ꓙ ꓖꓴ ꓗꓪ ꓛꓳꓽ ꓒꓯꓹ ꓠꓬꓲꓽ ꓣꓳ ꓔꓯ ꓟꓳꓸ ꓖꓶ_ ꓟ

ꓮ ꓙꓵ ꓔꓯ ꓬꓰ ꓐ ꓡ ꓟ ꓪꓴ-ꓢ ꓮ ꓙꓵꓽ ꓓꓲ ꓢ ꓪꓴꓽ_ ꓟ ꓪꓴ-ꓢ ꓠꓬ ꓡꓯꓼ ꓐꓳ ꓔꓶꓸ ꓓꓴ ꓗꓪ ꓫꓵꓸꓹ ꓗꓷ ꓐꓰ ꓝꓲ ꓓꓴ ꓐꓴ ꓓꓵ ꓙ_ ꓟ ꓥꓳ= ꓥꓳ ꓡꓳꓸ ꓓꓴ ꓟꓶꓽ ꓢꓲ ꓠꓽ ꓦꓬꓼ ꓠꓬꓲ ꓠꓯꓼ ꓗꓪ ꓬꓲ ꓪ ꓗꓪ ꓟ ꓠꓬꓲꓽ ꓣꓳ ꓠꓬ ꓙꓱ-ꓣꓴ-ꓢ-ꓡꓱ ꓗꓪ ꓐꓰ ꓬꓲ-ꓟ-ꓪꓴ-ꓢꓶ ꓟꓬꓱ ꓔ ꓟ ꓘꓹ ꓕꓲ ꓘꓹ ꓗꓪ ꓙꓰ ꓔꓬ ꓥꓳ= ꓕꓱ ꓡꓱ ꓥꓳ ꓡꓳꓸ ꓓꓴ ꓟꓶꓽ ꓡꓰ ꓟ ꓔꓯ ꓬꓲ ꓪ ꓝꓮꓲ ꓒꓳꓹ ꓔꓴ ꓟꓽ ꓘꓴ ꓟ ꓥꓳ= ꓠꓲꓹ ꓟ ꓫꓸ ꓔ ꓟ-ꓸ ꓘꓳꓹ ꓣꓴ ꓟꓽ ꓐ ꓡ ꓟ-ꓸ ꓬꓲ ꓪ ꓠꓲꓹ ꓟ ꓘꓴ ꓗꓪ ꓕꓱ ꓡꓱ ꓓꓵ ꓙ ꓟꓶ ꓓꓴ ꓐ ꓑꓲꓸ ꓥ ꓡꓳ= ꓬꓲ ꓪ ꓓꓵꓽ ꓙ ꓟꓶ_ ꓟ ꓬꓲ ꓪ ꓙꓵꓸꓹ ꓦ ꓟ ꓬꓰ-ꓢꓴ ꓔꓯ ꓬꓲ ꓪ ꓠꓬ ꓮ ꓘꓶꓸ ꓥꓳ ꓡꓳꓸ ꓔꓬ ꓟ ꓑꓶ ꓓꓴ ꓫꓸ ꓫꓸ ꓟꓶ ꓟꓶ ꓐꓰ ꓕꓱ ꓡꓱ ꓟꓲ ꓠꓯ ꓔꓯ ꓚꓬꓴ ꓙ ꓡ ꓥꓳ ꓐꓰ ꓟꓽ ꓓꓵꓽ ꓙ ꓟ ꓥꓳ= ꓝꓲ ꓓꓴ ꓠꓬꓲ ꓣꓳ ꓡꓰ ꓐꓰ ꓣꓳ ꓥ ꓟꓲ ꓠꓲꓹ ꓟ ꓫꓸ ꓓꓴ ꓥꓳ ꓡꓳꓸ ꓓꓴ ꓟꓽ ꓙꓳ ꓟ ꓙꓵꓹ ꓕꓱ ꓡꓱ ꓥ ꓟꓲ ꓔꓳꓹ ꓜꓳ ꓡ ꓐꓭ ꓥꓳ= ꓖꓳ ꓡꓱ ꓥ ꓟꓲ ꓬꓰ-ꓢꓴ ꓠꓬ ꓠꓲꓹ ꓟ ꓒꓬ ꓡꓰ ꓢꓴ ꓫꓸ ꓔꓬ  ꓢꓴ ꓐꓴ ꓐꓰ ꓕꓲ ꓪꓼ ꓙꓸꓹ ꓫꓱꓽ_ ꓟ ꓥꓳ= ꓥꓳ ꓡꓳꓸ ꓓꓴ ꓖꓶ ꓠꓹ ꓟ ꓮ ꓕꓯ ꓥ ꓟꓲ ꓣꓳ ꓐꓰ ꓕꓲ ꓪꓼ ꓔꓬ ꓟ ꓥꓳ=