Vercelli ꓡꓳ ꓒꓱ ꓗꓪ ꓐꓰ ꓙꓲꓻ ꓫꓬ ꓢꓴ Eusebius ꓑꓮꓲꓽ

Vercelli ꓡꓳ ꓒꓱ ꓗꓪ ꓐꓰ ꓙꓲꓻ ꓫꓬ ꓢꓴ Eusebius ꓑꓮꓲꓽ

ꓙꓲꓻ ꓫꓬ ꓢꓴ Eusebius ꓔꓯ ꓮ ꓟꓬꓹ ꓟꓬꓱꓺ ꓓꓳꓽ ꓙꓳˍ ꓟ ꓕꓲ ꓦꓲ ꓗꓪ ꓐꓰ AD 183 ꓘꓳꓼ ꓕꓯ ꓦꓵꓻ ꓗꓷꓳ= ꓙꓲꓻ ꓫꓬ ꓢꓴ Eusebius ꓔꓯ ꓬꓲ ꓟꓹ ꓟ ꓠꓬ ꓣꓳ-ꓟ ꓡꓳ ꓒꓱ ꓗꓪ ꓕꓳ ꓶ ꓢꓳ ꓠꓹ ꓟ ꓧꓳꓽ ꓙꓰ ꓪ= ꓣꓳ-ꓟ ꓡꓳ ꓒꓱ ꓗꓪ ꓐꓰ ꓔꓲꓺ ꓒ ꓪ ꓔꓲ Sylvester ꓡꓰ ꓙꓲꓻ ꓫꓬ ꓢꓴ Eusebius ꓔꓯ ꓪꓴ-ꓢ ꓐꓯ ꓘꓶꓽ ꓟꓸ ꓖꓶ ꓗꓷꓳ= ꓖꓳ ꓗ ꓠꓯ ꓙꓲꓻ ꓫꓬ ꓢꓴ Eusebius ꓠꓬ ꓪꓴ-ꓢ ꓟꓬꓱꓽ ꓬꓰ ꓠꓹ ꓟ ꓔꓲꓺ ꓒ ꓜꓴꓻ ꓗꓪ ꓓꓵꓽ ꓡꓰ ꓪ= ꓙꓲꓻ ꓫꓬ ꓢꓴ Eusebius ꓠꓬ ꓔꓲꓺ ꓒ ꓕꓲ ꓣꓳ ꓒꓬꓱꓼ ꓡ ꓗꓸ ꓠꓯꓸ ꓪꓴ-ꓢ ꓟꓬꓱꓽ ꓗꓪ ꓮ ꓟꓬꓹ ꓢꓯꓼ ꓕꓵꓼ ꓗꓷꓳ= ꓙꓲꓻ ꓫꓬ ꓢꓴ Eusebius ꓠꓬ ꓮ ꓟꓬꓹ ꓙꓵꓻ ꓠꓲꓹ ꓙꓳˍ ꓟ ꓔꓲꓺ ꓒ ꓕꓲ ꓣꓳ ꓥ  ꓟ ꓪꓴꓸ ꓠꓬꓲ꓾ ꓔꓲꓺ ꓒ ꓓꓽ ꓒꓬꓱꓼ ꓡꓺꓳ=

ꓙꓲꓻ ꓫꓬ ꓢꓴ Eusebius ꓠꓬ ꓪꓴ-ꓢ ꓦ ꓡꓱ ꓚꓱꓹ ꓗꓪ ꓟꓽ ꓜꓳꓽ ꓡꓰ ꓟ ꓙꓵꓻ ꓠꓲꓹ ꓚꓱꓹ ꓔꓯ ꓮ ꓟꓬꓹ ꓫꓬꓹ ꓔꓱ ꓗꓷꓳ= ꓖꓳ ꓡꓱ ꓥ ꓟ ꓪꓴꓸ ꓠꓬꓲ ꓬꓲ ꓔꓯ ꓙꓵꓻ ꓠꓲꓹ ꓙꓳ ꓒ ꓓꓽ ꓐꓰ (Champion of Christianity) ꓟꓬꓱꓺ ꓓꓳꓽ ꓖꓶ ꓒꓵ ꓗꓹ ꓬꓰ ꓗꓷꓳ= ꓙꓲꓻ ꓫꓬ ꓢꓴ Eusebius ꓪꓴ-ꓢ ꓶ ꓓꓳꓽ ꓫꓱꓹ ꓓꓳꓽ ꓔꓯ ꓮ ꓟꓬꓹ ꓢꓯꓼ ꓕꓵꓼ ꓢꓲ ꓠꓬꓲ꓾ Palestine ꓗꓴꓷꓼ ꓗꓪ ꓛꓲ ꓟꓸ ꓟꓲꓽ ꓚꓺ ꓗꓷꓳ=ꓙꓲꓻ ꓫꓬ ꓢꓴ Eusebius ꓠꓬ AD 371 ꓘꓳꓼ ꓕꓯ ꓢꓲꓺ ꓒꓽ ꓠꓯꓸꓼ ꓗꓪ ꓬꓲꓼ ꓟꓶꓸ ꓡꓰꓳ=