ꓢꓲꓽ ꓫꓬ ꓕꓳ ꓶ ꓔꓱ ꓕˍ ꓟ (Sunday reflection)

ꓬꓰ‐ꓢꓴ ꓗꓪ ꓐꓰ ꓬꓲ ꓗꓪꓺ ꓗꓪ ꓡꓰ ꓟ 

ꓡꓴ‐ꓘ 12ꓽ 49‐53

ꓥꓪ ꓠꓬ ꓟꓲ ꓠꓯ ꓗꓪ ꓮꓸ ꓔꓳ ꓔꓯꓹ ꓧꓳꓽˍ ꓐꓰ ꓡꓻ ꓟ ꓥ ꓢꓲ꓾ ꓮ ꓟꓶˍ ꓡꓰ ꓐꓬꓻ ꓔꓴ ꓡ ꓕꓯ ꓠꓽ ꓥꓪ ꓮꓽ ꓘꓶꓸ ꓠꓲꓹ ꓒꓴˍ ꓡꓳ ꓫꓵꓽ ꓥ ꓡꓳ꓿ 50 ꓖꓳ ꓡꓱ ꓥ ꓟꓲ ꓥꓪ ꓔꓯ ꓔꓲꓹ ꓠꓯꓹ ꓟ ꓔꓲꓹ ꓓꓴ ꓕꓲ ꓫꓵꓽ ꓔꓯ ꓥꓪ ꓗꓳꓸ ꓬꓯꓼ ꓠ ꓗꓹ ꓢꓰꓽ ꓡꓳ꓿ ꓕꓱ ꓟ ꓟꓽ ꓒꓬꓱꓼ ꓡ ꓕ ꓑꓳꓸ ꓥꓪ ꓔꓯ ꓮꓽ ꓘꓶꓸ ꓠꓬꓲꓸ ꓞꓹ ꓡꓳ꓿ 51 ꓥꓪ ꓡꓻ ꓟ ꓠꓬ ꓟꓲ ꓠꓯ ꓔꓯ ꓢꓲ ꓡꓲ ꓡꓰ ꓝꓲ ꓠꓹ ꓟ ꓥꓳ꓾ ꓐꓰ ꓓꓵꓽ ꓙˍ ꓡ? ꓠꓴ ꓪꓽ ꓔꓯ ꓐꓯ ꓖꓶˍ ꓠꓬꓲ꓾ ꓟꓽ ꓥ꓿ ꓥꓪ ꓠꓬ ꓢꓴ ꓔꓯ ꓐꓱꓻ ꓡꓯꓽ ꓘꓳ ꓝꓲ ꓠꓹ ꓟ ꓡ ꓟ ꓥ ꓡꓳ꓿ 52 ꓮ ꓡꓲꓳ ꓐꓯ ꓠꓬ ꓕꓱ ꓡꓱ ꓖꓳ ꓑꓳ꓾ ꓕꓲ ꓦꓲ ꓡꓽ ꓞꓳ ꓥꓪꓽ ꓣꓳ ꓙꓳˍ ꓠꓬ꓾ ꓢ ꓣꓳ ꓟ ꓐꓰ ꓠꓬꓲꓽ ꓣꓳ ꓟ ꓔꓳꓹ ꓡꓯꓽ ꓘꓳˍ ꓟ ꓗꓷ ꓡꓰˍ ꓥꓳ꓿ 53 ꓐꓹ ꓐˍ ꓐꓰ ꓮ ꓐꓲ ꓔꓳꓹ ꓡꓯꓽ ꓘꓳˍ ꓟ꓾ ꓟꓹ ꓟˍ ꓐꓰ ꓮꓸ ꓟꓲꓽ ꓔꓳꓹ ꓡꓯꓽ ꓘꓳˍ ꓟ꓾ ꓟꓹ ꓟ ꓑꓯꓹˍ ꓐꓰ ꓛꓲꓼ ꓟ ꓔꓳꓹ ꓡꓯꓽ ꓘꓳˍ ꓟ ꓙꓳˍ ꓥꓳ꓾ ꓐꓯˍ ꓡꓳ꓿ 

