ꓡ ꓞꓳ (4) ꓙꓰꓽ ꓟ (15th Sunday Homily)

ꓢꓲ ꓒ ꓬꓰ‐ꓢꓴ ꓠꓬ ꓬꓲ. ꓟ. ꓟꓲꓽ ꓟ. ꓖꓶꓽˍ ꓕꓯ ꓔꓯꓺ ꓥꓳꓽ ꓗꓪ ꓐꓰ ꓡꓰ ꓟ. ꓖꓶꓽˍ ꓡꓳ꓿ ꓢꓷ. ꓠꓲ, ꓟꓽ ꓢꓷ. ꓢꓴ ꓐꓰ ꓮ ꓡꓰ ꓫꓵꓽ ꓡ ꓞꓳ ꓥˍ ꓟꓲ ꓠ ꓠ ꓗꓴ. ꓠ, ꓟ ꓬꓲ. ꓠꓬ ꓟꓳ. ꓖꓶꓽ ꓡꓳ꓿

                ꓠꓬꓲ. ꓠꓬꓲ ꓢꓲꓽ ꓫꓬ, ꓕꓳ ꓶ ꓗꓪ ꓢꓲ ꓒ ꓬꓰ‐ꓢꓴ ꓠꓬ ꓜ ꓫꓵ. ꓜꓵ. ꓟ ꓔꓯ ꓥꓳꓽ ꓔꓯ ꓐꓯ ꓟꓳ. ꓖꓶˍ ꓡꓳ꓿ ꓡ ꓞꓳ 4 ꓫꓵꓽ ꓙꓳˍ ꓡꓳ꓿ ꓕꓲꓽ ꓫꓵꓽ ꓟ ꓠꓬ ꓪꓴ‐ꓢ ꓐꓯ ꓘꓶꓽ ꓑ ꓙˍ ꓟ ꓐꓰ ꓬꓲ. ꓠꓲ, ꓟ ꓗꓪ ꓟꓽ ꓚꓵ, ꓕꓲꓽ ꓑ ꓤ ꓡꓰ ꓥꓳ꓿ ꓕꓱ ꓡꓱ ꓫꓵꓽ ꓡ ꓞꓳ ꓠꓬ ꓙ ꓖꓴ ꓙ ꓐ ꓗꓪ ꓞꓰ ꓡꓰ ꓟ ꓬꓲ. ꓫꓵ. ꓥꓳ꓿ ꓕꓲꓽ ꓐꓱ ꓙꓳˍ ꓟ ꓠꓬ ꓭ. ꓛꓲ ꓭ. ꓗꓽ ꓡ ꓗꓪ ꓞꓰ ꓡꓰ ꓫꓵꓽ ꓙꓳˍ ꓡꓳ꓿ ꓬꓲ. ꓠꓬ ꓞ ꓣꓱ ꓡ ꓥˍ ꓟꓲ ꓞ ꓐꓰ ꓫꓵ‐ꓳ꓿ ꓕꓲ ꓐꓱ ꓙꓳ ꓟ ꓠꓬ ꓛꓴꓽ ꓘꓶ ꓟꓲ ꓗꓪ ꓞꓰ ꓓꓰ ꓡꓳ꓿ ꓛꓴꓽ ꓡꓰ ꓪ. ꓢꓰꓼ ꓗꓷꓳ꓿ ꓕꓲꓽ ꓐꓱ ꓟ ꓠꓬ ꓙꓲˍ ꓟ ꓟꓵꓽ ꓗꓪ ꓞꓰ ꓓꓰ ꓙꓰ ꓟ ꓑꓶ. ꓓꓴ ꓬꓲ. ꓢꓲꓽ  ꓮ ꓟꓬ ꓓꓱꓼˍ ꓡꓳ꓿

                ꓠꓬꓲ. ꓠꓬꓲ ꓠꓴ ꓥꓪ ꓮ ꓡꓰ ꓕꓲꓽ ꓫꓵ ꓟ ꓘꓴꓽ ꓗꓪ ꓚꓬꓼˍ ꓡ꓾ ꓐꓯ ꓟ ꓔꓯ ꓓꓵꓽ ꓙ ꓠꓬꓲ ꓡꓯ