ꓟꓴ ꓗꓪ ꓗꓴꓷꓼ ꓠꓬ ꓙꓲꓻ ꓟ ꓡꓳ ꓒꓴ ꓡꓴ. ꓢꓶꓽ ꓧꓪˍ ꓟ ꓶ ꓡꓯꓼ ꓟꓴ ꓢꓴ ꓕꓲ ꓣꓳˍ ꓡꓰ ꓐꓰ ꓗ, ꓟ

ꓟꓴ ꓗꓪ ꓗꓴꓷꓼ ꓠꓬ ꓙꓲꓻ ꓟ ꓡꓳ ꓒꓴ ꓡꓴ. ꓢꓶꓽ ꓧꓪˍ ꓟ ꓶ ꓡꓯꓼ ꓟꓴ ꓢꓴ ꓕꓲ ꓣꓳˍ ꓡꓰ ꓐꓰ ꓗ, ꓟ

ꓠꓬꓲ. ꓠꓬꓲ ꓢꓲꓺ ꓒ ꓦꓬꓼ ꓠꓬꓲ ꓗꓪ ꓵꓻ ꓠ, ꓟ ꓢꓲꓽ ꓫꓬ ꓕꓳ ꓶ ꓠꓬ ꓟ‐ꓕꓲ ꓕꓳ ꓶ (13ꓽ44‐52) ꓝꓲ. ꓗꓪ ꓛꓲ ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓡꓰ ꓟꓴ ꓗꓪ ꓗꓴꓷꓼ ꓠꓬ ꓦ ꓟꓲ ꓕꓲ ꓡꓯꓼ ꓗꓪ ꓚꓵ, ꓞ, ꓟ ꓒꓵꓽ ꓶˍ ꓡꓰ ꓐꓰ ꓗ, ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓡꓰ ꓐꓰ ꓢꓲꓺ ꓒ ꓬꓰ‐ꓢꓴ ꓠꓬ ꓟꓴ ꓗꓪ ꓗꓴꓷꓼ ꓗꓪ ꓙꓰ ꓠ, ꓟ ꓚꓲ. ꓛꓬ ꓠꓯ, ꓗꓪ ꓙꓳˍ ꓟ ꓮ ꓙꓵꓽ ꓔꓯ ꓡꓳ. ꓗꓷ ꓐꓽ ꓡ ꓟ ꓠꓲ, ꓟ ꓙꓳˍ ꓠꓯ, ꓟ ꓣꓳ ꓔꓯ ꓟ. ꓖꓶ ꓡ ꓡꓳ꓿ ꓝꓮꓲ ꓢꓲꓺ ꓒ ꓬꓰ‐ꓢꓴ ꓡꓰ ꓟꓴ ꓗꓪ ꓗꓴꓷꓼ ꓠꓬ ꓙꓲꓻ ꓟ ꓡꓳ ꓒꓴ ꓡꓴ. ꓢꓶꓽ ꓧꓪˍ ꓟ ꓶ ꓡꓯꓼ ꓟꓴ ꓢꓴ ꓕꓲ ꓣꓳˍ ꓡꓰ ꓐꓰ ꓗ, ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓡꓰ ꓐꓰ ꓢꓲꓺ ꓒ ꓬꓰ‐ꓢꓴ ꓡꓰ ꓠꓬꓲ. ꓠꓬꓲ ꓗꓪ ꓙꓲˍ ꓟ ꓡꓳ ꓒꓴ ꓡꓴ. ꓢꓶꓽ ꓧꓪˍ ꓟꓶ ꓢꓴ ꓐꓴ ꓠꓬ ꓗ, ꓛꓲˍ ꓟ ꓐꓰ ꓟꓴ ꓗꓪ ꓗꓴꓷꓼ ꓗꓪ ꓙꓰ ꓠ, ꓟ ꓟꓲ ꓠꓯ ꓗꓪ ꓙꓳˍ ꓟ ꓮ ꓙꓵꓽ ꓔꓯ ꓡꓳ ꓗꓷ ꓛ ꓗꓷ ꓢꓲ ꓠꓬꓲ ꓢꓲꓺ ꓒ ꓗ. ꓠꓯ ꓢꓲ ꓗꓪ ꓛꓳꓽ ꓙꓰ ꓠ, ꓟ ꓣꓳ ꓔꓯ ꓟ. ꓖꓶ ꓡ ꓟ ꓥ ꓡꓳ꓿

