ꓠꓱꓸ ꓐꓯ ꓢꓴ ꓙꓲˍ ꓟ ꓬꓰ ꓕꓯ ꓥˍ ꓟꓲ ꓗꓹ ꓛꓲ ꓗꓴꓸ ꓠꓯ ꓟ

ꓑ ꓫꓬꓹ ꓐꓴ ꓔꓯ ꓪꓴ-ꓢ ꓔꓬ ꓗꓪ ꓧꓳꓽ ꓓꓵꓽ ꓬꓰ ꓔꓬꓹ ꓟ ꓟꓸ ꓟꓲꓽ ꓢꓷꓸ ꓢꓴ ꓐꓰ ꓒ ꓡꓰ ꓢꓷ ꓐꓴ ꓠꓬ ꓫꓱꓸ ꓤ ꓓꓴ ꓟꓬꓱꓽˍ ꓟꓲ ꓟꓽ ꓬꓰ= ꓬꓰ ꓢꓴ ꓔꓯ ꓥˍ ꓟꓲ ꓗꓽ ꓔ ꓬꓰ ꓡꓳ= ꓠꓱꓸ ꓐꓯ ꓢꓴ ꓔꓯ ꓟꓸ ꓖꓶꓽ ꓑꓱꓻ ꓖꓶꓽ ꓔꓬꓹ ꓢꓴ ꓕꓲꓽ ꓣꓳ ꓮ ꓫꓵꓽ ꓑꓶꓸ ꓓꓴ ꓕꓱ ꓘꓶꓸ ꓛꓲ ꓙꓳꓺ ꓓꓴ ꓧꓸ ꓡ ꓐꓯ ꓟ ꓓꓵꓽ ꓙ ꓠꓬꓲ ꓓꓵ ꓥ ꓐꓭ= ꓢꓲ ꓒ ꓬꓰ-ꓢꓴ ꓠꓬ ꓬꓲꓸ ꓬꓰ ꓜꓲꓼ ꓙꓳˍ ꓟ ꓮ ꓙꓵꓽ ꓔꓯ ꓬꓰˍ ꓡꓳ= ꓫꓱꓸ ꓤ ꓓꓴ ꓟꓬꓱꓽ ꓔꓯ ꓡꓯ ꓫꓴ ꓝꓸ ꓬꓰˍ ꓡꓳ=

ꓣꓳꓽ ꓓꓵ ꓙ ꓠꓬꓲ ꓓꓴ ꓠꓬ꓾ ꓣꓳꓽ ꓥˍ ꓟꓲ ꓒ ꓡꓰ ꓢꓷ ꓐꓴ ꓡꓰ ꓐꓰ ꓠꓱꓸ ꓐꓯ ꓢꓴ ꓙꓲˍ ꓟ ꓧꓸ ꓟ ꓬꓰˍ ꓕꓯ ꓠꓲꓹ ꓘꓪꓽ ꓫꓵꓺ ꓐ ꓡ ꓡ? ꓠꓲꓹ ꓘꓪꓽ ꓫꓵꓺ ꓟꓽ ꓐ ꓡ ꓡ ꓐꓰ ꓟꓬꓺ ꓔꓳꓹ ꓔꓬꓹ ꓡ ꓐꓯ ꓟ ꓓꓵꓽ ꓙ ꓠꓬꓲ ꓓꓴ ꓬꓰ ꓡꓯ= ꓕꓱ ꓟ ꓡꓰ ꓟꓽ ꓞꓲ꓾ ꓕꓲꓽ ꓖ ꓕꓲꓽ ꓧꓪ ꓣꓳꓽ ꓠꓬ ꓙꓲˍ ꓟ ꓬꓰ ꓔꓬꓹ ꓥˍ ꓟꓲ ꓣꓳꓽ ꓔꓯ ꓟꓽ ꓙꓲ ꓟ ꓟꓽ ꓧ ꓟ ꓐꓯ ꓔꓬ ꓢꓴ ꓓꓳ ꓡ ꓕꓯ ꓮ ꓘꓶꓸ ꓠ ꓲꓹ ꓟ ꓫꓸ ꓔꓬꓹ ꓡ ꓐꓯ ꓟ ꓔꓯ ꓓꓵꓽ ꓙ ꓠꓬꓲ ꓓꓴ ꓥꓳ= ꓢꓲ ꓒ ꓬꓰ-ꓢꓴ ꓠꓬ ꓕꓱ ꓟ ꓔꓯˍ ꓥˍ ꓟꓲ ꓔꓳ ꓙꓳꓽ ꓗꓳꓸ ꓙꓰꓳ= ꓬꓰ-ꓢꓴ ꓗ ꓠꓯ ꓖꓼ ꓢꓴ ꓣꓳꓽ ꓥˍꓟꓲ ꓕꓱ ꓟ ꓐꓱ ꓶ ꓫꓬꓹ ꓦꓲꓸ ꓔ ꓠ ꓗˍ ꓡꓳ= ꓫ ꓟꓳ=