ꓛꓬ ꓗꓷ ꓢꓴ ꓔꓯ ꓖꓽ ꓖꓶ ꓠꓯꓹ ꓟ=

ꓠꓬꓲ ꓠꓬꓲ  ꓟꓸ ꓟꓲꓽ ꓠꓬ ꓮ ꓘꓶꓸ ꓢꓯꓼ ꓪ ꓖꓶꓽˍ ꓟ ꓟꓸ ꓟꓲꓽ ꓥꓳ=  ꓖꓽ ꓖꓶ ꓗꓴꓸ ꓟ ꓠꓲꓹ ꓟ ꓠꓬ  ꓮ ꓡꓰ ꓐꓰ ꓣꓳꓽ ꓐꓱ ꓶ ꓙꓲꓻ ꓖꓴ ꓙꓳ ꓡ ꓐꓯ ꓟ ꓢꓲ ꓒ ꓬꓰ-ꓢꓴ ꓡꓰ ꓣꓳ ꓔꓯ ꓟꓳꓸ ꓖꓶꓽ ꓡˍ ꓡꓳ=

       ꓢꓴ ꓔꓯ ꓖ ꓖꓶꓽ ꓟꓽ ꓘꓴ ꓢꓴ ꓠꓬ꓾ ꓣꓳꓽ ꓔꓯ ꓘꓳꓼ ꓟ ꓮ ꓠꓽ ꓔꓯ ꓣꓳꓽ ꓒ ꓕꓲ ꓗꓪ ꓛꓳ ꓔ ꓟ ꓔꓯ ꓫꓱꓸ ꓡꓳ= ꓣꓳꓽ ꓔꓯ ꓘꓳꓼ ꓔꓬ ꓥˍ ꓟꓲ ꓣꓳꓽ ꓠꓬ ꓢꓲ ꓡꓲ ꓐꓰ ꓔꓬ ꓠꓬ ꓕꓲꓽ ꓠꓬꓲ ꓙꓳ ꓠꓬ ꓣꓳꓽ ꓫꓵˍ ꓥꓳ ꓟꓽ ꓥ ꓡ? ꓕꓱ ꓟ ꓡꓰ ꓐꓰ ꓣꓳꓽ ꓠꓲꓹ ꓟ ꓔꓯ ꓘꓳꓼ ꓜꓽ ꓔꓬ ꓟ ꓠꓬ ꓢꓴ ꓔꓯ ꓪꓽ ꓛꓴ ꓚꓱ ꓖꓶꓽ ꓠꓲꓹ ꓫꓵ ꓟ ꓠꓲꓹ ꓟ ꓥꓳ= ꓢꓴ ꓔꓯ ꓦꓶ ꓟ ꓠꓲꓹ ꓟ ꓠꓬ ꓣꓳꓽ ꓔꓯ ꓢꓲ ꓡꓰ ꓟ ꓟꓽ ꓟꓶ ꓝꓲ=

