ꓢꓲꓽ ꓫꓬ ꓕꓳ ꓶ ꓔꓱ ꓕˍ ꓟ (Sunday reflection)

Sunday, November 06, 2022

ꓬꓰ‐ꓢꓴ ꓔꓯ ꓫꓵꓽ ꓠꓬꓲˍ ꓟ 

ꓖꓳ ꓕꓯ ꓬꓰ-ꓢꓴ ꓡꓰ ꓬꓲ ꓪꓽ ꓔꓯ꓾ ꓕꓱ ꓕꓲ ꓡꓶꓸ ꓢꓴ ꓠꓬ ꓤ ꓟꓶꓻ ꓘꓴ ꓠꓬꓲ꓾ ꓮꓸ ꓟꓲꓽ ꓩꓴ ꓠꓬꓲ ꓬꓰˍ ꓡꓳ꓿ 35 ꓖꓳ ꓡꓱ ꓥ ꓟꓲ ꓡ ꓠꓹ ꓟ ꓕꓲ ꓡꓶꓸˍ ꓐꓰ꓾ ꓫꓵꓻ ꓗꓪ ꓐꓰ ꓢꓯꓸ ꓬꓲꓼ ꓡ ꓟ ꓟꓶꓻ ꓒꓵꓽ ꓢꓴ ꓠꓽ꓾ ꓤ ꓟꓶˍ ꓟꓲ ꓟꓽ ꓘꓴ꓾ ꓮꓸ ꓟꓲˍ ꓟꓲ ꓟꓽ ꓩꓴ꓿ 36 ꓮ ꓡꓲꓳ ꓐꓯ ꓠꓬ ꓬꓲ ꓪꓽ ꓠꓽ ꓪꓴ-ꓢ ꓤꓽ ꓐꓴ ꓥ ꓢꓲ꓾ ꓢꓯꓸ ꓬꓲꓼ ꓡ ꓟ ꓔꓯ ꓑꓯꓹ ꓟꓶ ꓢꓴ ꓐꓴ ꓥ ꓢꓲ ꓠꓬꓲ꓾ ꓟꓴꓽ ꓗꓪ ꓝꓲ ꓓꓴ ꓐꓴˍ ꓡꓰ ꓐꓰ ꓗꓹ ꓠꓬꓲ ꓫꓵꓻ ꓟꓽ ꓓ꓿ 37 ꓮ ꓔꓳꓸ ꓐꓬꓻ ꓔꓬ ꓟ ꓢꓲꓹ ꓑꓳ ꓔꓯꓸ ꓟꓳꓸ ꓐꓳ ꓔ ꓟ ꓖꓳ ꓕꓲ ꓔꓳꓸ ꓗꓪ꓾ ꓟꓳ-ꓫꓲˍ ꓟꓲ ꓢꓲ ꓒꓽ ꓔꓯ꓾ ꓮ-ꓐ-ꓡ-ꓦ ꓬꓲ ꓪꓴ-ꓢ꓾ ꓬꓲ-ꓢ ꓬꓲ ꓪꓴ-ꓢ꓾ ꓬ-ꓗꓴ ꓬꓲ ꓪꓴ-ꓢ꓾ ꓐꓰ ꓘꓴ ꓢꓲ ꓫꓵꓻ ꓢꓴ ꓢꓯꓸ ꓬꓲꓼ ꓡ ꓠꓯꓹ ꓟ ꓔꓯꓸ ꓟꓳꓸ ꓐꓯ ꓔ ꓡꓳ꓿ 38 ꓖꓳ ꓡꓱ ꓠꓬꓲ ꓪꓴ-ꓢ ꓠꓬ ꓫꓵꓻ ꓢꓴ ꓐꓴ ꓪꓴ-ꓢ ꓟꓽ ꓥ꓿ ꓢꓯꓸ ꓔꓬ ꓢꓴ ꓐꓴ ꓬꓲ ꓪꓽ ꓪꓴ-ꓢ ꓥ ꓡꓳ꓿ ꓮ ꓡꓲꓳ ꓐꓯ ꓠꓬ ꓬꓲ ꓔꓯꓸ ꓟꓳꓸ ꓠꓽ ꓮꓽ ꓙꓵ ꓡꓱꓸꓼ ꓢꓯꓸ ꓞꓹ ꓟ ꓥ ꓡꓳ꓾ ꓐꓯˍ ꓡꓳ꓿

ꓠꓬꓲ. ꓠꓬꓲ ꓢꓲꓽ ꓫꓬ ꓕꓳꓽ ꓶ ꓗꓪ ꓐꓰ ꓣꓳꓽ ꓔꓯ ꓐꓯ ꓟ.ꓖꓶ ꓡ ꓟ ꓠꓬ ꓪꓴ‐ꓢ ꓠꓬ ꓢꓯ. ꓔꓬ ꓢꓴ ꓐꓴ ꓪꓴ‐ꓢ ꓥ ꓟ꓿ ꓣꓳꓽ ꓟꓲ ꓠꓯ ꓗꓪ ꓢꓯ. ꓔꓬ ꓟ ꓙꓵ, ꓕꓯ ꓪꓴ‐ꓢ ꓠꓲ, ꓒꓴ ꓟ ꓙꓽ ꓖꓴ ꓗꓪ ꓞꓳ ꓫꓱ ꓠ, ꓟ ꓐꓰ ꓢꓯ. ꓬꓲꓼ ꓡ ꓟ ꓚꓱ, ꓔꓯ ꓙꓵꓻ ꓠ, ꓟ ꓥ ꓡꓳ꓿

ꓗꓳ. ꓗꓷ ꓟ ꓙꓵ, ꓕꓯ ꓣꓳ ꓮ ꓡꓰ ꓐꓰ ꓢꓯ. ꓔꓬ ꓗꓷ ꓟ ꓔꓯ ꓓꓴ ꓙ ꓠ, ꓟ ꓐꓰ ꓪꓴ‐ꓢ ꓐꓯ ꓘꓶꓽ ꓔꓯ ꓠ, ꓡꓳ ꓗꓷ ꓡ ꓐꓰ ꓓꓴ ꓙ ꓠ, ꓟ ꓣꓳ ꓔꓯ ꓐꓯ ꓟ. ꓖꓶˍ ꓡ ꓡꓳ꓿ ꓪꓴ‐ꓢ ꓠꓬ ꓣꓳ ꓚꓬꓴ ꓢꓲꓺ ꓒ ꓥ ꓡꓳ ꓐꓰ ꓙꓵꓻ ꓢꓲ ꓠꓬꓲ ꓣꓳ ꓢꓯ. ꓔꓬ ꓟ ꓤꓶ ꓗꓪ ꓪꓴ‐ꓢ ꓐꓯ ꓘꓶꓽ ꓔꓯ ꓠ, ꓡꓳ ꓢꓲ ꓠꓬꓲ ꓞꓳ ꓫꓱ ꓙꓰ ꓡꓯ ꓫ. ꓟꓳ 

Add new comment

13 + 6 =

Quick Links