖꓡꓰ ꓔꓯ ꓫꓬꓹ ꓔꓶ ꓢꓲ꓾ Billionaire ꓗꓷ ꓡꓰ ꓢꓴ ꓣ-ꓫꓸ ꓗꓪ ꓦꓵꓻ ꓢꓲ꓾ ꓙꓰꓪ ꓞꓳ ꓫꓵꓽ ꓕꓲ ꓣꓳ ꓥ ꓟ Sergey Brin ꓚꓱꓹ ꓔꓯ ꓐꓯ ꓟꓸ ꓖꓶ ꓡ ꓥꓳ=

ꓬꓲꓸ ꓔꓯ ꓠꓬ 1973 ꓘꓳꓼ 8 ꓦ 21 ꓠꓬꓲ ꓕꓯ Soviet Russia꓾ ꓟꓳꓢꓚꓳꓪ ꓡꓳ ꓒꓱ ꓗꓪ ꓦꓵꓻ ꓔ ꓟ ꓥꓳ= ꓬꓲ ꓠꓬ ꓤ ꓔꓲꓸ ꓕꓲ ꓣꓳ ꓡꓰ ꓔꓬ ꓟ ꓥꓳ= ꓬꓲꓸ ꓐꓹ ꓐ ꓠꓬ Michael Brin ꓠꓬ ꓟꓴ ꓕꓲꓸ ꓢꓳ ꓙꓳ ꓟꓸ ꓒꓽ ꓥ ꓡꓳ= ꓬꓲꓸ ꓟꓹ ꓟ Eugenia Brin ꓠꓬ ꓣ-ꓗ-ꓔ ꓙꓱꓻ ꓦꓲꓻ ꓜꓴ ꓥ ꓟ ꓠꓮꓢꓮ ꓐꓰ ꓟꓬꓱꓺ ꓟ ꓜꓴ ꓗꓪ ꓟꓬꓱꓽ ꓬꓰ ꓢꓴ ꓥ ꓡꓳ=

ꓬꓲꓸ ꓐꓹ ꓐ ꓚꓱꓹ ꓔꓯ ꓧꓶꓸ ꓕꓯ ꓠ ꓠꓹ ꓓꓴ ꓬꓰ ꓡꓯ= ꓬꓲ ꓐꓹ ꓐ ꓠꓬ ꓣ-ꓫ ꓗꓪ ꓔꓬ ꓟ ꓙꓵꓹ ꓗꓪ ꓙꓰꓪ ꓞꓳ ꓫꓵ ꓥ ꓟ ꓑꓶ ꓓꓴ ꓮ ꓕꓯ ꓥ ꓟꓲ ꓠꓱꓸ ꓐꓯꓼ ꓢꓴ ꓡꓰ ꓬꓲ ꓔꓯ ꓠꓬꓲꓸ ꓝ ꓟ ꓥꓳ= ꓬꓲ ꓠꓬ ꓟꓳꓢꓚꓳ ꓟꓴ ꓕꓲꓸ ꓢꓳ ꓦꓲꓻ ꓗꓪ ꓐꓰ 1970 ꓘꓳꓼ ꓕꓯ ꓙꓵ ꓪꓴꓸ ꓚꓴ ꓪ ꓟꓶ ꓡꓰ ꓟ ꓥꓳ=