            ꓟꓸ ꓟꓲꓽ ꓗꓪ ꓣꓳꓽ ꓐꓺ ꓙ ꓟ ꓠꓬ꓾ ꓞꓳ ꓐꓳ ꓒꓽ ꓕꓲ ꓣꓳ ꓔꓯ ꓒꓴꓻ ꓐꓵꓺ ꓓ ꓥˍ ꓟꓲ ꓬꓲꓸ ꓠꓬ ꓚꓱꓹ ꓟꓶ ꓟꓽ ꓘꓴ= ꓞꓳ ꓐꓳ ꓒ ꓫꓱꓸ ꓤ ꓟ ꓑꓶꓸ ꓓꓴ ꓚꓳ ꓑ ꓖꓳ ꓟ ꓐꓵꓺ ꓓ ꓟ ꓶꓻ ꓡꓯ ꓮ ꓙꓵꓽ ꓔꓯ ꓖꓼ ꓖꓶꓽ ꓗꓷꓳ= ꓖꓳ ꓡꓱ ꓠꓬꓲ ꓬꓲꓸ ꓗ ꓛꓲꓽ ꓛꓲꓽ ꓡꓰ ꓬꓲꓸ ꓙꓰꓳ= ꓖꓳ ꓡꓱ ꓥ ꓟꓲ ꓚꓳ ꓑ ꓖꓳ ꓟ ꓠꓬ ꓬꓲꓸ ꓔꓯ  ꓒꓴꓻ ꓮ ꓔꓲꓸ ꓤ ꓐꓵꓺ ꓓ ꓟ ꓠꓱꓸ ꓐꓯ ꓚꓳ ꓑ ꓕꓲꓽ ꓣꓳ ꓔꓯ ꓗꓶꓸ ꓚꓲꓸ ꓗꓪ ꓛꓵꓻ ꓢꓲ ꓥꓪ ꓔꓯ ꓐꓵꓺ ꓓ ꓟ ꓒꓴꓻ ꓞ ꓞ ꓡꓲꓸ ꓖꓶꓽ ꓡ ꓐꓰ ꓧꓪꓸ ꓙˍ ꓡꓳ= ꓒꓴꓻ ꓡꓲꓸ ꓖꓶꓽ ꓟꓶ ꓟꓽ ꓘꓴ ꓟ ꓑꓶꓸ ꓓꓴ ꓬꓲꓸ ꓔꓯ ꓕꓳꓽ ꓶ ꓦꓲꓻ ꓗꓪ ꓣꓴ ꓐꓱ ꓗꓷꓸ ꓡꓳ= ꓕꓱ ꓟ ꓔꓯ ꓞꓳ ꓐꓳ ꓒ ꓐꓺ ꓙ ꓡꓰ ꓠꓬ꓾ ꓠꓲꓹ ꓖꓳꓼ ꓟ꓾ ꓫꓱꓸ ꓤꓽ ꓠꓲꓹ ꓟ ꓟꓽ ꓙꓳ ꓟ ꓚꓳ ꓑ ꓖꓳ ꓟ ꓔꓯ ꓕꓳꓽ ꓶ ꓦꓲꓻ ꓗꓪ ꓣꓴ ꓐꓱꓺ ꓗꓷꓳ ꓐꓯ ꓟ ꓠꓬꓲ ꓠꓬꓲ ꓟꓸ ꓟꓲꓽ ꓗꓪ ꓣꓳꓽ ꓐꓺ ꓙ ꓡꓳ=

            ꓖ ꓖꓶꓽ ꓠꓲꓹ ꓓꓰꓽ ꓟ ꓠꓬ ꓣꓳ ꓐꓵꓺ ꓓ ꓢꓴ ꓔꓬ ꓗꓪ ꓓꓰꓽ ꓠꓯ ꓡꓳ=ꓣꓳꓽ ꓡꓰ ꓢꓴ ꓔꓯ ꓗꓸ ꓧꓪ ꓗꓷ ꓢꓲ꓾ ꓓꓶꓽ ꓗꓷ ꓢꓲꓸ ꓠꓬꓲ꓾ ꓥꓪ ꓡꓰ ꓠꓴ ꓔꓯ ꓖꓼ ꓖꓶꓽ ꓥꓳ ꓐꓰ ꓐꓯ ꓡꓲꓽ ꓟꓽ ꓙꓳ= ꓣꓳꓽ ꓡꓰ ꓢꓴ ꓔꓯ ꓛꓬ ꓗꓷ ꓟ ꓑꓶꓸ ꓓꓴ ꓙ ꓣꓳ ꓟ ꓠꓲꓹ ꓟ ꓡꓰ ꓥꓪ ꓝꓴꓲꓸ ꓔꓯꓸ ꓖꓼ ꓖꓶꓽ ꓡꓯ ꓐꓰ ꓐꓯ ꓠꓯ ꓡꓳ=

