ꓟꓴ ꓗꓪ ꓗꓪ ꓗꓴꓷꓼ ꓠꓬ ꓪꓳꓽ ꓒꓲ ꓫꓵꓸ ꓕꓲ ꓢꓶꓽ ꓡꓰ ꓐꓰ ꓗꓹ ꓟ (Sunday reflection)

ꓟꓴ ꓗꓪ ꓗꓪ ꓗꓴꓷꓼ ꓠꓬ ꓪꓳꓽ ꓒꓲ ꓫꓵꓸ ꓕꓲ ꓢꓶꓽ ꓡꓰ ꓐꓰ ꓗꓹ ꓟ (Sunday reflection)

ꓠꓬꓲ. ꓠꓬꓲ ꓢꓲꓺ ꓒ ꓦꓬꓼ ꓠꓬꓲ ꓠꓬ ꓘꓴ ꓜꓲꓼ ꓞꓳ ꓟꓵꓽ ꓘꓳꓼ ꓗꓪ ꓐꓰ (11) ꓫꓵꓽ ꓠꓽ ꓟ ꓢꓲꓺ ꓒ ꓦꓬꓼ ꓠꓬꓲ ꓥ ꓡꓳ꓿ ꓠꓬꓲ. ꓠꓬꓲ ꓢꓲꓺ ꓒ ꓦꓬꓼ ꓠꓬꓲ ꓗꓪ ꓵꓻ ꓠ, ꓟ ꓢꓲꓽ ꓫꓬ ꓕꓳ ꓶ ꓠꓬ ꓟ‐ꓘꓳ ꓕꓳ ꓶ  4ꓽ26‐34 ꓝꓲ. ꓗꓪ ꓛꓲ ꓥ ꓢꓲ ꓠꓬꓲ ꓢꓲꓺ ꓒ ꓬꓰ‐ꓢꓴ ꓙꓲ‐ꓢꓴ ꓠꓬ ꓜ ꓫꓵ. ꓫꓵ. ꓔ ꓟ ꓔꓯ ꓥꓳꓽ ꓐꓰ ꓟꓴ ꓗꓪ ꓗꓴꓷꓼ ꓠꓬ ꓪꓴꓽ ꓒꓲ ꓫꓵ. ꓕꓲ ꓢꓶꓽ ꓡꓰ ꓐꓰ ꓗ, ꓟ ꓚꓱ, ꓔꓯ ꓐꓯ ꓟ. ꓖꓶ ꓟ ꓢꓲꓽ ꓫꓬ ꓕꓳ ꓶ ꓥ ꓡꓳ꓿

ꓪꓳꓽ ꓒꓲ ꓫꓵ. ꓪꓳꓽ ꓒꓲ. ꓫꓵ. ꓢꓶꓽ ꓠꓬ ꓮ ꓘꓶ. ꓛꓲ ꓣꓳ ꓓꓰ ꓡꓰ ꓥ ꓟꓲ ꓟꓲ ꓠꓯ ꓗꓪ ꓫꓵ. ꓗꓷ ꓔꓶ ꓕꓯ ꓪꓴꓽ ꓡ ꓟ ꓙꓵ, ꓕꓯ ꓮ ꓘꓶ. ꓛꓲ ꓪꓴꓽ ꓡ ꓟ ꓟ ꓪꓴꓽ ꓒꓬ ꓐꓴ ꓒꓬꓱꓼ ꓡ ꓟ ꓥ ꓡꓳ꓿ ꓖꓳ ꓢꓲꓽ ꓫꓬ ꓕꓳ ꓶ ꓗꓪ ꓢꓲꓺ  ꓒ ꓬꓰ‐ꓢꓴ ꓡꓰ ꓐꓯ ꓠꓲ, ꓫꓯꓵˍ ꓟ ꓠꓬ ꓮ ꓘꓶ. ꓛꓲ ꓣꓳ ꓓꓰ ꓟ ꓕꓲ ꓫꓵꓽ ꓥ ꓟꓲ ꓪꓴ‐ꓢ ꓢꓯꓼ ꓪ ꓗꓪ ꓐꓰ ꓬꓰ ꓠꓬ ꓮ ꓘꓶ. ꓛꓲ ꓪꓴꓽ ꓡ ꓟ ꓮ ꓘꓶ. ꓪꓴꓽ ꓟ ꓟꓬꓱꓽ ꓔꓯ ꓬꓰ ꓐ ꓡ ꓟ ꓚꓱ, ꓔꓯ ꓠꓬꓲ. ꓠꓬꓲ ꓗꓪ ꓠꓴ ꓥꓪ ꓔꓯ ꓐꓯ ꓟ. ꓖꓶ ꓡ ꓟ ꓥ ꓡꓳ꓿