1975 ꓘꓳꓼ ꓕꓯ ꓬꓲ ꓕꓲ ꓦꓲꓻ ꓢꓴ ꓣ-ꓫꓸ ꓗꓪ ꓐꓰ ꓚꓵꓸ ꓙꓰ ꓠꓹ ꓟ ꓙ ꓖꓶ ꓔꓬ ꓟ ꓥꓳ= ꓬꓲ ꓪ ꓠꓬ ꓣ-ꓫꓸ ꓗꓪ ꓔꓬ ꓗꓹ ꓛꓲ ꓥ ꓟꓲ ꓬꓲꓸ ꓤ ꓐꓱ ꓶ ꓚꓵꓸ ꓠꓲꓹ ꓫꓵ ꓟ ꓥꓳ= 1978 ꓘꓳꓼ ꓕꓯ ꓣ-ꓫꓸ ꓗꓪ ꓐꓰ ꓓꓳꓺ ꓙꓰ ꓠꓹ ꓟ ꓦꓲꓢꓢꓮ ꓬꓰ ꓕꓯ ꓢꓳꓦꓲꓰꓔ ꓮ-ꓢꓳ-ꓬ ꓡꓰ ꓢꓷꓸ ꓡꓰ ꓢꓲ꓾ ꓬꓲꓸ ꓪ ꓠꓬꓲ ꓣꓳ ꓔꓯ ꓟꓬꓱꓽ ꓗꓪ ꓐꓰ ꓓꓳꓺ ꓩꓴ ꓗꓷ_ ꓡꓳ= ꓖꓳ ꓗꓸ ꓠꓯꓸ 8 ꓦ ꓕꓯ ꓢꓲ꓾ ꓣ-ꓫ ꓗꓪ ꓐꓰ ꓓꓳꓺ ꓠꓹ ꓟ ꓐꓱ ꓶ ꓦꓲꓢꓢꓮ ꓪ ꓡꓰ ꓟ ꓥꓳ= ꓬꓲ ꓠꓬ ꓟꓬꓱꓽ ꓟꓽ ꓬꓰ ꓪ ꓟ 8 ꓦ ꓘꓴꓽ ꓗꓪ ꓬꓲꓸ ꓚꓲ ꓛꓬ ꓚꓳꓟꓑꓴꓔꓰꓣ ꓔꓯ ꓢꓳꓺ ꓜꓲꓼ ꓙꓽ ꓜꓲꓼ ꓢꓲ ꓢꓷꓸ ꓠꓲꓹ ꓧꓪꓹ ꓟ ꓥꓳ= ꓬꓲ ꓪ ꓕꓲ ꓦꓲꓻ ꓠꓬ ꓣ-ꓫ ꓗꓪ ꓐꓰ ꓓꓳꓺ ꓙꓰ ꓢꓲ꓾ Australia ꓗꓴꓷꓼ ꓦꓲꓣꓖꓲꓠꓮ ꓗꓪ ꓙꓰ ꓡꓰ ꓗꓸ ꓠꓯꓸ ꓟꓽ ꓟꓶ ꓫꓵ ꓕꓯ ꓝꓣꓮꓠꓚꓰ ꓗꓪ ꓝꓮꓲ ꓙꓰ ꓡꓰ ꓟ ꓥꓳ= 1979 ꓘꓳꓼ ꓕꓯ ꓠꓬ ꓬꓲꓸ ꓪ ꓕꓲ ꓦꓲꓻ ꓢꓴ ꓮ ꓙꓵ ꓮ-ꓟꓰ-ꓣꓲ-ꓚꓮ ꓠꓰꓪꓬꓳꓣꓗ ꓡꓳ ꓒꓱ ꓗꓪ ꓔꓬ ꓠꓹ ꓟ ꓚꓵꓸ ꓡꓰꓳ= ꓖꓳ ꓕꓲ ꓙꓵꓹ ꓗꓪ ꓢꓰꓣꓖꓰꓬ ꓠꓬ ꓬꓲ ꓞꓲꓼ 6 ꓘꓳꓼ ꓡꓰ ꓡꓳꓼ ꓡꓰ ꓢꓰ ꓟ ꓥꓳ= ꓣ-ꓫ ꓗꓪ ꓐꓰ ꓟꓲꓚꓧꓮꓰꓡ ꓠꓬ ꓖꓳ ꓗꓪ ꓟꓴ ꓕꓲꓸ ꓢꓷꓸ ꓠꓲꓹ ꓢꓳꓺ ꓦꓲꓻ ꓕꓲ ꓟ ꓗꓪ ꓟꓸ ꓒ ꓬꓰ ꓔꓬ ꓟ ꓥ ꓢꓲ꓾ ꓬꓲꓸ ꓦꓲꓻ ꓢꓲꓺ ꓟ ꓠꓬ ꓠꓮꓢꓮ ꓐꓰ ꓟꓬꓱꓺ_ ꓔ ꓟ ꓣ-ꓗ-ꓔ ꓙꓱꓻ ꓜꓴꓻ ꓗꓪ ꓟꓬꓱꓽ ꓪ ꓡꓰ ꓟ ꓥꓳ= ꓬꓲꓸ ꓪ ꓠꓬꓲ ꓣꓳ ꓟꓬꓱꓽ ꓪ ꓡꓰ ꓟ ꓑꓶ ꓓꓴ ꓬꓲꓸ ꓪ ꓕꓲ ꓦꓲꓻ ꓔꓬ ꓢ ꓡꓰ ꓟ ꓥꓳ= ꓢꓰꓣꓖꓰꓬ ꓠꓬ ꓢꓳꓻ ꓙꓳ ꓕꓲ ꓙꓳ ꓗꓪ ꓢꓷꓸ ꓠꓲꓹ ꓢꓳ_ ꓟ ꓥ ꓢꓲ꓾ ꓬꓲ ꓔꓯ ꓠꓬ ꓦꓲꓻ ꓗꓪ ꓮ ꓕꓯ ꓥ ꓟꓲ ꓬꓲ ꓐꓹ ꓐ ꓐꓰ ꓬꓲ ꓟꓹ ꓟ ꓡꓰ ꓟꓸ ꓖꓶ_ ꓟ ꓑꓶ ꓓꓴ ꓢꓳ ꓙꓳ ꓗꓪ ꓟꓸ ꓔ ꓟ ꓠꓬ ꓬꓲ ꓐꓱ ꓶ ꓮ ꓘꓶꓸ ꓢ_ ꓟ ꓥꓳ=

ꓬꓲ ꓞꓲꓼ 9 ꓘꓳꓼ ꓦꓵꓻ ꓦꓬꓼ ꓠꓬꓲ ꓗꓪ ꓬꓲꓸꓸ ꓐꓹ ꓐ ꓡꓰ ꓚꓳꓟꓑꓴꓔꓰꓣ ꓡꓯꓼ ꓫꓴꓻ ꓖꓶ_ ꓟ ꓥꓳ= ꓖꓳ ꓕꓲ ꓙꓵꓹ ꓗꓪ ꓚꓳꓟꓑꓴꓔꓰꓣ ꓠꓬ ꓮ ꓘꓶꓸ ꓒꓴ_ꓟ ꓑꓶ ꓓꓴ ꓡ ꓞꓳ ꓮ ꓟꓬꓹ ꓣꓱꓽ ꓟꓽ ꓘꓴ ꓟ ꓥ ꓡꓳ= 1990 ꓘꓳꓼ ꓬꓲ ꓞꓲꓼ 15 ꓘꓳꓼ ꓡꓳꓼ ꓡꓰ ꓕꓯ ꓟꓮꓣꓬꓡꓮꓠꓓ ꓟꓴ ꓕꓲꓸ ꓢꓳꓻ ꓦꓲꓻ ꓗꓪ ꓝꓮꓲ ꓢꓷꓸ ꓠꓲꓹ ꓢꓳ ꓝꓸ ꓡꓰ ꓟ ꓥꓳ= 1993 ꓘꓳꓼ ꓕꓯ ꓚꓳꓟꓑꓴꓔꓰꓣ ꓐꓰ ꓟꓮꓔꓧꓢ ꓠꓬꓲ ꓟ ꓐꓰ ꓙꓵ ꓪꓴꓸ ꓚꓴ ꓪ ꓟꓶ ꓡꓰ ꓟ ꓥꓳ= ꓬꓲꓸ ꓠꓬ ꓢꓰꓮꓣꓚꓧ ꓰꓠꓖꓲꓠ ꓐꓰ ꓘꓴ_ ꓟ ꓲꓠꓔꓰꓣꓠꓰꓔ ꓗꓪ ꓪꓰꓐꓢꓲꓔꓰ ꓗꓪ ꓐꓰ ꓢꓷꓸ ꓠꓲꓹ ꓫꓵ_ ꓟ ꓔꓯ ꓧꓪ_ ꓟ ꓕꓱ ꓟ ꓔꓯ ꓙꓻ ꓜꓲꓼ ꓢꓲ꓾ ꓬꓲ ꓠꓬ ꓢꓰꓮꓣꓚꓧ ꓰꓠꓖꓲꓠ ꓐꓱ ꓶ ꓑꓣꓳꓖꓣꓮꓟ ꓐꓳ ꓪꓴꓸ ꓔꓴ ꓟ ꓥꓳ= ꓟꓽ ꓟꓶ ꓫꓵ ꓕꓯ ꓬꓲ ꓡꓰ ꓢꓳꓝꓔꓪꓮꓣꓰ ꓑꓣꓳꓖꓣꓮꓟ ꓕꓲ ꓟ ꓫꓬꓹ ꓔꓶ ꓗꓷꓳ=

1995 ꓘꓳꓼ ꓕꓯ ꓠꓬ ꓬꓲꓸ ꓡꓰ ꓐꓰ ꓢꓷꓸ ꓠꓲꓹ ꓢꓳ ꓔꓬ ꓟ ꓡꓰꓣꓣꓬ ꓑꓮꓖꓰ ꓐꓰ ꓖꓪ ꓙꓱ ꓜꓲꓼ ꓓꓴ ꓕꓲ ꓟ ꓗꓪ ꓜꓲ ꓡꓰꓳ= ꓬꓲꓸ ꓪ ꓠꓬꓲ ꓣꓳ ꓠꓬ ꓬꓰ ꓠꓲꓹ ꓫꓵ_ ꓟ ꓠꓲꓹ ꓟ ꓐ_ ꓟ ꓪ_ ꓟ ꓑꓶ ꓓꓴ ꓬꓲ ꓪ ꓠꓬꓲ ꓣꓳ ꓮ ꓘꓶꓸ ꓪꓽ ꓡꓯꓼ ꓘꓳ ꓫꓱꓹ ꓡꓯꓼ ꓘꓳ ꓡꓰ ꓟ ꓥꓳ= ꓝꓮꓲ ꓬꓲ ꓪ ꓠꓬꓲ ꓣꓳ ꓕꓲꓽ ꓪꓽ ꓢꓷꓸ ꓠꓲꓹ ꓢꓳ_ ꓟ ꓗꓪ ꓣꓱꓽ ꓠꓹ ꓟ ꓐꓱ ꓶ ꓐꓮꓚꓗꓣꓴꓐ ꓐꓯ_ ꓟ ꓑꓣꓳꓖꓣꓮꓟ ꓕꓲ ꓟ ꓔꓯ ꓫꓬꓹ ꓗꓷꓳ= ꓢꓳ ꓙꓳ ꓟ ꓐꓴ ꓠꓬ ꓕꓱ ꓟ ꓔꓯ ꓣꓱꓽ ꓢꓲ꓾ ꓬꓲ ꓪ ꓠꓲꓹ ꓫꓵ_ ꓟ ꓔꓯ ꓬꓲꓸ ꓙꓵꓹ ꓟꓽ ꓖꓴ ꓖꓴ ꓪꓰꓐꓢꓲꓔꓰ ꓮ ꓟꓬꓹ ꓗꓪ ꓐꓰ ꓧꓪ ꓟꓶ ꓡꓰ ꓟ ꓥꓳ= ꓬꓲ ꓪ ꓠꓬꓲ ꓣꓳ ꓠꓬ ꓟꓬ ꓠꓬꓲ ꓙꓲ ꓠꓹ ꓟ꓾ ꓧꓪ ꓠꓲꓹ ꓫꓵ ꓟ ꓔꓯ ꓬꓲꓸ ꓚꓱꓹ ꓗꓼ ꓪ ꓠꓹ ꓟ ꓢꓰꓮꓣꓚꓧ ꓰꓠꓖꓲꓠ ꓔꓯ ꓫꓬꓹ ꓠꓹ ꓟ ꓑꓣꓳꓖꓣꓮꓟ ꓕꓲ ꓟ ꓔꓯ ꓫꓬꓹ ꓠꓹ ꓟ ꓢꓯꓼ ꓕꓵꓼ ꓗꓷ ꓟ ꓥꓳ= ꓑꓣꓳꓖꓣꓮꓟ ꓫꓬꓹ ꓓꓳ ꓗꓸ ꓠꓯꓸ ꓖꓳꓳꓖꓳꓡ ꓐꓰ ꓟꓬꓱꓺ ꓟ ꓥ ꓡꓳ= ꓖꓳ ꓡꓱ ꓥ ꓟꓲ ꓬꓲ ꓪ ꓟꓬꓱꓺ ꓐꓳ ꓥꓳꓽ ꓡꓰ ꓢꓲ꓾ ꓢꓔꓮꓠꓓꓝꓳꓡꓓ ꓴꓠꓲꓦꓰꓣꓢꓲꓔꓬ ꓪꓰꓐꓢꓲꓔꓰ ꓗꓪ ꓖꓳꓳꓖꓡꓰ ꓐꓰ ꓚꓰꓹ ꓗꓷ ꓟ ꓥꓳ= ꓖꓳ ꓟ ꓑꓶ ꓓꓴ 1997 ꓘꓳꓼ ꓕꓯ ꓖꓳꓳꓖꓡꓰꓸꓢꓔꓮꓠꓓꓝꓳꓡꓓꓸꓚꓳꓟ ꓐꓰ ꓪꓴꓸ ꓔꓴ ꓡꓰ ꓟ ꓥꓳ= ꓬꓲ ꓪ ꓠꓬꓲ ꓣꓳ ꓫꓬꓹ ꓔꓶ ꓗꓷ ꓟ ꓖꓳꓳꓖꓡꓰ ꓔꓯ ꓟꓴ ꓕꓲꓸ ꓢꓷꓸ ꓠꓲꓹ ꓢꓳ ꓙꓳ ꓟ ꓐꓴ ꓮ ꓘꓶꓸ ꓠꓲꓹ ꓫꓵ_ ꓟ ꓑꓶ ꓓꓴ ꓕꓱ ꓟ ꓔꓯ ꓢꓷꓸ ꓠꓲꓹ ꓢꓳ ꓔꓬ ꓟ ꓙꓳ ꓟ ꓐꓴ ꓡꓰ ꓟꓽ ꓞꓲ ꓠꓱꓸ ꓐꓯꓼ ꓢꓴ ꓥ ꓟꓲ ꓣꓱꓽ ꓓ ꓠꓹ ꓟ ꓓꓵꓽ ꓙ ꓗꓷ ꓟ ꓥꓳ=

ꓖꓳꓳꓖꓡꓰ ꓔꓯ ꓮꓲꓔꓮꓦꓲꓢꓔꓮ ꓚꓳꓟꓑꓮꓠꓬ ꓗꓪ ꓐꓰ ꓓꓳꓡꓡꓮꓣ 1 ꓟꓲꓡꓡꓲꓳꓠ ꓐꓰ ꓪꓴꓻ ꓠꓹ ꓟ ꓐꓯ ꓗꓷꓳ= ꓖꓳ ꓡꓱ ꓥ ꓟꓲ ꓟꓽ ꓒꓬꓱꓼ ꓡꓰ= ꓝꓮꓲ ꓬꓮꓧꓳꓳ ꓚꓳꓟꓑꓮꓠꓬ ꓗꓪ ꓐꓰ ꓪꓴꓻ ꓠꓹ ꓟ ꓔꓯ ꓥ ꓟꓲ ꓟꓽ ꓒꓬꓱꓼ ꓡꓰ= ꓖꓳ ꓟ ꓑꓶ ꓓꓴ ꓬꓲ ꓪ ꓠꓬꓲ ꓣꓳ ꓖꓳꓳꓖꓡꓰ ꓐꓰ ꓟꓬꓱ_ ꓟ ꓚꓳꓟꓑꓮꓠꓬ ꓕꓲ ꓟ ꓔꓯ ꓫꓬꓹ ꓔꓶ ꓗꓷ ꓟ ꓥꓳ= ꓢꓰꓣꓖꓰꓬ ꓠꓬ ꓚꓳꓟꓑꓮꓠꓬ ꓢꓽ ꓡ ꓙꓵ꓾ ꓡꓮꓣꓣꓬ ꓠꓬ ꓚꓰꓳ ꓟꓬꓱꓽ ꓙꓵꓽ ꓪ ꓐꓰ ꓪꓴꓸ ꓓꓴ ꓣꓱꓽ ꓟ ꓥꓳ= 1998 ꓘꓳꓼ ꓕꓯ ꓚꓲꓢꓚꓳ ꓢꓬꓢꓔꓰꓟꓢ ꓗꓪ ꓐꓰ ꓒꓴ 1 ꓫꓬꓹ ꓗꓷ ꓡ ꓟ ꓑꓶ ꓓꓴ 1998 ꓘꓳꓼ ꓕꓯ ꓖꓳꓳꓖꓡꓰ ꓚꓳꓟꓑꓮꓠꓬ ꓔꓯ ꓪꓴꓸ ꓔꓴ ꓗꓷꓳ= ꓖꓳꓳꓖꓡꓰ ꓔꓯ ꓡ ꓞꓳ ꓮ ꓟꓬꓹ ꓣꓱꓽ ꓡ ꓟ ꓥꓳ= ꓬꓲ ꓪ ꓠꓬꓲ ꓣꓳ ꓔꓶꓻ ꓙꓱꓼ ꓠꓬ ꓕꓱ ꓗꓪ ꓐꓰ ꓒꓴ ꓪ ꓠꓹ ꓟ ꓟꓽ ꓥ꓾ ꓡ ꓞꓳ ꓐꓴ ꓢꓷꓸ ꓠꓲꓹ ꓫꓵ_ ꓟ ꓧꓪ ꓠꓲꓹ ꓫꓵ_ ꓟ ꓔꓯ ꓪꓰꓐꓢꓲꓔꓰ ꓗꓪ ꓐꓰ ꓬꓲ ꓙꓵꓹꓟꓽ ꓖꓴ ꓪ ꓟꓶ ꓠꓹ ꓟ ꓐꓱ ꓶ ꓥ ꓡꓳ= ꓖꓳ ꓟ ꓑꓶ ꓓꓴ ꓖꓳꓳꓖꓡꓰ ꓗꓪ ꓮꓓꓢ ꓔꓯ ꓟꓽ ꓗꓷ ꓟ ꓥꓳ= ꓖꓳ ꓡꓱ ꓥ ꓟꓲ ꓕꓱ ꓟ ꓔꓯ ꓟꓬ ꓠꓬꓲ ꓪꓴꓽ ꓟꓴ ꓡ ꓠꓹ ꓟ ꓐꓱ ꓶ ꓠꓬ ꓒꓴ ꓣꓱꓽ ꓬꓯꓼ ꓡ ꓟ ꓑꓶ ꓓꓴ 1999 ꓘꓳꓼ ꓕꓯ ꓚꓳꓟꓑꓮꓠꓬ ꓓꓽ ꓠꓬꓲ ꓟ ꓗꓪ ꓐꓰ ꓒꓴ ꓗꓷ ꓔ ꓠꓹ ꓟ ꓬꓰ ꓗꓷꓳ=

1999 ꓘꓳꓼ ꓬꓲ ꓟꓶ ꓗꓪ ꓠꓬ ꓖꓳꓳꓖꓡꓰ ꓔꓯ ꓣꓱꓽ ꓢꓴ ꓕꓲ ꓠꓬꓲ 7 ꓟꓲꓡꓡꓲꓳꓠ ꓙꓳ ꓡꓰ ꓟ ꓥꓳ= 2000 ꓘꓳꓼ ꓕꓯ ꓠꓬ ꓣꓱꓽ ꓢꓴ 8 ꓟꓲꓡꓡꓲꓳꓠ ꓛꓲ ꓙꓳ ꓡꓰꓳ= ꓬꓲ ꓪ ꓚꓳꓟꓑꓮꓠꓬ ꓠꓬ ꓒꓴ ꓓꓵꓽ ꓓꓴ ꓟꓽ ꓙꓳ꓾ ꓓꓳꓺ ꓓꓴ ꓡꓰ ꓙꓳ_ ꓟ ꓑꓶ ꓓꓴ ꓢꓑꓳꓠꓢꓰꓣ ꓬꓰ ꓖꓶ_ ꓟ ꓮꓓꓢ ꓔꓯ ꓡꓰ ꓗꓷ ꓠꓹ ꓟ ꓘꓳꓹ ꓣꓴ ꓥ ꓟꓲ ꓡꓲꓠꓗ ꓗꓪ ꓐꓰ ꓡꓰ ꓓꓵꓽ ꓙꓰ ꓠꓹ ꓟ ꓬꓰ ꓗꓷ ꓟ ꓥꓳ= 2001 ꓘꓳꓼ ꓕꓯ ꓖꓳꓳꓖꓡꓰ ꓕꓲ ꓘꓳꓼ ꓒꓴ ꓓꓵꓽ_ ꓟ ꓠꓬ 85 ꓟꓲꓡꓡꓲꓳꓠ ꓛꓲ ꓗꓷ ꓡꓰꓳ= 2000 ꓘꓳꓼ ꓗꓸ ꓠꓯꓸ ꓖꓳꓳꓖꓡꓰ ꓔꓯ ꓠꓱꓸ ꓐꓯꓼ ꓗꓴꓷꓼ ꓗꓪ ꓐꓰ ꓣꓱꓽ ꓙꓲ ꓠꓹ ꓟ ꓬꓰ ꓗꓷꓳ= ꓖꓳ ꓟ ꓑꓶ ꓓꓴ ꓢꓑꓮꓲꓠ꓾ ꓙꓮꓟꓮꓠꓲ꓾ꓝꓣꓮꓠꓚꓰ ꓐꓰ ꓠꓱꓸ ꓐꓯꓼ ꓥꓳꓽ ꓫꓵꓽ ꓐꓰ 10 ꓫꓵ ꓧꓪ ꓙꓲ ꓠꓹ ꓟ ꓣꓱꓽ ꓙꓲ ꓠꓹ ꓟ ꓬꓰ ꓗꓷꓳ= 4 ꓦ ꓗꓸ ꓠꓯꓸ ꓚꓧꓲꓠꓰꓢꓰ꓾ ꓗꓳꓣꓰꓮ꓾ ꓙꓮꓑꓮꓠ ꓥꓳꓽ ꓫꓵ ꓐꓰ ꓝꓮꓲ ꓧꓪ ꓙꓲ ꓠꓹ ꓟ ꓬꓰ ꓗꓷꓳ= 2002 ꓘꓳꓼ ꓕꓯ ꓖꓳꓳꓖꓡꓰ ꓗꓪ ꓥꓳꓽ ꓫꓵ 72 ꓫꓵ ꓐꓰ ꓣꓱꓽ ꓓ ꓡꓰ ꓟ ꓥꓳ=2004 ꓘꓳꓼ ꓗꓪ ꓐꓰ ꓠꓬ ꓬꓲ ꓪ ꓢꓧꓮꓣꓰ ꓔꓯ ꓪꓴꓻ ꓟ ꓥꓳ= ꓬꓲꓸ ꓪꓴꓸ ꓕꓯ ꓠꓬ ꓢꓧꓮꓣꓰ 1 ꓟ ꓔꓯ 85 $ ꓡꓰ ꓪ ꓥ ꓟꓲ 2005 ꓘꓳꓼ ꓕꓯ $100꓾ 2007 ꓘꓳꓼ ꓕꓯ $ 600 ꓗꓪ ꓛꓲ ꓟꓬ ꓡ ꓟ ꓥꓳ= ꓖꓳꓳꓖꓡꓰ ꓚꓳꓟꓑꓮꓠꓬ ꓠꓬ ꓢꓧꓮꓣꓰ ꓗꓪ ꓐꓰ ꓡꓰ 3 ꓐꓲꓡꓡꓲꓳꓠ ꓛꓲ ꓪ ꓡꓰ ꓟ ꓑꓶ ꓓꓴ ꓬꓲ ꓪ ꓠꓬꓲ ꓣꓳ ꓡꓱꓼ ꓐꓲꓡꓡꓲꓳꓠꓮꓲꓣꓰ ꓗꓷ ꓡꓰ ꓟ ꓥꓳ= ꓖꓳꓳꓖꓡꓰ ꓗꓪ ꓠꓱꓸ ꓐꓯꓼ ꓢꓰꓣꓦꓲꓚꓰ ꓥ ꓟ ꓖꓳꓳꓖꓡꓰ ꓮꓓꓢꓰꓠꓢꓰ꓾ ꓖꓳꓳꓖꓡꓰ ꓐꓳꓳꓗꓢ꓾ ꓖꓟꓮꓲꓡ꓾ ꓖꓳꓳꓖꓡꓰ ꓟꓮꓑ ꓕꓱ ꓟꓬ ꓫꓵ ꓣꓱꓽ ꓙꓲ ꓠꓹ ꓟ ꓬꓰ ꓟ ꓡꓰ ꓟꓽ ꓞꓲ 2006 ꓘꓳꓼ ꓕꓯ ꓬꓳꓴꓔꓴꓐꓰ ꓔꓯ ꓥ ꓟꓲ $ 1ꓸ65 ꓐꓲꓡꓡꓲꓳꓠ ꓐꓰ ꓪꓴꓻ ꓗꓷ ꓟ ꓥꓳ= 2011 ꓘꓳꓼ ꓕꓯ ꓖꓳꓳꓖꓡꓰ+ ꓔꓯ ꓥ ꓟꓲ ꓝꓮꓲ ꓫꓬꓹ ꓗꓷ ꓟ ꓥꓳ= ꓢꓰꓣꓖꓰꓬ ꓠꓬ ꓖꓳꓳꓖꓡꓰ ꓗꓪ ꓢꓽ ꓡ ꓙꓵ ꓟꓬꓱꓽ ꓬꓰ ꓟ ꓙꓵꓹ ꓗꓪ ꓬꓲꓸ ꓪ ꓒꓵꓽ ꓠꓬ ꓕꓲꓽ ꓘꓳꓼ ꓪꓽ ꓒꓵꓽ $1 ꓡꓰ ꓣꓴ_ ꓟ ꓥꓳ= ꓬꓲ ꓐꓱ ꓶ ꓠꓬ ꓢꓧꓮꓣꓰ ꓗꓪ ꓐꓰ ꓪ_ ꓟ ꓒꓴꓽ ꓐꓵ ꓡꓰ ꓥꓳ= 2015 ꓘꓳꓼ ꓗꓪ ꓠꓬ ꓢꓰꓣꓖꓰꓬ ꓬꓲꓸ ꓠꓯꓼ ꓗꓪ ꓙꓳ_ ꓟ ꓒꓴ ꓠꓬ 28ꓸ9 ꓐꓲꓡꓡꓲꓳꓠ ꓙꓳ ꓡꓰ ꓟ ꓑꓶ ꓓꓴ ꓮꓟꓰꓣꓲꓚꓮ ꓗꓴꓷꓼ ꓐꓲꓡꓡꓲꓳꓠꓮꓲꓣꓰ ꓗꓪ ꓐꓰ ꓕꓲ ꓣꓳ ꓗꓷ ꓡꓰ ꓟ ꓥꓳ=

ꓚꓳꓟꓟꓴꓠꓲꓢꓔ ꓗꓴꓷꓼ ꓗꓪ ꓐꓰ ꓘꓰꓹ ꓡ ꓢꓴ ꓤ ꓠꓱ ꓕꓲ ꓣꓳ ꓠꓬ ꓬꓲꓸ ꓢꓯꓼ ꓕꓵꓼ ꓠꓲꓹ꓾ ꓬꓲꓸ ꓙ ꓜꓲꓼ ꓢꓷꓸ ꓠꓲꓹ ꓑꓶ ꓓꓴ ꓟꓲ ꓠꓯ ꓗꓪ ꓮ ꓘꓶꓸ ꓓ ꓢꓴ ꓮ ꓘꓶꓸ ꓐꓳ ꓢ ꓢꓴ ꓕꓲ ꓣꓳ ꓗꓷ ꓡꓰ ꓟ ꓔꓯ ꓣꓴꓢꓢꓲꓮ ꓗꓪ ꓦꓵꓻ ꓢꓴ꓾ ꓙꓰꓪ ꓞꓳ ꓫꓵꓽ ꓥ ꓟ ꓢꓰꓣꓖꓰꓬ ꓡꓰ ꓟꓸ ꓖꓶ ꓗꓷ ꓟ ꓥꓳ= 

Add new comment

2 + 4 =