            ꓪꓴ-ꓢ ꓠꓬ ꓠꓵꓹ ꓠꓲ ꓗꓴꓷꓼ ꓫꓬꓹ ꓔꓶꓺ ꓔꓬ ꓡꓳ= ꓠꓵꓹ ꓠꓲꓹ ꓗꓴꓷꓼ ꓕꓱ ꓟ ꓫꓬꓹ ꓔꓶꓺ ꓟ ꓗꓪ ꓗꓽ ꓔ ꓓꓴ ꓮ ꓙꓵꓽ ꓔꓯ ꓪꓴ-ꓢ ꓠꓬ ꓟꓽ ꓠꓲꓹ ꓥꓳ= ꓖꓳꓹ ꓡꓱ ꓠꓬꓲ ꓪꓽ ꓛꓴ ꓚꓱꓹ ꓠꓲꓹ ꓫꓵ ꓟ ꓠꓲꓹ ꓟ꓾ ꓖꓽ ꓖꓶꓽ ꓟ ꓘꓴ ꓟ ꓠꓲꓹ ꓟ ꓠꓬ ꓠꓵꓹ ꓠꓲꓹ ꓗꓴꓷꓼ ꓫꓬꓹ ꓔꓶꓺ ꓔꓬ ꓟ ꓪꓴ-ꓢ ꓐꓱ ꓶ ꓗꓽ ꓕ ꓓꓴ ꓕꓲꓽ ꓟ ꓥꓳ=

            ꓣꓳꓽ ꓤꓶ ꓗꓪ ꓟꓲ ꓓꓵꓽ ꓙꓽ ꓠꓬꓲ ꓡꓯ꓾ ꓢꓲ ꓡꓰ ꓡꓰ ꓐꓰ ꓓ ꓟ ꓣꓳꓽ ꓠꓲꓹ ꓟ ꓠꓬ꓾ ꓢꓴ ꓐꓰ ꓟꓷꓽ ꓠꓷ ꓟꓬꓽ ꓡꓯ ꓘꓳ ꓗꓷ ꓠꓬ ꓐꓬꓺ ꓡꓰ ꓥꓳ ꓟꓽ ꓥ ꓡ?

            ꓖꓳ ꓡꓱ ꓠꓬꓲ ꓣꓳꓽ ꓔꓯ ꓛꓬ ꓗꓷꓹ ꓢꓴ ꓔꓯ ꓖꓼ ꓖꓶꓽ ꓡꓯ= ꓪꓴ-ꓢ ꓡꓰ ꓖꓶꓽ ꓡ ꓟ ꓢꓲ ꓡꓲ ꓟ ꓠꓯꓸꓼ ꓗꓪ ꓓꓵꓽ ꓙꓰ ꓡꓯ= ꓬꓲꓸ ꓡꓰ ꓖꓶꓽ ꓡ ꓟ 9ꓸ ꓢꓲ ꓡꓲ ꓟ ꓠꓬ ꓟꓲꓺ ꓠꓯꓺ ꓖꓶꓽ ꓡ ꓟ ꓢꓲ ꓡꓲ ꓟ ꓔꓯ ꓟꓽ ꓫꓱꓸ=

            ꓣꓳꓽ ꓬꓰ ꓛꓬ ꓗꓷꓹ ꓟ ꓮ ꓡꓰ ꓫꓵꓽ ꓝꓴꓲꓸ ꓙꓳ ꓥˍ ꓟꓲ ꓪꓴ-ꓢ ꓖꓶꓼ ꓖꓶꓽ ꓟ ꓡꓰ ꓐꓰ ꓣꓳꓽ ꓥ ꓟꓲ ꓢꓴ ꓔꓯ ꓖꓼ ꓖꓶꓽ ꓙꓰ ꓡꓯ=

            ꓢꓴ ꓔꓯ ꓖꓼ ꓖꓶꓽ ꓟ ꓗꓪ ꓮ ꓘꓶꓸ ꓣꓱꓽ ꓬꓯꓼ ꓟ ꓚꓱꓹ ꓕꓲꓽ ꓟ ꓟ ꓠꓬ ꓬꓲꓸ ꓪ ꓐꓱ ꓶ ꓪꓽ ꓘꓴ ꓙ ꓖꓶꓽ ꓟ ꓥꓳ= ꓣꓳ ꓔꓯ ꓛꓬ ꓗꓷ ꓢꓴ ꓐꓱ ꓶ ꓪꓽ ꓘꓴ ꓙ ꓖꓶꓽ ꓐꓯ ꓟ ꓠꓬ ꓐꓯ ꓟ ꓡꓰꓽ ꓢ ꓥꓳ= ꓫꓸ ꓥ ꓟꓲ ꓔꓱꓹ ꓟ ꓙ ꓖꓴ ꓥ ꓟ ꓑꓶꓸ ꓓꓴ ꓢꓯꓼ ꓕꓵꓼ ꓠꓯ ꓡꓳ=