ꓢꓲꓺ ꓒ ꓬꓰ‐ꓢꓴ ꓙꓲ‐ꓢꓴ ꓠꓬ ꓬꓲ ꓓꓴ ꓙ ꓟ ꓠꓬ ꓛꓲ ꓡ ꓟ ꓙꓵ, ꓕꓯ ꓬꓲ ꓡꓰ ꓔꓶ ꓔ ꓟ ꓘꓴ ꓜꓲꓼ ꓞꓳ ꓠꓬ ꓕꓲ ꓟꓲ ꓠꓯ ꓡꓱ ꓗꓪ ꓙꓳˍ ꓡꓰ ꓟ ꓔꓯ ꓬꓲ ꓡꓳ. ꓟ ꓪꓴ. ꓠꓬꓲ ꓐꓯ ꓔ ꓟ ꓥ ꓡꓳ꓿ ꓬꓲ ꓡꓰ ꓔꓶ ꓔ ꓟ ꓘꓴ ꓜꓲꓼ ꓞꓳ ꓠꓬ ꓠꓬ ꓣꓳ ꓥ ꓟꓲ ꓮ  ꓤ ꓤ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓕꓲ ꓟꓲ ꓠꓯ ꓡꓱ ꓗꓪ ꓙꓲ‐ꓢꓴ ꓢꓲꓺ ꓤ ꓐꓴ ꓮ ꓟꓬ, ꓛꓲ ꓔꓬ ꓡꓰ ꓟ ꓥ ꓡꓳ꓿ ꓠꓬꓲ. ꓠꓬꓲ ꓠꓴ ꓥꓪ ꓔꓯ ꓥ ꓟꓲ ꓢꓲꓺ ꓒ ꓬꓰ‐ꓢꓴ ꓙꓲ‐ꓢꓴ ꓡꓰ ꓙꓲˍ ꓟ ꓪꓳꓽ ꓒꓲ ꓫꓵ. ꓒꓬꓱꓼ ꓠ, ꓟ ꓐꓯ ꓔ ꓟ ꓥ ꓡꓳ꓿

ꓗꓳ. ꓗꓷ ꓟ ꓙꓵ, ꓕꓯ ꓝꓲ ꓓꓴ ꓒꓳ‐ꓡꓳ ꓠꓬ ꓙꓲ‐ꓢꓴ ꓢꓲꓺꓤ ꓐꓴ ꓔꓯ ꓢꓰꓼ ꓢꓴ ꓥ ꓟꓲ ꓢꓲꓺ ꓒ ꓬꓰ‐ꓢꓴ ꓙꓲ‐ꓢꓴ ꓔꓯ ꓡꓳ. ꓟꓳ ꓡꓰ ꓢꓷ. ꓡꓰ ꓗ. ꓠꓯ ꓬꓲ ꓢꓯ. ꓔꓬ ꓟ ꓕꓲ ꓤꓶꓻ ꓡꓱ ꓗꓪ ꓢꓲꓺ ꓒ ꓐꓱ ꓶ ꓢꓯ. ꓔꓬ ꓗꓷ ꓢꓴ ꓒꓬꓱꓼ ꓡ ꓟꓥ ꓡꓳ꓿ ꓠꓴ ꓥꓪ ꓔꓯ ꓥ ꓟꓲ ꓗꓳ. ꓗꓷ ꓟ ꓙꓵ, ꓗꓪ ꓣꓳ ꓠꓬ ꓝꓴꓲ ꓠꓯ, ꓗꓪ ꓢꓯ. ꓔꓬ ꓗꓷ ꓥ ꓟꓲ ꓢꓲꓺ ꓒ ꓬꓰ‐ꓢꓴ ꓡꓰ ꓣꓳ ꓡꓳ. ꓟꓳ ꓡꓰ ꓢꓷ. ꓡꓰ ꓗ ꓠꓯ. ꓢꓲꓺ ꓒ ꓠꓲ, ꓒꓴ ꓟ ꓚꓱ, ꓗꓪ ꓞꓳ ꓫꓱ ꓢꓴ ꓐꓴ ꓒꓬꓱꓼ ꓡ ꓠ, ꓟ ꓢꓲꓺꓒ ꓡꓰ ꓘꓴ ꓔꓬ ꓟ ꓥ ꓡꓳ꓿ ꓣꓳ ꓟꓲ ꓠꓯ ꓡ ꓞꓳ ꓟꓬ ꓢꓶꓽ ꓗꓪ ꓐꓰ ꓒꓬꓱꓼ ꓡ ꓟꓽ ꓓ ꓥ ꓟꓲ ꓣꓳ ꓤꓶꓻꓗꓪ ꓢꓲꓺ ꓒ ꓐꓰ ꓕꓲ ꓪ ꓙ ꓫꓱ, ꓠꓬ ꓪꓴ‐ꓢ ꓡꓰ ꓣꓳ ꓔꓯ ꓢꓯꓼ ꓪ ꓖꓶ ꓡ ꓠꓬ ꓣꓳ ꓙꓲ ꓟ ꓟꓬꓱꓽ ꓮ ꓟꓬ, ꓔꓯ ꓬꓰ ꓐ ꓡ ꓠ,ꓟ ꓢꓯꓼ ꓪ ꓪꓴ‐ꓢ ꓡꓰ ꓖꓶ ꓡ ꓓꓴ ꓥꓳ꓿

ꓙꓲˍ ꓟ ꓪꓳꓽ ꓒꓲ ꓫꓵ. ꓒꓬꓱꓼ ꓡ ꓠ,ꓟ ꓢꓯꓼ ꓕꓵꓼ ꓓꓴ ꓬꓰ ꓡꓯ꓿ ꓙꓲ ꓟ ꓟꓬꓱꓽ ꓔꓯ ꓬꓰ ꓐ ꓡ ꓠ,ꓟ ꓢꓲꓺ ꓒ ꓠꓯ, ꓗꓪ ꓪꓽ ꓘꓴ ꓓꓴ ꓬꓰ ꓡꓯ꓿ ꓢꓲꓺ ꓒ ꓔꓯ ꓧꓪ ꓓꓴ ꓬꓰ ꓡꓯ꓿ ꓫ. ꓟꓳ ꓪ꓿