ꓟꓬ ꓔꓶ ꓠꓬꓲꓽ ꓣꓳ ꓔꓯ ꓠꓬꓲ ꓟꓳꓸꓹ ꓡ ꓝꓲ ꓟ

 ꓬꓰ-ꓢꓴ ꓖꓳ ꓗꓪ ꓐꓰ ꓗꓳꓸ ꓙꓰ ꓔꓬ ꓕꓯ꓾ ꓟꓬ ꓔꓶ ꓠꓬꓲꓽ ꓣꓳ ꓠꓬ ꓬꓲ ꓗ ꓠꓯꓸ ꓛꓳ ꓙꓰ ꓢꓲ ꓕꓱ ꓡꓱ ꓘꓴ_ ꓡꓳ꓾ ꓓ-ꓪꓵ ꓞꓲ ꓤ ꓡꓯꓹ ꓤꓽꓳ꓾ ꓥꓪ ꓠꓴꓽ ꓔꓯ ꓫꓱꓸ ꓤ ꓙ ꓡꓯ꓾ ꓐꓰ ꓘꓴꓻ_ ꓡꓳ꓿ꓬꓲ ꓠꓬ ꓦꓲ ꓠꓯꓸꓼ ꓗꓪ ꓓꓵꓽ ꓡꓰ ꓕꓯ꓾ ꓟꓬ ꓔꓶ ꓢꓴ ꓠꓽ ꓬꓲ ꓔꓯ ꓡ_ ꓡꓳ꓿ ꓬꓰ-ꓢꓴ ꓠꓬ ꓬꓲ ꓪ ꓔꓯ꓾ ꓟꓬꓱꓽ ꓕꓱ ꓟ ꓥꓪ ꓬꓰ ꓐ ꓡ_ ꓡꓳ꓾ ꓐꓰ ꓠꓴ ꓪ ꓙꓵ_ ꓡꓺꓽ꓾ ꓐꓯ_ ꓡꓳ꓿ ꓬꓲ ꓪ ꓡꓰ ꓬꓲ ꓔꓯ꓾ ꓢꓲꓺ ꓒꓽꓳ꓾ ꓙꓵꓻ_ ꓡꓳ꓾ ꓐꓯ_ ꓡꓳ꓿ꓬꓲ ꓡꓰ ꓬꓲ ꓪ ꓟꓬ ꓢꓶꓽ ꓗꓪ ꓫꓱꓹ ꓖꓶ ꓢꓲ꓾ ꓠꓴ ꓪ ꓙꓵꓻ_ ꓟ_ ꓡꓰ ꓐꓰ ꓠꓴ ꓪ ꓐꓱ ꓶ ꓒꓬꓱꓼ ꓡ ꓝꓲ꓾ ꓐꓯ_ ꓡꓳ꓿ ꓖꓳ ꓡꓱ ꓠꓬ ꓬꓲ ꓪ ꓟꓬ ꓢꓶꓽ ꓒꓴ ꓡ_ ꓡꓳ꓿ ꓬꓰ-ꓢꓴ ꓠꓽ ꓬꓲ ꓪ ꓔꓯ ꓡꓲꓽ ꓡꓲꓽ_ ꓡꓰ ꓐꓯ ꓢꓲ꓾ ꓮ ꓟ_ ꓟꓲ ꓟꓽ ꓢꓷ ꓡꓰ ꓠꓹ ꓟ ꓤ ꓟꓳ꓾ ꓐꓯ_ ꓡꓳ ꓖꓳ ꓡꓱ ꓥ_ ꓟꓲ ꓬꓲ ꓪ ꓓꓳ ꓙꓰ ꓢꓲ꓾ ꓬꓲ ꓟꓬꓱ ꓓꓳꓽ ꓠꓬ ꓖꓳ ꓕꓲ ꓟꓵꓽ ꓡꓱꓸꓼ ꓗꓪ ꓚ ꓒꓬꓱ ꓙꓰ_ ꓡꓳ꓿