            ꓢꓲ ꓒ ꓬꓰ-ꓢꓴ ꓠꓬ꓾ ꓬꓲꓸ ꓚꓲꓸ ꓛꓬ ꓐꓱ ꓶ ꓪꓽ ꓘꓴ ꓕꓯ ꓪ ꓚꓲ ꓕꓯꓽ ꓢꓲ ꓗꓪ ꓓꓯ ꓙꓰ ꓢꓲ꓾ ꓢꓲ ꓡꓰ ꓡꓰ ꓐꓰ ꓘꓴ ꓡꓳ= ꓖꓳ ꓡꓱ ꓥ ꓟꓲ꓾ ꓬꓲꓸ ꓔꓯ ꓢꓰꓼ ꓢꓴ ꓐꓱ ꓶ ꓪꓽ ꓘꓴ ꓕꓯ ꓠ꓾ ꓡꓯꓽ ꓐꓳꓺ ꓔꓶꓸ ꓓꓴ ꓕꓯꓽ ꓢꓲ ꓗꓪ ꓓꓯꓺ ꓙꓰ ꓢꓲ ꓘꓴ ꓟ ꓔꓯ ꓚꓲꓸ ꓔ ꓠ ꓗˍ ꓡꓳ=  ꓫꓵꓽ  ꓚꓵꓸ ꓓꓳꓺ ꓢꓲ ꓪꓽ ꓘꓴ ꓠ ꓟ ꓥꓳ= ꓕꓱ ꓡꓱ ꓐꓰ ꓬꓰ ꓠꓬ꓾ ꓣꓳꓽ ꓐꓱ ꓶ ꓗ ꓛꓲ ꓓꓴ ꓙꓳ ꓢꓲ ꓕꓲꓽ ꓞꓲꓼ ꓕꓲꓽ ꓑ ꓢꓯꓼ ꓟꓬꓺ ꓥ ꓟꓲ ꓙꓳ ꓡꓳ=

ꓠꓬꓲ ꓠꓬꓲ  ꓟꓸ ꓟꓲꓽ ꓠꓬ ꓮ ꓘꓶꓸ ꓢꓯꓼ ꓪ ꓖꓶꓽˍ ꓟ ꓟꓸ ꓟꓲꓽ ꓥꓳ=  ꓖꓽ ꓖꓶ ꓗꓴꓸ ꓟ ꓠꓲꓹ ꓟ ꓠꓬ  ꓮ ꓡꓰ ꓐꓰ ꓣꓳꓽ ꓐꓱ ꓶ ꓙꓲꓻ ꓖꓴ ꓙꓳ ꓡ ꓐꓯ ꓟ ꓢꓲ ꓒ ꓬꓰ-ꓢꓴ ꓡꓰ ꓣꓳ ꓔꓯ ꓟꓳꓸ ꓖꓶꓽ ꓡˍ ꓡꓳ=

       ꓢꓴ ꓔꓯ ꓖ ꓖꓶꓽ ꓟꓽ ꓘꓴ ꓢꓴ ꓠꓬ꓾ ꓣꓳꓽ ꓔꓯ ꓘꓳꓼ ꓟ ꓮ ꓠꓽ ꓔꓯ ꓣꓳꓽ ꓒ ꓕꓲ ꓗꓪ ꓛꓳ ꓔ ꓟ ꓔꓯ ꓫꓱꓸ ꓡꓳ= ꓣꓳꓽ ꓔꓯ ꓘꓳꓼ ꓔꓬ ꓥˍ ꓟꓲ ꓣꓳꓽ ꓠꓬ ꓢꓲ ꓡꓲ ꓐꓰ ꓔꓬ ꓠꓬ ꓕꓲꓽ ꓠꓬꓲ ꓙꓳ ꓠꓬ ꓣꓳꓽ ꓫꓵˍ ꓥꓳ ꓟꓽ ꓥ ꓡ? ꓕꓱ ꓟ ꓡꓰ ꓐꓰ ꓣꓳꓽ ꓠꓲꓹ ꓟ ꓔꓯ ꓘꓳꓼ ꓜꓽ ꓔꓬ ꓟ ꓠꓬ ꓢꓴ ꓔꓯ ꓪꓽ ꓛꓴ ꓚꓱ ꓖꓶꓽ ꓠꓲꓹ ꓫꓵ ꓟ ꓠꓲꓹ ꓟ ꓥꓳ= ꓢꓴ ꓔꓯ ꓦꓶ ꓟ ꓠꓲꓹ ꓟ ꓠꓬ ꓣꓳꓽ ꓔꓯ ꓢꓲ ꓡꓰ ꓟ ꓟꓽ ꓟꓶ ꓝꓲ=

