ꓛꓲ ꓫꓵꓻ ꓡꓯꓼ ꓫꓵꓻ ꓢꓴ ꓔꓯ ꓫꓬꓹ ꓓ ꓡꓰˍ ꓟ

ꓢꓲꓽ ꓫꓬ ꓕꓳꓽ ꓶ ꓬꓲ ꓪꓴꓸ ꓕꓲ ꓕꓱ ꓥ ꓟ ꓮ-ꓟꓳ-ꓢꓲ 7ꓽ10-17 ꓗꓪ ꓐꓱ-ꓕꓷ-ꓡꓲ ꓡꓳ ꓒꓱ ꓗꓪ ꓟ ꓔꓲ ꓒ ꓥ ꓟ ꓮ-ꓟꓷ-ꓤ-ꓬ ꓠꓬ ꓟꓷꓽ ꓠꓷꓹ ꓝ ꓒ ꓮ-ꓟꓳ-ꓢꓲ ꓔꓯ ꓟꓬꓹ ꓔꓳˍ ꓢꓲ ꓟꓽ ꓠꓲꓹ ꓒꓴ ꓟ ꓪꓴꓸ ꓠꓬꓲ ꓪ ꓔꓲ ꓔꓬ ꓟ ꓡꓳ ꓒꓱ ꓗꓪ ꓟꓷꓽ ꓠꓷꓹ ꓟꓽ ꓝꓸ ꓠꓹ ꓟ꓾ ꓬꓳ-ꓔ ꓟꓵꓽ ꓗꓪ ꓬꓲꓼ ꓙꓰ ꓠꓹ ꓟ ꓖꓼ ꓓꓳ ꓗꓷˍ ꓡꓳ= ꓖꓳ ꓡꓱ ꓥˍ ꓟꓲ ꓟꓷꓽ ꓠꓷꓹ ꓝ ꓒ ꓮ-ꓟꓳ-ꓢꓲ ꓠꓬ ꓪꓴ-ꓢ ꓐꓯ ꓘꓶꓽ ꓔꓯ ꓪꓴ-ꓢ ꓡꓰ ꓝꓲ ꓩꓴˍ ꓟ ꓗꓪ ꓟꓷꓽ ꓠꓷꓹ ꓝꓸ ꓖꓶ ꓠꓹ ꓟ ꓪꓴ-ꓢ ꓡꓰ ꓬꓲ ꓔꓯ ꓢꓲꓺ ꓔ ꓟ ꓥ ꓡꓳ꓾ ꓐꓰ ꓒꓳꓹ ꓖꓶˍ ꓡꓳ=

ꓶꓼ ꓓꓳ ꓫꓱꓹ ꓓꓳ ꓕꓳꓽ ꓶ ꓥ ꓟ ꓟ-ꓕꓲ 9ꓽ1-8 ꓗꓪ ꓥ ꓟꓲ ꓢꓲꓺ ꓒ ꓬꓰ-ꓢꓴ ꓠꓬ ꓛꓲ ꓫꓵꓻ ꓡꓯꓼ ꓫꓵꓻ ꓢꓴ ꓕꓲ ꓣꓳ ꓔꓯ ꓠꓻ ꓫꓬꓹ ꓖꓶˍ ꓕꓯ “ꓠꓴ ꓝꓴꓲꓸ ꓖꓽ ꓖꓶ ꓗꓷꓳ꓾” ꓐꓰ ꓐꓯ ꓢꓲ ꓠꓻ ꓫꓬꓹ ꓖꓶˍ ꓟ ꓪꓴꓸ ꓠꓬꓲ ꓙꓵꓽ ꓗ ꓟꓸ ꓒ ꓕꓲ ꓐꓱ ꓠꓬ ꓡ ꓞꓳ ꓕꓱ ꓕꓲ ꓣꓳ ꓟ ꓠꓽ ꓐꓯ ꓟꓽ ꓚꓰꓼ ꓟ ꓐꓯˍ ꓡꓳ꓾ ꓐꓰ ꓓꓵꓽ ꓙ ꓔꓬ ꓡꓳ= ꓢꓲꓺ ꓒ ꓬꓰ-ꓢꓴ ꓡꓰ ꓬꓲ ꓠꓬ ꓟꓲ ꓠꓯ ꓗꓪ ꓟ ꓝꓴꓲꓸ ꓐꓴ ꓔꓯ ꓖꓽ ꓖꓶ ꓠꓹ ꓟ ꓙꓵꓽ ꓪ ꓙꓳˍ ꓟ꓾ ꓬꓲ ꓠꓬ ꓪꓴ-ꓢ ꓥ ꓟ ꓔꓯ ꓐꓯ ꓟꓸ ꓖꓶˍ ꓡꓳ=

ꓣꓳ ꓐꓴ ꓥˍ ꓟꓲ ꓚꓲ ꓛꓬ ꓙꓵꓻ ꓠꓲꓹ꓾ ꓘꓴ ꓜꓲꓼ ꓞꓳ ꓡꓰ ꓟꓸ ꓖꓶˍ ꓟ ꓚꓱꓹ꓾ ꓙꓵꓽ ꓗ ꓐꓰ ꓚꓲ ꓛꓬ ꓘꓴ ꓜꓲ ꓞꓳ ꓡꓲꓽ ꓔꓯ ꓠꓱꓸ ꓐꓯ ꓢꓴ ꓡꓰ ꓠꓬꓲꓺ ꓟꓽ ꓟꓵꓺ ꓟꓽ ꓗꓷ ꓡꓰ ꓠꓹ ꓟ ꓗꓽ ꓔ ꓠ ꓗꓹ ꓡꓳ= ꓕꓱ ꓟ ꓡꓰꓽ ꓟꓽ ꓞꓲꓺ ꓟꓲ ꓠꓯ ꓕꓱ ꓟ ꓗꓪ ꓣꓳ ꓘꓳꓹ ꓣꓴ ꓟꓶ ꓔ ꓟ ꓪꓴ-ꓢ ꓬꓲ ꓐꓯ ꓘꓶꓽ ꓐꓰ ꓕꓲ ꓡꓰꓹ ꓣꓳ ꓐꓴ ꓞꓳ ꓙꓳ ꓢꓯꓸ ꓔꓬ ꓢꓲ ꓠꓬꓲ ꓪꓴ-ꓢ ꓔꓯ ꓢꓷꓸ ꓙ ꓟꓳ ꓙ ꓢꓴ ꓬꓰ ꓡꓯ=

Add new comment

3 + 9 =