ꓢꓲ ꓒ ꓠꓬ ꓣꓳꓽ ꓔꓯ ꓡꓳ. ꓙ ꓟꓳ ꓙ ꓔꓬ, ꓟ

ꓖꓳ ꓡꓱ ꓥˍ ꓟꓲ ꓮ ꓣꓳ ꓠꓽ ꓖꓳ ꓡꓰ ꓟꓽ ꓥ꓿ ꓮ ꓣꓳ ꓔꓯ ꓬꓲ. ꓙꓵꓽ ꓒ ꓠꓬ ꓡ ꓞꓳ ꓥꓳ꓿ ꓬꓲ. ꓠꓬ ꓬꓲ. ꓢꓯꓼ ꓟꓬꓺ ꓮ ꓙꓵꓽ꓾ ꓬꓲ. ꓢꓯꓼ ꓪ ꓮ ꓙꓵꓽ ꓮ ꓣꓳꓺ ꓡꓳ. ꓒ ꓔꓯ ꓡꓯ ꓙꓱ ꓔꓯ ꓡꓳ꓿

                ꓣꓳꓽ ꓤꓶ ꓥˍ ꓟꓲ ꓮ ꓣꓳ ꓕꓲꓽ ꓟ ꓟ ꓡꓰ ꓐꓰ ꓣꓳꓽ ꓔꓯ ꓙꓳˍ ꓟ ꓮ ꓙꓵꓽ ꓣꓳꓽ ꓔꓯ ꓡꓳ. ꓔꓬ, ꓟ ꓢꓲ ꓒ ꓬꓰ‐ꓢꓴ ꓔꓯ ꓡꓯ ꓙꓱ ꓠ ꓗˍ ꓡꓳ꓿ ꓬꓲ. ꓠꓬ ꓣꓳꓽ ꓔꓯ ꓠꓬꓲ ꓙ ꓡ ꓥꓳ꓿ ꓔ, ꓙ ꓡ ꓥꓳ꓿

                ꓣꓳꓽ  ꓟꓲ ꓠꓯ ꓕꓱ ꓟ ꓗꓪ ꓞꓳ ꓛꓳ ꓔꓬ, ꓟ ꓦꓬꓼ ꓠꓬꓲ ꓗꓪ ꓣꓳꓽ ꓔꓯ ꓣꓳꓽ ꓮ ꓣꓳ ꓡꓳ. ꓒ ꓔꓯ ꓟꓽ ꓡꓳ. ꓠꓬꓲ ꓠꓬꓲ ꓐꓰ ꓠꓱ. ꓐꓯ ꓔꓯ ꓟꓽ ꓡꓳ. ꓠꓬꓲ ꓠ, ꓟ ꓣꓳꓽ ꓙ ꓜꓲꓼ ꓠ, ꓗ, ꓡꓳ꓿

                ꓟꓲ ꓠꓯꓺ ꓕꓱ ꓟ ꓗꓪ ꓠꓬ ꓣꓳꓽ ꓔꓯ ꓗꓶ. ꓢꓴ꓾ ꓣꓳꓽ ꓔꓯ ꓘꓶ. ꓢꓴ꓾ ꓣꓳꓽ ꓔꓯ ꓣꓳꓽ ꓢꓲ ꓒ ꓗꓪ ꓐꓰ ꓧꓶ. ꓙꓰ ꓠ, ꓟ ꓣꓳꓽ ꓔꓯ ꓗꓶ. ꓧꓳꓽ ꓢꓴ ꓮ ꓘꓶ. ꓙꓳ ꓡ ꓡꓳ꓿

                ꓖꓳ ꓡꓱ ꓠꓬꓲ ꓕꓱ ꓟ ꓔꓯ ꓙ ꓜꓲꓼ ꓢꓴ ꓪꓴ‐ꓢ ꓢꓯꓼ ꓓꓵˍ ꓟ ꓢꓲꓽ ꓫꓬ ꓕꓳꓽ ꓶ ꓔꓯ ꓟꓽ ꓠꓽ ꓠꓽ ꓠꓻꓠꓻ ꓠ, ꓟ ꓢꓯꓼ ꓕꓵꓼ ꓙꓰ ꓡꓯ꓿