ꓢꓲꓽ ꓫꓬ ꓦꓲꓻ ꓐꓬ ꓡꓰ ꓠ, ꓟ (Sunday reflection)

ꓢꓲꓽ ꓫꓬ ꓦꓲꓻ ꓐꓬ ꓡ ꓠ, ꓟ 

ꓬꓰ-ꓢꓴ ꓡꓰ꓾ ꓢꓠꓴ ꓪꓽ ꓔꓯ ꓟꓽ ꓧꓳꓽ ꓪꓴꓸ ꓙꓰ ꓠꓹ ꓟ ꓤ ꓟꓳ꓿ ꓮ ꓡꓲꓳ ꓐꓯ ꓠꓬ ꓢ ꓖꓪ ꓠꓽ ꓡꓽ ꓞꓳ ꓮꓽ ꓟꓬꓹ ꓥꓪ ꓟꓬꓱ ꓟꓯꓻ ꓢꓲ꓾ ꓥꓪ ꓠꓬ ꓙꓲ-ꓢꓴ ꓥ ꓡꓳ꓾ ꓐꓰ ꓐꓯ ꓡ ꓥꓳ꓿ ꓝꓮꓲ ꓠꓬ ꓦꓬꓼ ꓠꓬꓲ ꓛꓲ ꓡꓺꓳ꓾ ꓐꓯ ꓡ ꓥꓳ꓿ꓴ ꓠꓴ ꓪꓽ ꓠꓬ ꓬꓲ ꓪꓽ ꓔꓯ ꓕꓽ ꓛꓳ꓿ 9 ꓢꓰꓼ ꓡꓯꓽ ꓘꓳˍ ꓟ ꓐꓰ ꓢꓴꓺˍ ꓟ ꓓꓳꓽ ꓬꓲ ꓫꓵꓽ ꓬꓲ ꓙꓰ ꓠꓴ ꓪꓽ ꓑ ꓙꓽˍ ꓕꓯ ꓕꓽ ꓙꓳ꓿ ꓮ ꓡꓲꓳ ꓐꓯ ꓠꓬ ꓕꓱ ꓟꓬ ꓙꓰ ꓟ ꓠ ꓧꓶꓸ ꓕꓯ ꓡꓰ ꓒꓬꓱꓼ ꓡ ꓠ ꓗꓹ ꓡꓳ꓿ ꓖꓳ ꓡꓱ ꓥ ꓟꓲ ꓡꓳꓹ ꓬꓰ ꓝꓲꓸ ꓠꓬ ꓞꓼ ꓐꓰ ꓟꓽ ꓛꓲ ꓡ ꓢꓰ꓾ ꓐꓯˍ ꓡꓳ꓿ 

ꓠꓴ ꓪꓽ ꓐꓹ ꓐ ꓟꓹ ꓟ꓾ ꓬꓲꓼ ꓤ ꓠꓬꓲ ꓤ꓾ ꓫꓵꓽ ꓤ ꓧꓪ ꓤˍ ꓐꓰ ꓛꓳꓽ ꓒꓯꓹ ꓐꓴ ꓡꓰ ꓠꓴ ꓪꓽ ꓔꓯ ꓡꓯꓼ ꓙꓱ ꓗꓷ ꓡ ꓥꓳ꓿ ꓕꓲ ꓐꓱ ꓔꓯ ꓠꓬ ꓬꓲ ꓪꓽ ꓡꓰ ꓫꓵꓻ ꓝꓲˍ ꓥꓳ꓿ 17 ꓥꓪ ꓟꓬꓱ ꓪꓴꓸ ꓠꓬꓲ ꓮꓽ ꓙꓵ ꓢꓴ ꓠꓴ ꓪꓽ ꓔꓯ ꓠꓲꓹ ꓜꓳ ꓡ ꓥꓳ꓿ 18 ꓖꓳ ꓡꓱ ꓥ ꓟꓲ ꓠꓴ ꓪꓽ ꓪꓴꓸ ꓞꓱꓻ ꓕꓲ ꓚˍ ꓟꓲ ꓟꓽ ꓒꓲꓼ ꓬꓰ꓿ 19 ꓠꓴ ꓪꓽ ꓜꓲꓽ ꓘꓴꓻˍ ꓠꓬ ꓢꓯꓼ ꓟꓬ ꓟꓶˍ ꓥꓳ꓿ 20 ꓙꓱ-ꓣꓴ-ꓢ-ꓡꓱ ꓔꓯ ꓟꓯꓼ ꓜꓴ ꓡꓰ ꓗꓽ ꓚꓳꓸ ꓔ ꓟ ꓠꓴ ꓪꓽ ꓟꓳꓻˍ ꓕꓯꓽ꓾ ꓙꓱ-ꓣꓴ-ꓢ-ꓡꓱ ꓐꓬꓺ ꓡꓰˍ ꓟ ꓦꓬꓼ ꓠꓬꓲ ꓠꓶꓽ ꓡ ꓟ ꓔꓯ ꓠꓴ ꓪꓽ ꓢꓷꓸ ꓔ꓿

