ꓢꓲꓺ ꓒ ꓬꓰ‐ꓢꓴ ꓡꓰ ꓙꓵ ꓗ. ꓟ. ꓒ ꓐꓴ ꓔꓯ ꓟ. ꓖꓶ ꓟ (Sunay reflection)

#rvalisu #King of King #Jesus

Monday, January 22, 2024

ꓢꓲꓺ ꓒ ꓬꓰ‐ꓢꓴ ꓡꓰ ꓙꓵ ꓗ. ꓟ. ꓒ ꓐꓴ ꓔꓯ ꓟ. ꓖꓶ ꓟ (Daily reflection)

ꓠꓬꓲ. ꓠꓬꓲ ꓢꓲꓽ ꓫꓬ ꓕꓳ ꓶ ꓗꓪ ꓐꓰ ꓢꓲꓺ ꓒ ꓬꓰ‐ꓢꓴ ꓠꓬ ꓬꓲ ꓢꓷ. ꓡꓲ ꓓꓴ ꓐꓰ ꓠꓵꓻ ꓠꓲ, ꓔꓯ ꓙꓵꓻ ꓢꓲ ꓠꓬꓲ ꓢꓲꓺ ꓒ ꓗ. ꓠꓯ ꓛꓳ ꓠ, ꓟ ꓐꓯ ꓔ ꓟ ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓟ ꓚꓱ, ꓔꓯ ꓙꓵꓽ ꓗ ꓟ. ꓒ ꓐꓴ ꓐꓰ ꓑ ꓡꓲ‐ꓢꓷ ꓐꓴ ꓠꓬ ꓘꓴ ꓣꓴ ꓟꓽ ꓐ ꓡ꓿ ꓖꓳ ꓟ ꓡꓰ ꓟ. ꓞꓲ ꓢꓲꓺ ꓒ ꓬꓰ‐ꓢꓴ ꓟ. ꓒ ꓚꓺ ꓟ ꓙꓵꓽ ꓗꓪ ꓗꓴꓷꓼ ꓙꓵꓽ ꓢꓴ ꓐꓴ ꓥ ꓟꓲ ꓬꓲ ꓪ ꓠꓲ, ꓟ ꓒꓳ, ꓡꓶꓽ ꓢꓲ ꓟꓽ ꓓꓴ ꓙ ꓟ ꓥ ꓡꓳ꓿

ꓖꓳ ꓡꓰ ꓟ ꓞꓲ ꓢꓲꓺ ꓒ ꓬꓰ‐ꓢꓴ ꓠꓬ ꓠꓬ ꓢ‐ꓓꓯ ꓗ. ꓠꓯ ꓛꓳ ꓔꓬ ꓐꓰ ꓬꓲ ꓪ ꓙꓵꓽ ꓔꓬ ꓟ ꓥ ꓡꓳ꓿

ꓢꓲꓺ ꓒ ꓬꓰ‐ꓢꓴ ꓡꓰ ꓠꓬꓲ. ꓠꓬꓲ ꓢꓲꓺ ꓒ ꓕꓳ ꓶ ꓗꓪ ꓐꓰ ꓝꓴꓲ ꓗꓪ ꓐꓰ ꓓꓵ ꓙ ꓒꓳ, ꓡꓶꓽ ꓡ ꓢꓲ ꓠꓬꓲ ꓪꓴ‐ꓢ ꓔꓯ ꓙꓵꓻ ꓠ, ꓟ ꓟ. ꓖꓶ ꓡ ꓟ ꓥ ꓡꓳ꓿ ꓣꓳ ꓬꓰ ꓛꓬ ꓗꓷ ꓟ ꓝꓴꓲ ꓔꓯ ꓓꓵ ꓙ ꓢꓲ ꓠꓬꓲ ꓢꓲꓺ ꓒ ꓗ. ꓠꓯ ꓛꓳ ꓠ, ꓟ ꓢꓲꓺ ꓒ ꓠꓯ ꓗꓪ ꓡ ꓠ, ꓟ ꓘꓴ ꓔꓬ ꓟ ꓥ ꓡꓳ꓿

ꓢꓲꓺ ꓒ ꓬꓰ‐ꓢꓴ ꓡꓰ ꓙ ꓣꓳ ꓟ ꓠꓲ, ꓟ ꓗꓪ ꓐꓰ ꓶꓻ ꓓꓰꓽ ꓢꓲ ꓠꓬꓲ ꓬꓰ ꓐꓰ ꓕꓲ ꓪ ꓣꓳ ꓤꓶꓻ ꓗꓪ ꓛꓳ ꓫꓱ, ꓠ, ꓟ ꓠꓬꓲ. ꓠꓬꓲ ꓗꓪ ꓠꓴ ꓥꓪ ꓔꓯ ꓟ. ꓖꓶ ꓡ ꓟ ꓥ ꓡꓳ꓿ ꓢꓲꓺ ꓒ ꓔꓯ ꓧꓪ ꓓꓴ ꓬꓰ ꓡꓯ꓿ ꓢꓲꓺ ꓒ ꓗ. ꓠꓯ ꓛꓳ ꓓꓴ ꓬꓰ ꓡꓯ꓿