            ꓟꓸ ꓟꓲꓽ ꓗꓪ ꓣꓳꓽ ꓐꓺ ꓙ ꓟ ꓠꓬ꓾ ꓞꓳ ꓐꓳ ꓒꓽ ꓕꓲ ꓣꓳ ꓔꓯ ꓒꓴꓻ ꓐꓵꓺ ꓓ ꓥˍ ꓟꓲ ꓬꓲꓸ ꓠꓬ ꓚꓱꓹ ꓟꓶ ꓟꓽ ꓘꓴ= ꓞꓳ ꓐꓳ ꓒ ꓫꓱꓸ ꓤ ꓟ ꓑꓶꓸ ꓓꓴ ꓚꓳ ꓑ ꓖꓳ ꓟ ꓐꓵꓺ ꓓ ꓟ ꓶꓻ ꓡꓯ ꓮ ꓙꓵꓽ ꓔꓯ ꓖꓼ ꓖꓶꓽ ꓗꓷꓳ= ꓖꓳ ꓡꓱ ꓠꓬꓲ ꓬꓲꓸ ꓗ ꓛꓲꓽ ꓛꓲꓽ ꓡꓰ ꓬꓲꓸ ꓙꓰꓳ= ꓖꓳ ꓡꓱ ꓥ ꓟꓲ ꓚꓳ ꓑ ꓖꓳ ꓟ ꓠꓬ ꓬꓲꓸ ꓔꓯ  ꓒꓴꓻ ꓮ ꓔꓲꓸ ꓤ ꓐꓵꓺ ꓓ ꓟ ꓠꓱꓸ ꓐꓯ ꓚꓳ ꓑ ꓕꓲꓽ ꓣꓳ ꓔꓯ ꓗꓶꓸ ꓚꓲꓸ ꓗꓪ ꓛꓵꓻ ꓢꓲ ꓥꓪ ꓔꓯ ꓐꓵꓺ ꓓ ꓟ ꓒꓴꓻ ꓞ ꓞ ꓡꓲꓸ ꓖꓶꓽ ꓡ ꓐꓰ ꓧꓪꓸ ꓙˍ ꓡꓳ= ꓒꓴꓻ ꓡꓲꓸ ꓖꓶꓽ ꓟꓶ ꓟꓽ ꓘꓴ ꓟ ꓑꓶꓸ ꓓꓴ ꓬꓲꓸ ꓔꓯ ꓕꓳꓽ ꓶ ꓦꓲꓻ ꓗꓪ ꓣꓴ ꓐꓱ ꓗꓷꓸ ꓡꓳ= ꓕꓱ ꓟ ꓔꓯ ꓞꓳ ꓐꓳ ꓒ ꓐꓺ ꓙ ꓡꓰ ꓠꓬ꓾ ꓠꓲꓹ ꓖꓳꓼ ꓟ꓾ ꓫꓱꓸ ꓤꓽ ꓠꓲꓹ ꓟ ꓟꓽ ꓙꓳ ꓟ ꓚꓳ ꓑ ꓖꓳ ꓟ ꓔꓯ ꓕꓳꓽ ꓶ ꓦꓲꓻ ꓗꓪ ꓣꓴ ꓐꓱꓺ ꓗꓷꓳ ꓐꓯ ꓟ ꓠꓬꓲ ꓠꓬꓲ ꓟꓸ ꓟꓲꓽ ꓗꓪ ꓣꓳꓽ ꓐꓺ ꓙ ꓡꓳ=

