ꓕꓽ ꓙꓳꓺ

ꓪꓴ‐ꓢ ꓢꓲꓽ ꓫꓬ, ꓕꓳꓽ ꓶ ꓘꓴꓽ ꓗꓪ ꓕꓲꓽ ꓑꓽ ꓕꓲꓽ ꓑ ꓚꓬꓼˍ ꓟ ꓮ ꓫꓵꓽ ꓥ ꓐꓰ ꓠꓴ ꓓꓵꓽ ꓙ ꓡ? ꓓꓵꓽ ꓙ ꓒꓳ ꓬꓲꓼ ꓡ ꓐꓰ ꓐꓯ ꓟ ꓥ ꓡ? ꓟꓽ ꓥ ꓠꓬ ꓢꓲꓽ ꓒ ꓗꓴꓷꓼ ꓠꓬ ꓠꓶꓽ ꓡ‐ꓳ ꓐꓰ ꓐꓯ ꓟ ꓥ ꓡ? ꓟꓽ ꓥ ꓠꓬ ꓥꓪ ꓔꓯ ꓙꓵꓻ ꓐꓯ ꓟ ꓥ ꓡ?

                ꓔꓱ, ꓔꓱ ꓐꓯ ꓠꓬ ꓕꓱ ꓟ ꓕꓲꓽ ꓟ ꓡꓰꓽ ꓡꓰ. ꓟꓽ ꓥ꓿ ꓟ. ꓟꓲꓽ ꓑꓮꓷꓽ ꓗꓪ ꓕꓲꓽ ꓑ ꓕꓲꓽ ꓑ ꓚꓬꓼˍ ꓟ ꓠꓬ “ꓕꓽ ꓙꓳꓺ” ꓐꓯ ꓕꓲꓽ ꓘꓶꓽ ꓟ ꓥꓳ꓿ ꓕꓽ ꓙꓳ ꓐꓰ ꓐꓯ ꓕꓲꓽ ꓘꓶꓽ ꓟ ꓠꓬ ꓢꓲꓽ ꓫꓬ ꓕꓳ ꓶ ꓑꓮꓲꓽ ꓗꓪ ꓟꓽ ꓠꓽ ꓠꓽ ꓚꓬꓼˍ ꓡꓳ꓿ ꓕꓲꓽ ꓙꓳꓺ ꓐꓰ ꓐꓯ ꓕꓲꓽ ꓘꓶꓽ ꓟ ꓠꓬ ꓢꓲꓽ ꓫꓬ, ꓕꓳ ꓶ ꓗꓪ (360) ꓧꓪ, ꓚꓬꓼˍ ꓡꓳ ꓐꓰ ꓐꓯ ꓔ ꓡꓳ꓿

                ꓣꓳꓽ ꓔꓯ ꓕꓲꓽ ꓠꓬꓲ ꓡꓰ ꓕꓲꓽ ꓠꓬꓲ ꓟꓽ ꓙꓳꓺ ꓠ, ꓟ ꓐꓯ ꓟꓳ ꓖꓶꓽ ꓡ ꓔꓬ, ꓟ ꓥ ꓡꓳ꓿ ꓪꓴ‐ꓢ ꓠꓬ ꓣꓳꓽ ꓐꓰ ꓔꓬ, ꓡꓳ꓿ ꓪꓴ‐ꓢ ꓠꓬ ꓣꓳꓽ ꓔꓯ ꓡꓳ. ꓔꓬ, ꓡꓳ꓿ ꓣꓳꓽ ꓠꓬ ꓬꓲ. ꓫꓳ. ꓟꓳ. ꓟꓽ ꓙꓳ ꓙꓳ ꓐꓰ ꓙꓳꓺ ꓡˍ ꓕꓯ ꓮ ꓫꓵꓽˍ ꓟꓲ ꓬꓰ ꓟꓽ ꓐ ꓡ‐ꓳ꓿

                ꓪꓴ‐ꓢ ꓡꓰ ꓕꓲꓽ ꓠꓬꓲ ꓡꓰ ꓕꓲꓽ ꓣꓳ ꓔꓯ ꓡꓳ. ꓙ ꓔꓬ, ꓟ ꓑꓶ. ꓓꓴ ꓣꓳꓽ ꓠꓬ ꓮ ꓫꓵꓽ ꓙꓳꓺ ꓟꓽ ꓛꓵ꓿