ꓢꓲꓹ ꓜꓲ ꓠꓬꓲꓽ ꓫꓵꓽ ꓟꓸ ꓟꓲꓽ

ꓠꓴ ꓪꓽ ꓠꓬ ꓟꓽ ꓔꓱꓹ ꓟ ꓟꓷꓽ ꓠꓷꓹ ꓝꓸ ꓢꓴ ꓔꓯ ꓤ ꓟꓳ꓿ ꓬꓲ ꓪꓽ ꓠꓬ ꓕꓯꓽ ꓢꓲ ꓗꓪ ꓮ ꓣꓳ ꓙꓲꓻ ꓘꓳꓹ ꓔ ꓢꓲ ꓠꓴ ꓪꓽ ꓔꓯ ꓡꓻˍ ꓟꓲ꓾ ꓠꓯꓸꓼ ꓗꓪ ꓠꓽ ꓪꓳꓹˍ ꓟ ꓪꓰ ꓕꓳꓹ ꓥ ꓡꓳ꓿ ꓬꓲ ꓪꓽ ꓬꓰˍ ꓟ ꓟꓬꓱꓽ ꓗꓪ ꓐꓰ ꓬꓲ ꓪꓽ ꓔꓯ ꓠꓴ ꓪꓽ ꓢꓷꓸˍ ꓥꓳ꓿ ꓛꓴꓽ ꓑꓳ ꓗꓪ ꓛꓱꓼ ꓡꓱ ꓢꓶ ꓧꓼ ꓟꓶˍ ꓡ? ꓛꓴꓽ ꓟꓳꓼ ꓗꓪ ꓘꓶꓽ ꓢꓶꓽ ꓧꓼ ꓟꓶˍ ꓡ? ꓙꓲꓻˍ ꓟ ꓢꓲꓹ ꓜꓲ ꓮꓽ ꓙꓵ ꓠꓬ ꓙꓲꓻˍ ꓟ ꓢꓶꓹ ꓢꓶ ꓓꓱꓼˍ ꓡꓳ꓿ ꓟꓽ ꓙꓲ ꓟ ꓢꓲꓹ ꓜꓲ ꓠꓽ ꓟꓽ ꓙꓲ ꓟ ꓢꓶꓹ ꓢꓶ ꓓꓱꓼˍ ꓡꓳ꓿ ꓙꓲꓻˍ ꓟ ꓢꓲꓹ ꓜꓲ ꓠꓬ ꓟꓽ ꓙꓲ ꓟ ꓢꓶꓹ ꓢꓶ ꓓꓱꓼ ꓟꓽ ꓗꓴ꓿ ꓟꓽ ꓙꓲ ꓟ ꓢꓲꓹ ꓜꓲˍ ꓟꓲ ꓙꓲꓻˍ ꓟ ꓢꓶꓹ ꓢꓶ ꓓꓱꓼ ꓟꓽ ꓗꓴꓸ꓿ ꓙꓲꓻˍ ꓟ ꓢꓶꓹ ꓢꓶ ꓟꓽ ꓓꓱꓼˍ ꓟ ꓢꓲꓹ ꓜꓲ ꓮꓽ ꓙꓵ ꓔꓯ ꓠꓬ ꓘꓷꓹ ꓩꓴ ꓗꓷ ꓢꓲ ꓮꓸ ꓔꓳ ꓗꓪ ꓡꓳ ꓧꓳꓽ ꓗꓷˍ ꓥꓳ꓿ ꓖꓳ ꓡꓱ ꓠꓬꓲ ꓬꓲ ꓪꓽ ꓬꓰˍ ꓟ ꓟꓬꓱꓽ ꓗꓪ ꓐꓰ ꓬꓲ ꓪꓽ ꓔꓯ ꓠꓴ ꓪꓽ ꓢꓷꓸˍ ꓥꓳ꓿