ꓢꓲꓽ ꓫꓬ ꓕꓳ ꓶ ꓗꓪ ꓐꓰ ꓣꓳꓽ ꓔꓯ ꓟ. ꓖꓶˍ ꓡ ꓟ ꓠꓬ ꓦꓬ ꓠꓬꓲ ꓛꓲ ꓡꓺꓳ꓾ ꓡꓳ, ꓬꓰ ꓟ ꓦꓬ ꓠꓬꓲ ꓛꓲ ꓡꓺꓳ ꓐꓰ ꓐꓯ ꓢꓲ ꓡ ꓞꓳ ꓔꓯ ꓟ. ꓔ ꓟ ꓟ. ꓒ ꓐꓴ ꓐꓯ ꓘꓶꓽ ꓔꓯ ꓕꓽ ꓠ, ꓡꓳ ꓠ, ꓟ ꓥ ꓡꓳ꓿ ꓝꓮꓲ ꓟꓽ ꓔꓱ ꓟꓽ ꓜꓳꓼ ꓟ ꓟ. ꓟꓲꓽ ꓚꓺ ꓢꓴ ꓔꓯ ꓕꓽ ꓛꓳ ꓠ, ꓟ ꓟ. ꓖꓶ ꓡ ꓟ ꓥ ꓡꓳ꓿ ꓢꓲꓺ ꓒ ꓬꓰ‐ꓢꓴ ꓡꓰ ꓟ. ꓖꓶ ꓡ ꓟ ꓐꓯ ꓘꓶꓽ ꓔꓯ ꓞꓳ ꓫꓱ ꓢꓲ ꓠꓬꓲ ꓢꓯ. ꓔꓬ ꓟ ꓙꓵ, ꓗꓪ ꓙꓲꓻ ꓟ ꓟꓬꓱꓽ ꓗꓪ ꓣꓳ ꓙ ꓔꓳ ꓙ ꓠ, ꓟ ꓣꓳ ꓔꓯ ꓟ. ꓖꓶ ꓡ ꓡꓳ꓿ ꓣꓳꓽ ꓗꓴꓷꓼ ꓗꓪ ꓒꓬꓱꓼ ꓔꓬ ꓟ ꓗꓴꓷꓼ ꓫꓵꓽ ꓪꓴꓽ ꓐꓰ ꓠꓲ, ꓟ ꓫ. ꓓꓴ ꓚꓱ, ꓮ ꓟꓬ, ꓔꓳ, ꓜꓳꓽ ꓡ ꓥ ꓟꓲ ꓠꓲ, ꓟ ꓟꓽ ꓐꓬ ꓡꓰ ꓢꓲꓺ ꓒ ꓠꓯ ꓗꓪ ꓮ ꓕꓯ ꓥ ꓟꓲ ꓪꓽ ꓘꓴ ꓢꓲ ꓠꓬꓲ ꓙ ꓫꓱ ꓠ, ꓟ ꓢꓯꓼ ꓕꓵꓼ ꓓꓴ ꓬꓰ ꓡꓯ ꓫ. ꓟꓳ꓿