Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
ꓡ-ꓢ-ꓣꓴ ꓔꓯ ꓢꓯꓸ ꓬꓲꓼ ꓡ ꓝꓲˍ ꓟ
Wednesday, July 28, 2021
ꓟ-ꓕ ꓐꓰ ꓟ-ꓡꓲ ꓬꓲ ꓪꓽ ꓠꓬꓲ ꓤ ꓫꓵꓻ ꓟ ꓑꓶ ꓓꓴ꓾ ꓬꓴ-ꓔ ꓡ ꓞꓳ ꓮꓽ ꓟꓬꓹ ꓠꓬ ꓬꓲ ꓪꓽ ꓔꓯ ꓠꓲꓹ ꓟ ꓗꓴ ꓖꓶ ꓠꓹ ꓟ ꓡ ꓡꓳ꓿ꓬꓰ-ꓢꓴ ꓡꓻˍ ꓟ ꓔꓯ ꓟ-ꓕ ꓑ ꓙꓽ ꓠꓬ ꓬꓲ ꓓꓳ ꓙꓰ ꓢꓲ ꓞꓵ ꓬꓰˍ ꓡꓳ꓿ ꓟ-ꓡꓲ ꓠꓽ ꓦꓲ ꓗꓪ ꓠꓬꓲꓸ ꓠꓸ ꓔꓬ ꓢꓰꓽ ꓡꓳ꓿ꓖꓳ ꓡꓱ ꓢꓲ ꓟ-ꓕ ꓡꓰ ꓬꓰ-ꓢꓴ ꓔꓯ꓾ ꓢꓲ ꓒꓽꓳ꓾ ꓠꓴ ꓕꓻ ꓔꓬ ꓐꓷˍ ꓠꓬ ꓥꓪ ꓠꓬꓲ ꓤ ꓟꓽ ꓫꓵꓻ ꓡꓳ ꓫꓵꓽ ꓥꓳ꓿ꓖꓳ ꓡꓱ ꓢꓲ ꓮ ꓟꓶˍ ꓟꓲ ꓪꓴ-ꓢ ꓔꓯ ꓠꓴ ꓮꓸ ꓫꓵ ꓓꓰꓽˍ ꓟꓲ ꓪꓴ-ꓢ ꓡꓰ ꓠꓴ ꓔꓯ ꓖꓶ ꓡ ꓟ ꓥꓪ ꓢꓷˍ ꓡꓳ꓾ ꓐꓯˍ ꓡꓳ꓿ꓬꓰ-ꓢꓴ ꓡꓰ ꓬꓲ ꓔꓯ꓾ ꓠꓴ ꓠꓬꓲ ꓤ ꓠꓬ ꓢꓯꓸ ꓬꓲꓼ ꓡ ꓢꓰ ꓥꓳ꓾ ꓐꓯ ꓖꓶˍ ꓡꓳ꓿ꓟ-ꓕ ꓡꓰ ꓬꓲ ꓔꓯ꓾ ꓥꓳ꓾ ꓡꓳꓹ ꓬꓰˍ ꓟ ꓦꓬꓼ ꓠꓬꓲ ꓗꓪ ꓬꓲ ꓝꓮꓲ ꓢꓯꓸ ꓬꓲꓼ ꓡ ꓟ ꓥꓪ ꓢꓷˍ ꓡꓳ꓾ ꓐꓯˍ ꓕꓯ꓾ꓬꓰ-ꓢꓴ ꓡꓰ ꓬꓲ ꓔꓯ꓾ ꓥꓪ ꓠꓽ ꓢꓯꓸ ꓬꓲꓼ ꓡ ꓟ ꓐꓰ ꓢꓯꓼ ꓟꓬ ꓥ ꓡꓳ꓿ ꓥꓪ ꓔꓯ ꓙꓵꓻ ꓢꓴ ꓠꓬ ꓫꓵꓻˍ ꓟꓲ ꓢꓯꓸ ꓬꓲꓼ ꓡ ꓢꓰꓽ ꓥꓳ꓿ꓢꓯꓸ ꓔꓬ ꓢꓲ ꓥꓪ ꓔꓯ ꓙꓵꓻ ꓢꓴ ꓥ ꓕ ꓑꓳ ꓠꓬ ꓕꓲ ꓞꓲꓼ ꓟꓽ ꓫꓵ꓿ ꓕꓱ ꓟ ꓔꓯ ꓠꓴ ꓙꓵꓻˍ ꓡ?꓾ ꓐꓯˍ ꓡꓳ꓿ꓟ-ꓕ ꓡꓰ ꓬꓲ ꓔꓯ꓾ ꓢꓲ ꓒꓽꓳ꓾ ꓥ ꓡꓳ꓾ ꓠꓴ ꓠꓽ ꓟꓲ ꓠꓯ ꓗꓪ ꓡ ꓠꓹ ꓟ ꓪꓴ-ꓢ ꓮ ꓐꓲ ꓙꓲ-ꓢꓴ ꓖꓳ ꓕꓲ ꓣꓳ ꓥ ꓟ ꓥꓪ ꓙꓵꓻ ꓗꓷꓳ꓾ ꓐꓯˍ ꓡꓳ꓿
Subscribe
Sign up to our newsletter and get latest news and updates straight to your inbox!
Download RVA App
Add new comment