ꓙꓲˍ ꓟ ꓮ ꓣꓳ ꓡꓳꓸ ꓒ ꓬꓰ-ꓢꓴ

YO-V=10:22-30

ꓖꓳ ꓕꓯ ꓙꓱ-ꓣꓴ-ꓢ-ꓡꓱ ꓗꓪ ꓔꓲ-ꓚꓰꓸ-ꓑꓮꓲꓬꓰˍ ꓟ ꓝꓲꓸ ꓥ ꓢꓲ ꓟꓵꓽ ꓞꓴꓽ ꓥ ꓡꓳ꓿ꓬꓰ-ꓢꓴ ꓠꓬ ꓢꓲꓽ ꓫꓬ ꓦꓲ ꓗꓪ ꓟ ꓢꓳ-ꓡꓳ-ꓟꓳ ꓡꓽ ꓦꓲ ꓘꓶꓽ ꓗꓪ ꓫꓱꓽ ꓚꓳ ꓔꓬ ꓕꓯ꓾ꓬꓴ-ꓔ ꓡ ꓞꓳ ꓠꓬ ꓬꓲ ꓚꓳ ꓡꓳ ꓗꓪ ꓜꓲꓼ ꓡ ꓢꓲ ꓬꓲ ꓔꓯ꓾ ꓠꓴ ꓠꓬ ꓥꓪ ꓠꓴꓽ ꓔꓯ ꓮ ꓡꓲ ꓟꓶ ꓛꓲ ꓓꓵꓽ ꓙ ꓟꓬꓽ ꓔꓬ ꓝꓲˍ ꓐꓯˍ ꓡ? ꓙꓲ-ꓢꓴ ꓖꓳ ꓕꓲ ꓣꓳ ꓟ ꓠꓴ ꓥ ꓠꓬ ꓥꓪ ꓠꓴꓽ ꓔꓯ ꓔꓱꓹ ꓔꓱꓹꓼ ꓐꓯ ꓖꓶ ꓡꓯ꓾ ꓐꓯˍ ꓡꓳ꓿ꓬꓰ-ꓢꓴ ꓡꓰ ꓬꓲ ꓪꓽ ꓔꓯ ꓒꓳꓹ ꓖꓶ ꓢꓲ꓾ ꓠꓴ ꓪꓽ ꓔꓯ ꓥꓪ ꓐꓯ ꓖꓶ ꓗꓷˍ ꓟꓲ ꓠꓴ ꓪꓽ ꓟꓽ ꓙꓵꓻ꓿ ꓥꓪ ꓐꓹ ꓐ ꓟꓬꓱ ꓗꓪ ꓐꓰ ꓥꓪ ꓬꓰˍ ꓟ ꓟꓬꓱꓽ ꓡꓰ ꓥꓪ ꓐꓱ ꓶ ꓢꓷꓸ ꓙ ꓟꓳ ꓙˍ ꓡꓳ꓿ꓖꓳ ꓡꓱ ꓥ ꓟꓲ ꓠꓴ ꓪꓽ ꓠꓬ ꓥꓪ ꓮ ꓣꓳ ꓗꓪ ꓟ ꓟꓽ ꓥ ꓠꓬꓲ ꓟꓽ ꓙꓵꓻ꓿ꓥꓪ ꓮ ꓣꓳ ꓠꓬ ꓥꓪ ꓢꓯꓼ ꓔꓯ ꓠ ꓠꓹ ꓗꓴˍ ꓡꓳ꓿ ꓥꓪˍ ꓟꓲ ꓬꓲ ꓪꓽ ꓔꓯ ꓢꓷꓸ ꓢꓲ꓾ ꓬꓲ ꓪꓽˍ ꓟꓲ ꓥꓪ ꓔꓯ ꓛꓳ ꓡ ꓡꓳ꓿ꓥꓪ ꓡꓰ ꓬꓲ ꓪꓽ ꓔꓯ ꓕꓲ ꓞꓲꓼ ꓕꓲ ꓑ ꓟ ꓢꓯꓼ ꓟꓬ ꓖꓶ ꓢꓲ꓾ ꓬꓲ ꓪꓽ ꓠꓬ ꓮ ꓕꓯˍ ꓟꓲ ꓟꓽ ꓟꓶꓽ ꓬꓰ ꓢꓲ ꓠꓬꓲ꓾ ꓮ ꓟˍ ꓟꓲ ꓥꓪ ꓡꓯꓼ ꓒꓯꓹ ꓗꓪ ꓐꓰ ꓬꓲ ꓪꓽ ꓔꓯ ꓦꓴ ꓔꓯꓹ ꓙꓰ ꓟꓽ ꓐ ꓡ꓿ꓥꓪ ꓔꓯ ꓬꓲ ꓪꓽ ꓡꓯꓼ ꓙꓱ ꓖꓶ ꓡ ꓢꓴ ꓥꓪ ꓐꓹ ꓐ ꓠꓬ ꓮꓽ ꓙꓵ ꓕꓯꓽ ꓢꓲ ꓪꓴꓽˍ ꓟ ꓥ ꓡꓳ꓿ ꓖꓳ ꓡꓱ ꓢꓲ ꓮ ꓟˍ ꓟꓲ ꓐꓹ ꓐ ꓡꓯꓼ ꓒꓯꓹ ꓗꓪ ꓐꓰ ꓬꓲ ꓪꓽ ꓔꓯ ꓦꓴ ꓔꓯꓹ ꓙꓰ ꓟꓽ ꓐ ꓡ꓿ꓥꓪˍ ꓐꓰ ꓐꓹ ꓐ ꓠꓬ ꓕꓲ ꓣꓳˍ ꓡꓰꓽ ꓥꓳ꓾ ꓐꓯˍ ꓡꓳ꓿