ꓢꓲꓽ ꓫꓬ ꓕꓳ ꓶ ꓔꓱ ꓕˍ ꓟ (Sunday reflection)

ꓙꓲˍ ꓟ ꓢ‐ꓟ‐ꓡꓲ ꓡꓽ ꓞꓳ ꓔꓯ ꓥꓳꓽ

 ꓖꓳ ꓡꓱ ꓥ ꓟꓲ ꓓꓴꓻ ꓓꓳ ꓢꓴ ꓢ-ꓟ-ꓡꓲ ꓡꓽ ꓞꓳ ꓕꓲ ꓣꓳ ꓖꓳ ꓗꓪ ꓛꓲ ꓡ ꓢꓲ ꓬꓲ ꓔꓯ ꓟꓳꓻ ꓗꓷ ꓠꓬ꓾ ꓬꓲ ꓔꓯ ꓫꓱꓸ ꓤ ꓔꓴ ꓡ ꓡꓳ꓿ 34 ꓬꓲ ꓠꓬ ꓬꓲ ꓔꓯ ꓡ ꓢꓲ꓾ ꓬꓲ ꓠꓻ ꓓꓴ ꓗꓪ ꓮꓽ ꓛꓬꓽ ꓞꓶˍ ꓐꓰ ꓛꓱꓼ ꓡꓱꓼ ꓙꓵ ꓟꓰꓺ ꓖꓶ ꓢꓲ ꓠꓬꓲ ꓬꓲ ꓜꓶꓻ ꓕꓱꓹ ꓖꓶˍ ꓡꓳ꓿ ꓝꓮꓲ ꓠꓬ ꓬꓲ ꓚꓲꓸ ꓛꓬ ꓕꓳ-ꓡ-ꓟꓴꓽ ꓕꓯꓽ ꓢꓲ ꓜꓶꓽ ꓝꓲ ꓢꓲ꓾ ꓪꓰꓻ ꓤ ꓦꓲ ꓗꓪ ꓧꓳꓽ ꓔꓯꓹ ꓙꓰ ꓢꓲ ꓠꓬꓲ ꓬꓲ ꓔꓯ ꓣꓱꓽ ꓙˍ ꓡꓳ꓿ 35 ꓗꓸ ꓠꓯꓸ ꓕꓲ ꓠꓬꓲ ꓠꓬ꓾ ꓓꓲ-ꓠ-ꓣꓲ ꓠꓬꓲꓽ ꓒꓯꓼ ꓣꓴ ꓓꓳ ꓡ ꓢꓲ ꓪꓰꓻ ꓤ ꓦꓲ ꓢꓲ ꓒꓽ ꓔꓯ ꓖꓶ ꓢꓲ ꓠꓬꓲ꓾ ꓠꓴ ꓬꓲ ꓔꓯ ꓡꓳꓸ ꓙ ꓠꓬꓲ ꓙ꓿ ꓕꓱ ꓟ ꓕꓯꓽ ꓢꓲ ꓬꓲ ꓑꓶꓸ ꓓꓴ ꓠꓴ ꓮꓸ ꓫꓵ ꓣꓱꓽ ꓗꓷˍ ꓟꓲ꓾ ꓥꓪ ꓬꓲꓼ ꓡ ꓕꓯ ꓠꓴ ꓔꓯ ꓚꓱꓹ ꓖꓶˍ ꓥꓳ꓾ ꓐꓯ ꓖꓶˍ ꓡꓳ꓿ 36 ꓠꓴ ꓓꓵꓽ ꓙ ꓠꓬꓲ꓾ ꓡꓽ ꓞꓳ ꓕꓱ ꓢ ꓣꓳ ꓟ ꓗꓪ ꓐꓰ ꓒꓬꓹ ꓜ ꓢꓴ ꓔꓯ ꓔꓳꓹ ꓜꓳ ꓢꓴ ꓬꓲ ꓠꓶꓽ ꓛꓳ ꓕꓲꓺ ꓛꓳ ꓒꓬꓱꓼ ꓡ ꓟ ꓠꓬ ꓮ ꓡꓲ ꓕꓲ ꓣꓳ ꓥ ꓡ?꓾ ꓐꓰ ꓠ ꓠꓬꓲˍ ꓡꓳ꓿ 37 ꓙꓵꓽ ꓗ ꓒ ꓡꓰ꓾ ꓬꓲ ꓔꓯ ꓫꓱꓸ ꓤ ꓢꓴ ꓖꓳ ꓕꓲ ꓣꓳ ꓟ ꓥꓳ꓾ ꓐꓰ ꓒꓳꓹ ꓖꓶˍ ꓡꓳ꓿ ꓖꓳ ꓕꓯ ꓬꓰ-ꓢꓴ ꓡꓰ ꓬꓲ ꓔꓯ꓾ ꓠꓴˍ ꓟꓲ ꓖꓳ ꓕꓲ ꓣꓳ ꓟ ꓡꓰ ꓐꓰ ꓬꓰ ꓙꓰ꓾ ꓐꓯ ꓖꓶˍ ꓡꓳ=

