ꓙꓲˍ ꓟ ꓬꓲ. ꓫꓵ. ꓐꓰ ꓟꓽ ꓙꓲ ꓟ ꓬꓲ. ꓫꓵ. (16th Sunday Homily)

    ꓣꓳꓽ ꓠꓲ, ꓟ ꓠꓬ ꓜꓽ ꓟꓲ ꓥꓳ꓿ ꓣꓳꓽ ꓠꓲ, ꓟ ꓘꓴ ꓗꓪ ꓠꓬ ꓪꓴ‐ꓢ ꓐꓯ ꓘꓶꓽˍ ꓟꓲ ꓫꓵ. ꓔ ꓡꓳ꓿ ꓟꓽ ꓙꓲ ꓟˍ ꓟꓲ ꓣꓱ ꓓ ꓗꓴ. ꓡꓳ꓿ ꓖꓳ ꓡꓱ ꓠꓬꓲ ꓕꓲꓽꓠꓬꓲ ꓡꓰ ꓕꓲꓽ ꓠꓬꓲ ꓣꓳꓽ ꓛꓳ ꓙꓳ ꓙꓰˍ ꓕꓯ ꓕꓱ ꓟ ꓔꓯ ꓙ ꓜꓲꓼ ꓔ ꓠ ꓗˍ ꓡꓳ꓿ ꓟꓬꓽ ꓠꓬꓲ ꓐꓶ ꓠꓬꓲ ꓣꓳꓽ ꓠꓬ ꓪꓴ‐ꓢ ꓐꓯ ꓘꓶꓽ ꓔꓯ ꓠꓻ ꓠ ꓗꓷˍ ꓟꓲ꓾ ꓮ ꓟꓶ ꓟꓽ ꓛꓲ ꓢꓳꓚꓲꓮꓡ ꓟꓰꓓꓲꓮ ꓗꓪ ꓐꓰ ꓣꓳꓽ ꓔꓯ ꓚꓵ, ꓣꓴ ꓔꓯ, ꓙꓰ ꓫꓵꓽ꓾ ꓣꓳꓽ ꓔꓯ ꓠ. ꓙꓰˍ ꓫꓵꓽ ꓮ ꓟꓬ ꓙꓳ ꓡꓳ꓿ ꓪꓴ‐ꓢ ꓐꓯ ꓘꓶꓽ ꓔꓯ ꓕꓲꓽ ꓑ ꓤ ꓡꓰ ꓚꓵ, ꓣꓴ ꓔꓯ, ꓙꓰ ꓫꓵꓽ ꓮ ꓟꓬ ꓙꓳ ꓡꓳ꓿ ꓖꓳ ꓡꓱ ꓠꓬꓲ ꓣꓳꓽ ꓛꓳ ꓙꓳ ꓙꓰ ꓟ ꓗꓪ ꓣꓳꓽ ꓠꓲ, ꓟ ꓗꓪ ꓠꓲꓽ ꓢ ꓓꓯꓼ ꓬꓲ. ꓫꓵ. ꓟꓽ ꓫꓵ. ꓝꓲ ꓠ, ꓟ ꓢꓯꓼ ꓕꓵꓼ ꓠ ꓗˍ ꓡꓳ꓿ ꓠꓲꓽ ꓢ ꓓꓯ ꓬꓲ. ꓫꓵ. ꓖꓳ ꓟ ꓬꓲ. ꓢꓲꓽ ꓟꓽ ꓓꓱꓼ ꓡ ꓕꓯ ꓡꓰ꓾ ꓬꓲ. ꓜꓲ ꓟꓽ ꓪꓴ ꓡ ꓢꓰ ꓕꓯ ꓡꓰ ꓢꓰꓼ ꓗꓷ ꓠ, ꓟ ꓬꓮꓳ. ꓚꓲˍ ꓡꓳ꓿ ꓟꓽ ꓥ ꓠꓬ ꓖꓳ ꓟ ꓪꓴꓽ ꓡˍ ꓕꓯ ꓢꓰꓼ ꓟꓽ ꓓ ꓳ꓿ ꓣꓳ ꓠꓲ, ꓟ ꓠꓯ.ꓼ ꓗꓪ ꓪꓴ‐ꓢ ꓐꓯ ꓘꓶꓽ ꓡꓰ ꓣꓱ ꓓ ꓝꓲ꓿