ꓢꓲꓽ ꓫꓬ ꓕꓳ ꓶ ꓔꓱ ꓕˍ ꓟ (Sunday reflection)

ꓜꓽ ꓓꓴ ꓖꓪꓽ ꓓꓴ ꓔꓯ ꓟꓳ. ꓕꓽ ꓙꓽ ꓫ. ꓠꓯ, ꓟ 

ꓡꓴ‐ꓘ ꓕꓳ ꓶ 12ꓽ 32‐34 ꓗꓪ ꓛꓲ ꓔꓱ ꓕ ꓠꓬꓲˍ ꓟ 

ꓮ ꓣꓳ ꓜꓴ ꓤꓽꓳ꓾ ꓕꓽ ꓙꓳ꓿ ꓮ ꓡꓲꓳ ꓐꓯ ꓠꓬ ꓠꓴ ꓪꓽ ꓐꓹ ꓐ ꓠꓽ ꓬꓲ ꓗꓴꓷꓼ ꓠꓴ ꓪꓽ ꓔꓯ ꓖꓶ ꓠꓲꓹ ꓒꓴˍ ꓡꓳ꓿ 33 ꓠꓴ ꓪꓽ ꓙꓳˍ ꓟ ꓪꓴꓽ ꓗꓷ ꓢꓲ ꓞꓳ ꓫꓸ ꓔꓯ ꓖꓶ꓿ ꓠꓴ ꓪꓽ ꓚꓲꓸ ꓛꓬ ꓐꓱ ꓶ ꓐꓰꓽ ꓡꓰ ꓟꓽ ꓓ ꓟ ꓒꓴꓻ ꓗꓶ ꓓꓴ ꓙꓽ ꓖꓶ ꓔ꓿ ꓟꓴꓽ ꓗꓪ ꓕꓯꓽ ꓢꓲ ꓗꓪ ꓣꓱꓽ ꓖꓴ ꓟꓽ ꓓ ꓠ ꓛꓲ ꓒꓵꓽ ꓶꓽ ꓫ ꓗꓶ ꓔ꓿ ꓖꓳ ꓗꓪ ꓠꓬ ꓞꓳ ꓘꓴꓽˍ ꓟꓲ ꓟꓽ ꓘꓴꓽ ꓡ꓿ ꓧꓪꓽ ꓟꓵ ꓐꓴꓽ ꓡꓴꓹˍ ꓟꓲ ꓟꓽ ꓜꓰꓼ ꓡ꓿ 34 ꓮ ꓡꓲꓳ ꓐꓯ ꓠꓬ ꓠꓴ ꓪꓽ ꓒꓵꓽ ꓶꓽ ꓮ ꓡꓲ ꓗꓪ ꓓꓹ ꓠꓬ꓾ ꓠꓴ ꓪꓽ ꓠꓲꓹ ꓟˍ ꓟꓲ ꓖꓳ ꓗꓪ ꓓꓹ ꓥꓳ꓾ ꓐꓯˍ ꓡꓳ꓿

ꓢꓲꓺ ꓒ ꓬꓰ‐ꓢꓴ ꓡꓰ ꓬꓲ. ꓮ ꓣꓳ ꓜꓴꓻ ꓔꓯ ꓟꓲ ꓠꓯ ꓗꓪ ꓮ ꓡꓰ ꓐꓰ ꓞꓳ ꓙꓳ ꓢꓯ. ꓔꓬ ꓟ ꓠ, ꓟ. ꓖꓶ ꓟ ꓚꓱ, ꓥ ꓡꓳ꓿  ꓢꓲꓺ ꓒ ꓬꓰ‐ꓢꓴ ꓠꓬ ꓟꓴ ꓗꓪ ꓗꓴꓷꓼ ꓗꓪ ꓛꓲ ꓬꓰ ꓠ, ꓟ  ꓟꓲ ꓠꓯ ꓗꓪ ꓢꓯ. ꓔꓬ ꓟ ꓙꓵ, ꓗꓪ ꓣꓳ ꓛꓳ ꓒꓯ ꓔꓯ ꓮ ꓡꓰ ꓬꓰ ꓙ ꓠ, ꓟ ꓟ. ꓖꓶ ꓟ ꓥ ꓡꓳ꓿ ꓟꓲ ꓠꓯ ꓗꓪ ꓢꓯ. ꓔꓬ ꓟ ꓙꓵ, ꓕꓯ ꓣꓳ ꓬꓰ ꓠ, ꓟ ꓐꓰ ꓪꓴ‐ꓢ ꓗꓴꓷꓼ ꓗꓪ ꓛꓲ ꓬꓰ ꓠ, ꓟ ꓣꓳ ꓐꓴ ꓮ ꓡꓲ ꓞꓳ ꓙꓳ ꓚꓱ, ꓔꓯ ꓟ. ꓖꓶ ꓟ ꓥ ꓡꓳ꓿ ꓣꓳ ꓟꓲ ꓠꓯ ꓡ ꓞꓳ ꓐꓴ ꓠꓬ ꓣꓳ ꓠꓯ, ꓗꓪ ꓙꓳ ꓟ ꓒꓴ ꓫꓵ ꓔꓯ ꓮ ꓡꓰ ꓐꓰ ꓟꓬꓱꓽ ꓬꓰ ꓠ, ꓟ ꓓꓴ ꓙ ꓗꓴ ꓢꓴ ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓠꓬ ꓣꓳ ꓟꓲ ꓠꓯ ꓗꓪ ꓢꓯ. ꓔꓬ ꓔꓯ ꓣꓳ ꓘꓳˍ ꓣꓴ ꓟꓶ ꓟ ꓣꓱ ꓛꓰ ꓔꓯ ꓪꓴ‐ꓢ ꓠꓲ, ꓒꓴ. ꓟ ꓚꓱ, ꓗꓪ ꓟꓬꓱꓽ ꓬꓰ ꓠ, ꓟ ꓐꓰ ꓜꓽ ꓓꓴ ꓟꓽ ꓙꓳ ꓢꓴ ꓔꓯ ꓬꓰ ꓙ ꓔꓳ ꓙ ꓠ, ꓟ ꓣꓳ ꓔꓯ ꓟ. ꓖꓶ ꓟ ꓥ ꓡꓳ꓿ ꓣꓳ ꓢꓯ. ꓔꓬ ꓟ ꓙꓵ, ꓗꓪ ꓢꓲꓺ ꓒ ꓠꓲ, ꓒꓵ ꓟ ꓚꓱ, ꓗꓪ ꓞꓳ ꓙꓳ ꓢꓯ. ꓔꓬ ꓠꓬ ꓢꓲꓺ ꓒ ꓬꓰ‐ꓢꓴ ꓟꓲ ꓠꓯ ꓗꓪ ꓬꓲꓼ ꓡ ꓟ ꓙꓵ, ꓗꓪ ꓣꓳ ꓔꓯ ꓟꓴ ꓗꓪ ꓗꓴꓷꓼ ꓗꓪ ꓣꓳ ꓛꓲ ꓓꓯ ꓙꓰ ꓡ ꓓꓴ ꓥꓳ꓿ ꓢꓲꓺ ꓒ ꓠꓲ, ꓒꓴ ꓟ ꓚꓱ, ꓗꓪ ꓞꓳ ꓫꓱ ꓓꓴ ꓬꓰ ꓡꓯ ꓫ. ꓟꓳ ꓪ꓿

Add new comment

3 + 12 =