            ꓖ ꓖꓶꓽ ꓠꓲꓹ ꓓꓰꓽ ꓟ ꓠꓬ ꓣꓳ ꓐꓵꓺ ꓓ ꓢꓴ ꓔꓬ ꓗꓪ ꓓꓰꓽ ꓠꓯ ꓡꓳ=ꓣꓳꓽ ꓡꓰ ꓢꓴ ꓔꓯ ꓗꓸ ꓧꓪ ꓗꓷ ꓢꓲ꓾ ꓓꓶꓽ ꓗꓷ ꓢꓲꓸ ꓠꓬꓲ꓾ ꓥꓪ ꓡꓰ ꓠꓴ ꓔꓯ ꓖꓼ ꓖꓶꓽ ꓥꓳ ꓐꓰ ꓐꓯ ꓡꓲꓽ ꓟꓽ ꓙꓳ= ꓣꓳꓽ ꓡꓰ ꓢꓴ ꓔꓯ ꓛꓬ ꓗꓷ ꓟ ꓑꓶꓸ ꓓꓴ ꓙ ꓣꓳ ꓟ ꓠꓲꓹ ꓟ ꓡꓰ ꓥꓪ ꓝꓴꓲꓸ ꓔꓯꓸ ꓖꓼ ꓖꓶꓽ ꓡꓯ ꓐꓰ ꓐꓯ ꓠꓯ ꓡꓳ=

            ꓪꓴ-ꓢ ꓠꓬ ꓠꓵꓹ ꓠꓲ ꓗꓴꓷꓼ ꓫꓬꓹ ꓔꓶꓺ ꓔꓬ ꓡꓳ= ꓠꓵꓹ ꓠꓲꓹ ꓗꓴꓷꓼ ꓕꓱ ꓟ ꓫꓬꓹ ꓔꓶꓺ ꓟ ꓗꓪ ꓗꓽ ꓔ ꓓꓴ ꓮ ꓙꓵꓽ ꓔꓯ ꓪꓴ-ꓢ ꓠꓬ ꓟꓽ ꓠꓲꓹ ꓥꓳ= ꓖꓳꓹ ꓡꓱ ꓠꓬꓲ ꓪꓽ ꓛꓴ ꓚꓱꓹ ꓠꓲꓹ ꓫꓵ ꓟ ꓠꓲꓹ ꓟ꓾ ꓖꓽ ꓖꓶꓽ ꓟ ꓘꓴ ꓟ ꓠꓲꓹ ꓟ ꓠꓬ ꓠꓵꓹ ꓠꓲꓹ ꓗꓴꓷꓼ ꓫꓬꓹ ꓔꓶꓺ ꓔꓬ ꓟ ꓪꓴ-ꓢ ꓐꓱ ꓶ ꓗꓽ ꓕ ꓓꓴ ꓕꓲꓽ ꓟ ꓥꓳ=

            ꓣꓳꓽ ꓤꓶ ꓗꓪ ꓟꓲ ꓓꓵꓽ ꓙꓽ ꓠꓬꓲ ꓡꓯ꓾ ꓢꓲ ꓡꓰ ꓡꓰ ꓐꓰ ꓓ ꓟ ꓣꓳꓽ ꓠꓲꓹ ꓟ ꓠꓬ꓾ ꓢꓴ ꓐꓰ ꓟꓷꓽ ꓠꓷ ꓟꓬꓽ ꓡꓯ ꓘꓳ ꓗꓷ ꓠꓬ ꓐꓬꓺ ꓡꓰ ꓥꓳ ꓟꓽ ꓥ ꓡ?

