Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓛꓴꓽ ꓙꓳ ꓢꓴ ꓔꓯ ꓠꓲ, ꓠꓵ ꓠꓯ, ꓟ (Sunday reflection)
Sunday, February 19, 2023
ꓛꓴꓽ ꓙꓳ ꓢꓴ ꓔꓯ ꓠꓲꓹ ꓠꓵ ꓠꓹ ꓟ
ꓠꓴ ꓠꓶꓽ ꓛꓳ ꓕꓲ ꓛꓳ ꓔꓯ ꓠꓲꓹ ꓠꓵ ꓢꓲ꓾ ꓛꓴꓽ ꓙꓳ ꓢꓴ ꓔꓯ ꓠꓲꓹ ꓜꓳ꓾ ꓐꓯˍ ꓟ ꓠꓴ ꓪꓽ ꓑ ꓙꓽ ꓠꓬꓲꓳ꓿ ꓖꓳ ꓡꓱ ꓥ ꓟꓲ ꓠꓴ ꓪꓽ ꓔꓯ ꓥꓪ ꓐꓯ ꓖꓶˍ ꓠꓬꓲ꓾ ꓠꓴ ꓪꓽ ꓠꓬ ꓛꓴꓽ ꓙꓳ ꓢꓴ ꓔꓯ ꓠꓲꓹ ꓠꓵ ꓢꓲ꓾ ꓠꓴ ꓪꓽ ꓔꓯ ꓗꓸ ꓧꓪ ꓢꓴ ꓐꓱ ꓶ ꓪꓽ ꓘꓴ ꓙ꓿ 45 ꓠꓴ ꓪꓽ ꓕꓱ ꓡꓱ ꓬꓰˍ ꓠꓬ ꓠꓴ ꓪꓽ ꓠꓽ ꓟꓴꓽ ꓗꓪ ꓗꓪ ꓔꓬ ꓟ ꓠꓴ ꓪꓽ ꓐꓹ ꓐꓽ ꓬꓲ ꓤ ꓠꓱ ꓒꓬꓱꓼ ꓡ ꓥꓳ꓿ ꓮ ꓡꓲꓳ ꓐꓯ ꓠꓬ ꓪꓴ-ꓢ ꓡꓰ ꓬꓲ ꓟꓲꓽ ꓟꓲ ꓠꓬ꓾ ꓞꓳ ꓙꓲꓻˍ ꓐꓰ ꓞꓳ ꓥꓶ ꓔꓯ ꓕꓲ ꓡꓰꓹꓼ ꓐꓰ ꓣꓳꓺ ꓖꓶˍ ꓡꓳ꓿ ꓟꓶꓽ ꓦˍ ꓟꓲ ꓔꓱꓹ ꓜꓳꓽ ꓢꓴˍ ꓐꓰ ꓟꓽ ꓔꓱꓹ ꓜꓳꓽ ꓢꓴ ꓔꓯ ꓕꓲ ꓡꓰꓹꓼ ꓐꓰ ꓦ ꓖꓶˍ ꓡꓳ꓿
ꓠꓬꓲꓸ ꓠꓬꓲ ꓢꓲꓽ ꓫꓬ ꓕꓳ ꓶ ꓗꓪ ꓢꓲꓺ ꓒ ꓬꓰ-ꓢꓴ ꓡꓰ ꓛꓴꓽ ꓙꓳ ꓢꓴ ꓔꓯ ꓠꓲꓹ ꓠꓵ ꓠꓹ ꓟ ꓟꓸ ꓖꓶ ꓡ ꓟ ꓥ ꓡꓳ= ꓣꓳ ꓟꓲ ꓠꓯ ꓗꓪ ꓣꓳ ꓔꓯ ꓛꓴꓽ ꓙꓳ ꓢꓴ ꓔꓯ ꓠꓲꓹ ꓠꓵ ꓠꓹ ꓟ ꓮ ꓘꓶꓸ ꓫꓸ ꓔ ꓟ ꓥ ꓡꓳ= ꓖꓳ ꓡꓰ ꓥ ꓟꓲ ꓢꓲꓺ ꓒ ꓬꓰ-ꓢꓴ ꓠꓬ ꓠꓵꓻ ꓠꓲꓹ ꓢꓲꓺ ꓒ ꓥ ꓟ ꓪꓴꓸ ꓠꓬꓲ ꓣꓳ ꓔꓯ ꓕꓲ ꓣꓳ ꓛꓳ ꓕꓲ ꓣꓳ ꓠꓲꓹ ꓠꓵ ꓡꓯ ꓘꓳꓼ ꓠꓹ ꓟ ꓟꓸ ꓖꓶ ꓡ ꓟ ꓥ ꓡꓳ= ꓢꓲꓺ ꓒ ꓬꓰ-ꓢꓴ ꓡꓰ ꓟꓸ ꓖꓶ ꓡ ꓟ ꓠꓵꓻ ꓠꓲ ꓔꓯ ꓣꓳ ꓠꓲꓹ ꓟ ꓘꓴꓽ ꓗꓪ ꓗꓶˍ ꓔ ꓢꓲ ꓠꓬꓲ ꓣꓳ ꓕꓲ ꓣꓳ ꓛꓳ ꓕꓲ ꓣꓳ ꓠꓲꓹ ꓠꓵ ꓠꓹ ꓟ ꓢꓯꓼ ꓕꓵꓼ ꓓꓴ ꓬꓰ ꓡꓯ=
ꓗꓳꓸ ꓗꓷ ꓟ ꓙꓵꓹ ꓕꓯ ꓣꓳ ꓒ ꓕꓲ ꓗꓪ ꓔꓬ ꓢꓴ ꓔꓯ ꓠꓵꓻ ꓠꓲꓹ ꓟꓸ ꓖꓶ ꓗꓷ ꓡ ? ꓣꓳ ꓔꓯ ꓛꓴꓽ ꓙꓳ ꓢꓴ ꓔꓯ ꓪꓽ ꓘꓴ ꓖꓶ ꓗꓷ ꓡ ? ꓝꓮꓲ ꓣꓳ ꓔꓯ ꓫꓵꓽ ꓪꓴꓽ ꓖꓶ ꓢꓴ ꓔꓯ ꓪꓽ ꓘꓴ ꓖꓶ ꓗꓷ ꓡ ? ꓐꓰ ꓣꓳ ꓓꓵꓽ ꓙ ꓠꓹ ꓟ ꓥ ꓡꓳ= ꓢꓲꓺ ꓒ ꓬꓰ-ꓢꓴ ꓡꓰ ꓟꓸ ꓖꓶ ꓡ ꓟ ꓠꓵꓻ ꓠꓲ ꓔꓯ ꓮ ꓕꓯ ꓥ ꓟꓲ ꓢꓯꓼ ꓕꓵꓼ ꓢꓲ ꓠꓬꓲ ꓣꓳ ꓠꓲꓹ ꓟ ꓘꓴꓽ ꓗꓪ ꓓꓵꓽ ꓙ ꓢꓲ ꓠꓬꓲ ꓞꓳ ꓫꓱ ꓠꓹ ꓟ ꓢꓯꓼ ꓕꓵꓼ ꓓꓴ ꓬꓰ ꓡꓯ= ꓫꓸ ꓟꓳ ꓪ=
Subscribe
Sign up to our newsletter and get latest news and updates straight to your inbox!
Download RVA App
Add new comment