ꓢꓲꓺ ꓒ ꓬꓰ‐ꓢꓴ ꓡꓰ ꓟꓴ ꓗꓪ ꓗꓴꓷꓼ ꓠꓬ ꓮ ꓡꓰ ꓫꓵꓽ ꓐꓰ ꓫꓱ ꓡꓯ ꓘꓳ, ꓟ ꓐꓰ ꓟꓴ ꓗꓪ ꓗꓴꓷꓼ ꓗꓪ ꓙꓰ ꓠ, ꓟ ꓣꓳ ꓠꓲ, ꓟ ꓠꓯ ꓗꓪ ꓮ ꓡꓰ ꓫꓵꓽ ꓠꓲ, ꓟ ꓙꓳˍ ꓠ, ꓟ ꓠꓬꓲ. ꓠꓬꓲ ꓣꓳ ꓔꓯ ꓟ. ꓖꓶ ꓡ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓡꓰ ꓖꓶ ꓡ ꓟ ꓣꓱ ꓛꓱ ꓡꓯ ꓘꓳ, ꓔꓯ ꓣꓳ ꓘꓳ, ꓣꓴ ꓠ, ꓟ ꓢꓯꓼꓕꓵꓼ ꓠ, ꓟ ꓐꓰ ꓢꓲꓺ ꓒ ꓬꓰ‐ꓢꓴꓡꓰ ꓐꓯ ꓔ ꓟ ꓐꓯ ꓘꓶꓽ ꓔꓯ ꓒꓵꓽ ꓛꓳꓽ ꓢꓲ ꓠꓬꓲ ꓪꓴ‐ꓢ ꓐꓯ ꓘꓶꓽ ꓠꓬ ꓔꓱ, ꓚꓵˍ ꓟ ꓥ ꓡꓳ ꓐꓰ ꓘꓳ, ꓠ, ꓟ ꓣꓳ ꓔꓯ ꓟ. ꓖꓶ ꓡ ꓡꓳ꓿

ꓢꓲꓺ ꓒ ꓬꓰ‐ꓢꓴ ꓠꓬ ꓙꓲꓻ ꓢꓴ ꓐꓴ ꓐꓰ ꓟꓽ ꓙꓲꓻ ꓢꓴ ꓐꓴ ꓔꓯ ꓢꓲꓻ ꓢꓲ ꓠꓬꓲ ꓐꓯ ꓟꓴ ꓘꓶꓻ ꓠ, ꓟ ꓙꓳˍ ꓟ ꓚꓱ, ꓔꓯ ꓥꓪ. ꓑꓱ. ꓗꓪ ꓥꓪ. ꓐꓲ ꓡꓰ ꓠꓬ ꓥꓪ. ꓧꓪ ꓢꓴ ꓡꓰ ꓬꓲꓻ ꓙꓬ ꓗꓶꓽ ꓗꓪ ꓚꓵ, ꓓꓯ ꓡ ꓢꓲ ꓠꓬꓲ. ꓠ. ꓢꓲ ꓠꓬꓲˍ ꓙꓲꓻ ꓟ ꓥꓪ. ꓔꓯ ꓠꓬ ꓢꓲ ꓓꓳ ꓡ ꓢꓲ ꓡꓴꓻ ꓗꓪ ꓗꓶ ꓔ ꓡꓳ꓿ ꓟꓽ ꓙꓲ ꓟ ꓥꓪ. ꓔꓯ ꓠꓬ ꓢꓲ ꓓꓳ ꓡ ꓢꓲ ꓡꓳ ꓩꓴ ꓗꓷˍ ꓡꓳ ꓐꓰ ꓢꓲꓽ ꓫꓬ ꓕꓳ ꓶ ꓗꓪ ꓡꓳ. ꓟꓳ ꓪ ꓟ ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓡꓰ ꓔꓱ, ꓚꓵ ꓟ ꓚꓱ, ꓗꓪ ꓛꓳꓽ ꓫꓱ ꓠ, ꓟ ꓢꓲꓺ ꓒ ꓐꓯ ꓘꓶꓽ ꓠ, ꓡꓳ ꓠ, ꓟ ꓟ. ꓖꓶ ꓔ ꓡꓳ꓿   

