ꓟꓲꓺ ꓠꓯꓺ ꓞ ꓐꓳ (5th Ordinary Sunday Homily)

      ꓡ ꓞꓳ ꓐꓯ ꓟ ꓠꓬ ꓡ ꓞꓳ ꓕꓲꓽ ꓣꓳˍ ꓡꓰ ꓐꓰ ꓓꓵꓽ ꓙ ꓗꓴ.꓾ ꓬꓰ ꓗꓴ. ꓠ ꓗˍ ꓡꓳ꓿ ꓡ ꓞꓳ ꓕꓲꓽ ꓣꓳ ꓐꓯ ꓟ ꓠꓬ꓾ ꓛꓲ ꓒꓯ꓾ ꓡꓯ ꓒꓯ꓾ ꓪꓴ. ꓓꓵꓺ ꓙꓳ ꓕꓲꓽ ꓖꓼ ꓡ ꓞꓳ ꓐꓰ ꓐꓯ ꓟꓽ ꓐ ꓡ꓿ ꓕꓱ ꓐꓱ ꓙꓳ ꓟ ꓠꓬ ꓡ ꓞꓳ ꓧꓪꓽ ꓖꓳ ꓓꓱ ꓙꓳˍ ꓥˍ ꓟꓲ ꓡ ꓞꓳ ꓠꓲ, ꓟ ꓟꓽ ꓟꓯ ꓫꓵꓽ ꓮ ꓟꓬ ꓙꓳˍ ꓡꓳ꓿  ꓣꓳ ꓢꓲ ꓒ ꓬꓰ‐ꓢꓴ ꓗ. ꓠꓯ ꓖꓼ ꓢꓴ ꓠꓬ ꓧ. ꓟ ꓙꓲˍ ꓟ ꓬꓰ ꓟ ꓡꓰ ꓟꓽ ꓓ ꓢꓰ꓾ ꓙꓵ, ꓠꓲ, ꓮ ꓡꓰ ꓙꓳˍ ꓡꓰ ꓞꓳ ꓫꓱ, ꓠ, ꓟ ꓬꓮꓳ. ꓚꓲˍ ꓡꓳ꓿ ꓠꓬꓲ. ꓠꓬꓲ. ꓟ. ꓟꓲ ꓬꓲ. ꓪꓴ. ꓕꓲꓽ ꓔꓳ, ꓗꓪ ꓫ. ꓢꓴ ꓟꓷꓼ ꓢꓴ ꓔꓯ ꓬꓰ ꓙ ꓢꓴ ꓠꓬ꓾ ꓬꓲ. ꓫ ꓙꓵˍ ꓟ ꓦꓬꓼ ꓠꓬꓲ ꓗꓪ ꓬꓲ. ꓘꓴ ꓓꓰˍ ꓟ ꓔꓯ ꓪꓴ‐ꓢ ꓓꓽ ꓓꓳˍ ꓥꓳ ꓐꓰ ꓐꓯ ꓔˍ ꓡꓳ꓿  ꓣꓳꓽ ꓟꓲ ꓠꓯꓺ ꓕꓱ ꓟ ꓗꓪ ꓔꓬ, ꓟ ꓠꓬ ꓬꓮꓳ. ꓚꓲ ꓓꓰꓺ ꓡꓰˍ ꓟ ꓠꓬ ꓪꓴ‐ꓢ ꓣꓳꓽ ꓔꓯ. ꓟꓳ. ꓔꓬ, ꓠ, ꓟ ꓥꓳ꓿ ꓪꓴ‐ꓢ ꓣꓳꓽ ꓔꓯ ꓟꓳ. ꓔꓬ, ꓕꓯ꓾ ꓣꓳ ꓠꓬ ꓮ ꓫꓵꓽ ꓙꓳˍ ꓟ ꓛꓵ꓿ ꓮ ꓙꓵꓽ ꓬꓲ. ꓡꓰ ꓬꓰ ꓙ ꓖꓶꓽ ꓡꓳ꓿ ꓕꓳ ꓡꓱ ꓪꓴ‐ꓢ ꓣꓳꓽ ꓐꓰ ꓔꓬ, ꓚꓲ ꓠ, ꓟ ꓠꓬ ꓣꓳꓽ ꓠꓬ ꓣꓳꓽ ꓠꓶ ꓛꓳ ꓕꓲ ꓛꓳ ꓔꓯ ꓫꓱ. ꓤ ꓠ, ꓟ ꓥꓳ꓿ ꓕꓱ  ꓡꓱ ꓟꓽ ꓥ ꓥꓳ ꓐꓯ ꓠꓬ ꓮ ꓙꓵꓽ ꓠꓬ ꓬꓲ. ꓖꓳ ꓥꓳ꓿