ꓙꓵꓽ ꓗ ꓟꓸ ꓒ ꓐꓴ_ ꓐꓰ ꓒ-ꓡꓲ-ꓢꓷ ꓐꓴ ꓔꓯ ꓕꓼ_ ꓟ

       ꓠꓲꓹ ꓟ ꓠꓬꓲꓽ ꓔꓱꓹ ꓣꓱꓽ ꓢꓴ ꓙꓵꓽ ꓗ ꓟꓸ ꓒˍ ꓐꓰ꓾ ꓒ-ꓡꓲ-ꓢꓷ ꓐꓴ ꓠꓴ ꓪꓽ ꓠꓽ ꓫꓸ ꓙꓵˍ ꓥꓳ꓿ ꓮ ꓡꓲꓳ ꓐꓯ ꓠꓬ ꓠꓴ ꓪꓽ ꓠ ꓕꓯꓽ ꓢꓲ ꓗꓪ ꓡꓳꓸ ꓐꓲ ꓓꓴ Bꓸ ꓘꓴꓽ ꓦꓻ ꓒꓴ ꓟꓰꓺ ꓔ ꓢꓲ꓾ ꓠꓯꓸꓼ ꓗꓪ ꓠꓽ ꓞꓳ ꓫꓵꓻ ꓪꓳꓽ ꓔꓳꓺˍ ꓐꓰ ꓟꓽ ꓫꓬꓻ ꓟ ꓐꓲ ꓞꓹ ꓟ ꓡꓱꓼ ꓜꓴˍ ꓡꓰ ꓐꓰ ꓗꓹ ꓡꓳ꓿ꓠꓴ ꓪꓽ ꓠꓽ ꓞꓳ ꓤ ꓟꓲꓽ ꓙꓬꓽ ꓗꓪ ꓞꓳ ꓔꓱꓹ ꓒꓬꓱꓽ ꓫꓬˍ ꓡꓳ꓿ ꓠꓴ ꓪꓽ ꓠꓲꓹ ꓟ ꓠꓯꓸꓼ ꓗꓪ ꓠꓽ ꓠꓲꓹ ꓟ ꓠꓬꓲꓽ ꓔꓱꓹ ꓣꓱꓽˍ ꓟ ꓐꓰ ꓙꓵꓽ ꓗ ꓔꓯ ꓟꓽ ꓛꓳˍ ꓟ ꓐꓲ ꓞꓹ ꓡꓳ꓿ꓠꓲꓹ ꓟ ꓠꓬꓲꓽ ꓔꓱꓹ ꓣꓱꓽ ꓢꓴ ꓙꓵꓽ ꓗ ꓟꓸ ꓒˍ ꓐꓰ ꓒ-ꓡꓲ-ꓢꓷ ꓐꓴꓳ꓾ ꓠꓴ ꓪꓽ ꓠꓽ ꓫꓸ ꓙꓵˍ ꓥꓳ꓿ ꓮ ꓡꓲꓳ ꓐꓯ ꓠꓬ ꓠꓴ ꓪꓽ ꓠꓽ꓾ ꓟꓷꓽ ꓠꓷꓹ ꓝꓸ ꓢꓴ ꓐꓴ ꓡꓱꓼ ꓜꓴ ꓫꓬꓹ ꓜꓶ ꓢꓲ꓾ ꓔꓱꓹ ꓜꓳꓽ ꓢꓴ ꓐꓴ ꓡꓱꓼ ꓜꓴ ꓐꓲꓻ ꓫꓴꓽ ꓠꓬꓲ ꓬꓰ ꓢꓲ꓾ꓒꓵꓽ ꓒ ꓐꓴ ꓦꓬꓼ ꓠꓬꓲ ꓗꓪ ꓣꓳꓽ ꓔꓬ ꓚꓰꓼ ꓐꓷˍ ꓠꓬ꓾ ꓟꓷꓽ ꓠꓷꓹ ꓝꓸ ꓢꓴ ꓐꓴ ꓔꓯ ꓢꓰꓼˍ ꓟ ꓗꓪ ꓬꓲ ꓪꓽ ꓔꓯ ꓣꓳꓽ ꓟꓽ ꓔꓺ ꓡꓳ ꓫꓵꓽ ꓥꓳ꓾ ꓐꓯˍ ꓡꓳ꓿ꓠꓴ ꓪꓽ ꓠꓬ ꓕꓱ ꓡꓱ ꓐꓯˍ ꓟ ꓗꓪ ꓐꓰ ꓠꓴ ꓪꓽ ꓠꓽ꓾ ꓟꓷꓽ ꓠꓷꓹ ꓝꓸ ꓢꓴ ꓔꓯ ꓢꓰꓼ ꓢꓴ ꓐꓴ ꓬꓲ ꓪꓽ ꓞꓲꓼ ꓤ ꓡꓯꓹ ꓤ ꓥ ꓟ ꓗꓸ ꓚꓵ ꓬꓰ ꓓꓳ ꓡ ꓟ ꓥ ꓡꓳ꓿ꓖꓳ ꓡꓱ ꓠꓬ ꓠꓴ ꓪꓽ ꓒꓵꓽ ꓒ ꓐꓴ ꓡꓰ ꓬꓰ ꓪꓴꓸ ꓔꓴ ꓗꓷ ꓟ ꓝꓴꓲ ꓮꓽ ꓙꓵ ꓬꓰ ꓐꓲ ꓡꓰ ꓝꓲ꓿ ꓟ-ꓕꓲ 23ꓽ27-32