Warren Buffett ꓚꓱꓹ

Warren Buffett

ꓶꓻ ꓡꓯꓼ ꓟꓬꓱꓽ ꓬꓰ ꓢꓴ ꓝꓮꓲ ꓶꓻ ꓡꓯꓼ ꓟꓬꓱꓽ ꓗꓪ ꓒꓴ ꓔ ꓢꓴ ꓐꓰ ꓟꓲ ꓠꓯ ꓕꓲ ꓚꓳ ꓡꓳ ꓗꓪ ꓐꓰ ꓮ ꓘꓶꓸ ꓐꓳ ꓢꓴ ꓔꓬ ꓢ ꓢꓴ Billionaire ꓕꓲ ꓣꓳ ꓥ ꓟ Warren Buffett ꓚꓱꓹ ꓐꓰ ꓬꓲꓸ ꓡꓰ ꓢꓯꓼ ꓖꓶ ꓔ ꓟ ꓐꓯ ꓘꓶꓽ ꓔꓯ ꓐꓯ ꓟꓸ ꓖꓶ ꓡ ꓥꓳ=

ꓬꓲ ꓔꓯ ꓠꓬ 8 ꓦ 30 ꓠꓬꓲ 1930 ꓘꓳꓼ ꓕꓯ ꓮꓟꓰꓣꓲꓚꓮꓠꓹ Omaha ꓡꓳ ꓒꓱ, Nebraska ꓟꓵꓽ ꓗꓪ ꓦꓵꓻ ꓗꓷ ꓟ ꓥꓳ= ꓬꓲ ꓐꓹ ꓐ ꓠꓬ Howard Homan Buffett ꓐꓰ ꓬꓲ ꓟꓹ ꓟ ꓠꓬ Leila Buffett ꓐꓴ ꓥ ꓡꓳ= ꓬꓲꓸ ꓠꓯꓼ ꓗꓪ ꓬꓲꓼ ꓠꓬꓲ ꓤ 3 ꓣꓳ ꓔꓬ ꓟ ꓥ ꓢꓲ꓾ ꓠꓬꓲ ꓣꓳ ꓕꓲ ꓣꓳ ꓟ ꓥ ꓡꓳ= Warren Buffett ꓠꓬ ꓞꓲꓼ ꓣꓳꓺ ꓟ ꓤ ꓠꓱ ꓤ ꓕꓯ ꓡꓰ ꓶꓻ ꓡꓯꓼ ꓟꓬꓱꓽ ꓚꓱꓹ ꓗꓪ ꓮ ꓘꓶꓸ ꓠꓲꓹ ꓟ ꓐ ꓢꓴ ꓥ ꓡꓳ= 1947 ꓘꓳꓼ ꓕꓯ ꓶꓺ ꓡꓯꓼ ꓟꓬꓱꓽ ꓟꓴ ꓕꓲꓸ ꓢꓳ ꓙꓳ ꓥ ꓟ University of Nebraska ꓗꓪ ꓐꓰ ꓬꓲ ꓞꓲꓼ 19 ꓘꓳꓼ ꓕꓯ ꓙꓵꓽ ꓪꓴꓸ ꓛꓴ ꓪ ꓡꓰ ꓟ ꓥꓳ= ꓬꓲ ꓠꓬ ꓶꓻ ꓡꓯꓼ ꓟꓬꓱꓽ ꓚꓱꓹ ꓔꓯ ꓟꓳꓸ ꓟꓬ ꓠꓬꓲ ꓢꓯꓼ ꓕꓵꓼ ꓠꓹ ꓟ ꓐꓱ ꓶ New York Institute of Finance ꓔꓯ ꓢꓳ ꓣꓴ ꓗꓷ ꓟ ꓥꓳ= ꓟꓽ ꓟꓶ ꓫꓵ ꓟ ꓙꓵꓹ ꓗꓪ ꓶꓺ ꓡꓯꓼ ꓟꓬꓱꓽ ꓔ_ ꓟ ꓔꓯ ꓬꓰ ꓪꓴꓸ ꓔꓴ ꓗꓷꓳ= 1970 ꓘꓳꓼ ꓗꓪ ꓐꓰ ꓪꓴꓸ ꓔꓴ ꓢꓲ꓾ ꓬꓲꓸ ꓠꓬ Berkshire Hathaway ꓗꓪ ꓢꓧꓮꓣꓰ ꓟꓽ ꓓ ꓙꓳ ꓢꓴ ꓥ ꓢꓲ꓾ ꓚꓰꓳ ꓕꓲ ꓣꓳ ꓥ ꓟꓲ ꓥ ꓡꓳ꓾ ꓬꓲꓸ ꓞꓲꓼ 7 ꓘꓳꓼ ꓕꓯ One Thousand Ways to make $ 1000 ꓔꓯ ꓕꓳ ꓶ ꓵ ꓓꓳ ꓗꓸ ꓠꓯꓸ ꓟꓬ ꓠꓬꓲ ꓶꓻ ꓡꓯꓼ ꓟꓬꓱꓽ ꓔꓯ ꓠꓲꓹ ꓟ ꓐ ꓡꓰ ꓟ ꓥꓳ= ꓬꓲ ꓞꓲꓼ ꓣꓳꓺ ꓟ ꓙꓵꓹ ꓕꓯ ꓡꓰ ꓟꓬꓱꓽ ꓮ ꓟꓬꓹ ꓬꓰ ꓡꓳꓹ ꓢꓯꓼ ꓕꓵꓼ ꓗꓷ ꓢꓴ ꓥ ꓡꓳ= ꓬꓲ ꓞꓲꓼ 11 ꓘꓳꓼ ꓕꓯ Cities Service Preferred share 3 ꓟ ꓔꓯ ꓢꓧꓮꓣꓰ 1 ꓟ $ 38 ꓐꓰ ꓓ ꓪꓴꓸ ꓶꓻ ꓡꓯꓼ ꓔ_ ꓗꓷ ꓟ ꓥꓳ= 1960 ꓘꓳꓼ ꓬꓲ ꓪꓴꓸ ꓕꓯ ꓡꓰ ꓢꓔꓳꓚꓗ ꓢꓧꓮꓣꓰ ꓐꓴ ꓔꓯ ꓜꓲꓼ ꓗꓷ ꓟ ꓥꓳ= 1987 ꓘꓳꓼ ꓕꓯ ꓫꓵ ꓪꓴ ꓗꓷ ꓡꓰ ꓟ Simon brothers Company  ꓔꓯ ꓪꓴꓻ ꓗꓷ ꓟ ꓥꓳ= ꓝꓮꓲ ꓬꓲ ꓡꓰ ꓪꓴꓽ ꓟꓴ ꓡ ꓠꓹ ꓟ ꓢꓯꓼ ꓕꓵꓼ ꓗꓷꓳ= ꓮ ꓫꓵ ꓡꓰ ꓬꓲꓸ ꓒꓵ ꓟꓽ ꓙꓳ ꓟ ꓕꓱ ꓟ ꓔꓯ ꓬꓲ ꓡꓰ ꓬꓲꓸ ꓒꓵ ꓒꓵ ꓡ ꓠꓹ ꓟ ꓒꓳꓹ ꓗꓷ ꓟ ꓥꓳ= 1988 ꓘꓳꓼ ꓕꓯ ꓠꓬ ꓐꓴꓝꓝꓰꓔꓔ ꓠꓬ ꓚꓳꓚꓮ-ꓚꓳꓡꓮ ꓚꓳꓟꓑꓮꓠꓬ ꓗꓪ ꓶꓻ ꓡꓯꓼ ꓟꓬꓱꓽ ꓔ ꓢꓲ꓾ 1989 ꓘꓳꓼ ꓗꓪ ꓐꓰ 2006 ꓘꓳꓼ ꓗꓪ ꓛꓲ ꓕꓱ ꓚꓳꓟꓑꓮꓠꓬ ꓗꓪ ꓓꓲꓣꓰꓚꓔꓳꓣ ꓗꓷ ꓡꓰ ꓟ ꓥꓳ= 2006 ꓘꓳꓼ 6 ꓦ ꓕꓯ ꓬꓲꓸ ꓠꓯꓼ ꓗꓪ ꓙꓳ_ꓟ ꓮ ꓙꓵꓽ ꓔꓯ ꓬꓰ ꓙ ꓓꓴ ꓖꓶ ꓠꓹ ꓟ ꓐꓯ ꓢꓲ꓾ 85 % ꓛꓲ ꓔꓯ Bill and Melinda Gates Foundation ꓗꓪ ꓡꓴ ꓖꓶ ꓠꓹ ꓟ ꓬꓰ ꓗꓷꓳ=

