ꓙꓱ-ꓣꓴ-ꓢ-ꓡꓱ ꓐꓱ ꓶ ꓬꓰ-ꓢꓴ ꓠꓲꓹ ꓟ ꓫꓸˍ ꓟ

ꓡꓴ-ꓘ 13ꓽ31-35
ꓖꓳ ꓕꓲ ꓙꓵꓹ ꓗꓪ꓾ ꓒ-ꓡꓲ-ꓢꓷ ꓡ ꓞꓳ ꓕꓲ ꓐꓱ ꓡ ꓢꓲ ꓬꓲ ꓔꓯ꓾ ꓠꓴ ꓕꓱ ꓗꓪ ꓐꓰ ꓓꓳ ꓙꓰ ꓨ꓿ ꓮ ꓡꓲꓳ ꓐꓯ ꓠꓬ ꓩꓴ-ꓡꓲ ꓠꓽ ꓠꓴ ꓔꓯ ꓢꓰꓼ ꓠꓲꓹ ꓫꓵ_ ꓡꓳ꓾ ꓐꓯ_ ꓡꓳ꓿
ꓬꓰ-ꓢꓴ ꓠꓬ ꓬꓲ ꓪ ꓔꓯ꓾ ꓠꓴ ꓪ ꓙꓰ ꓢꓲ ꓪꓴꓸ ꓓꓵꓽ ꓖꓳ ꓟ ꓔꓯ ꓕꓱ ꓡꓱ ꓐꓯ ꓖꓶ꓾ ꓠꓬꓲ ꓠꓹ꓾ ꓠꓬꓲꓸ ꓠꓬꓲ_ ꓐꓰ ꓢꓸ ꓖꓶ ꓥꓪ ꓠꓬ ꓠꓲꓽ ꓖꓼ ꓠꓬꓲ ꓠꓻ ꓫꓬꓹ ꓠꓬꓲ ꓬꓰ_ ꓥꓳ꓿ ꓢꓽ ꓠꓬꓲ ꓕꓲ ꓠꓬꓲ ꓗꓪ ꓠꓬ ꓥꓪ ꓟꓬꓱꓽ ꓬꓰ ꓓꓳ ꓡꓰ_ ꓥꓳ꓾ ꓐꓯ_ ꓡꓳ꓿
ꓖꓳ ꓡꓱ ꓥ_ ꓟꓲ ꓠꓬꓲꓸ ꓠꓬꓲ_ ꓐꓰ ꓢꓸ ꓖꓶ_ ꓐꓰ ꓪꓻ ꓠꓬꓲ ꓥꓪ ꓠꓬ ꓟꓲꓸ ꓙꓬ ꓙꓰ ꓠ ꓗ_ ꓢꓰꓽ ꓡꓳ꓿ ꓮ ꓡꓲꓳ ꓐꓯ ꓠꓬ ꓙꓱ-ꓣꓴ-ꓢ-ꓡꓱ ꓗꓪ ꓟꓽ ꓥ ꓠꓬ꓾ ꓟꓷ ꓠꓷ ꓝꓸ ꓢꓴ ꓕꓲ ꓣꓳ ꓫꓵꓻ ꓟꓽ ꓓ ꓡꓳ ꓫꓵ ꓥ ꓡꓳ꓿
ꓙꓱ-ꓣꓴ-ꓢ-ꓡꓱꓳ꓾ ꓙꓱ-ꓣꓴ-ꓢ-ꓡꓱꓳ꓾ ꓟꓷ ꓠꓷꓹ ꓝ ꓢꓴ ꓔꓯ ꓢꓰꓼ ꓢꓲ꓾ ꓠꓴ ꓔꓬ ꓗꓪ ꓝꓲ ꓩꓴ ꓡ ꓢꓴ ꓔꓯ ꓭꓸ ꓛꓲ ꓡꓰ ꓡꓳꓺ ꓢꓴꓳ꓾ ꓮ ꓭꓸ ꓟ ꓓꓴ ꓡꓯꓼ ꓠꓯꓸ ꓘꓪ ꓬꓲ ꓤ ꓔꓯ ꓟꓵꓸ ꓖꓶ_ ꓟ_ ꓡꓰ ꓐꓰ꓾ ꓥꓪ ꓡꓰ ꓠꓴ ꓤ ꓠꓱ ꓐꓴ ꓔꓯ ꓘꓴ ꓜꓲꓼ ꓡ ꓝꓲ ꓠꓲꓹ ꓫꓵ_ ꓟ ꓮ ꓟꓬꓹ ꓧꓪꓹ ꓬꓰ ꓠꓬꓲꓳ꓿ ꓬꓲ_ ꓡꓰꓽ ꓠꓴ ꓪ ꓟꓽ ꓫꓳꓺ꓿
ꓠꓬꓲ ꓠꓹ꓾ ꓠꓴ ꓪ ꓦꓲꓻ ꓔꓯ ꓠꓬ ꓠꓴ ꓪ ꓔꓯ ꓡꓳꓺ ꓒꓰꓹ ꓔ ꓬꓰ_ ꓥꓳ꓿ ꓥꓪ ꓠꓴ ꓪ ꓔꓯ ꓐꓯ ꓖꓶ_ ꓠꓬꓲ꓾ ꓢꓲꓺ ꓒ ꓟꓬꓱꓺ ꓗꓪ ꓐꓰ ꓡ ꓢꓴ ꓠꓬ ꓶꓼ ꓙꓳ ꓫꓱꓹ ꓙꓳ_ ꓡꓳ꓾ ꓐꓰ ꓠꓴ ꓪ ꓟꓽ ꓐꓯ ꓕ ꓑꓳ꓾ ꓠꓴ ꓪ ꓥꓪ ꓔꓯ ꓟꓽ ꓟꓳꓻꓳ꓾ ꓐꓯ_ ꓡꓳ꓿

Add new comment

2 + 1 =