ꓟꓬ ꓔꓶ ꓔꓯ ꓫꓬꓹ ꓓ ꓡꓰ ꓟ

ꓬꓲ ꓪꓽ ꓐꓱ-ꓢꓰ-ꓓ ꓗꓪ ꓛꓲ ꓬꓰ ꓠꓬ꓾ ꓢꓴ ꓡꓰ ꓟꓬ ꓔꓶꓺ ꓕꓲ ꓣꓳ ꓧꓳꓽ ꓡ ꓢꓲ꓾ ꓬꓲ ꓔꓯ ꓫꓱꓹ ꓖꓶ ꓠꓹ ꓟ ꓬꓰ-ꓢꓴ ꓔꓯ ꓓꓰꓽˍ ꓡꓳ꓿ ꓬꓰ-ꓢꓴ ꓡꓰ ꓟꓬ ꓔꓶꓺ ꓔꓯ ꓡꓯꓼ ꓒꓯꓹ ꓗꓪ ꓣꓱꓽ ꓢꓲ꓾ ꓘꓹ ꓐꓻ ꓢꓲ ꓗꓪ ꓧꓳꓽ ꓙꓰ ꓢꓲ ꓠꓬꓲ꓾ ꓬꓲ ꓟꓬ ꓢꓶꓽ ꓗꓪ ꓟꓷꓽ ꓶꓻ ꓔꓲꓸ ꓧꓳꓽ ꓢꓲ꓾ ꓡꓯꓼ ꓒꓯꓹ ꓚꓰꓹ ꓖꓶ ꓢꓲ ꓠꓬꓲ꓾ ꓬꓲ ꓔꓯ꓾ ꓠꓴ ꓮꓸ ꓫꓵ ꓟꓳꓻˍ ꓡ?꓾ ꓐꓰ ꓠ ꓠꓬꓲˍ ꓡꓳ꓿ ꓬꓲ ꓡꓳꓸ ꓠꓬꓲ ꓢꓲ꓾ ꓥꓪ ꓠꓬ ꓡꓽ ꓞꓳ ꓔꓯ ꓟꓳꓻˍ ꓡꓳ꓿ ꓬꓲ ꓪꓽ ꓠꓬ ꓢꓲꓹ ꓜꓲˍ ꓡꓰ ꓐꓰ ꓗꓹ ꓢꓲ ꓙ ꓖꓴ ꓫꓱꓽ ꓔꓬ ꓟ ꓡꓰ ꓐꓰ ꓗꓹ ꓡꓳ꓾ ꓐꓯˍ ꓡꓳ꓿ ꓬꓰ-ꓢꓴ ꓠꓬ ꓝꓮꓲ ꓕꓲ ꓧꓪꓹ ꓬꓲ ꓟꓬ ꓢꓶꓽ ꓗꓪ ꓡꓯꓼ ꓒꓯꓹ ꓚꓰꓹ ꓖꓶ ꓢꓲ꓾ ꓬꓲ ꓔꓯ ꓡꓳꓸ ꓠꓬꓲ ꓝꓲ ꓠꓬ ꓮꓸ ꓫꓵˍ ꓟꓲ ꓫꓬꓻ ꓫꓬˍ ꓡꓰꓽ ꓟꓳꓻ ꓡꓰꓳ꓿ ꓖꓳ ꓡꓱ ꓠꓬ ꓬꓰ-ꓢꓴ ꓡꓰ ꓬꓲ ꓔꓯ꓾ ꓠꓴ ꓠꓬ ꓡꓳ ꓒꓱ ꓗꓪ ꓟꓽ ꓓꓵꓽ ꓙꓰ ꓙꓰ꓾ ꓠꓴ ꓦꓲ ꓗꓪ ꓔꓱꓹ ꓔꓱꓹꓼ ꓐꓰ ꓬꓲꓼ ꓙꓰ꓾ ꓐꓯ ꓖꓶˍ ꓡꓳ꓿ ꓟ-ꓘꓳ 8ꓽ22-26