ꓛꓲ ꓫꓵꓻ ꓡꓯꓼ ꓫꓵꓻ ꓢꓴ ꓔꓯ ꓫꓬꓹ ꓓ ꓡꓰ ꓟ

ꓠꓲꓹ ꓠꓵˍ ꓟ ꓬꓲ ꓤ ꓠꓬꓲ ꓤ ꓐꓴꓳ꓾ ꓠꓬꓲꓸ ꓠꓬꓲ ꓕꓲ ꓟꓵꓽ ꓕꓲ ꓫꓰ ꓗꓪ ꓵ ꓠꓹ ꓟ ꓢꓲꓽ ꓫꓬ ꓕꓳ ꓶ ꓝꓲ ꓠꓬ ꓬꓳ-ꓦ ꓕꓳ ꓶ 5ꓽ1-3ꓹ5-16 ꓥ ꓡꓳ= ꓢꓲꓽ ꓫꓬ ꓕꓳ ꓶ ꓗꓪ ꓬꓰ-ꓢꓴ ꓠꓬ 38 ꓘꓳꓼ ꓠꓻ ꓔꓬ ꓟ ꓞꓳ ꓠꓻ ꓕꓲ ꓣꓳ ꓔꓯ ꓫꓬꓹ ꓖꓶˍ ꓟ ꓥ ꓡꓳ= ꓞꓳ ꓠꓻ ꓖꓳ ꓕꓲ ꓣꓳ ꓠꓬ ꓬꓲꓻ ꓡꓴ ꓐꓱ ꓘꓶꓽ ꓗꓪ ꓔꓬ ꓢꓲ ꓬꓲꓻ ꓡꓴꓽ ꓐꓱ ꓷꓹ ꓡꓵ ꓡˍ ꓟ ꓔꓯ ꓡꓳꓸ ꓠꓬ ꓔꓬ ꓡꓳ= ꓬꓲ ꓐꓰ ꓕꓲ ꓪ ꓝꓮꓲ ꓛꓲ ꓫꓳꓸ ꓡꓯꓼ ꓫꓳꓸ ꓢꓴ ꓐꓴ ꓠꓬ ꓾ ꓟꓴ ꓗꓪ ꓝꓲ ꓓꓴ ꓡꓰ ꓬꓲꓻ ꓙꓬ ꓷꓹ ꓡꓵ ꓡˍ ꓟ ꓔꓯ ꓦꓴ ꓠꓬ ꓔꓬ ꓖꓴˍ ꓟ ꓔꓯ ꓡꓳꓸ ꓟꓳ ꓪ ꓓꓹ ꓡꓳ=

ꓟꓴ ꓗꓪ ꓝꓲ ꓓꓴ ꓡꓰ ꓬꓲꓻ ꓙꓬ ꓷꓸ ꓡꓵ ꓡˍ ꓕꓯ ꓧꓶꓸ ꓕꓯ ꓓꓽ ꓪꓴꓸ ꓔꓷꓹ ꓓꓵꓽ ꓙꓰ ꓐ ꓡ ꓢꓴ ꓠꓬ ꓬꓲ ꓔꓯ ꓙꓳˍ ꓟ ꓠꓻ ꓮ ꓙꓵꓽ ꓓ ꓡꓰˍ ꓟ ꓥ ꓡꓳ= 38 ꓘꓳꓼ ꓠꓻ ꓔꓬ ꓟ ꓞꓳ ꓠꓻ ꓠꓬ ꓬꓲ ꓔꓯ ꓬꓲꓻ ꓙꓬ ꓘꓵꓽ ꓗꓪ ꓧꓳꓽ ꓔꓯꓹ ꓙꓰ ꓢꓴ ꓟꓽ ꓙꓳ ꓠꓬꓲ ꓬꓰ-ꓢꓴ ꓡꓰ ꓬꓲ ꓔꓯ ꓙꓰ ꓢꓲ꓾ ꓠꓴ ꓓ ꓡꓰ ꓠꓹ ꓫꓵˍ ꓡ꓾ ꓐꓰ ꓠ ꓠꓬꓲˍ ꓟ ꓔꓯ ꓟꓳ ꓪ ꓓꓹ ꓡꓳ= ꓬꓲ ꓡꓰ꓾ ꓞꓳ ꓔꓲꓺꓳ ꓾ ꓥꓪ ꓓ ꓡꓰ ꓠꓲꓹ ꓫꓵˍ ꓟꓲ ꓥꓪ ꓔꓯ ꓬꓲꓻ ꓙꓬ ꓗꓪ ꓧꓳꓽ ꓖꓶ ꓢꓴ ꓟꓽ ꓙꓳ꓾ ꓐꓰ ꓒꓳꓹ ꓖꓶˍ ꓡꓳ=