ꓖꓳ ꓓꓱꓽ ꓔꓲ, ꓒ ꓬꓳ‐ꓦ ꓔꓯ ꓔꓯꓺ ꓢꓳ ꓠꓯˍ ꓟ

Saturday, January 14, 2023

ꓧꓶꓸ ꓕꓯ ꓥꓪ ꓬꓲ ꓔꓯ ꓟꓽ ꓢꓷ꓿ ꓖꓳ ꓡꓱ ꓥ ꓟꓲ ꓬꓲ-ꓢꓷ-ꓡꓰ ꓡ ꓞꓳ ꓐꓴ ꓔꓯ ꓬꓲ ꓟꓳꓸ ꓖꓶ ꓡ ꓠꓹ ꓟ꓾ ꓥꓪ ꓠꓬ ꓬꓲꓻ ꓙꓬ ꓡꓰ ꓖꓳ ꓓꓱ ꓔꓲꓹ ꓖꓶ ꓠꓹ ꓟ ꓡꓻ ꓡꓳ꓾ ꓐꓯˍ ꓡꓳ꓿  ꓬꓳ-ꓦ ꓡꓰ꓾ ꓢꓲ-ꓫꓬ-ꓟ-ꓦ ꓠꓬ ꓮꓸ ꓖꓴꓽˍ ꓡꓰ ꓐꓰ꓾ ꓟꓴꓽ ꓗꓪ ꓗꓪ ꓐꓰ ꓬꓯꓼ ꓡ ꓢꓲ ꓬꓲ ꓕꓯꓽ ꓢꓲ ꓗꓪ ꓥꓳꓽ ꓡ ꓟ ꓔꓯ ꓥꓪ ꓟꓳˍ ꓡꓳ꓾ ꓐꓰ ꓢꓷꓸ ꓙ ꓟꓳ ꓙ ꓡꓳ꓿  ꓧꓶ ꓕꓯ ꓥꓪ ꓬꓲ ꓔꓯ ꓟꓽ ꓢꓷˍ ꓟꓲ꓾ ꓥꓪ ꓔꓯ ꓬꓲꓻ ꓙꓬ ꓡꓰ ꓔꓲꓹ ꓖꓶ ꓠꓹ ꓟ ꓝꓲ ꓩꓴ ꓡ ꓢꓴ ꓖꓳ ꓕꓲ ꓣꓳ ꓡꓰ ꓥꓪ ꓔꓯ꓾ ꓮꓽ ꓟ ꓕꓯ ꓢꓲ ꓗꓪ ꓢꓲ-ꓫꓬ-ꓟ-ꓦ ꓬꓯꓼ ꓡ ꓟ ꓔꓯ ꓠꓴ ꓟꓳˍ ꓠꓬ꓾ ꓖꓳ ꓕꓲ ꓣꓳ ꓠꓽ ꓢꓲ-ꓫꓬ-ꓟ-ꓦ ꓡꓰ ꓖꓳ ꓓꓱ ꓔꓲꓹ ꓖꓶ ꓢꓴ ꓥꓳ꓾ ꓐꓰ ꓐꓯ ꓖꓶ ꓡꓺꓳ꓿  ꓕꓱ ꓟ ꓔꓯ ꓥꓪ ꓟꓳ ꓗꓷ ꓠꓬꓲ꓾ ꓕꓱ ꓕꓲ ꓣꓳ ꓠꓽ ꓪꓴ-ꓢ ꓮ ꓐꓲ ꓥꓳ꓾ ꓐꓰ ꓥꓪ ꓢꓷꓸ ꓙ ꓟꓳ ꓙˍ ꓟ ꓥꓳ꓾ ꓐꓯ ꓡꓳ꓿  ꓗꓸ ꓠꓯꓸ ꓕꓲ ꓠꓬꓲ ꓗꓪ ꓬꓳ-ꓦ ꓠꓬ ꓬꓲ ꓛꓳꓽ ꓒꓯꓹ ꓠꓬꓲꓽ ꓣꓳˍ ꓐꓰ ꓦꓰꓼ ꓞꓹ ꓢꓲ꓾  ꓬꓰ-ꓢꓴ ꓙ ꓖꓴ ꓫꓱꓽ ꓗꓳꓸ ꓙꓰˍ ꓟ ꓔꓯ ꓡꓳꓸ ꓟꓳ ꓠꓬ ꓬꓲ ꓡꓰ꓾ ꓠꓬꓲ ꓠꓹ꓾ ꓪꓴ-ꓢ ꓬꓲ ꓮ ꓣꓳ ꓤ꓾ ꓐꓯˍ ꓡꓳ꓿ 

Add new comment

10 + 1 =

Quick Links