ꓔ ꓟꓼ ꓩꓴꓸ ꓓꓲꓻ ꓢꓴ ꓔꓯ ꓫꓬꓹ ꓓꓻ ꓡꓰˍ ꓟ

Tuesday, December 22, 2020

ꓔꓸ ꓟꓼ ꓩꓴ ꓓꓲꓻ ꓢꓴ ꓕꓲ ꓣꓳ ꓬꓰ-ꓢꓴ ꓔꓯ ꓡ ꓢꓲ꓾ ꓬꓲ ꓟꓲꓽ ꓙꓬ ꓗꓪ ꓛꓲ ꓝꓲꓸ ꓖꓶꓽ ꓢꓲ ꓠꓬꓲ꓾ ꓠꓴ ꓠꓲꓹ ꓫꓵˍ ꓠꓬ ꓥꓪ ꓔꓯ ꓫꓬꓻ ꓡꓰ ꓝꓲ ꓐ ꓡ ꓡꓳ꓾ ꓐꓰ ꓐꓯˍ ꓡꓳ꓿ꓬꓰ-ꓢꓴ ꓠꓽ ꓬꓲ ꓔꓯ ꓫꓱꓸ ꓤ ꓠꓬꓲ꓾ ꓬꓲ ꓡꓯꓼ ꓒꓯꓹ ꓛꓱ ꓓꓳ ꓡ ꓢꓲ꓾ ꓬꓲ ꓔꓯ ꓫꓱꓹ ꓖꓶ ꓢꓲ ꓠꓬꓲ ꓾ ꓥꓪ ꓠꓲꓹ ꓫꓵˍ ꓡꓳ꓾ ꓠꓴ ꓫꓬꓻ ꓡꓰ Gꓽ꓾ ꓐꓯ ꓖꓶˍ ꓡꓳ꓿

ꓖꓳ ꓕꓯ ꓖꓳ ꓕꓲ ꓣꓳ ꓔꓸ ꓟꓼ ꓩꓴ ꓓꓲꓻˍ ꓟ ꓬꓲ ꓠꓻ ꓠꓬ ꓞꓼ ꓐꓰ ꓬꓲ ꓔꓯˍ ꓐꓰ ꓓꓳ ꓙꓰ ꓢꓲ ꓬꓲ ꓫꓬꓻ ꓡꓰꓳ꓿ꓖꓳ ꓡꓱ ꓠꓬ ꓬꓰ-ꓢꓴ ꓡꓰ ꓬꓲ ꓔꓯ ꓡꓲꓽ ꓡꓲˍ ꓡꓰ ꓙꓳꓺ ꓗꓽ ꓖꓶ ꓢꓲ꓾ ꓞꓼ ꓐꓰ ꓙꓰ ꓝꓲ ꓢꓲ ꓠꓬꓲ꓾ꓮꓽ ꓟ ꓔꓯˍ ꓟꓲ ꓮꓸ ꓫꓵ ꓕꓽ ꓐꓯ ꓖꓶ꓿

ꓖꓳ ꓡꓱ ꓥ ꓟꓲ ꓬꓲ ꓪꓽ ꓐꓱ ꓶ ꓢꓷꓸ ꓙ ꓟꓳꓻ ꓙ ꓓꓴ ꓬꓰ ꓠꓹ ꓟ꓾ ꓠꓴ ꓖꓳ ꓓꓱ ꓠꓬ ꓔꓲ ꓒꓽ ꓔꓯ ꓟꓳꓸ ꓖꓶ ꓬꓰ ꓢꓲ꓾ ꓠꓴ ꓫꓬꓻ ꓡꓰ ꓟ ꓑꓶꓸ ꓓꓴ꓾ ꓟꓳ-ꓫꓲ ꓡꓰ ꓐꓯ ꓔ ꓬꓰ ꓟ ꓔꓲꓺ ꓓꓴ ꓔꓲꓺ ꓖꓶ ꓬꓰ꓾ ꓐꓯ ꓖꓶˍ ꓡꓳ꓿

ꓖꓳ ꓡꓱ ꓥ ꓟꓲ ꓬꓲ ꓡꓰ ꓓꓳꓽ ꓕꓱ ꓟ ꓕꓲ ꓟꓵꓽ ꓡꓱꓸꓼ ꓚ ꓒꓬꓱ ꓙꓰ ꓠꓬꓲ꓾ ꓬꓰ-ꓢꓴ ꓠꓽ ꓡꓳ ꓒꓱ ꓗꓪ ꓢꓷꓸ ꓢꓷꓸ ꓟꓳꓻ ꓟꓳꓻ ꓓꓵꓽ ꓙꓰ ꓟꓽ ꓠꓺ ꓗꓪ ꓛꓲ ꓗꓷ ꓡꓰꓳ꓿

ꓖꓳ ꓡꓱ ꓠꓬꓲ ꓬꓰ-ꓢꓴ ꓠꓬ ꓡꓽ ꓞꓳ ꓟꓽ ꓟꓬꓽ ꓟ ꓗꓪ ꓙꓵꓺ ꓙꓰ ꓠ ꓗꓷ ꓡꓰˍ ꓡꓳ꓿ ꓖꓳ ꓡꓱ ꓥ ꓟ ꓕꓲ ꓘꓹ ꓡꓰ ꓕꓲ ꓘꓹ ꓗꓪ ꓐꓰ ꓬꓲ ꓔꓯ ꓧꓪ ꓡ ꓢꓴ ꓮꓽ ꓘꓶꓸ ꓟꓬꓽˍ ꓡꓳ꓿

Add new comment

1 + 16 =

Quick Links