ꓙꓵꓽ ꓗ ꓕꓳ ꓶ ꓐꓬ ꓡꓰ ꓟꓽ ꓓ ꓟ (Sunday reflection)

ꓙꓵꓽ ꓗ ꓕꓳ ꓶ ꓐꓬ ꓡꓰ ꓟꓽ ꓓ ꓟ 

ꓥꓪ ꓠꓬ ꓙꓵꓽ ꓗˍ ꓐꓰ ꓟꓷꓼ ꓠꓷꓼ ꓝ. ꓘꓶꓽ ꓔꓯ ꓐꓬ ꓡꓰ ꓝꓲˍ ꓐꓰ ꓡˍ ꓡꓳ ꓕꓽ ꓓꓵꓽ ꓙ꓿ ꓐꓬ ꓡꓰ ꓝꓲˍ ꓐꓰ ꓡ ꓟ ꓟꓽ ꓥ꓾ ꓐꓲ ꓡꓰ ꓝꓲˍ ꓐꓰ ꓡ ꓟ ꓥ ꓡꓳ꓿ ꓠꓴ ꓪ ꓔꓯ ꓥꓪ ꓔꓱ, ꓔꓱ,ˍ ꓐꓯ ꓖꓶˍ ꓠꓬꓲ꓾ ꓟꓴ ꓗꓪ ꓟꓲ ꓠꓯ ꓡꓳ, ꓬꓰ ꓢꓲ ꓙꓵꓽ ꓗ ꓗꓪ ꓟ ꓮ ꓙꓵꓽ ꓐꓲ ꓡ ꓗꓪ ꓛꓲ ꓙꓵꓽ ꓗ ꓕꓳ ꓶ ꓗꓪ ꓟ ꓕꓲ ꓔꓳ, ꓕꓲ ꓖꓳꓼ ꓤ ꓟꓲ ꓟꓽ ꓐꓲ ꓡ ꓟꓽ ꓗꓷ ꓡꓰ꓿

ꓠꓬꓲ. ꓠꓬꓲ. ꓢꓲꓽ ꓫꓬ ꓕꓳ ꓶ ꓥ ꓟ ꓟꓽ ꓕꓲ ꓕꓳ ꓶ 5ꓽ ꓕꓱ 17‐20 ꓝꓲ. ꓗꓪ ꓢꓲꓺ ꓒ ꓬꓰ‐ꓢꓴ ꓠꓬ  ꓣꓳ ꓟꓲ ꓠꓯ ꓞꓳ ꓤ ꓐꓴ ꓔꓯ ꓮ ꓡꓰ ꓐꓰ ꓞꓳ ꓙꓳ ꓢꓯ. ꓔꓬ ꓠ, ꓟ ꓟ. ꓖꓶ ꓡ ꓟ ꓥ ꓡꓳ꓿ ꓪꓴ‐ꓢ ꓡꓰ ꓐꓯ ꓘꓶꓽ ꓔꓯ ꓒꓵꓽ ꓠ, ꓟ ꓐꓰ ꓞꓳ ꓫꓱ, ꓠ, ꓟ ꓣꓳ ꓔꓯ ꓟ. ꓖꓶ ꓡ ꓡꓳ꓿ ꓪꓴ‐ꓢ ꓐꓯ ꓘꓶꓽ ꓠꓬ ꓮ ꓕꓯ ꓥ ꓟꓲ ꓟꓽ ꓐꓬ ꓡꓰ ꓐꓰ ꓣꓳ ꓔꓯ ꓟ. ꓖꓶ ꓡ ꓡꓳ꓿ 

ꓢꓲꓺ ꓒ ꓬꓰ‐ꓢꓴ ꓡꓰ ꓣꓳ ꓔꓯ ꓮ ꓘꓶ. ꓛꓲ ꓠꓲ, ꓠꓵꓻ ꓟ ꓔꓯ ꓣꓳ ꓢꓷ. ꓪ ꓟ ꓥ ꓡꓳ꓿ ꓠꓬꓲ. ꓠꓬꓲ ꓗꓪ ꓣꓳ ꓓꓵꓽ ꓙ ꓠ, ꓟ ꓠꓬ ꓣꓳ ꓟꓲ ꓠꓯ ꓗꓪ ꓢꓯ. ꓔꓬ ꓟ ꓙꓵ, ꓗꓪ ꓪꓴ‐ꓢ ꓠꓲ, ꓡꓶꓽ ꓔꓯ ꓛꓳ ꓫꓱ, ꓗꓷ ꓡ ? ꓪꓴ‐ꓢ ꓐꓯ ꓘꓶꓽ ꓔꓯ ꓘꓳꓼ ꓣꓴ ꓢꓲ ꓠꓬꓲ ꓛꓳ ꓫꓱ, ꓗꓷ ꓡ? ꓣꓳ ꓒ ꓕꓲ ꓗꓪ ꓔꓬ ꓢꓴ ꓐꓴ ꓔꓯ ꓪꓴ‐ꓢ ꓠꓵꓻ ꓠꓲ, ꓟ. ꓖꓶ ꓡ ꓐꓰ ꓣꓳ ꓓꓵꓽ ꓙ ꓫꓪ ꓠꓬꓲ ꓠ, ꓟ ꓣꓳꓔꓯ ꓟ. ꓖꓶ ꓡ ꓟ ꓥ ꓡꓳ꓿ ꓣꓳ ꓢꓯ. ꓔꓬ ꓟ ꓞꓶ ꓗꓪ ꓪꓴ‐ꓢ ꓐꓯ ꓘꓶꓽ ꓔꓯ ꓒꓵꓽ ꓢꓲ ꓠꓬꓲ ꓛꓳ ꓓꓴ ꓬꓰ ꓡꓯ ꓐꓰ ꓢꓯ. ꓖꓶ ꓩꓴ ꓡ ꓥꓳ꓿