ꓖꓽ ꓖꓶ ꓠꓲꓹ ꓙꓳ ꓠꓯꓹ ꓟ

ꓥꓪ ꓠꓴ ꓔꓯ ꓩꓴ ꓗꓷˍ ꓥꓳ ꓥꓪ ꓠꓬ ꓡꓲ, ꓗꓷ ꓐ ꓡ ꓝꓲ꓾ ꓐꓰ ꓐꓯ ꓧꓪ. ꓘꓶꓽ ꓕꓲꓽ ꓘꓶꓽ ꓙꓳˍ ꓡꓳ꓿ ꓣꓳ ꓠꓬ ꓢꓴ ꓔꓯ ꓞꓳ, ꓔ ꓟ ꓗꓪ ꓐꓰ ꓩꓴ ꓖꓶꓽˍ ꓕꓯ ꓡꓲ, ꓗꓷˍ ꓟ ꓠꓬ ꓣꓳꓽ ꓡꓰꓽ ꓥꓳ ꓐꓰ ꓐꓯ ꓟ ꓬꓲ. ꓬꓲ ꓢꓲ ꓥꓳ꓿ ꓣꓳ ꓔꓯ ꓛꓬ ꓗꓷ ꓢꓴ ꓔꓯ ꓣꓳꓽ ꓖ ꓖꓶꓽ꓾ ꓩꓴ ꓖꓶꓽˍ ꓕꓯ ꓣꓳꓽ ꓠꓬ ꓡꓲ, ꓙꓰˍ ꓟ ꓥꓳ꓿ ꓣꓳ ꓩꓴ ꓖꓶꓽ ꓗꓷ ꓟ ꓕꓲꓽ ꓣꓳ ꓟ ꓡꓲ, ꓗꓷ ꓟꓶˍ ꓟ ꓢꓶ. ꓟꓽ ꓛꓲ ꓣꓳꓽ ꓠꓬ ꓡꓲ, ꓗꓷ ꓟ ꓥꓳ꓿

ꓠꓬꓲ. ꓠꓬꓲ ꓵ ꓠ, ꓟ ꓢꓲꓽ ꓫꓬ ꓕꓳꓽ ꓶ ꓥ ꓟ ꓟ‐ꓕꓲ 18ꓽ21‐35 ꓗꓪ ꓒꓲ‐ꓕꓱ ꓠꓬ ꓢꓲ ꓒ ꓬꓰ‐ꓢꓴ ꓔꓯ ꓛꓬ ꓗꓷ ꓢꓴ ꓔꓯ ꓮ ꓟꓬ ꓧꓪ, ꓖ ꓖꓶꓽ ꓠꓯ ꓡ? ꓫꓵꓽ ꓧꓪ, ꓥ ꓡ? ꓐꓰ ꓢꓲ ꓒ ꓬꓰ‐ꓢꓴ ꓔꓯ ꓠꓻ ꓠꓬꓲˍ ꓟ ꓟ. ꓟꓲꓽ ꓥꓳ꓿ ꓢꓲ ꓒ ꓬꓰ‐ꓢꓴ ꓡꓰ ꓬꓲ. ꓔꓯ. ꓔꓲ.  ꓒꓳꓹ ꓢꓲ꓾ ꓫꓵꓽ ꓧꓪ, ꓐꓰ ꓥꓪ ꓟꓽ ꓐꓯ ꓫꓵꓽ ꓞꓲꓺ ꓐꓰ ꓫꓵꓽ ꓧꓪ, ꓖꓼ ꓖꓶꓽ ꓠꓯ ꓡꓳ ꓐꓰ ꓐꓯ ꓖꓶ ꓡꓳ꓿

ꓢꓲ ꓒ ꓬꓰ‐ꓢꓴ ꓐꓯ ꓠꓲ, ꓫꓵˍ ꓟ ꓠꓬ ꓟꓽ ꓠꓽ ꓠꓽ ꓖꓼ ꓖꓶꓽ ꓠꓯꓹ ꓟ ꓢꓯꓼ ꓕꓵꓼ ꓠ ꓗꓹ ꓡꓳ ꓐꓰ ꓐꓯ ꓠꓲ, ꓫꓵˍ ꓟ ꓥ ꓡꓳ꓿ ꓕꓲꓽ ꓧꓪ, ꓟꓽ ꓥ꓾ ꓠꓬꓲꓽ ꓧꓪ, ꓟꓽ ꓥ ꓓꓵꓽ ꓙ ꓒꓳ, ꓬꓲꓼ ꓡˍ ꓕꓯ  ꓟꓽ ꓠꓽ ꓠꓽ ꓖꓼ ꓖꓶꓽ ꓠ, ꓟ ꓥꓳ꓿ ꓕꓱ ꓟ ꓠꓬ ꓮ ꓘꓶ. ꓫꓸ ꓟ ꓕꓲꓽ ꓫꓵꓽ ꓟꓲ ꓥꓳ꓿ ꓖꓳ ꓡꓱ ꓐꓯ ꓥˍ ꓟꓲ ꓢꓲ ꓒ ꓬꓰ‐ꓢꓴ ꓠꓬ ꓣꓳꓽ ꓔꓯ ꓐꓲ ꓜꓲꓼ ꓡꓰ ꓝꓲ ꓠꓲ, ꓫꓵˍ ꓟ ꓐꓰ ꓣꓳꓽ ꓔꓯ ꓗꓹ ꓛꓲꓽ ꓝꓲ ꓠꓲ, ꓫꓵˍ ꓟ ꓗꓪ ꓐꓰ ꓥꓳ꓿