ꓝꓮꓲ ꓢꓲꓺ ꓒ ꓬꓰ‐ꓢꓴ ꓠꓬ ꓙꓲꓻ ꓢꓴ ꓐꓴ ꓐꓰ ꓟꓽ ꓙꓲˍ ꓢꓴ ꓐꓴ ꓔꓯ ꓢꓲ ꓠ, ꓟ ꓐꓰ ꓟꓽ ꓙꓲˍ ꓢꓴ ꓐꓴ ꓔꓯ ꓛꓬ ꓟꓵꓽ ꓗꓪ ꓔꓬ ꓠ, ꓟ ꓐꓰ ꓙꓲˍ ꓢꓴ ꓔꓯ ꓠꓬ ꓟꓴ ꓗꓴ ꓗꓴꓷꓼ ꓗꓪ ꓔꓬ ꓪ ꓠ, ꓟ ꓐꓰ ꓐꓯ ꓟ. ꓖꓶ ꓔ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓠꓬ ꓟꓴ ꓗꓴꓷꓼ ꓠꓬ ꓮ ꓡꓰ ꓐꓰ ꓔ ꓟ ꓐꓰ ꓟꓴ ꓗꓪ ꓗꓴꓷꓼ ꓗꓪ ꓮ ꓡꓰꓳ ꓫꓵꓽ ꓡ ꓞꓳ ꓙꓰ ꓛꓲ ꓓ ꓟ ꓚꓱ, ꓔꓯ ꓟ. ꓖꓶ ꓔ ꓡꓳ꓿ ꓠꓬꓲ. ꓠꓬꓲ ꓢꓲꓽ ꓫꓬ ꓕꓳ ꓶ ꓗꓪ ꓢꓲꓺ ꓒ ꓬꓰ‐ꓢꓴ ꓡꓰ ꓟꓵꓽ ꓗꓪ ꓚꓵ, ꓔ ꓟ ꓡꓳ ꓒꓴ ꓡꓴ. ꓢꓶꓽ ꓔꓯ ꓧꓪ, ꓢꓴ ꓐꓴ ꓔꓯ ꓥꓳꓽ ꓔꓯ ꓟ. ꓖꓶ ꓔ ꓡꓳ꓿ ꓕꓱ ꓒꓵꓽ ꓫꓵꓽ ꓠꓬ ꓟꓲ ꓠꓯ ꓗꓪ ꓒꓵꓽ ꓡꓳ. ꓬꓰ ꓟ ꓒꓵꓽ ꓶ ꓥ ꓡꓳ꓿

ꓣꓳ ꓙꓲ‐ꓢꓴ ꓢꓲꓺ ꓤ ꓐꓴ ꓔꓯ ꓠꓬꓲ. ꓠꓬꓲ ꓢꓲꓺ ꓒ ꓬꓰ‐ꓢꓴ ꓡꓰ ꓣꓳ ꓠꓲ, ꓟ ꓠꓯ ꓗꓪ ꓠꓵꓻ ꓠꓲ, ꓔꓯ ꓙꓳˍ ꓠ, ꓟ ꓐꓰ ꓠꓵꓻ ꓠꓲ, ꓐꓰ ꓟꓬꓱꓽ ꓬꓰ ꓖꓴ ꓠ, ꓟ ꓣꓳ ꓔꓯ ꓟ. ꓖꓶ ꓔ ꓡꓳ꓿ ꓢꓲꓺ ꓒ ꓡꓰ ꓟ. ꓖꓶ ꓔ ꓟ ꓡꓰ ꓐꓰ ꓠꓵꓻ ꓠꓲ, ꓔꓯ ꓣꓳ ꓠꓲ, ꓟ ꓠꓯ, ꓗꓪ ꓗꓶ ꓔ ꓢꓲ ꓠꓬꓲ ꓟꓴ ꓗꓪ ꓗꓴꓷꓼ ꓗꓪ ꓙꓰ ꓛꓲ ꓠ, ꓟ ꓢꓲꓺ ꓒ ꓠꓲ, ꓒꓴ ꓟ ꓚꓱ, ꓗꓪ ꓛꓳꓽ ꓫꓱ,  ꓓꓴ ꓬꓰ ꓡꓯ꓿ ꓫ. ꓟꓳ ꓪ ꓡ꓿