1952 ꓘꓳꓼ ꓕꓯ ꓬꓲꓸ ꓠꓬ Susan Thompson ꓐꓰ ꓟꓬꓱꓺ ꓟ ꓤ ꓟꓶ ꓤ ꓐꓰ ꓡꓯ ꓒꓯꓹ ꓝꓸ ꓗꓷ ꓟ ꓥꓳ= ꓬꓲꓸ ꓪ ꓠꓬꓲ ꓣꓳ ꓠꓯꓼ ꓗꓪ Susan Alice, Howard Graham ꓐꓰ Peter Andrew ꓐꓰ ꓤ ꓠꓱ ꓤ 3 ꓣꓳ ꓔꓬ ꓟ ꓥꓳ=

Warren Buffett ꓠꓬ ꓬꓲꓸ ꓡꓰ ꓟꓬꓱꓽ ꓔ_ ꓟ ꓚꓳꓟꓑꓮꓠꓬ ꓮ ꓟꓬꓹ ꓙꓳ_ ꓢꓰ ꓟ ꓥꓳ= ꓕꓱ ꓟ ꓠꓬ ꓥꓪ ꓡꓰ ꓧꓪ ꓟꓲꓹ ꓦ ꓟ ꓔꓯ ꓐꓯ ꓟꓸ ꓖꓶ ꓡ ꓟ ꓥꓳ= ꓮ ꓟꓶ ꓗꓪ ꓛꓲ ꓟꓲ ꓠꓯ ꓗꓪ ꓐꓰ ꓐꓳ ꓢ ꓔꓬ ꓢ ꓡꓰ ꓟ ꓐꓲꓡꓡꓲꓳꓠꓮꓣꓰ ꓕꓲ ꓣꓳ ꓗꓷ ꓡꓰ ꓔꓬ ꓢꓰ ꓟ ꓥꓳ= ꓕꓱ ꓕꓲ ꓑ ꓗꓪ ꓠꓬ꓾ ꓬꓲ ꓡꓰ ꓢꓯꓼ ꓖꓶ ꓔ ꓟ ꓐꓯ ꓘꓶꓽ ꓕꓲ ꓐꓱ ꓔꓯ ꓠ ꓠꓹ ꓓꓴ ꓬꓰ ꓡꓯ= (1) ꓣꓳ ꓠꓲꓹ ꓟ ꓐ_ ꓟ ꓟꓬꓱꓽ ꓔꓯ ꓧꓪ ꓟꓳ ꓠꓹ ꓟ ꓢꓯꓼ ꓕꓵꓹ ꓓꓴ ꓬꓰ꓾ (2) ꓣꓳ ꓟꓬꓱꓽ ꓬꓰ ꓪꓴꓸ ꓔꓴ ꓕꓯ ꓙꓲ_ ꓟ ꓔꓱ_ ꓟ ꓞꓳ ꓤ ꓔꓯ ꓟꓬꓱꓽ ꓬꓰ ꓝꓲ ꓠꓹ ꓟ ꓥꓳ= ꓟꓽ ꓥ ꓠꓬ ꓣꓳ ꓡꓰ ꓬꓰ ꓝꓲ_ ꓟ ꓖꓳ ꓕꓲ ꓣꓳ ꓑꓶ ꓓꓴ ꓫꓵꓽ ꓪꓴ ꓮ ꓟꓬꓹ ꓗꓷ ꓡ ꓓ_ ꓟ ꓑꓶ ꓓꓴ ꓥ ꓡꓳ꓾ (3) ꓠꓱꓸ ꓐꓯꓼ ꓢꓴ ꓣꓳ ꓔꓯ ꓮ ꓡꓰ ꓡꓳꓸ ꓟꓳ_ ꓟ ꓔꓯ ꓠꓲꓹ ꓟ ꓗꓪ ꓟꓽ ꓗꓷ ꓠꓹ ꓟ ꓥꓳ꓾ ꓬꓲ ꓪ ꓔꓯ ꓣꓳ ꓡꓳꓸ ꓠꓬꓲ ꓠꓬ ꓣꓳ ꓬꓰ ꓠ ꓔ ꓟ ꓟꓬꓱꓽ ꓟꓽ ꓬꓰ ꓪ꓾ ꓬꓲꓸ ꓙꓵꓹ ꓡꓰ ꓖꓴ ꓡꓰ ꓡ ꓟ ꓥꓳ꓾ (4) ꓕꓳ ꓶ ꓵ ꓠꓹ ꓟ ꓥꓳ꓾ ꓮ ꓟꓶ ꓠꓬ ꓞꓳ ꓡꓱ ꓮ ꓟꓬꓹ ꓠꓬ ꓑꓧꓳꓠꓰ ꓔꓯ ꓡꓰ ꓣꓱꓽ ꓢꓲ꓾ ꓢꓳꓚꓲꓮꓡ ꓟꓰꓓꓲꓮ ꓗꓪ ꓡꓰ ꓬꓲꓸ ꓙꓵꓹ ꓖꓴ ꓡꓰ ꓔꓬ ꓟ ꓥꓳ꓾ Warren Buffett ꓠꓬ ꓬꓲꓸ ꓚꓲ ꓛꓬ ꓥ ꓟꓲ ꓕꓲ ꓠꓬꓲ 5 ꓙꓵꓹ 6 ꓙꓵꓹ ꓕꓳ ꓶ ꓕꓲꓸ ꓢꓴ ꓥ ꓡꓳ= (5) ꓞꓳ ꓡꓱ ꓐꓴ ꓗꓪ ꓐꓰ ꓮ ꓫꓵ ꓗꓷ ꓡꓰ ꓗꓷ꓾ ꓞꓳꓸ ꓡꓰ ꓞꓳꓸ ꓝꓲ ꓐꓯ ꓢꓲ ꓮ ꓘꓶꓸ ꓕꓽ ꓬꓰ꓾ ꓙꓻ ꓟꓳ ꓠꓹ ꓟ ꓥꓳ꓾ ꓣꓳ ꓠꓯꓼ ꓗꓪ ꓙꓳ_ ꓟ ꓮ ꓙꓵ ꓔꓯ ꓟꓬꓱꓽ ꓕꓲ ꓟ ꓗꓪ ꓡꓰ ꓢꓯꓼ ꓕꓵꓼ ꓓꓴ ꓟꓽ ꓥ ꓥ꓾ ꓒꓯꓽ ꓢꓲ ꓬꓰ ꓠꓹ ꓟ ꓐꓯ_ ꓟ ꓥꓳ꓾ ꓕꓲ ꓟ ꓗꓪ ꓡꓰ ꓞꓳꓸ ꓡꓰ ꓠꓬ ꓝꓮꓲ ꓢꓯꓼ ꓕꓵꓼ ꓓꓴ ꓫꓸ ꓡꓰ ꓟ ꓑꓶ ꓓꓴ ꓥꓳ= ꓞꓳ ꓡꓱ ꓐꓴ ꓔꓯ ꓪꓴꓽ ꓟꓴ ꓡ ꓠꓹ ꓟ ꓮ ꓕꓯ ꓥ ꓟꓲ ꓢꓯꓼ ꓕꓵꓼ ꓐꓰ ꓥ ꓡꓳ= (6) ꓠꓱꓸ ꓐꓯꓼ ꓢꓴ ꓬꓰ_ꓟ ꓟꓬꓱꓽ ꓔꓯ ꓮ ꓕꓯ ꓥ ꓟꓲ ꓙꓻ ꓜꓲꓼ ꓓꓴ ꓬꓰ꓾ ꓬꓲ ꓪ ꓗꓪ ꓐꓰ ꓙꓻ ꓜꓲꓼ ꓢꓲ ꓬꓲꓸ ꓪ ꓓꓰ ꓢ ꓟꓬ ꓠꓬꓲ ꓙꓲ ꓠꓹ ꓟ ꓬꓰ꓾ ꓔꓯ ꓡꓯꓼ ꓘꓳ ꓠꓹ ꓟ ꓔꓯ ꓥ ꓟꓲ ꓕꓽ ꓙꓳ꓾ (7) ꓣꓳ ꓐꓰ ꓫꓸ ꓕꓱ ꓡꓯ ꓘꓳ ꓟ ꓙꓻ ꓡꓯꓼ ꓘꓳ ꓟ ꓮ ꓡꓰ ꓕꓲ ꓣꓳ ꓔꓯ ꓥ ꓟꓲ ꓠꓵ ꓠꓲꓹ ꓐꓰ ꓙꓻ ꓡꓯ ꓘꓳ ꓓꓴ ꓬꓰ꓾ ꓐꓰ ꓥ ꓡꓳ=