            ꓖꓳ ꓡꓱ ꓠꓬꓲ ꓣꓳꓽ ꓔꓯ ꓛꓬ ꓗꓷꓹ ꓢꓴ ꓔꓯ ꓖꓼ ꓖꓶꓽ ꓡꓯ= ꓪꓴ-ꓢ ꓡꓰ ꓖꓶꓽ ꓡ ꓟ ꓢꓲ ꓡꓲ ꓟ ꓠꓯꓸꓼ ꓗꓪ ꓓꓵꓽ ꓙꓰ ꓡꓯ= ꓬꓲꓸ ꓡꓰ ꓖꓶꓽ ꓡ ꓟ 9ꓸ ꓢꓲ ꓡꓲ ꓟ ꓠꓬ ꓟꓲꓺ ꓠꓯꓺ ꓖꓶꓽ ꓡ ꓟ ꓢꓲ ꓡꓲ ꓟ ꓔꓯ ꓟꓽ ꓫꓱꓸ=

            ꓣꓳꓽ ꓬꓰ ꓛꓬ ꓗꓷꓹ ꓟ ꓮ ꓡꓰ ꓫꓵꓽ ꓝꓴꓲꓸ ꓙꓳ ꓥˍ ꓟꓲ ꓪꓴ-ꓢ ꓖꓶꓼ ꓖꓶꓽ ꓟ ꓡꓰ ꓐꓰ ꓣꓳꓽ ꓥ ꓟꓲ ꓢꓴ ꓔꓯ ꓖꓼ ꓖꓶꓽ ꓙꓰ ꓡꓯ=

            ꓢꓴ ꓔꓯ ꓖꓼ ꓖꓶꓽ ꓟ ꓗꓪ ꓮ ꓘꓶꓸ ꓣꓱꓽ ꓬꓯꓼ ꓟ ꓚꓱꓹ ꓕꓲꓽ ꓟ ꓟ ꓠꓬ ꓬꓲꓸ ꓪ ꓐꓱ ꓶ ꓪꓽ ꓘꓴ ꓙ ꓖꓶꓽ ꓟ ꓥꓳ= ꓣꓳ ꓔꓯ ꓛꓬ ꓗꓷ ꓢꓴ ꓐꓱ ꓶ ꓪꓽ ꓘꓴ ꓙ ꓖꓶꓽ ꓐꓯ ꓟ ꓠꓬ ꓐꓯ ꓟ ꓡꓰꓽ ꓢ ꓥꓳ= ꓫꓸ ꓥ ꓟꓲ ꓔꓱꓹ ꓟ ꓙ ꓖꓴ ꓥ ꓟ ꓑꓶꓸ ꓓꓴ ꓢꓯꓼ ꓕꓵꓼ ꓠꓯ ꓡꓳ=

            ꓢꓲ ꓒ ꓬꓰ-ꓢꓴ ꓠꓬ꓾ ꓬꓲꓸ ꓚꓲꓸ ꓛꓬ ꓐꓱ ꓶ ꓪꓽ ꓘꓴ ꓕꓯ ꓪ ꓚꓲ ꓕꓯꓽ ꓢꓲ ꓗꓪ ꓓꓯ ꓙꓰ ꓢꓲ꓾ ꓢꓲ ꓡꓰ ꓡꓰ ꓐꓰ ꓘꓴ ꓡꓳ= ꓖꓳ ꓡꓱ ꓥ ꓟꓲ꓾ ꓬꓲꓸ ꓔꓯ ꓢꓰꓼ ꓢꓴ ꓐꓱ ꓶ ꓪꓽ ꓘꓴ ꓕꓯ ꓠ꓾ ꓡꓯꓽ ꓐꓳꓺ ꓔꓶꓸ ꓓꓴ ꓕꓯꓽ ꓢꓲ ꓗꓪ ꓓꓯꓺ ꓙꓰ ꓢꓲ ꓘꓴ ꓟ ꓔꓯ ꓚꓲꓸ ꓔ ꓠ ꓗˍ ꓡꓳ=  ꓫꓵꓽ  ꓚꓵꓸ ꓓꓳꓺ ꓢꓲ ꓪꓽ ꓘꓴ ꓠ ꓟ ꓥꓳ= ꓕꓱ ꓡꓱ ꓐꓰ ꓬꓰ ꓠꓬ꓾ ꓣꓳꓽ ꓐꓱ ꓶ ꓗ ꓛꓲ ꓓꓴ ꓙꓳ ꓢꓲ ꓕꓲꓽ ꓞꓲꓼ ꓕꓲꓽ ꓑ ꓢꓯꓼ ꓟꓬꓺ ꓥ ꓟꓲ ꓙꓳ ꓡꓳ=

Add new comment

7 + 3 =