ꓣꓳꓽ ꓠꓬ ꓣꓳꓽ ꓔꓯ ꓛꓬ ꓗꓷ ꓢꓴ ꓔꓯ ꓟꓽ ꓖꓼ ꓖꓶꓽ ꓕꓯ ꓣꓳꓽ ꓛꓬ ꓗꓷ ꓟ ꓝꓴꓲ. ꓔꓯ ꓟꓲ ꓪꓴ‐ꓢ ꓠꓬ ꓝꓴꓲ. ꓟꓽ ꓖꓼ ꓖꓶꓽ ꓐꓰ ꓐꓯ ꓔ ꓡꓳ꓿ ꓮ ꓫꓵꓽ ꓑꓶ. ꓓꓴ ꓣꓳꓽ ꓠꓶꓽ ꓛꓳ ꓕꓲꓽ ꓛꓳ ꓔꓯ ꓟꓽ ꓖꓼ ꓖꓶꓽ ꓠꓬ ꓪꓴ‐ꓢ ꓠꓬ ꓮ ꓫꓵꓽ ꓑꓶ. ꓓꓴ ꓣꓳꓽ ꓝꓴꓲ. ꓔꓯˍ ꓟꓲ ꓟꓽ ꓖꓼ ꓖꓶꓽ ꓡ? ꓮ ꓫꓵꓽ ꓗꓴ. ꓙꓲꓼ ꓙꓳˍ ꓫꓵ ꓥ ꓡ? ꓪꓴ‐ꓢ ꓠꓬ ꓠꓵ, ꓠꓲꓹ ꓟꓽ ꓥ ꓡ? ꓓꓵꓽ ꓙ ꓠꓬꓲ ꓓꓴ ꓥꓳ꓿

ꓥ ꓡꓳ꓿ ꓖꓼ ꓖꓶꓽ ꓠꓲ, ꓐꓯ ꓟ ꓠꓬ ꓥꓪ ꓠꓬ ꓕꓱ ꓡꓱ ꓫꓵꓽ ꓬꓰ ꓗꓷ ꓟ ꓑꓶ. ꓓꓴ ꓮ ꓘꓶ. ꓠꓲ, ꓟ ꓫꓸ ꓡꓳ꓿ ꓡꓯꓼ ꓫꓵ ꓠꓬ ꓥꓪ ꓟꓽ ꓬꓰꓳ ꓐꓰ ꓐꓯ ꓕꓯ ꓡꓰ ꓖꓼ ꓖꓶꓽ ꓠꓲ, ꓟ ꓓꓳꓺ ꓡ ꓡꓳ꓿ ꓥꓪ ꓕꓱ ꓟ ꓐꓱ ꓶ ꓫ. ꓩꓴ. ꓠꓲ, ꓫꓵ ꓡꓳ꓾ ꓖꓳ ꓡꓱ ꓐꓯ ꓥˍ ꓟꓲ ꓟꓲꓽ ꓕꓯ ꓢꓲ ꓗꓪ ꓝꓮꓲ. ꓕꓲꓽ ꓧꓪ, ꓬꓰˍ ꓟꓲ ꓬꓰ ꓗꓴ. ꓡꓳ ꓐꓰ ꓐꓯ ꓢꓲ ꓫ. ꓩꓴ. ꓢꓴ ꓔꓯ ꓮ ꓟꓽ ꓟꓲ ꓟꓽ ꓖꓼ ꓖꓶ꓿ ꓖ ꓖꓶꓽ ꓠꓲ, ꓠꓬ ꓚꓵ ꓚꓵ ꓠꓲ, ꓟ ꓡꓶ.ˍ ꓥꓳ ꓐꓰ ꓓꓵꓽ ꓙ ꓞꓷ, ꓔ ꓢꓴ ꓐꓱ ꓶ ꓡꓰꓽ ꓥꓳ꓿

