ꓢꓲꓽ ꓫꓬ ꓕꓳ ꓶ ꓔꓱ ꓕˍ ꓟ (Sunday reflection)

ꓬꓰ-ꓢꓴ ꓬꓲ ꓝꓲ ꓓꓴ ꓐꓴ  ꓔꓯ ꓟꓸ ꓖꓶˍ ꓟ 

ꓪꓴ‐ ꓢ ꓐꓯ ꓘꓶꓽ  ꓔꓱ ꓕ ꓠꓬꓲˍ ꓟ

ꓡꓴ‐ꓘ ꓕꓳ ꓶ 58‐60

 ꓬꓰ-ꓢꓴ ꓡꓰ ꓬꓲ ꓔꓯ꓾ ꓪꓴꓸ ꓓꓵꓽ ꓠꓬ ꓬꓲ ꓘꓴꓻ ꓙꓳˍ ꓡꓳ꓿ ꓟꓵꓽ ꓪꓴꓽ ꓗꓪ ꓟ ꓠꓬꓹ ꓤˍ ꓟꓲ ꓬꓲ ꓘꓶꓻ ꓙꓳˍ ꓡꓳ꓿ ꓖꓳ ꓡꓱ ꓥ ꓟꓲ ꓡ-ꓞꓳ-ꓮ-ꓐꓲ ꓠꓽ ꓪꓴꓸ ꓓꓵ ꓗꓳꓺ ꓖꓴˍ ꓟꓲ ꓟꓽ ꓙꓳ꓾ ꓐꓯ ꓖꓶˍ ꓡꓳ꓿ 59 ꓬꓲ ꓡꓰ ꓝꓮꓲ ꓕꓲ ꓣꓳ ꓔꓯ꓾ ꓥꓪ ꓔꓯ ꓛꓳ ꓡꓯ꓾ ꓐꓯ ꓖꓶˍ ꓕꓯ꓾ ꓬꓲ ꓠꓬ꓾ ꓢꓲ ꓒꓽꓳ꓾ ꓥꓪ ꓐꓹ ꓐ ꓫꓵꓻ ꓟꓳꓻ ꓔꓯ ꓧꓶꓸ ꓕꓯ ꓔꓵꓸ ꓬꓰ ꓝꓲ ꓡꓯ꓾ ꓐꓯˍ ꓡꓳ꓿ 60 ꓬꓲ ꓠꓽ ꓬꓲ ꓔꓯ꓾ ꓞꓳ ꓫꓵꓻ ꓔꓯ ꓠꓬ ꓫꓵꓻ ꓞꓹ ꓢꓴ ꓐꓴ ꓡꓰ ꓔꓵꓸ ꓝꓲ꓿ ꓠꓴ ꓠꓽ ꓪꓴ-ꓢ ꓗꓴꓷꓼ ꓚ ꓒꓬꓱ ꓙꓰ꓾ ꓐꓯ ꓖꓶˍ ꓡꓳ꓿ 

ꓢꓲꓺ ꓒ ꓬꓰ‐ꓢꓴ ꓡꓰ  ꓐꓯ ꓟ. ꓖꓶ ꓟ ꓪꓴ‐ꓢ ꓐꓯ ꓘꓶ. ꓚꓺ ꓟ ꓖꓶ ꓠ, ꓟ ꓪꓴ‐ꓢ ꓟꓬꓱꓽ ꓬꓰ ꓢꓴ ꓐꓴ ꓫ. ꓓꓴ ꓮ ꓡꓰ ꓔꓳ, ꓜꓳ ꓡ ꓟ ꓚꓱ, ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓠꓬ ꓪꓴ‐ꓢ ꓟꓬꓱꓽ ꓟꓯ ꓢꓴ ꓔꓯ ꓫ. ꓓꓴ ꓟꓷꓼ ꓓꓴ ꓔꓳ, ꓜꓳ ꓡ ꓟ ꓚꓱ, ꓗꓪ ꓪꓴ‐ꓢ ꓔꓯ ꓪꓽ ꓘꓴ ꓠ, ꓟ ꓟ. ꓖꓶ ꓟ ꓥ ꓡꓳ꓿ ꓪꓴ‐ꓢ ꓟꓬꓱꓽ ꓬꓰ ꓠ, ꓟ ꓓꓴ ꓙ ꓔ ꓢꓴ ꓠꓬ ꓟꓲ ꓠꓯ ꓗꓪ ꓙꓳˍ ꓟ ꓥ ꓔ ꓐꓳ ꓔ ꓡꓳꓺ ꓔ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓬꓰ ꓠ, ꓟ ꓢꓲꓺ ꓒ ꓬꓰ‐ꓢꓴ ꓐꓯ ꓟ. ꓖꓶ ꓟ ꓥ ꓡꓳ꓿ ꓕꓱ ꓡꓱ ꓐꓰ ꓪꓴ‐ꓢ ꓟꓬꓱꓽ ꓗꓪ ꓢꓯꓼ ꓕꓵꓼ ꓢꓴ ꓔꓯ ꓢꓲꓺ ꓒ ꓬꓰ‐ꓢꓴ ꓡꓰ ꓡꓳ. ꓙ ꓔ ꓙ ꓢꓲ ꓠꓬꓲ ꓜꓽ ꓓꓴ ꓓꓳꓻ ꓓꓴ ꓔꓯ ꓢꓲꓺ ꓒ ꓡꓰ ꓖꓶ ꓡ ꓟ ꓥ ꓡꓳ꓿ ꓣꓳꓽ ꓢꓲꓺ ꓒ ꓔꓯ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓪꓽ ꓘꓴ ꓢꓲ ꓠꓬꓲ ꓛꓳ ꓫꓱ ꓕꓯ ꓢꓲꓺ ꓒ ꓡꓰ ꓖꓶ ꓡ ꓟ ꓶꓽ ꓤ ꓫꓱ ꓤ ꓮ ꓟꓬ ꓞꓳ ꓣꓴ ꓟꓶ ꓓꓴ ꓥꓳ꓿ ꓫ. ꓟꓳ ꓪ꓿