ꓠꓬꓲ. ꓠꓬꓲ ꓗꓪ ꓣꓳ ꓡꓳ. ꓟꓳ ꓗꓷ ꓟ ꓢꓲꓽ ꓫꓬ ꓕꓳ ꓶ ꓗꓪ ꓢꓲꓺ ꓒ ꓬꓰ‐ꓢꓴ ꓬꓲ. ꓟꓲ ꓠꓯ ꓗꓪ ꓬꓲꓼ ꓡ ꓟ ꓠꓬ ꓢꓲ ꓡꓲ ꓟꓶ ꓠ, ꓟ ꓟꓽ ꓥ ꓐꓰ ꓐꓯ ꓖꓶ ꓟ ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓡꓰ ꓐꓯ ꓠꓲ ꓫꓵˍ ꓟ ꓫ. ꓕꓱ ꓘꓶꓽ ꓠꓬ  ꓬꓰ‐ꓢꓴ ꓟꓲ ꓠꓯ ꓗꓪ ꓬꓲꓼ ꓡ ꓟ ꓠꓬ ꓬꓴ‐ꓔ ꓡ ꓞꓳ ꓐꓴ ꓡꓰ ꓪꓴ‐ꓢ ꓗꓴꓷꓼ ꓗꓪ ꓛꓲ ꓬꓰ ꓓꓽ ꓡꓳ ꓐꓰ ꓓꓴ ꓙ ꓟ  ꓥ ꓡꓳ꓿ ꓖꓳ ꓡꓱ ꓥ ꓟꓲ ꓢꓲꓺ ꓒ ꓬꓰ‐ꓢꓴ ꓡꓰ ꓪꓴ‐ꓢ ꓗꓴꓷꓼ ꓗꓪ ꓬꓴ‐ꓔ ꓡ ꓞꓳ ꓡꓰ ꓟ ꓛꓲ ꓠꓱ. ꓐꓯ ꓟꓲ  ꓠꓯ ꓡ ꓞꓳ ꓝꓴꓲ ꓙꓳ ꓢꓴ ꓮ ꓙꓵꓽ ꓥ ꓟꓲ ꓪꓴ‐ꓢ ꓗꓴꓷꓼ ꓗꓪ ꓛꓲ ꓬꓰ ꓓꓽ ꓡꓳ ꓐꓰ ꓐꓯ ꓖꓶ ꓟ ꓥ ꓡꓳ꓿ ꓖꓳꓽ ꓟ ꓠꓬ ꓣꓳ ꓙꓵꓻ ꓠꓲ, ꓙꓳ ꓟ ꓡꓰ ꓟꓽ ꓞꓲ ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓡ ꓟ ꓙꓲꓻ ꓟ ꓟꓬꓱꓽ ꓬꓰ ꓠ, ꓟ ꓟ. ꓖꓶ ꓟ ꓥ ꓡꓳ꓿ ꓪꓴ‐ꓢ ꓠꓲ ꓒꓴ ꓟ ꓟꓬꓱꓽ ꓐꓰ ꓪꓴ‐ꓢ ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓡ ꓟ ꓚꓱ, ꓔꓯ ꓞꓳ ꓫꓱ ꓠ, ꓟ ꓣꓳ ꓔꓯ ꓐꓯ ꓟ. ꓖꓶ ꓡ ꓟ ꓥ ꓡꓳ꓿ ꓪꓴ‐ꓢ ꓠꓯ ꓗꓪ ꓮ ꓕꓯ ꓟꓲ ꓪꓽ ꓘꓴ ꓢꓲ ꓠꓬꓲ ꓢꓯ. ꓔꓬ ꓓꓴ ꓬꓰ ꓡꓯ꓿ ꓫ. ꓟꓳ ꓪ