ꓖꓳ ꓡꓱ ꓠꓬꓲ ꓣꓳꓽ ꓠꓬ ꓪꓴ‐ꓢ ꓟꓲꓽ ꓙꓬ ꓗꓪ ꓪꓴ‐ꓢ ꓥꓪ ꓝꓴꓲ. ꓔꓯ ꓖꓼ ꓖꓶꓽ ꓡꓯ꓾ ꓥꓪ ꓠꓬ ꓟꓲꓽ ꓕꓯ ꓢꓲ ꓗꓪ ꓝꓴꓲ. ꓟꓽ ꓬꓰꓳ ꓐꓰ ꓐꓯ ꓢꓲ ꓓꓵꓽ ꓙ ꓒꓳ, ꓬꓲꓼ ꓙꓰˍ ꓕꓯ꓾ ꓪꓴ‐ꓢ ꓠꓬ ꓣꓳꓽ ꓝꓴꓲ. ꓮ ꓙꓵꓽ ꓔꓯ ꓖꓼ ꓖꓶꓽˍ ꓡꓳ꓿ ꓖꓳ ꓡꓱ ꓥˍ ꓟꓲ ꓣꓳꓽ ꓠꓬ ꓠꓲ, ꓟ ꓡꓶ. ꓗꓷ ꓥ ꓟꓲ ꓡꓯꓼ ꓫꓵ ꓝꓴꓲ. ꓘꓴꓽ ꓗꓪ ꓓꓵꓽ ꓙꓰ ꓗꓴ. ꓡꓳ꓿ ꓕꓱ ꓟ ꓔꓯ ꓥˍ ꓟꓲ ꓪꓴ‐ꓢ ꓖꓼ ꓖꓶꓽ ꓡꓳ꓿

ꓣꓳꓽ ꓠꓬ ꓣꓳꓽ ꓔꓯ ꓛꓬ, ꓗꓷ ꓢꓴ ꓝꓴꓲ. ꓔꓯ ꓟꓽ ꓖ ꓖꓶꓽ ꓕꓯ ꓣꓳ ꓡꓰ ꓪꓴ‐ꓢ ꓔꓯ ꓖꓼ ꓖꓶꓽ ꓠ, ꓟ ꓓꓰꓽ ꓔ ꓟ ꓝꓴꓲ. ꓠꓬ ꓪꓴ‐ꓢ ꓣꓳꓽ ꓔꓯ ꓟꓽ ꓖꓼ ꓖꓶꓽ ꓡ‐ꓳ꓿ ꓮ ꓫꓵꓽ ꓑꓶ. ꓓꓴ ꓥ ꓡ? ꓣꓳꓽ ꓠꓬ ꓝꓴꓲ. ꓟꓽ ꓬꓰꓳ ꓐꓯ ꓢꓲ ꓪꓴ‐ꓢ ꓔꓯ ꓓꓰꓽ ꓔ ꓡꓳ꓾ ꓖꓳ ꓡꓱ ꓥˍ ꓟꓲ ꓣꓳ ꓠꓬ ꓣꓳꓽ ꓔꓯ ꓛꓬ ꓡ ꓢꓴ ꓔꓯ ꓖꓼ ꓖꓶꓽ ꓟꓽ ꓐ ꓡ  ꓟ ꓗꓪ ꓐꓰ ꓣꓳꓽ ꓠꓬ ꓝꓴꓲ. ꓬꓰ ꓔꓬ, ꓡꓳ꓿ ꓖꓳ ꓡꓱ ꓠꓬꓲ ꓖꓼ ꓖꓶꓽˍ ꓟ ꓟꓶ ꓟꓽ ꓓ꓿

ꓖꓳ ꓡꓱ ꓠꓬꓲ ꓬꓲꓼ ꓤ ꓠꓬꓲ ꓤ ꓐꓴꓳ꓾ ꓣꓳꓽ ꓖ ꓖꓶꓽ ꓠꓲ, ꓙꓳ ꓡꓯ꓾ ꓣꓳ ꓔꓯ ꓗ. ꓧꓪ ꓢꓴ꓾ ꓧꓪ. ꓜꓽ ꓢꓴ ꓔꓯ ꓖꓼ ꓖꓶꓽˍ ꓠꓬ ꓣꓳꓽ ꓝꓴꓲ. ꓔꓯˍ ꓟꓲ ꓪꓴ‐ꓢ ꓟꓽ ꓚꓲ. ꓔ꓿ ꓢꓲ ꓒ ꓬꓰ‐ꓢꓴ ꓡꓰ ꓟꓴ ꓗꓪ ꓗꓪ ꓟ ꓠꓴ ꓪ ꓐ, ꓐ ꓐꓲꓺ ꓜꓲꓼ ˍ ꓟ ꓡꓰ ꓐꓰ ꓠꓴ ꓪ ꓥˍ ꓟꓲ ꓐꓲꓼ ꓜꓲꓼ ꓐꓰ ꓐꓯ ꓔ ꓟ ꓡꓰ ꓐꓰ ꓣꓳꓽ ꓢꓯꓼ ꓕꓵꓼ ꓙꓰ ꓡꓯ꓿ ꓫ ꓟꓳ꓿