ꓢꓲ‐ꓒ ꓬꓰ‐ꓢꓴ ꓠꓬ ꓟꓲ ꓠꓯ ꓡ ꓞꓳ ꓔꓯ ꓮ ꓡꓰ ꓐꓰ ꓞꓳ ꓙꓳ ꓢꓯ. ꓔꓬ ꓠ, ꓟ ꓟ. ꓖꓶ ꓟ ꓥ ꓡꓳ꓿ ꓣꓳ ꓕꓲꓽ ꓣꓳ ꓛꓳ ꓕꓲ ꓣꓳ ꓠꓲꓻ ꓠꓵ ꓡꓯ ꓘꓳ ꓠ, ꓟ ꓢꓲ‐ꓒ ꓬꓰ‐ꓢꓴ ꓡꓰ ꓟ. ꓖꓶ ꓔ ꓟ ꓥ ꓡꓳ꓿ ꓢꓲꓽ ꓫꓬ ꓕꓳ ꓶ ꓗꓪ ꓢ‐ꓟ‐ꓡꓲ ꓡ ꓞꓳ ꓠꓬ ꓫ. ꓔꓬ ꓢꓴ ꓡ ꓞꓳ ꓔꓯ ꓡꓳ. ꓟꓳ ꓪ ꓕꓯ ꓬꓲ. ꓠꓯ ꓗꓪ ꓙꓳ ꓟ ꓒꓴ ꓫꓵˍ ꓔꓯ ꓣꓱ ꓢꓲ ꓠꓬꓲ ꓬꓰ ꓙ ꓔꓳ ꓙ ꓗꓷꓳ ꓟ ꓔꓯ ꓡꓳ ꓟꓳ. ꓪ ꓡꓳ꓿ ꓖꓳ ꓟ ꓡꓰ ꓐꓰ ꓢꓲ‐ꓒ ꓬꓰ‐ꓢꓴ ꓠꓬ ꓣꓳ ꓙꓵꓻ ꓢꓴ ꓢꓲꓺ ꓤ ꓐꓴ ꓔꓯ ꓫ. ꓢꓴ ꓟꓷꓼ ꓢꓴ ꓔꓯ ꓮ ꓡꓰ ꓐꓰ ꓬꓰ ꓙ ꓠ, ꓟ ꓐꓰ ꓟꓲ ꓠꓯ ꓗꓪ ꓮ ꓡꓰ ꓞꓳ ꓙꓳ ꓢꓯ.ꓔꓬ ꓟ ꓠ, ꓮ ꓟꓬ ꓫꓵꓽ ꓟ. ꓖꓶ ꓟ ꓥ ꓡꓳ꓿ ꓢꓲ‐ꓒ ꓬꓰ‐ꓢꓴ ꓡꓰ ꓟ. ꓖꓶ ꓔ ꓡꓰ ꓐꓰ ꓢꓯꓼ ꓕꓵꓼ ꓢꓲ ꓠꓬꓲ ꓞꓳ ꓙꓳ ꓢꓯ. ꓔꓬ ꓓꓴ ꓬꓰ ꓡꓯ ꓫ. ꓟꓳ ꓪ꓿